شاۋەشەك قالاسى اشىلى اۋىلى روزا گۇلى، شيە، ەۆكومميا سياقتىلاردى ەگىپ
جاسىل كاسىپ سالاسىن دامىتىپ، كىرىستى ارتتىرۋ مەن ورتانى كوركەيتۋدى تەڭ يگەردى
تىلشىلەرىمىز ماقپال مىرزاقان، ۋاڭ تيڭ حابارلايدى. “مىنا ەكى جول قاراڭعىدا ءجۇرىس -تۇرىسىمىزعا ەرەكشە قولايسىز بولاتىن. قازىر جول شىراقتارى جارقىراپ، ءجۇرىس -تۇرىسىمىزعا دا قولايلى بولدى” دەدى شاۋەشەك قالاسى اشىلى داعۇر ۇلتتىق اۋىلى جالعىزاعاش قىستاعىنىڭ تۇرعىنى سۇڭ دانگاۋ قۋانا.
جولدىڭ ەكى جاعالاۋىنداعى شىراقتار ۇزاق جىلدار بويى جوندەلمەگەندىكتەن، قىستاق تۇرعىندارىنىڭ تۇنگى ءجۇرىس -تۇرىسىنا ىقپال جاساپ، كوپتەگەن حاۋىپسىزدىك كومەسكى قاتەرى ساقتالعان. وسىعان قاراتا اۋىلدىق پارتكوم مەن ۇكىمەت 100 مىڭ يۋاننان استام قارجى شىعارىپ، 110 دانا جول شىراعىن ورناتىپ، قونىس ورتاسىن زور دارەجەدە جاقسارتىپ، قىستاق تۇرعىندارىنىڭ القاۋىنا بولەندى.
اشىلى اۋىلدىق پارتكومنىڭ شۋجيى شياڭ رۇڭ: “جاقىنعى جىلداردان بەرى اۋىلىمىز اۋىل شارۋاشىلىعى كاسىپ قۇرىلىمىن رەتتەۋ تەبىنىن كۇشەيتىپ قالماستان، قىستاقتاردى ەرەكشە ەگىمشىلىكتى دامىتۋعا ىنتالاندىرىپ، قىستاق تۇرعىندارىن حالىقتى اۋقاتتاندىراتىن جاسىل كاسىپ سالاسىن دامىتۋعا جەتەكتەپ، قىستاق تۇرعىندارىنىڭ كىرىسىن ارتتىرۋمەن بىرگە، قونىس ورتاسىن دا جاقسارتتى” دەدى.
جالعىزاعاش قىستاعى اۋىلدىق ۇكىمەت تۇرعان ورىننىڭ وڭتۇستىگىندە 12 كيلومەتر جەرگە ورنالاسقان، قالا رايونىنان 10 كيلومەتر قاشىقتىقتا. قىستاقتا جالپى 26 مىڭ 939 مۋ ەگىستىك جەر بار، مۇنىڭ 7101 مۋى يكەمدى باسقارىلاتىن جەر، نەگىزىنەن ءبيداي، جۇگەرى سياقتى داقىلدار ەگىلەدى. 2021-جىلى قىستاقتىڭ كوللەكتيۆ كىرىسى 2 ميلليون 30 مىڭ يۋان بولىپ، جان باسىندىق جىلدىق ورتاشا كىرىسى 18 مىڭ 800 يۋانعا جەتكەن.
جۋىقتا جالعىزاعاش قىستاعى ساۋداگەر شاقىرىپ، قارجى ەنگىزۋ ارقىلى كاسىپورىنداردى قىستاق كوللەكتيۆىمەن سەلبەسىپ زاۆود قۇرۋعا باۋراپ، 1000 مۋ يكەمدى باسقارىلاتىن جەرگە ”روزا گۇلى“ ەرەكشە كاسىپ سالاسى باقشاسىن قۇردى.
بيىل جالعىزاعاش قىستاعى ەرەكشە كاسىپ سالاسىن زور كۇشپەن دامىتىپ، قازىرگە دەيىن 200 مۋ جەرگە نەگىزىنەن جاۋھار ماي سياقتى ەڭلىك بۇيىمدارىن جانە روزا گۇلى ارالاسقان جەمىس قويمالجىڭىن جاساۋعا پايدالانىلاتىن ازىقتىق روزا گۇلىن ەككەن، ءار مۋ جەردەن 3000 يۋاننان استام كىرىس كىرەتىندىگى مەجەلەنىپ وتىر ەكەن.
جالعىزاعاش قىستاعى تاعى 100 مۋ جەرگە شيە جانە المۇرت، 700 مۋ جەرگە جۇڭگوشا دارىلىك ەۆكومميا ەككەن، قازىر باعىپ -باپتاۋ مەزگىلىندە ەكەن. ەرەكشە كاسىپ سالاسى باقشاسىنىڭ جاۋاپتىسى لي چىڭحاۋ قازىرگى بازار باعاسىنا نەگىزدەلگەندە كىرىستى زور دارەجەدە ارتتىرۋعا بولاتىنىن ايتتى.
بۇدان سىرت، قىستاق پارتيا ياچەيكاسى وزىق ەگىمشىلىك تەحنيكاسى مەن سورتتى تۇقىمداردى ەنگىزىپ، 15 مۋ جەرگە سىناق رەتىندە تىعىز الما اعاشىن ەككەن، المانىڭ قازىرگى ءوسۋ جاعدايى كوڭىلدەگىدەي بولعان.
“سىناق رەتىندە ەگىلگەن المادان مول ءونىم الىنسا ءارى زور كۇشپەن جالپىلاستىرىلسا، كىرىستى ارتتىرۋ ماقساتىنا جەتىپ، قىستاق تۇرعىندارىنىڭ كىرىستى ارتتىرىپ، اۋقاتتانۋىنا ءتىپتى دە ويداعىداي سەپتىگىن تيگىزەدى” دەدى جالعىزاعاش قىستاعى پارتيا ياچەيكاسىنىڭ شۋجيى لي گۋانپىڭ.
ۇعىسۋعا قاراعاندا، اشىلى اۋىلى نىسان قارجىسىن بەلسەنە سايكەستىرىپ، كوپتەگەن قىستاق -دۇيدە ەرەكشەلىككە يە جاسىل ەگىمشىلىك، جولداردى اسفالتتاندىرۋ، مادەنيەت الاڭىن سالۋ سياقتى قىزمەتتەردى ورىستەتىپ، جالپى 1800 شارشى مەترلىك جولدى اسفالتتاندىرىپ، ءبىر شاعىن مادەنيەت الاڭىن، سامالدىق، ورىندىق، قوقسىق ساندىعى سياقتى سايكەستى قۇرىلعىلاردى سالىپ، 330 ءتۇپ مويىل، 25 مىڭ ءتۇپ ۇشقات ەگىپ، قىستاق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتقان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى