ءتىلشىمىز جاڭ پەيچي حابارلايدى. 4-ايدىڭ 16-كۇنى ايماقتىق پارتكوم پارتيا مەكتەبى (ايماقتىق اكىمشىلىك شۋەيۋانى) باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ 2 ـ كەزەكتى ارناۋلى تاقىرىپتىق لەكسياسىن وتكىزىپ، شاۋەشەك كەدەنىنىڭ باسشىلارى مەن كاسىپتىك جاۋاپتىلارىن ساباق وتۋگە ۇسىنىس ەتتى.
وسى رەتكى لەكسيادا سىرتقا باعىتتالعان ەكونوميكانى دامىتۋ نەگىزگى تاقىرىپ ەتىلىپ، باستىسى، شەكارا اتتاعان ەلەكتروندى ساۋدا، كەدەننىڭ ەرەكشە باقىلاۋ-باسقارۋى، يمپورت-ەكسپورت ساۋداسى، شەكارا تۇرعىندارىنىڭ ءوزارا ساۋداسى سياقتى 6 ارناۋلى تاقىرىپ نەگىزەتىلدى. اسا كۇشتى ساياساتتىق، باعىتتامالىلىق جانە جەتەكشىلىك سيپاتقا يە بولىپ، ايماقتىڭ جاڭا دامۋ كەزەڭىن تياناق ەتىپ ايماق ەكونوميكاسىنىڭ جوعارى ساپالى دامۋىن ىلگەرىلەتۋدەگى كاسىپتىك كوزايانى اناعۇرلىم كەڭەيتىپ، ءاردارەجەلى باسشى كادرلاردىڭ جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىنا قىزمەت وتەۋ جانە توعىسۋ قابىلەتى مەن ساپاسىن ءونىمدى جوعارىلاتىپ، ايماق ەكونوميكاسىنىڭ جوعارى ساپالى دامۋىن ىلگەرىلەتۋدى اناعۇرلىم ويداعىداي جوسپارلاۋعا نەگىز قالادى.
شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنا قارجى قوسۋ، قۇرىلىسىن دامىتۋ شەكتى سەرىكتەستىگىنىڭ باس ديرەكتورى شى شيڭحۋا: ”بۇگىنگى ساباق ارقىلى شەكارا اتتاعان ەلەكتروندى ساۋدا جونىندەگى نەگىزگى بىلىمدەردى جان-جاقتىلى ءتۇسىندىم، بۇل ءبىزدىڭ كەلەسى قادامدا شەكارا اتتاعانەلەكتروندى ساۋدا قىزمەتىن ويداعىداي ىستەۋىمىزگە تاماشا جەتەكشىلىك رول اتقارادى. قازىر سەرىكتەستىگىمىزدىڭ شەكارا اتتاعان ەلەكتروندى ساۋداعا الەۋمەتتىك قىزمەت وتەۋ تۇعىرى قۇرىلىپ بولدى، 6-ايدىڭ ورتا، اياق شەنىنەن كەيىن جەلىگە جالعانىپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ شەكارا اتتاعان ەلەكتروندى ساۋدا كاسىبىندە قۋانارلىق ىلگەرىلەۋشىلىك تۋىلادى“.
شاۋەشەك قالالىق شەكارا ەكونوميكالىق سەلبەستىك رايونى دامۋ-رەفورمالاۋ مەكەمەسىنىڭ باستىعى جيا شيڭليڭ: ”بۇگىن سىرتقا باعىتتالعان ەكونوميكانى دامىتۋدى نەگىزگى تاقىرىپ ەتكەن ارناۋلى تاقىرىپتىق لەكسيانى تىڭداۋ ارقىلى يمپورت-ەكسپورت ساۋداسى، شەكارا اتتاعان ەلەكتروندى ساۋدا، شەكارا تۇرعىندارىنىڭ ءوزارا ساۋداسى سياقتى جاقتارداعى بىلىمدەردى ويداعىداي يگەردىم، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ دامۋىمەن ۇشتاستىرىپ، وزىندىك ۇيرەنۋدى ۇزدىكسىز كۇشەيتىپ، قابىلەت-ساپامىزدى جوعارىلاتىپ، سىرتپەن سەلبەسۋ تەبىنىن ارتتىرىپ، سىناق رايونىنىڭ جوعارى ساپالى دامۋىن ۇزدىكسىز ىلگەرىلەتەمىز“ دەدى.
ارناۋلى تاقىرىپتىق لەكسيا تەلەۆيزور ـ تەلەفون ءماجىلىسى فورماسىندا وتكىزىلدى. ايماقتاعى ءتورت باسشىلىق القانىڭ باسشىلارى، ايماقتاعى ەكونوميكالىق تاراۋلاردىڭ (ورىنداردىڭ) باسشىلىق القاسىنىڭ مۇشەلەرى، ايماقتاعى مەملەكەت مەنشىگىندەگى كاسىپورىندار باسشىلىق القاسىنىڭ مۇشەلەرى، قاتىستى كاسىپتىك بولىمدەردىڭ جاۋاپتىلارى نەگىزگى ءماجىلىس زالىندا ماجىلىسكە قاتىناستى. اۋدان-قالالاردا بولىمشە ءماجىلىس زالى ورنالاستىرىلدى.
رەداكتورى : الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى