ءتىلشىمىز ۋاڭ چۇنلين حابارلايدى. 5 -ايدىڭ 6 ـ كۇنى ايماق ەلەۋلى حاۋىپ -قاتەردەن ساقتانۋ جانە ونى جويۋ قىزمەتى ءماجىلىسىن اشتى. ءماجىلىس 5 ـ ايدىڭ 5 ـ كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحى سياقتىلاردى جەتكىزدى، ۇيرەندى، اۆتونوميالى رايوننىڭ تىنىشتىق قۇرىلىسى جانە حاۋىپ -قاتەردەن ساقتانۋ جانە ونى جويۋ قىزمەتى ءماجىلىسىنىڭ رۋحىن جەتكىزدى، ۇيرەندى، جاعدايعا تالداۋ جاساپ، حاۋىپ - قاتەرگە تۇجىرىم جاساپ، كومەسكى قاتەرلەردى جويىپ، ايماقتىڭ ءار سالاسىنىڭ حاۋىپ -قاتەردەن، كومەسكى قاتەردەن ساقتانۋ جانە ونى جويۋ قىزمەتىنە ورنالاستىرۋ جاسادى. ايماقتىق پارتكومنىڭ شۋجيى ۋي جيانگو ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى باس شۋجي شي جينپيڭ ەلەۋلى حاۋىپ ـ قاتەردەن ساقتانۋ جانە ونى جويۋ قىزمەتىنە وسكەلەڭ ءمان بەرىپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، ەلەۋلى حاۋىپ ـ قاتەردەن ساقتانۋ جانە ونى جويۋ قىزمەتىن ويداعىداي ىستەۋدى تالاي رەت باسا دارىپتەدى. 4 -ايدىڭ 29 -كۇنى اۆتونوميالى رايون تىنىشتىق قۇرىلىسى جانە حاۋىپ -قاتەردەن ساقتانۋ جانە ونى جويۋ قىزمەتى ءماجىلىسىن اشىپ، ”اناعۇرلىم جوعارى دەڭگەيدەگى تىنىش شينجياڭدى جاپپاي قۇرىپ، پارتيا 20 -قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا ازىرلەۋ“ جونىندە ورنالاستىرۋ جاساپ، ءار سالاداعى ەلەۋلى حاۋىپ ـ قاتەردەن، كومەسكى قاتەردەن قاتاڭ ساقتانۋ، ونى ءونىمدى جويۋ جونىندە ايقىن تالاپتاردى ورتاعا قويدى. ايماقتاعى ءار دارەجەلى پارتكومدار، ۇكىمەتتەر جانە قالىڭ پارتيا مۇشەلەرى مەن كادرلار باس شۋجي شي جينپيڭنىڭ ەلەۋلى حاۋىپ ـ قاتەردەن ساقتانۋ جانە ونى جويۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اۆتونوميالى رايوننىڭ تىنىشتىق قۇرىلىسى جانە حاۋىپ -قاتەردەن ساقتانۋ جانە ونى جويۋ قىزمەتى ءماجىلىسىنىڭ ناقتى ورنالاستىرۋ، تالاپتارى بويىنشا ەلەۋلى حاۋىپ -قاتەردەن ساقتانۋ جانە ونى جويۋ ساياسي جاۋاپكەرشىلىگىن تىڭعىلىقتى اتقارىپ، ىندەتتەن ساقتانۋ-تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، الدىن الا ىسكە كىرىسىپ، ىرىقتى شايقاستى ويداعىداي جۇرگىزىپ، پارتيا 20 -قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا ازىرلەۋ كەرەك.
ءماجىلىس مىنالاردى باسا دارىپتەدى: تاكتيكا -شارالاردى ساپالىلاندىرىپ، حاۋىپ ـ قاتەردەن ساقتانۋ جانە ونى جويۋ قابىلەتى مەن دەڭگەيىن جوعارىلاتۋ كەرەك. حاۋىپ -قاتەردى الدىن الا تۇسپالداۋدى، الدىن الا ساقتاندىرۋدى جانە الدىن الا ساقتىق جاتتىعۋىن جاساۋدى كۇشەيتۋ؛ كىشكەنەدەن ساقتانۋعا، ەرتە باستان ساقتانۋعا، ەگجەي -تەگجەيلى ساقتانۋعا تاباندى بولۋ؛ حاۋىپ -قاتەرگە توتەپ بەرۋ مەن ونى جويۋدىڭ رۋحاني جاقتاعى دايىندىعىن، قابىلەت جاعىنداعى دايىندىعىن، قامال الۋ شايقاسى جاعىنداعى دايىندىعىن ويداعىداي ىستەۋ؛ حاۋىپ -قاتەردەن ساقتانۋدا جانە ونى جويۋدا تاريحتاعى مەن قازىرگىنىڭ قاتىناسىن، ءىشىنارالىق پەن جالپى جاعدايدىڭ قاتىناسىن، كوزالداعى مەن ۇزاق بولاشاقتىڭ قاتىناسىن، كورنەۋ مەن كومەسكىنىڭ قاتىناسىن، ۇستىنەن وڭاۋ مەن تۇبىرىنەن وڭاۋدىڭ قاتىناسىن يگەرۋگە، ويداعىداي ءبىر جاقتى ەتۋگە ءمان بەرۋ كەرەك.
ءماجىلىس مىنالاردى تالاپ ەتتى: نازاردى ءتۇيىندى سالالارعا شوعىرلاندىرىپ، ءتۇرلى حاۋىپ ـ قاتەردەن پارمەندى، ءونىمدى ساقتانۋ جانە ونى جويۋ كەرەك. تارباعاتاي ەكونوميكاسىنىڭ جوعارى ساپالى دامۋىنا ىقپال جاسايتىن جانە تۇساۋ بولاتىن حاۋىپ ـ قاتەر مەن كومەسكى كىناراتتاردى تىعىز كوزدەپ، ءتۇيىندى كورنەكتىلەندىرىپ، كەشەندى شارا قولدانىپ، دالمە ـءدال كۇش سالىپ، قوعام ورنىقتىلىعى سالاسىنداعى ەلەۋلى حاۋىپ ـ قاتەر، جاڭا تيپتى ايدارشا ۆيرۋس وكپە قابىنۋ ىندەتىنىڭ ەلەۋلى حاۋىپ ـ قاتەرى، ءوندىرىس حاۋىپسىزدىگى سالاسىنداعى ەلەۋلى حاۋىپ ـ قاتەر، ەكونوميكا سالاسىنداعى ەلەۋلى حاۋىپ ـ قاتەر، ارىز-ارمان سالاسىنداعى ەلەۋلى حاۋىپ ـ قاتەر سياقتى ءار سالاداعى حاۋىپ ـ قاتەرلەردەن شىنايى ساقتانىپ جانە ونى جويىپ، ايماقتىڭ رەفورما، دامۋ، ورنىقتىلىق ىستەرىنىڭ ناقتى ونىمدىلىككە قول جەتكىزۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: جاۋاپكەرشىلىك ارقالاۋدى كۇشەيتىپ، ەلەۋلى حاۋىپ - قاتەردەن ساقتانۋدىڭ جانە ونى جويۋدىڭ قۋاتتى بىرىككەن كۇشىن ۇيىستىرۋ كەرەك. ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتۋ، ناقتىلاندىرۋ؛ ءتۇزىم مەحانيزمىن كەمەلدەندىرىپ، قابىلەتتى جاپپاي جوعارىلاتۋ؛ قۋزاۋ- تەكسەرۋدى قاتايتىپ، قىزمەتتىڭ تياناقتانۋىن مىقتى يگەرىپ، ەكونوميكالىق اينالىمنىڭ ورنىقتى، اقاۋسىز بولۋىنا، قوعامدىق دامۋدىڭ تىنىش، ءتارتىپتى بولۋىنا، ساياسي ورتانىڭ ستيلى پاك، سالتى دۇرىس بولۋىنا شىنايى كەپىلدىك ەتۋ كەرەك.
ماجىلىستە ايماقتىق پارتكومنىڭ مۇشەلەرى وزدەرى جاۋاپتى بولعان سالالاردا ورىن تەۋىپ وتىرعان حاۋىپ -قاتەرلەردى توڭىرەكتەي وتىرىپ ءسوز سويلەدى، اۋداندىق، قالالىق پارتكومداردىڭ شۋجيلەرى اۋدان، قالالاردىڭ حاۋىپ -قاتەردەن ساقتانۋ جانە ونى جويۋ جاعدايىنان مالىمەت بەردى.
ءماجىلىس تاعى باسقا دا ىستەردى اقىلداستى.
ءماجىلىس بەينە ەكران فورماسىندا اشىلدى، ايدىن تولەۋقان، جۋ گاڭ، لي يۇڭ، جاڭ ياۋحۋا، ياڭ ليۋ، جاۋ سۇيفاڭ، كى شۇي، جاڭ ليدۇڭ، مۇقتار كارىمبەك، چى گوجۇن، جارقىن جاڭبىرباي قاتارلى ايماقتاعى ءتورت باسشىلىق القانىڭ باسشىلارى، ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى نەگىزگى ءماجىلىس زالىندا ماجىلىسكە قاتىناستى. ءارقايسى اۋدان، قالادا بولىمشە ءماجىلىس زالى ورنالاستىرىلدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى