ساۋان قالاسى سانداۋحىزى قالاشىعىنىڭ تيانشان جولى الەۋمەتتىك اۋماعى:
الەۋمەتتىك اۋماقتاعى كادرلار مەن بۇقارا بىرلىكتە ات سالىسىپ، مەكەندى كورىكتەندىردى
ءتىلشىمىز سۇڭ جيانلياڭ حابارلايدى. مەكەن كوركەيىپ، تۇرعىنداردىڭ كوڭىلى جادىرادى.
بىرنەشە كۇننەن بەرى ساۋان قالاسى سانداۋحىزى قالاشىعى تيانشان جولى الەۋمەتتىك اۋماعى پارتيا ياچەيكاسى مەن قالالىق باس جۇمىسشىلار ۇيىمىنىڭ الەۋمەتتىك اۋماقتا تۇراتىن قىزمەت اترەتى الەۋمەتتىك اۋماق ”ۇلكەن پارتكومىنىڭ“ بايلىقتى بىرىكتىرۋ، كۇش - قۋات ۇيىستىرۋ، بۇقاراعا قىزمەت وتەۋ سىندى وڭىرلەنگەن پارتيا قۇرىلىسى قىزمەتى مەحانيزمىنىڭ باسىمدىعىن تولىق ساۋلەلەندىرىپ، “كوكتەمدە ورتا تازالىعىن شوعىرلى وڭاپ، مەكەندى كورىكتەندىرۋ ارناۋلى قيمىلىن” ورىستەتىپ، قاراستى وڭىردەگى تۇرعىنداردىڭ كوڭىلىن ايرىقشا جادىراتتى.
الەۋمەتتىك اۋماق پارتيا ياچەيكاسىنىڭ شۋجيى، مەڭگەرۋشى شۇي زىچىڭ: ”قاراستىلىعىمىزداعى تيانشان باتىس جولىنىڭ ەكى جاعالاۋىنداعى كونە جاتاعان ۇيلەر شاعىلعاننان كەيىن كوپ جەرلەرىنە قۇرىلىس تۇسپەي، بوس جەرلەر كوپ بولعاندىقتان، توڭىرەگىندەگى تۇرعىندار مەن كاسىپورىندار، ساۋدا ورىندارى تۇرمىستىق، قۇرىلىس قوقسىقتارىن بەتالدى توگىپ، ورتا تازالىعىن ءبۇلدىرىپ، قالانىڭ بەت -بەينەسىنە اۋىر ىقپال جاساپ، الەۋمەتتىك اۋماقتاعى تۇرعىنداردىڭ كۇشتى اڭىسىن قوزعادى“ دەدى.
تۇرعىنداردىڭ اڭىس ەتكەن ماسەلەسىن شەشىمدەۋ ءۇشىن، الەۋمەتتىك اۋماق قاراستى وڭىردەگى 5 مۇشە ورىنمەن 12 نىساندى بىرگە سالۋ كەلىسىمىنە قول قويىسىپ، مىندەتتى ايقىنداپ، جاۋاپكەرشىلىكتى اشالاپ، مۇشە ورىندار 3 ورتا، شاعىن تۇرپاتتى ماشينا جانە 3 اۆتوكولىك شىعارىپ، 20 توننادان استام قوقسىقتى تازالاپ، 8 ورىننىڭ جەرىن تەگىستەسە؛ 80 نەشە پارتيا مۇشەسى مەن كادردى اتتانىسقا كەلتىرىپ، 20 نەشە جەردەگى قۋراعان اعاش بۇتاقتارىن، جابايى ءشوپتى جانە قوقىر-قوقسىقتاردى تازالادى.
مەكەندى كورىكتەندىرۋ قيمىلىن ورىستەتۋ بارىسىندا، قىزمەت اترەتى سايكەستىرۋ، جەتەكشىلىك ەتۋ، قۋزاۋ رولىن تولىق ساۋلەلەندىرىپ، تۇرعىن ءۇي، باۋ -باقشا، ورتا تازالىعىن قورعاۋ سياقتى تاراۋلاردى جۇمىلدىرىپ، 50 نەشە توننا قوقسىقتى تاسىپ، 2.6 كيلومەتر ورمان بەلدەۋىندەگى قۋراعان اعاش بۇتاقتارىن، جابايى ءشوپتى تازالادى.
قىزمەت اترەتىنىڭ باستىعى يۋان جينپىڭ: ”مەكەندى كورىكتەندىرۋ قيمىلىن ورىستەتۋ بارىسىندا، جىبەرگەن ورىن بار كۇشپەن قولداۋ كورسەتىپ، اۆتوموبيل شىعارىپ، ەرىكتى قىزمەت وتەۋ اترەتىن ۇيىمداستىرىپ، بۇقارانىڭ جۇمىسىن بار كۇشپەن ويداعىداي تىندىردى“ دەدى.
الەۋمەتتىك اۋماقتاعى تۇرعىنداردىڭ قوجايىندىق تانىمىن ارتتىرا ءتۇسۋ ءۇشىن، الەۋمەتتىك اۋماق پارتيا ياچەيكاسى مەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى پارتيا مۇشەلەرىنىڭ اۆانگارد ۇلگىلىك رولىن بەلسەنە ساۋلەلەندىرىپ، قاراستى وڭىردەگى پارتيا مۇشەلەرى مەن ەرىكتىلەردەن 30 نەشە ادامدى ۇيىمداستىرىپ، 20 نەشە تۇرعىندى باستاپ، قاراستى ءوڭىردىڭ 30 نەشە جەرىندەگى قوقسىق پەن جابايى ءشوپتى تازالادى.
شۇي زىچىڭ: “الداعى جەردە الەۋمەتتىك اۋماق ‘ۇلكەن پارتكومنىڭ’ بايلىق باسىمدىعىن جالعاستى ساۋلەلەندىرىپ، پارتيا ۇيىمى باسشىلىق ەتكەن نەگىزگى ساتىنىڭ ءوزىن - ءوزى باسقارۋ مەحانيزمىن كەمەلدەندىرىپ، بۇقارانى مازالاعان، ۋايىمداتقان، الاڭداتقان ماسەلەلەردى ويداعىداي شەشۋ بارىسىندا، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتامىز”دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى