ءتىلشىمىز جاڭ ياڭ حابارلايدى. 5 -ايدىڭ 7-كۇنى ايماق تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋ تەلەۆيزور-تەلەفون ءماجىلىسىن اشتى. ءماجىلىس مەملەكەتتىك جانە اۆتونوميالى رايوننىڭ تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋ تەلەۆيزور-تەلەفون ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، تياناقتاندىردى ءارى ايماقتىڭ تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋ قىزمەتىن ورنالاستىردى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى، ايماقتىق ءوندىرىس حاۋىپسىزدىگى كوميتەتىنىڭ مەڭگەرۋشىسى ايدىن تولەۋقان ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: اۋدان -قالالار ساياسي دەڭگەيدى جوعارىلاتىپ، تۇرعىندار وزدەرى سالعان ۇيلەردىڭ حاۋىپسىزدىك كومەسكى قاتەرلەرىن اداقتاپ تەكسەرۋ، رەتتەۋ -جونگە سالۋ قىزمەتىن ويداعىداي ىستەۋدەگى جاۋاپكەرشىلىك سەزىم مەن كوكەي تەستىلىك سەزىمدى شىنايى كۇشەيتۋ كەرەك. ارناۋلى ارەكەت قىزمەتى جوباسىنىڭ تالاپتارى بويىنشا، تۇرعىن ءۇي، جاراتىلىستىق بايلىق، شۇعىل جاعدايعا توتەپ بەرۋدى باسقارۋ سياقتى كاسىپتىك كۇشتەردى دەرەۋ ورنالاستىرىپ، ءمالى باسقارماسى، الەۋمەتتىك اۋماق سياقتىلارمەن بىرگە ارەكەتتەنىپ، تۇرعىندار وزدەرى سالعان ۇيلەردىڭ حاۋىپسىزدىك كومەسكى قاتەرلەرىن اداقتاپ تەكسەرۋ، رەتتەۋ -جونگە سالۋ قىزمەتىن ورىستەتۋ كەرەك. قالا مەن اۋىلدىڭ تۇيىلىسىندەگى، بيڭتۋان مەن جەرگىلىكتى ورىننىڭ تۇيىلىسىندەگى وڭىرلەردەگى ادامدار شوعىرلى ورىندار مەن تيجارات سيپاتتى ورىنداردى ءتۇيىندى اداقتاپ تەكسەرۋ؛ وندىرىسكە، تيجاراتقا پايدالانىپ وتىرعان، ءوز بەتىنشە وزگەرتىپ، كەڭەيتىپ سالعان، قۇرىلىس ۋاقىتى ۇزارعان ورىندارعا كاسىپتىك تەحنيكالىق شارالاردى قولدانىپ، قۇرىلىستىڭ حاۋىپسىزدىك جاعدايىنا مۇقيات تالداۋ جاساۋ كەرەك. تۇلعالىق قۇرىلىمى بەتالدى وزگەرتىلگەن، كەڭەيتىلگەن،پايدالانۋ ماقساتى وزگەرتىلگەن تۇرعىندار وزدەرى سالعان ۇيلەردى قايتالاي اداقتاپ تەكسەرىپ، قايتالاي رەتتەپ -جونگە سالىپ، كىشى -گىرىم ماسەلەلەردىڭ اۋىر شىرعالاڭعا اينالۋىنان ساقتانۋ كەرەك.
ءماجىلىس مىنالاردى تالاپ ەتتى: اۋدان -قالالار قامتاماسىزداندىرۋ شارالارىن كۇشەيتىپ، ايماقتاعى تۇرعىندار وزدەرى سالعان ۇيلەردىڭ حاۋىپسىزدىك كومەسكى قاتەرلەرىن اداقتاپ تەكسەرۋ، رەتتەۋ -جونگە سالۋ قىزمەتىنەن ناقتى ناتيجە جاراتۋعا شىنايى كەپىلدىك ەتۋ كەرەك. ”پارتيا مەن ۇكىمەت تەڭ جاۋاپتى بولۋ، ءبىر قىزمەت ورنىندا قوس جاۋاپكەرشىلىك ارقالاۋ، بىرلىكتە يگەرىپ ورتاق باسقارۋ، قىزمەتتەن اعاتتىق جىبەرگەندەردىڭ جاۋاپكەرشىلىگىن قۋزاستىرۋ“ جانە ”ءۇش ءسوزسىز“ تالابى بويىنشا، «اۆتونوميالى رايوننىڭ مەملەكەتتىك كەڭەس ءوندىرىس حاۋىپسىزدىگى كوميتەتىنىڭ ءوندىرىس حاۋىپسىزدىگىن اناعۇرلىم كۇشەيتۋدىڭ ‹15تارماقتى قاتاڭ شاراسىن› دايەكتىلەندىرۋ، تياناقتاندىرۋدى اتقارۋ پىكىرىن» قاتاڭ تياناقتاندىرىپ، بەتالدى قۇرىلىس سالۋ، ءۇي قۇرىلىمىن ءبۇلدىرۋ سياقتى ارەكەتتەردى باتىل ءبىر جاقتى ەتىپ، تۇرعىندار وزدەرى سالعان ۇيلەردە ساقتالعان حاۋىپسىزدىك كومەسكى قاتەرى ماسەلەسىن اشكەرەلەۋ ارناسىن اناعۇرلىم ىركىلىسسىزدەندىرىپ، حالىق بۇقاراسىنا وسكەلەڭ جاۋاپتى بولۋ پوزيتسياسىمەن ارناۋلى ارەكەتتى تىڭعىلىقتى ويداعىداي ورىستەتىپ، ايماق ەكونوميكاسىنىڭ جوعارى ساپالى دامۋىنا تاماشا حاۋىپسىز ورتا جاراتۋ كەرەك.
ايماقتىق پارتكومنىڭ مۇشەسى جاڭ ياۋحۋا، ايماققا توتە قاراستى قاتىستى ورىنداردىڭ جاۋاپتى جولداستارى نەگىزگى ءماجىلىس زالىندا ماجىلىسكە قاتىناستى. اۋدان -قالالاردا بولىمشە ءماجىلىس زالى ورنالاستىرىلدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى