ەرىكتى تىلشىلەر جياۋ زۋچيڭ، ۋاڭ جيڭپيڭ حابارلايدى. جاسىل القاپ كوكتەم سامالىمەن تەربەلىپ، ەگىس جۇمىسىنىڭ ورايلى ءساتى جەتىپ ۇلگىردى. جۋىقتا ساۋان قالاسى بورتىنكو اۋىلى كەگەنشي الەۋمەتتىك اۋماعىنىڭ كوكتەمگى ەگىس دايىندىعى مايدانىندا حۇڭجي اۋىل شارۋاشىلىق ماشينالارى قىزمەت وتەۋ كاسىپتىك سەلبەستىك كووپەراتيۆىنىڭ شوفەرسىز تراكتورى بەيدوۋ باعدار نۇسقاۋشىنىڭ جول باستاۋىندا جەر جىرتىپ، كوكتەمگى ەگىس ءوندىرىسىنىڭ شىمىلدىعىن اشتى.
كەزەكتە ساۋان قالاسىنىڭ اۋىل شارۋاشىلىعىن جالپىلىق ماشينالاندىرۋ سالىستىرماسى ％97.7 كە جەتىپ، اۋىل شارۋاشىلىعىنىڭ جالپىلىق ءوندىرىس قۋاتى كورنەكتى جوعارىلادى.
حۇڭجي اۋىل شارۋاشىلىق ماشينالارى قىزمەت وتەۋ كاسىپتىك سەلبەستىك كووپەراتيۆىنىڭ القا باستىعى حان بو: ”قازىر پايدالانىپ وتىرعان 500 اتكۇشىندىك 10 ءتىستى سوقا ورناتىلعان تراكتوردىڭ ونىمدىلىگى توتەنشە جوعارى، ءار كۇنى 24 ساعاتتا 1000 مۋ جەردىڭ جۇمىسن ىستەپ، بەيدوۋ باعدار نۇسقاۋشى ارقىلى شوفەرلەردىڭ ەڭبەك كۇشەمەلىلىگىن بارىنشا تومەندەتتى“ دەدى.
- جىلى حۇڭجي اۋىل شارۋاشىلىق ماشينالارى قىزمەت وتەۋ كاسىپتىك سەلبەستىك كووپەراتيۆى قۇرىلعاننان بەرى سەلبەستىك كووپەراتيۆى اۋىل شارۋاشىلىق ماشينالارىنىڭ جابدىقتالۋ ورەسى مەن جۇمىس جۇرگىزۋ، قىزمەت وتەۋ ساپاسىن ۇزدىكسىز جوعارىلاتتى.
اسىرەسە، پارتيا 18ـ قۇرىلتايىنان بەرى ساۋان قالاسى وسى زامانعى اۋىل شارۋاشىلىعىن بەلسەنە دامىتىپ، اۋىل شارۋاشىلىق ماشينالارىن وسىزامانداندىرۋ، زەردەلىلەندىرۋ دەڭگەيىن كورنەكتى جوعارىلاتتى. تەڭ يوندى ءدارى شاشۋ ماشيناسى، زەردەلى دالمە ـءدال تىڭايتقىش بەرۋ ماشيناسى، جاساندى سەرىك باعدار نۇسقاۋىش اۆتوماتتى جۇرگىزۋ جابدىعى سياقتى ءبىر توپ وزىق ماشينالار مەن تەحنيكالار اۋىل شارۋاشىلىق وندىرىسىنە جۇمسالىپ، جوعارى ورەلى ماشينالاندىرۋ ساۋان قالاسىنىڭ وسى زامانعى اۋىل شارۋاشىلىعىنا قوزعاۋشى كۇش قوستى.
حان بو: ”قازىر سەلبەستىك كووپەراتيۆىمىزدەگى ءىرى تۇرپاتتى ماشينالار مەن تۇتاس بارىستاعى ماشينالاسقان قىزمەت وتەۋ ادام كۇشىنە بولعان قاجەتسىنۋ مولشەرىن بىرتىندەپ تومەندەتتى. عىلىم – تەحنيكالىق ءتاسىل ارقىلى ادام كۇشىن ازايتىپ قانا قويماي، وزىندىك قۇندى دا ۇنەمدەپ، ماقتانىڭ ساپاسى مەن ءونىمىن جوعارىلاتتىق، وسى بىرنەشە جىلدا دامۋىمىز تەبىندى بولدى“ دەدى.
قازىرگە دەيىن ساۋان قالاسىندا تراكتور مەن كومبايننان 19 مىڭ 878 ى بار بولىپ، كومباين 667 گە، مۇنىڭ ىشىندە ماقتا جيناۋ ماشيناسى 417 گە جەتكەن.
ساۋان قالالىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى تاڭ شينتاۋ: ”ساۋان قالاسىنىڭ اۋىل شارۋاشىلىعىن ماشينالاندىرۋى جەدەل ارناعا ءتۇسىپ، بۇكىل قالاداعى اۋىل شارۋاشىلىق ماشينالارىنىڭ جالپى قۋاتى 380 مىڭ كيلوۆاتقا جەتىپ، ’12 ـ بەسجىلدىقتىڭ‘ سوڭعى مەزگىلىمەن سالىستىرعاندا ％30 تەن استام ارتتى. قازىر بەيدوۋ، 5G شوفەرسىز اۋىل شارۋاشىلىق ماشينالارى، وسىمدىك قورعاۋ ۇشۋ اپپاراتى سياقتى زەردەلى اۋىل شارۋاشىلىق ماشينالارىنىڭ اۋىل شارۋاشىلىق وندىرىسىندە كەڭىنەن قولدانىلۋىنا ساي، اۋىل شارۋاشىلىق ماشينالارىنىڭ قوعامدانعان قىزمەت وتەۋ كولەمى ءبىر ميلليون 800 مىڭ مۋعا جەتىپ، اۋىل شارۋاشىلىعىن ماشينالاندىرۋ قارىشتاپ دامىپ، ساۋان قالاسىنىڭ استىق حاۋىپسىزدىگىنە كەپىلدىك ەتىپ، شارۋالاردىڭ كىرىسىن ارتتىرۋدى جەبەۋگە پارمەندى تىرەك ازىرلەدى“ دەدى.
رەداكتورى : الماگۇل اقاتبەك قىزى
تورابىمىزدان ماقالا كوشىرەتىن بولساڭ