ءتىلشىمىز جاڭ پەيچي حابارلايدى. 3 -ايدىڭ 2 -كۇنى ايماقتىق مال شارۋاشىلىعى - مال شيپاگەرلىگى مەكەمەسىنەن ۇعىسۋىمىزشا، 2 –ايدىڭ اياعىنا دەيىن ايماق بويىنشا 765 مىڭ 300 تۇياق ءتول الىنىپ، قاتارعا قوسىلۋ سالىستىرماسى％ 98 كە جەتكەن ەكەن. بيىل ءتول الۋ، ءتولدى قاتارعا قوسۋ قىزمەتىندە ىلگەرگى جىلدارعا قاراعاندا قوزىلاردىڭ قاتارعا قوسىلۋ، ەگىز تولدەۋ سالىستىرماسى جوعارى بولۋداي ەرەكشەلىك جارىققا شىعىپ، ءوندىرىس بەتالىسى الدىڭعى جىلدارداعىدان كورنەكتى جاقسى بولعان.
2 -ايدىڭ 25 -كۇنى تولى اۋدانى كۇپ اۋىلى كۇپ قىستاعىنىڭ تۇرعىنى سەرىكجان جىلى قوراسىندا تولدەگەن ساۋلىقتاردىڭ جەم -ءشوبىن سالۋمەن قاربالاس ءجۇر، جاس قوزىلار قورادا ويناق سالادى.
سەرىكجان 2021 -جىلى دۋحۋ قويى، اۋحۋ قويى، سافىكى قويى سياقتى اسىل تۇقىمدى ساۋلىق قويدان 250 نەشە تۇياق ەنگىزگەن. قازىر 80 نەشە ساۋلىق تولدەپ، قوزىلاردىڭ قاتارعا قوسىلۋ مولشەرى دەرلىكتەي جوعارى بولدى.
جۋىق جىلداردان بەرى ايماعىمىز ورتالىقتىڭ، اۆتونوميالى رايوننىڭ مال شارۋاشىلىعىن جوعارى ساپالى دامىتۋ جونىندەگى تالاپتارىن مۇقيات دايەكتىلەندىرىپ، تياناقتاندىرىپ، اتالىق -ەنەلىگى تۇراقتاندىرىلعان توڭازىتىلعان سپەرمامەن ۇرىقتاندىرۋ تەحنيكاسىن جانە سويىس قوي ءناسىلىن اسىلداندىرۋدى بار كۇشپەن اتقارىپ، كوپ قوزىلايتىن قوي باعىمشىلىعىن بار كۇشپەن جالپىلاستىرىپ، ءبىر ميلليون باس سويىس سيىر باعىمشىلىق بازاسى مەن 10 ميلليون تۇياقتان استام كوپ قوزىلايتىن سويىس قوي باعىمشىلىق باسىمدىعىنا يە رايونىن قۇرۋعا قۇلشىندى.
2 -ايدىڭ 26 -كۇنى مەملەكەتتىك سويىس قوي باعىمشىلىعى جۇيەسى تارباعاتاي جالپىلىق سىناق پۋنكتىنىڭ تىرەكتى تەحنيگى مۇرات سايپەن شاعانتوعاي اۋدانى قارابۋرا اۋىلى قارابۋرا سولتۇستىك قىستاعىنىڭ تۇرعىنى جۋ چيڭشىڭنىڭ وتباسىنا بارىپ، وعان قوزى باعۋ تەحنيكاسىن ۇيرەتتى ءارى ونىڭ ساۋلىق قويلارى مەن قوزىلارىنىڭ كۇي - جايىن ەگجەي – تەگجەيلى تەكسەردى.” ءتول الۋ، ءتولدى قاتارعا قوسۋ مال شارۋاشىلىعىندا بۇقارانىڭ كىرىسىنە ساياتىن ماڭىزدى جۇمىس. ءبىز تەحنيكتەردى قىستاقتارعا جاۋاپتى بولىپ، وتباسىلارىن ارالاۋعا ۇيىمداستىرىپ، ءتول الۋ، ءتولدى قاتارعا قوسۋ قىزمەتىنىڭ ءساتتى جۇرگىزىلۋىن قامتاماسىز ەتتىك“دەدى مۇرات سايپەن.
” تەحنيكتەردىڭ جەتەكشىلىگىندە قوزىلاردىڭ قانداي ىندەتكە وڭاي شالدىعاتىنى، ىندەتتەن ساقتانۋ ءادىسى، قايتكەندە ۇيلەسىمدى باعۋعا بولاتىنى جونىندە تۇسىنىككە يە بولىپ، باعىمشىلىقتى دامىتۋعا بولعان سەنىمىم ارتا ءتۇستى“دەدى جۋ چيڭشىڭ.
ءتول الۋ، ءتولدى قاتارعا قوسۋ قىزمەتى ورىستەتىلگەننەن بەرى، جەر-جەر مال شارۋاشىلىق تەحنيكتەرىن بەلسەنە ۇيىمداستىرىپ، اۋماققا ءبولىپ جاۋاپتاندىرۋ، جاۋاپكەرشىلىكتى ادام باسىنا دەيىن تياناقتاندىرۋ ءتاسىلى ارقىلى اۋىل -قالاشىق، قىستاقتارداعى كولەمدەنگەن باعىمشىلىق الاڭدارى مەن جەكە باعىمشىلاردىڭ قورا-قالتقىلارىنا بارىپ، مالدى قىس قىرىنان، جازعىتۇرىمعى قاراوزەك شاقتان امان وتكىزۋ، ولشەمدى تولدەتۋ، ءتولدى عىلمي باعۋ، ساۋلىق قويدى جەمدەۋ، قورا-قالتقىنى زارارسىزداندىرۋ سياقتىلارعا ناق مايداندا تەحنيكالىق جاقتان جەتەكشىلىك ەتتى جانە قاتىستى بىلىمدەردى ۇگىتتەدى. ەگىنشى - مالشىلاردىڭ مالدىڭ تولدەگەن ورنىن زارارسىزداندىرۋ، جەم -ءشوپ دايىنداۋ، قوزىلاردا ۇنەمى كەزىگەتىن ىندەتتەن ساقتانۋ جانە ەمدەۋ قىزمەتىن ويداعىداي ىستەۋىنە جەتەكشىلىك ەتىپ، ەگىنشى - مالشىلاردى مالدى دەن قويا باعۋعا جەتەكتەپ، جاس تولدەردىڭ قاتارعا قوسىلۋ سالىستىرماسىن جوعارىلاتتى.
سونىمەن بىرگە، تەحنيكتەر تاعى دا ەگىنشى - مالشىلاردىڭ قورا - قالتقى قۇرىلىسىن باسقارۋدى كۇشەيتۋىنە جانە قۇرىلعىلاردى رەمونتتاۋىنا جەتەكشىلىك ەتىپ، سايكەستىرۋ ارقىلى ەگىنشى - مالشىلارعا قارىز اقشا الىپ بەردى ءارى جەم -ءشوپ باعاسى جونىندەگى ينفورماتسيالارمەن دەر كەزىندە قامداپ، ولاردىڭ جەم -ءشوپ ساتىپ الۋىنا قولايلىلىق جاراتىپ، جەم -ءشوپتى جەتكىلىكتى دايىنداۋىنا كەپىلدىك ەتىپ، ولاردىڭ اپاتتان ساقتانۋ، اپات زيانىن ازايتۋ تانىمىن جوعارىلاتتى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى