تىلشىمىز ۋاڭ گاۋشىڭ حابارلايدى. جاقىنعى كۇندەردەن بەرى تولى اۋدانىنىڭ كوكتەمگى ەگىس ءوندىرىسى جۇمىسى جاپپاي باستالدى. تۇقىم سەبۋ ماشينالارىنىڭ گۇرىلدەگەن داۋىسى ءۇمىت اتىزىندا مول ءونىمنىڭ دەرەگىن بيىل تۇتاس اۋدان بويىنشا 80 مىڭ مۋ جەرگە جازدىق ءبيداي ەگۋ جوسپارلانعان. قازىر 24 مىڭ 700 مۋ جەرگە تۇقىم سەبىلىپ بولدى.
كۇپ اۋىلى لاڭگوتەل قىستاعىنىڭ تۇرعىنى داي جينحۋا قىستاق بويىنشا كوكتەمگى تۇقىم سەبۋ جۇمىسىن ەڭ الدىمەن باستادى. ول 13 مىڭ مۋ جەردى كوتەرمەگە الىپ، 4 مىڭ مۋىنا جازدىق ءبيداي ەگە باستاعان.
داي جينحۋا: ”تۇقىم، حيميالىق تىڭايتقىش، سەيالكا دەگەندەردىڭ بارلىعىنا حابارلاسىپ قويدىم. وسىدان بۇرىن اۋىل ۇيىمداستىرعان اتىزدى باپتاپ -باسقارۋ كۋرسىنا قاتىناستىم. تۇقىم سەپكەن كەزدە اۋداندىق اۋىل شارۋاشىلىعى، اۋىل -قىستاق مەكەمەسىنىڭ تەحنيكتەرى اتىز باسىنا كەلىپ جەتەكشىلىك ەتەدى. بيىل مول ءونىم الاتىنىما سەنىمىم كامىل“ دەدى.
بيىل تولى اۋدانى كوكتەمگى ەگىس ءوندىرىسى جۇمىسى بارىسىندا اۋىل شارۋاشىلىعى ماشينالارىن جىلدىق تەكسەرۋ، تەحنيكالىق كۋرس اشۋ سياقتى قىزمەتتەردى بەلسەنە ورىستەتىپ، ”استىق القاپتارىن قورعاۋدى، ەگىستىك جەر بايلىعىنان عىلمي، ۇيلەسىمدى پايدالانۋدى“ شىن مانىندە تياناقتاندىرىپ، استىق حاۋىپسىزدىگىنە شىنايى كەپىلدىك ەتتى.
3-ايدان بەرى اۋداندىق اۋىل شارۋاشىلىعى، اۋىل-قىستاق مەكەمەسى 30 اۋىل شارۋاشىلىق تەحنيك مامانىن ۇيىمداستىرىپ، ءۇنحات توبى، قىستاقتاعى ۇلكەن لابا سياقتىلاردان پايدالانىپ، دەرت-دەربەزدىڭ، زياندى جاندىكتەردىڭ الدىن الۋ، سۋ مەن تىڭايتقىشتى ءبىر تۇلعالاندىرىپ تامشىلاتىپ سۋارۋ تەحنيكاسى سياقتى مازمۇنداردى قامتىعان تەحنيكالىق باۋلۋ كۋرسىن جانە دالمە -ءدال جەتەكشىلىك ەتۋ قىزمەت وتەۋىن 30 مايدان رەت ورىستەتىپ، قولدانىلمالى تەحنيكا جونىندەگى ۇگىت ماتەريالدارى مەن قولدانباسىنان 500 داناسىن تاراتتى.
سونىمەن بىرگە، تۇتاس اۋدانداعى اۋىل شارۋاشىلىق ماتەريالدارىن ساتاتىن توراپ تۇيىندەرىندەگى تۇقىم، ەگىس دارىلەرى، تىڭايتقىش سياقتىلاردىڭ زات ەنگىزۋ-ساتۋ ەسەپ داپتەرىنە، تيجارات ارحيۆىنا جالپىلىق زاڭ اتقارۋ تەكسەرۋىن جۇرگىزىپ، تۇقىم مەن حيميالىق تىڭايتقىشتىڭ ساپاسىنا نارقى ساي بولۋىنا شىنايى كەپىلدىك ەتتى.
قازىرگە دەيىن اۋدان بويىنشا 2469 توننا تۇقىم دايىندالىپ، اۋىل شارۋاشىلىق ماشينالارىنان 1608 ى تەكسەرىپ-رەمونتتالعان، بۇل كوكتەمگى ەگىس جۇمىسىنىڭ قاجەتىن بۇكىلدەي قاناعاتتاندىرا الادى ەكەن.
اۋداندىق اۋىل شارۋاشىلىعى، اۋىل-قىستاق مەكەمەسىنىڭ باستىعى چين يۇڭفىڭ:”ەرتە جوسپارلاپ، ەرتە ورنالاستىرىپ، ەرتە دايىندالۋمەن بىرگە، سوڭىنا ءتۇسىپ قۋزاۋ تەبىنىن ارتتىرىپ، كوكتەمگى تۇقىم سەبۋ جۇمىسىنىڭ ءساتتى، جوعارى ونىمدىلىكپەن ىلگەرىلەۋىن جان -جاقتى قامتاماسىزداندىرامىز“ دەدى.
رەداكتورى : الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى