قارا قوستا ەس ءبىلىپ، جورگەگىندە كىسىلىك كەجىمدەگەنىن ەسەرلىكتىڭ ەرمەگىنە اينالدىرعان يناباتسىز ۇرپاق كىسى كوكتەتپەس كەيۋانالىق تانىتىپ، اۋزىنا تىستەپ باققان اتا-اناسىن وزەككە تەۋىپ، توعىز اي ىشىنە سيعىزعان اناسىن ءۇيىنىڭ بۇرىشىنا سيعىزا الماي، قۇس ەكەش قۇستاي قۇندى عۇمىر كەشە الماي جۇرگەنى عازيز جۇرەكتەرگە مەزگىلسىز مۇڭ تۇندىرادى. ‹‹ءبىر اكە ون بالانى باۋلىپ شىعار، ون بالا ءبىر اكەنى اۋىرسىنار›› دەگەن شەرلى جۇرەكتىڭ شىن سىرى-اۋ مەزگىلسىز مۇڭ تۇنعان. بەيۋاز اتا-انانىڭ بوزداعان ءۇنى جۇرەگىڭە قۇرعاق وكسىك ۇيالاتىپ، جۇگەنسىزدىك جۇرەگىن جۇدەتكەن، اكە مەن شەشە قاي سىرىنا، قاي شىنىنا جانتايار دەپ الاسۇرعان ار جاۋابى، جان جاۋابى جۇرەگىڭدى جانىشتايدى. العاش ءومىر ەسىگىن اشقان ءالسىز، الجۋاز مۇقتاجدىققا ءومىرىمىز تەلىنگەن شاعىمىزدا ءبىزدى كىم اۋىزداندىرىپ، كىم قاز تۇرعىزىپ، كىم ادام ەتتى دەگەنگە سالقىن قاندىلىقپەن مامىلە جاساپ، ماڭگۇرت مىنەز تانىتامىز، ابايلاپ ارتتاعى قالعان ىزىمىزگە ءبىر قارايىقشى، اعىن سۋ ارتىنا قاراي المايدى، ال ءبىز اعىن سۋ ەمەس، ادامبىز…
كىسىلىك تۇرمىستا اردا پەيىل اتا-انانىڭ باعىپ-قاققان ەرشىمدى ەڭبەگىن بيىكتەن باعالاۋ بالاعا پارىز. ىڭگالاعان ۇنىمىز ساۋلەتتى دۇنيەنىڭ نۇرىمەن ارلەنگەن شاقتان باستاپ ەسەيىپ-ەرجەتكەنگە دەيىن عازيز جۇرەگىنە بالا باقىتىن بوي تۇمار ەتكەن اتا-انانىڭ ەڭبەك تەرى مەن جۇرەك قانى شيىرلانعان. اتا-انامىز ءبىزدى باعىپ-قاعۋعا جۇرەك قانىن سارقا جۇمساپ، ەڭبەكشىل قوس قولدارىمەن تىرلىگىمىزدىڭ باقىت تاڭىن جاراتتى، جاستىق عۇمىرلارىن قۇرباندىق ەتىپ، تىرلىگىمىزگە سارا جول اشتى، مەيىرگە تولى عازيز جۇرەكتەرىمەن تۇرمىسىمىزدى ماڭعاز مەيىرىمدىلىك پەن جىلى شۋاققا بولەدى. بۇگىنگى تىرلىگىمىزگە اتا-انامىزدىڭ بىزدەن كۇتكەن ءۇمىتى مەن بالا باقىتىنا ارناعان جۇرەك قانى تامىرلاسىپ جاتادى، سوندىقتان دا ابزال جانداردىڭ اردا ەڭبەگىن بيىكتەن باعالاپ، العىس ايتۋعا مىندەتتىمىز.
قازىرگى قوعامدا كوپتەگەن ادامدار قۇلقىننىڭ قامى ءۇشىن، تۋعان اتا- اناسىن وزەككە تەۋىپ، امانداسۋعا ات باسىن بۇرا المايتىن جۇگەنسىز ۇلمەن جويداقسىز قىز ماڭگۇرتتىك مىنەز تانىتىپ كەلەدى، مۇنداي كەزدە جان جاۋابى، ار جاۋابى جۇرەگىڭدى جانىشتايدى، اتا-انا بالا باقىتى دەپ جارعاق قۇلاعى جاستىققا تيمەي شاش اعارتىپ، جۇيكە جۇقارتقانىمەن، بالاسى باعىپ-قاققان ءۇمىتىن اقتاماسا زور قايعى. سەن شىلىڭگىر ىستىقتا سايالى بايتەرەكتى پانالاعان كەزدە سەنىڭ نۇرلى بولاشاعىڭ ءۇشىن اق تەرگە مالشىنىپ، ەڭبەك ەتكەن اكە قاسيەتى، سەن راحاتقا بولەنىپ تەلەۆيزور كورىپ وتىرعاندا ساعان پوپايكا توقىپ، پوپايكامەن ەمەس، بار جۇرەگىنىڭ جىلۋىمەن جىلىتۋدى كوكسەگەن انا مۇراتى زەردەڭە تۇنىق ادامگەرشىلىك ۇيالاتتى ما ەكەن؟ مۇنداي جاعدايدا اتا-انامىزعا بالالىق سۇيىسپەنشىلىگىمىزدى ءبىلدىرىپ، اتا-انا مۇراتى مەن قۋاتىنا نەگە باس يمەسكە. اتا-انانىڭ باعىپ-قاققان ەرشىمدى ەڭبەگىن بيىكتەن باعالاپ، جاۋاپ قايتارۋ بورىشىمىز.
تىرلىكتە اتا-انامىز ءبىزدى دۇنيەگە اكەلدى ءارى بارلىعىمىزدى جاراتتى، ءبىز شىن جۇرەگىمىزبەن، ادالدىلىقپەن اتا-انامىزدىڭ ماڭداي تەرى مەن جۇرەك قانىن قادىرلەپ، ءۇمىتىن اقتاپ، ولارعا شەكسىز شاتتىق باعىشتاپ، سوڭعى ومىرلەرىن الاڭسىز وتكىزۋلەرىنە شارت-جاعداي ازىرلەۋىمىز قاجەت. ءبىزدىڭ تابىسقا جەتۋىمىزدىڭ ارتقى سۇيەنىشى اتا-انامىز، ءبىز ولاردىڭ ءبىز ءۇشىن ىستەگەن قۇلشىنىستارىنا ريزاشىلىعىمىزدى بىلدىرۋگە ءتيىستىمىز، بۇل ءارقانداي پەرزەنتتىڭ بۇلتارماس بورىشى.
ەڭ اۋەلى، جارقىن ءومىر سيلاعان اتا-اناسىنا وپا كەلتىرمەگەن ادامنان ساناتتى بايلام كۇتۋدىڭ ءوزى تاۋقىمەتتى، اتا-انا قادىرىن ماڭگىلىك مەلوديا ەتكەن زەيىندى ۇرپاق كىسىلىگىنىڭ تامىرى تەرەڭگە بويلايتىنى اقيقات. ايتسە، ەل كەنىشىنىڭ ۇلىلىعى مەن ۇلاعاتىن كىسىلىكپەن تانۋعا وجەتتىك جاساۋ زەردەلى ۇلانداردىڭ ەنشىسىندە…
اۋدارعان-تۇيمەقان يساقان قىزى
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.