قوبىقسارى اۋداندىق اۋىل شارۋاشىلىعى، اۋىل -قىستاق مەكەمەسى:
ءتىلشىمىز داي جياۋمەي، ەرىكتى ءتىلشى چيمان وتىنچميك حابارلايدى. “جاپىراقشا سورعىش قۇرتى دەرتىنىڭ قانداي زاردابى بار؟ بۇل دەرتتەن قالاي ساقتانۋعا بولادى...” جۋىقتا قوبىقسارى موڭعۇل اۆتونوميالى اۋدانى تەكپىسۋ اۋىلى ورىستەتكەن اۆتونوميالى رايوننىڭ قىس، كوكتەم ماۋسىمدارىنداعى اۋىل شارۋاشىلىق عىلىم -تەحنيكاسىنا باۋلۋ كۋرسى اۋىلدىق ۇكىمەتتىڭ جيىن زالىندا وتكىزىلدى.
بۇل رەتكى كۋرستى قوبىقسارى اۋداندىق اۋىل شارۋاشىلىعى، اۋىل -قىستاق مەكەمەسى ۇيىمداستىرىپ، شينجياڭ اۋىل شارۋاشىلىق كاسىپتىك -تەحنيكالىق شۋەيۋانى ۇنەمىلىك تاربيە شۋەيۋانى باۋلۋ ءبولىمىنىڭ وقىتۋشىسى چىن حۇڭليڭ مەن اۋداندىق مال شارۋاشىلىعى - مال شيپاگەرلىگى مەكەمەسىنىڭ اعا مال شيپاگەرى نۇرباقىت تۇرىسبەك ۇسىنىسپەن ساباق ءوتتى.
“بۇگىن اۆتونوميالى رايوننىڭ قىس، كوكتەم ماۋسىمدارىنداعى اۋىل شارۋاشىلىق عىلىم -تەحنيكاسىنا باۋلۋ كۋرسىنان جۇقپالى ىندەت، جاپىراقشا سورعىش قۇرتى دەرتىنەن ساقتانۋ جانە ەمدەۋ سياقتى مول بىلىمدەرگە يە بولدىم، الدا ەگىنشى -مالشىلارعا ءتىپتى دە ويداعىداي ۇگىتتەيمىن” دەدى تەكپىسۋ اۋىلى نارىنقوبىق قىستاعى كوميتەتىنىڭ مۇشەسى الا.
تەكپىسۋ اۋىلى ءارقايسى قىستاقتىڭ ”ەكى كوميتەت“ القاسىنىڭ مۇشەلەرىنەن، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتتەرىنىڭ مۇشەلەرىنەن، ەگىنشى -مالشىلاردان 40 نەشە ادامدى كۋرسقا قاتىناسۋعا ۇيىمداستىردى. بەتپە -بەت باۋلۋ جانە ناق مايداندا جەتەكشىلىك ەتۋ تاسىلدەرى ارقىلى جەرگىلىكتى اۋرۋلار مەن ۇنەمى كەزدەسەتىن اۋرۋلاردان ساقتانۋ شارالارىن تۇسىندىرۋمەن بىرگە، ناق مايداندا جەتەكشىلىك ەتىپ، ەگىنشى -مالشىلار نەنى قاجەت ەتسە، سول جاعىنان قىزمەت وتەۋدى؛ قانداي ماسەلە كورنەكتى نە جالپىلىق بولسا، كۇشتى شوعىرلاندىرىپ سول ماسەلەنى شەشىمدەۋدى شىن مانىندە ورىندادى.
ۇلانبۇلا قىستاعىنىڭ تۇرعىنى الما شوقايدىڭ قولىندا 20 نەشە سيىر، 40 نەشە قوي بار، ونىڭ باعىمشىلىق كولەمىن كەڭەيتۋ ويى بار بولعانىمەن، عىلمي باعۋ جانە باسقارۋ تاجىريبەسى كەمشىل بولۋى سەبەپتى قازىرگە دەيىن بۇل ويىن ىسكە اسىرا الماي كەلگەن.
ءار جولعى اۋىلدا، قىستاقتا اشىلعان كۋرستەرگە الما شوقاي بەلسەنە قاتىناسىپ كەلەدى. “بۇگىنگى كۋرستان تاعى دا مول عىلمي باعىمشىلىق تەحنيكاسىن يگەردىم، مەن، ءسوزسىز، جاقسى ۇيرەنىپ، مال باعىمشىلىعى كولەمىن ۇلعايتامىن” دەدى الما شوقاي.
“مەكتەبىمىز اۆتونوميالى رايوننىڭ قىس، كوكتەم ماۋسىمدارىنداعى اۋىل شارۋاشىلىق عىلىم -تەحنيكاسىنا باۋلۋ كۋرسىن اشىپ، ەگىنشى -مالشىلارعا عىلمي جولمەن ەگىن ەگۋ، مال باعۋ سياقتى بىلىمدەردى ءتۇسىندىرىپ، ەگىنشى -مالشىلار نەنى قاجەت ەتسە، سونى دايىنداپ بەرۋدى قۇلشىنا ورىنداپ، اۋىل -قىستاقتى گۇلدەندىرۋدى جەبەۋگە نەگىز قالايمىز” دەدى چىن حۇڭليڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى