تاريحقا ءۇڭىلىپ، وزگەرىستەردى سەزىنىپ، اتا مەكەندى ساياحاتتادى
ساۋان اۋدانىنداعى ءار ۇلت بۇقاراسى تابىستاردى اڭگىمەلەپ، ىنتىماقتى جىرلادى
ءتىلشىمىز زىڭ جاۋمەي حابارلايدى. ” 1-مامىر“ كەزىندە، ساۋان قالاسىنداعى ءار ۇلت كادرلارى مەن بۇقارا ”تاريحقا ءۇڭىلىپ، وزگەرىستەردى سەزىنىپ، اتا مەكەندى ساياحاتتاۋ، تابىستاردى اڭگىمەلەپ، ىنتىماقتى جىرلاۋ“ قيمىلىن ورىستەتىپ، كوپشىلىك ءوزارا احۋال ۇعىسىپ، پىكىر الماستىرىپ، ىنتىماقتى بىرگە جىرلادى.
كونە ساۋان قالاشىعىندا، قالالىق توعىسپالى مەديا ورتالىعىنىڭ توۋگوۋ جاڭا قىستاعىندا تۇراتىن قىزمەت اترەتى تۇرمىستىق بۇيىمداردى الا بارىپ قىستاق تۇرعىندارىنان حال سۇراپ، پارتيانىڭ حالىققا تيىمدىلىك جەتكىزۋ ساياساتتارىن ۇگىتتەدى.
”پارتيا مەن ۇكىمەتتىڭ بىزگە جاساعان قامقورلىعىنا العىس ايتامىن، قىزمەت اترەتىندەگىلەردىڭ ماعان امانداسا كەلگەنىنە راقىمەت. ولاردىڭ قىزمەتىنە قولداۋ كورسەتىپ، قىستاقتىڭ دامۋىنا ءوز ۇلەسىمدى قوسامىن“ دەدى 5 - ايدىڭ 2 - كۇنى توۋگوۋ جاڭا قىستاعىنىڭ 81 جاستاعى تۇرعىنى زەينەپ تۇرسىن.
ليۋماۋۋان قالاشىعىندا، قالالىق 3 -باستاۋىش مەكتەپتىڭ حۋاڭچۇي جاڭا قىستاعىندا تۇراتىن قىزمەت اترەتىنىڭ مۇشەلەرى مەن قىستاق كادرلارى سالەم -ساۋقىتتارىن الا بارىپ، قىستاق تۇرعىندارىمەن مەرەكەنى بىرگە وتكىزدى. كوپشىلىك قىستاق تۇرعىنى تۇردىگۇل يمىننىڭ اۋلاسىندا ”ءماشىراپتىڭ“ تامىلجىعان اۋەنىنە ىلەسە بۇرالا بيگە باستى.
”ماعان امانداسا كەلگەندەرىڭىزگە قاتتى قۋانىپ وتىرمىن، تۋىستار بارعان سايىن ەتەنە بولىپ كەتتىك، جاڭا عانا دۋان -ۋ مەرەكەسىن دە بىرگە تويلايتىن بولىپ ۋادەلەستىك“ دەدى تۇردىگۇل جۇزىنەن باقىت لەبى ەسىپ.
شاڭحۋدي اۋىلىندا، ءارقايسى قىستاقتارداعى قىزمەت اترەتتەرىنىڭ مۇشەلەرى مەن قىستاق كادرلارى شاي، جەمىس - جيدەك، ءسۇت سياقتىلاردى الىپ، 20 نەشە قىستاق تۇرعىنىنىڭ وتباسىنا بارىپ، مەرەكەلىك تىلەكتەرىن جەتكىزدى.
شينچياۋۋان قىستاعىنىڭ 74 جاستاعى تۇرعىنى جين جۇنيىڭ: ”پارتيا مەن مەملەكەتتىڭ ابزال ساياساتىنا راقىمەت، تۇرمىسىمىز بارعان سايىن جاقسارا ءتۇستى. قىزمەت اترەتىنىڭ مۇشەلەرى مەن قىستاق كادرلارى ۇنەمى كەلىپ جۇمىستارىما كومەكتەسىپ، قيىنشىلىعىمدى شەشىپ بەرەدى. جاسىم ەگدەلەپ قالسا دا كۇيىمنىڭ كەلىسىنشە ىستەپ، پارتيا مەن ۇكىمەتتىڭ قامقورلىعىنا العىسىمدى بىلدىرەمىن“ دەدى.
ۇلانۇس قالاشىعىنىڭ جاڭا ءداۋىر وركەنيەتىن امالياتتا ايگىلەۋ ورنى حۋاڭجيالياڭ جاڭا قىستاعىندا” 1-مامىر ەڭبەكشىلەر مەرەكەسىن، 4 -مامىر جاستار مەرەكەسىن قۇتتىقتاۋ جانە ۇلتتار ىنتىماعى بىرلەسكەن دوستىق قيمىلىن“ وتكىزدى، قالالىق وقۋ -اعارتۋ جانە عىلىم -تەحنيكا مەكەمەسىنىڭ قىستاقتا تۇراتىن قىزمەت اترەتىنىڭ مۇشەلەرى مەن جىبەرگەن ورىننىڭ كادرلارى جۇپ قۇراعان 30 تۋىسىن قيمىلعا قاتىناسۋعا ۇسىنىس ەتتى.
قيمىلدا كوپشىلىك قىستاق ۇيىمداستىرعان ورتانى قورعاۋ الەۋمەتتىك يگىلىك ەرىكتىلەر قيمىلىنا بىرگە ات سالىسىپ، قىستاقتى، اۋلالاردى تازالاپ، پارتيا 19 -كەزەكتى ورتالىق كوميتەتى التىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ رۋحىن ۇيرەندى. سونىمەن بىرگە، ءبي، جەكە ءان سياقتى ويىن نومىرلەرىن قويدى. كوپشىلىك اسەم ءان، شات كۇلكى ىشىندە بارىس –كەلىستى كۇشەيتىپ، سۇيىسپەنشىلىكتەرىن تەرەڭدەتتى.
”ءار ۇلت كادر -بۇقاراسى اۋىل -قىستاقتى گۇلدەندىرۋ قىزمەتىنە بەلسەنە ات سالىسىپ، پارتيا 20 - قۇرىلتايىن شاتتىقپەن قارسى الىپ جاتقان ساتتە، ۇلتتار ىنتىماعى بىرلەسكەن دوستىق قيمىلى ارقىلى ءار ۇلت قىستاق تۇرعىندارىنىڭ پارتيانىڭ سوزىنە قۇلاق اسۋ، پارتياعا العىس ايتۋ، پارتياعا ىلەسۋ سەنىمىن اناعۇرلىم بەكەمدەپ، قىستاق دارەجەلى پارتيا ۇيىمىنىڭ جاۋىنگەرلىك قۋاتىن، ۇيىسۋ قۋاتىن، سەنترگە تارتۋ قۋاتىن جوعارىلاتىپ، ’ءۇشتىڭ ءبىر-بىرىنەن ايىرىلا الماۋ‘ يدەياسىن بەرىك ورناتىپ، ۇلتتار ىنتىماعى گۇلىن ونان ارى قۇلپىرتا تۇسەمىز“ دەدى قىستاقتىڭ ءبىرىنشى شۋجيى، قىزمەت اترەتىنىڭ باستىعى جۋ دىڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى