تىلشىلەرىمىز لي شيا، ۋاڭ چۇنلين حابارلايدى. 4-ايدىڭ 29-كۇنى ايماقتىق پارتكوم ۇلت قىزمەتى ءماجىلىسىن اشىپ، مەملەكەتتىك، اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى ورىندارعا، اۆتونوميالى رايوننىڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات كوللەكتيۆتەرگە، وزات جەكەلەرگە سيلىق تاقتاسىن تاراتتى. ايماقتىق پارتكومنىڭ شۋجيى ۋي جيانگو ماجىلىسكە قاتىناستى ءارى ءسوز سويلەدى.
ۋي جيانگو ايماقتىق پارتكوم مەن اكىمشىلىك مەكەمەسى اتىنان داڭقتى اتاققا يە بولعان وزات كوللەكتيۆتەر مەن وزات جەكەلەردى قىزۋ قۇتتىقتاپ، ايماقتىڭ ۇلتتار ىنتىماعى قىزمەتى شەبىندەگى جولداستارعا، ۇزاق ۋاقىتتان بەرى ايماقتىڭ ۇلتتار ىنتىماعى، العاباسارلىعى ىستەرىنە قولداۋ كورسەتكەن قاتىستى تاراۋلارعا جانە قوعامدىق ءار سالاعا شىنايى العىس ايتتى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تەرەڭ ءتۇسىنىپ، اۆتونوميالى رايوندىق پارتكومنىڭ ورنالاستىرۋى بويىنشا، ۇلت قىزمەتىن جاقسى ىستەۋدەگى جاۋاپكەرشىلىك سەزىم مەن كوكەي تەستىلىك سەزىمدى اناعۇرلىم كۇشەيتۋ كەرەك. ايماقتاعى ءار دارەجەلى، ءارقايسى تاراۋ باس شۋجي شي جينپيڭنىڭ جاڭا داۋىردەگى ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، “ەكىنى تۇراقتاندىرۋدىڭ” شەشۋشى ءمانىن ىشكەرىلەي يگەرىپ،”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتاپ يگەرىپ، ۇلتتاردىڭ كەڭ كولەمدى ارالاسۋىن، ىشتەسۋىن، توعىسۋىن بەلسەنە جەبەۋ كەرەك.
ءماجىلىس مىنالاردى اتاپ كورسەتتى: جاقىنعى جىلداردان بەرى اۆتونوميالى رايوندىق پارتكومنىڭ پارمەندى باسشىلىعىندا، ايماق تۇتاس ايماعىمىزداعى ءار ۇلت كادر -بۇقارانى ىنتىماقتاستىرا باستاپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە -ءدال دايەكتىلەندىرىپ، پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، ءار ۇلت بۇقاراسى تىنىستاس، تاعدىرلاس، جۇرەكتەس بولىپ، جۇڭحۋا ۇلتى بەرەكەلى شاڭىراعىنىڭ، ءبىر نيەتپەن جۇڭگو ارمانىن بىرگە سومداۋدىڭ جاراسىمدىلىق جىرىن اسقاقتاتتى.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ۇلت قىزمەتى ءماجىلىسىنىڭ ورنالاستىرۋلارى بويىنشا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە -ءدال دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ايماقتىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك. ”مەملەكەتتىك ۇلتتار ىنتىماعى، العاباسارلىعىنداعى ۇلگىلى ايماق“ قۇرۋدىڭ جەتىستىكتەرىن بەكەمدەپ، دەڭگەيىن جوعارىلاتىپ، جاڭا داۋىردەگى ايماقتىڭ ۇلت قىزمەتىنىڭ جوعارى ساپالى دامۋىنىڭ جاڭا جاعدايىن كۇش سالا اشۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى زەرتتەۋدى، ءتۇسىندىرۋدى كۇشەيتىپ، ۇگىت -تاربيەنى ۇدايىلاندىرۋ مەحانيزمىن اقاۋسىزداندىرىپ، كەمەلدەندىرىپ، ۇلتتار ىنتىماعى ۇگىت -تاربيەسى قيمىلىن تىڭعىلىقتى ويداعىداي ورىستەتۋ كەرەك. شينجياڭدى مادەنيەتپەن نارلەندىرۋ ينجەنەرياسىن ۇزدىكسىز ىلگەرىلەتىپ، ۇلتتاردىڭ تاڭداۋلى ءداستۇرلى مادەنيەتىنىڭ جالعاسۋىن، قورعالۋىن جانە ءوزارا ۇلگى الىپ توعىسۋىن كۇشەيتىپ، ءار ۇلت بۇقاراسىن يدەيالىق تانىم، رۋحاني اۋەس، تۇرمىس ءتاسىلى جاقتارىنان وسىزاماندانۋعا قاراي قادام تاستاۋعا جەتەكتەۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى سياقتى ءار دارەجەلى، ءار تۇردەگى ۇلتتار ىنتىماعى، العاباسارلىعى جونىندەگى تاربيە قيمىلدارىن ۇزدىكسىز ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. ساياساتتىق شارالاردى ۇزدىكسىز كەمەلدەندىرىپ، ۇلتتار بىرلىكتە ىنتىماقتاسا كۇرەس جاسايتىن، بىرلىكتە كوركەيىپ -گۇلدەنەتىن قوعامدىق ورتانى اناعۇرلىم بەكەمدەۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ وقىتۋىن جانە ۇيرەنۋدى، قولدانۋدى جاپپاي كۇشەيتىپ، مەملەكەتتە ءبىر تۇتاس قولدانىلاتىن ءتىل -جازۋدى جالپىلاستىرۋ، از ۇلت ءتىل -جازۋىن ۇيرەنۋ مەن قولدانۋعا قۇرمەت ەتۋ جانە قامتاماسىز ەتۋ كەرەك. ۇلگىلى ورىن قۇرۋدىڭ جەتىستىگىن ۇزدىكسىز جوعارىلاتىپ، ۇلتتار ىنتىماعى، العاسارلىعى ۇستانىمى مەن جۇڭحۋا ۇلتى ورتاق تۇلعا تانىمىن ءارقايسى تاراۋدا، ءار كاسىپتە، ءار سالادا تولىق ايگىلەپ، ءار ۇلت كادر -بۇقارانىڭ وندىرىسىمەن، تۇرمىسىمەن توعىستىرۋ كەرەك. شينجياڭدى زاڭمەن باسقارۋ ستراتەگياسىن دايەكتىلەندىرىپ، ءار ۇلت بۇقاراسىنىڭ زاڭدى ۇقىق -مۇددەسىن قامتاماسىز ەتىپ، زاڭ الدىندا بارلىق ادام تەڭ بولۋدى شىن مانىندە ورىنداۋ كەرەك. ۇلتتاردىڭ سوتسياليستىك وسىزاماندانۋعا قادام تاستاپ، ورتاق اۋقاتتانۋدى جۇزەگە اسىرۋىن جەبەپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن قۇرۋدى وراي ەتىپ، حالىق تۇرمىسىمەن تىعىز جاناستىرا وتىرىپ ەكونوميكانىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: پارتيانىڭ ۇلت قىزمەتىنە باسشىلىعىن جاپپاي كۇشەيتىپ، ءتۇزىلىس -مەحانيزمدى ۇزدىكسىز كەمەلدەندىرىپ، كادرلار قوسىنى قۇرىلىسىن كۇشەيتىپ، ساياساتتىڭ شەگىن عىلمي يگەرىپ، ايماقتىڭ ۇلت قىزمەتىنىڭ جوعارى ساپالى دامۋىنا پارمەندى ساياسي كەپىلدىك ازىرلەۋ كەرەك. ۇلت قىزمەتىن سايكەستى ىلگەرىلەتۋ ءتۇزىلىس -مەحانيزمىن اقاۋسىزداندىرىپ، كەمەلدەندىرىپ، ۇلت قىزمەتىن ىستەۋگە شەبەر، ادال، پاك، جاۋاپكەرشىلىك ارقالايتىن كادرلار قوسىنىن كۇش سالا قۇرىپ، ۇلت قىزمەتىنىڭ نەگىزگى ساتى نەگىزىن بەكەمدەپ، ۇلتتار ىنتىماعى، العاباسارلىعى ىستەرىن ۇزدىكسىزجاپپاي العا ىلگەرىلەتىپ، پارتيا 20 -قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان ءماجىلىستى باسقاردى.
ءماجىلىس بەينە ەكران فورماسىندا اشىلدى، الميرا ءۋالقان، جۇماعازى قادىربەك، لي يۇڭ، جاڭ ياۋحۋا، جاۋ سۇيفاڭ، كى شۇي، مۇقتار كالىمبەك، چى گوجۇن، جارقىن جاڭبىرباي قاتارلى ايماقتاعى ءتورت باسشىلىق القانىڭ باسشىلارى، ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى، مەملەكەتتىك، اۆتونوميالى رايوندىق ۇلتتار ىنتىماعىنداعى ۇلگىلى ورىنداردىڭ ۋاكىلدەرى، اۆتونوميالى رايوننىڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات كوللەكتيۆتەر مەن وزات جەكەلەردىڭ ۋاكىلدەرى نەگىزگى ءماجىلىس زالىندا ماجىلىسكە قاتىناستى، اۋدان –قالالاردا بولىمشە ءماجىلىس زالى ورنالاستىرىلدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى