ەەڭ جاڭا مازمۇندار
ۇگىت لەكسيا ساناعا ءسىڭىپ، جۇرەككە ۇيالادى
كورىكتى اۋلا قۇردى
جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋ كەرەك
حالىقتىق اۋە قورعانىسى بىلىمدەرى جۇرت كوڭىلىنە ۇيالادى
16-كەزەكتى شينجياڭ تارباعاتاي شاعانتوعاي تاۋ گۇلى مەرەكەسى باستالدى
اپاتتان ساقتانۋ، اپات زيانىن ازايتۋ، اپاتتان قۇتقارۋ تانىمىن جوعارىلاتىپ، شۇعىل جاعدايعا توتەپ بەرۋ، قۇتقارۋ ورەسىن ءوسىردى
ءدوربىلجىن: نىسان قۇرىلىستارى قاۋىرت جۇرىلۋدە
جاڭ يۇيلۇڭ: باقىت گۇلىن قۇلپىرتا ءتۇستى
شيحۋ: ءتۇرلى فورمالارمەن اپاتتان ساقتانۋ، اپات زيانىن ازايتۋ بىلىمدەرىن ۇگىتتەدى
ءورت ءسوندىرۋ - ورتتەن ساقتانۋ، قۇتقارۋ -كومەكتەسۋ بىلىمدەرىن مەكتەپكە جەتكىزدى
وتباسىلارىنان حال سۇراپ، سۇيىسپەنشىلىكتى ارتتىردى
2022-جىلى 5-ايدىڭ 17 -كۇنى 108 ـ سان
”جولاۋشىلاردى حاۋىپسىز جەتكىزۋ مەنىڭ جاۋاپكەرشىلىگىم“
ۋاڭ رۇي: 30 جىل وقىتۋشىلىقپەن شۇعىلدانىپ، شاتتىق پەن باقىت سيلادى
شي جينپيڭ اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە قۇتتىقتاۋ تەلەگرامماسىن جولدادى
150 مىڭ مۋ جەرگە ماقسارى تۇقىمى سىڭىرىلە باستادى
جاستىق كوكتەم شەكسىز ءۇمىت تۋىنداتادى، جاستار كوركەم بولاشاق جاراتادى
5 -اي كىرىسىمەن شارۋالار ءتىپتى دە قاربالاستىققا ءتۇستى
شاعانتوعاي اۋدانى 9 ميلليون 10 مىڭ يۋان شەكارانى گۇلدەندىرىپ، حالىقتى اۋقاتتاندىرۋ نىسان قارجىسىنا يە بولدى
ايماقتىق پارتكومنىڭ نازاريا ۇيرەنۋ وزەكتى گرۋپپاسى 4-رەتكى توپتىق ۇيرەنۋىن وتكىزدى
اكىمشىلىك مەكەمەسى 2022 -جىلعى 11 - رەتكى پارتيا باسشىلىق گرۋپپاسى ءماجىلىسىن اشتى
اپات حاۋىپ -قاتەرىن ازايتىپ، كورىكتى مەكەندى قورعايىق
榜样力量
2022-جىلى 5-ايدىڭ 16-سان 107-سان
2022-جىلى 5-ايدىڭ 14-سان 106-سان
بيىل شينجياڭ تەمىر جولىنىڭ جۇك تاسىمال مولشەرى 72 ميلليون 320 مىڭ تونناعا جەتتى
رايونىمىزدا بيىل 424 مادەنيەت - ساياحات بويىنشا ءتۇيىندى ساۋداگەر شاقىرۋ نىسانى جەلىگە شىعارىلدى
تۇتاس كاسىپ سالاسى تىزبەگى 4500دەن استام ادامدى جۇمىستاندىردى
تولعانىس ساپارى، ۇمتىلىس ساپارى، تابىس ساپارى
كوكتەم سامالى العا جەبەدى

”اقتەرەك رۋحى“ وسىندا بارىنشا اسقاقتاي ءتۇستى

جولدانعان ۋاقىتى : 2022/5/10 17:28:17

ـــ 2022 -جىلعى مەملەكەتتىك جۇمىسشىلار اتويشىسى اتاعىنا يە بولعان مەملەكەتتىك ەلەكتر تورى شاعانتوعاي اۋداندىق ەلەكترمەن قامداۋ سەرىكتەستىگى اقتەرەك ەلەكترمەن قامداۋ پۋنكتى جايىندا
 
□ ءتىلشىمىز ۋاڭ گاۋشىڭ

وتكەن عاسىردىڭ 80 -جىلدارىندا ەل اۋزىنان تۇسپەيتىن ”اقتەرەك“ اتتى ءان اقتەرەك قاراۋىل ورنىنىڭ اتىن بۇكىل ەلگە تانىتتى.

انە سودان باستاپ وسىندا تۇراتىن شەكارا قورعانىس جاۋىنگەرلەرى اسقار تاۋلاردىڭ اراسىندا قاسقايىپ تۇرعان ”اقتەرەك رۋحىمەن“ قيىنشىلىقتان تايسالماي، شەكارانى قاجىرلىلىقپەن كۇزەتەتىن وتانشىلدىق سۇيىسپەنشىلىكتى ايگىلەپ كەلەدى.

ۇزاق جىلداردان بەرى شاعانتوعاي اۋدانىنداعى بۇرىنعى شاعانتوعاي مال فەرماسىنىڭ اقتەرەك ەلەكترمەن قامداۋ پۋنكتىندەگى كادرلار مەن     جۇمىسشى -قىزمەتكەرلەردىڭ “اقتەرەك رۋحىن” جالعاستىرىپ، “اقتەرەك رۋحىن” امالياتتا ايگىلەپ، شەكارا رايونعا قىزمەت وتەپ، ءبىر وڭىرگە جارىق سيلاپ، بۇقارانى يگىلىككە  كەنەلدىرگەن ىزگى ىستەرى جەرگىلىكتى ورىندا اۋىزدان -اۋىزعا تارالدى.

 
جاۋاپكەرشىلىك تايشان تاۋىنان دا سالماقتى

كوگىلدىر اسپان استىندا قاز باۋىر بۇلتتار قالىقتاعان 5 -ايدا اقتەرەك قاراۋىل ورنىنداعى كوككە ۇمسىنعان اق تەرەكتەر، اسكەري ۇلگىدە بويالعان قاراۋىل مۇناراسى مەن كورمە سارايى ايرىقشا ايبىندى كورىنەدى. اقتەرەك قاراۋىل  ورنى شاعانتوعاي اۋدانىنىڭ ”قىزىل ساياحاتىندا“، ءسوزسىز، باراتىن جەرگە اينالىپ، شينجياڭنىڭ ءىشى -سىرتىنان وسى ارانىڭ اتىن ەستىپ  كەلگەن ساياحاتشىلاردىڭ قاراسى ۇزىلمەيتىن بولدى.

ءار جىلعى” 1-مامىر“ ەڭبەكشىلەر مەرەكەسى،” 1-تامىز“ ارميا قۇرۋ مەرەكەسى،” 1-  قازان“ مەملەكەت مەرەكەسى ساياحاتشىلاردىڭ   ەڭ كوپ كەلەتىن كەزى ءارى ەلەكتردەن   پايدالانۋدىڭ قاۋىرت مەزگىلى. ەلەكترمەن قامداۋ پۋنكتىنىڭ باستىعى گى جى -يۋان ۇنەمى قىزمەتتەستەرىن باستاپ ەلەكتر لەنياسىن  شارلاپ، جابدىقتاردى، ەلەكتر ۇلەستىرۋ    ساندىعىن تەكسەرىپ تۇرادى...
“مەرەكە -مەيرام سايىن گى جى –يۋان  قىزمەتتەستەرىمەن بىرگە ەلەكتر جابدىقتارىن جوندەۋگە ارنايى كەلەدى. ءار جولى ەلەكترمەن قامداۋدان كىنارات شىققاندا مەيلى قانداي جاعداي بولسىن، ەلەكترمەن قامداۋ پۋنكتى ەڭ الدىمەن قاراۋىل پۋنكتىنىڭ ەلەكتردەن  پايدالانۋىنا كەپىلدىك ەتەدى. كورمە سارايى  سالىنعاننان بەرى بىردە -ءبىر رەت توك توقتاپ كورمەدى” دەدى اقتەرەك قاراۋىل پۋنكتىندە مونتەرلىك قىزمەتىن قوسىمشا ىستەپ جۇرگەن چى يانسۇڭ.

اقتەرەك ەلەكترمەن قامداۋ پۋنكتى مەملەكەت قورعانىسىنان پايدالاناتىن ەلەكتردى قامتاماسىزداندىرۋدى باستان -اياق ماڭداي الدى ورىنعا قويىپ، وسى ەلەكتر لەنياسىنىڭ اينالىمى جانە كۇتىمدەۋ سياقتى اۋىر مىندەتتى ىرىقتىلىقپەن ۇستىنە الىپ، ۇدايىلانعان اينالىمعا كەپىلدىك ەتۋ، كۇتىمدەۋ مەحانيزمىن ورناتىپ، اي سايىن   بەلگىلەنگەن ۋاقىتتا شارلاۋ جۇرگىزىپ، ماۋسىم سايىن ەلەكتر لەنياسىن ارناۋلى شارلاۋ قىزمەتىن ورىستەتەدى.

ءبىر جىل ىشىندە ەلەكترمەن قامداۋ پۋنكتى ەلەكتر لەنياسىنىڭ حاۋىپسىز، ورنىقتى اينالىمىنا ىقپال جاسايتىن شۇعىل جاعدايدان 80 نەشەسىن ءبىر جايلى ەتىپ، كەرنەۋ وزگەرتكىشىنىڭ  كونەرگەن ەلەكتر سىمدارىنان، بۇزىلعان   كابەلدەن 43 ىن جوندەيدى. قانشاما جىلدار   وتسەدە شەكارا قورعانىسىن ەلەكترمەن قامداۋ لەنياسىندا ەشقانداي ماسەلە تۋىلىپ كورمەدى.

   2021 -جىلى اقتەرەك ەلەكترمەن قامداۋ پۋنكتى قۇرىلعاندىعىنىڭ 20 جىلدىعىندا ەلەكترمەن  قامداۋ پۋنكتى ايگىلى ءانشى يان ۋي -ۋىننىڭ قۇتتىقتاۋ ءسوزىن سويلەپ، القاعان كەسكىنىن تاپسىرىپ الدى. ”ونىڭ نازار اۋدارۋى كوپشىلىكتى ايرىقشا جەلپىندىردى. ءبىز شەكارا وڭىرگە تامىر تارتىپ، ’اقتەرەك رۋحىن‘ۇرپاقتان -ۇرپاققا جالعاستىرىپ، جۇرتشىلىقتى جارىقپەن قامداۋعا كەپىلدىك ەتەمىز“ دەدى  گى جى -يۋان تەبىرەنە.

 
ارميا مەن حالىق بىرلىكتە قۇرىش قورعان سالدى

قازىر اقتەرەك ەلەكترمەن قامداۋ پۋنكتى    شەكارا ءوڭىردى باسقارۋ -مەڭگەرۋگە قاجەتتى ەلەكترمەن قامداۋ مىندەتىن وتەپ، شەكارانىڭ فۋنكتسيالىق ورنالاسۋىن كەمەلدەندىرۋ، عىلىم ـ تەحنيكا ارقىلى شەكارانى گۇلدەندىرۋ مەن    سايكەستى دامۋىن ىلگەرىلەتۋ سىندى ماڭىزدى مىندەتتى ارقالاپ وتىر.

20 جىلدان بەرى  نەشە ءجۇز كيلومەترلىك شەكارا لەنياسى مەن 100 شاقىرىمدىق جەل ءوتى ەلەكترمەن قامداۋ پۋنكتىندەگى كادرلار مەن     جۇمىسشى ـ قىزمەتكەرلەردىڭ قىزمەت وتەپ، ۇلەس قوسۋىنا كۋا بولدى.

“ليان -دۇيلەرگە ەندى عانا ەلەكتر جەتكىزىلگەن كەزدەردە ەلەكترمەن قامداۋ ورنىنداعى قىزمەتكەرلەر ەرەكشە جاپا شەكتى، ولار ەلەكتر لەنياسىن رەمونتتاۋمەن بىرگە، بىزگە تەكسەرۋ -رەمونتتاۋ شەبەرلىگىن دە ۇيرەتتى ءارى ءار كۇنى قاراۋىل ورنىنا ادام ورنالاستىرىپ قىزمەت وتەدى” دەدى چى يانسۇڭ سول كەزدەردى   ەسكە الىپ.

اسكەري بولىمدەردىڭ ەلەكتردەن پايدالانۋىن قامتاماسىز ەتۋدەن تىس، اقتەرەك ەلەكترمەن قامداۋ پۋنكتى اسكەري بولىمدەردەگى مونتەرلەردى تەحنيكالىق جاقتان باۋلۋدى ماڭىزدى قىزمەت رەتىندە مىقتى يگەردى. ءار رەتكى    كومەسكى قاتەرلەردى الاستاۋ بارىسىندا ەلەكترمەن قامداۋ پۋنكتىنىڭ قىزمەتكەرلەرى اسكەري ءبولىمنىڭ مونتەرلەرىن ەرتىپ، ءبىر جاعىنان، ساقتالعان قيىن ماسەلەلەردى شەشىم ەتسە،   ەندى ءبىر جاعىنان، ولارعا قولدانىلمالى  تەحنيكالاردى ۇيرەتتى.

    سونىمەن بىرگە، ءار رەتكى مەرەكە -مەيرامداردا اقتەرەك ەلەكترمەن قامداۋ پۋنكتىنىڭ   قىزمەتكەرلەرى قاراۋىل ورنىنداعى كوماندير -جاۋىنگەرلەردەن حال سۇرادى، جاڭا قىزمەتكەرلەر ەلەكترمەن قامداۋ پۋنكتىنە كەلىپ پراكتيكا   جاساعان كەزدە اقتەرەك قاراۋىل ورنىنا بارىپ اسكەري مادەنيەتتەن ءنار الىپ، اسكەري  كازارمانىڭ تۇرمىسىن سەزىندى. اسكەري   بولىمدەگى جاڭا اسكەرلەر قوسىنعا قاتىناسىپ، ساقا اسكەرلەر قوسىننان شەگىنگەن كەزدە  اقتەرەك ەلەكترمەن قامداۋ پۋنكتىنىڭ قىزمەتكەرلەرى جاۋىنگەرلەرمەن بىرگە اق تەرەكتىڭ     استىندا بىرگە سەرت بەردى. وسىلايشا، ارميا مەن حالىق بىرگە قۇرۋ قيمىلدارى بارىسىندا ەكى جاق ”اقتەرەك رۋحىنا“ بىرگە مۇراگەرلىك ەتتى جانە ونى ساۋلەلەندىردى.

 
قىزمەت وتەۋ ماڭگى جالعاسادى

اقتەرەك ەلەكترمەن قامداۋ پۋنكتى بارلىق   تاۋىنىڭ وڭتۇستىك باۋرايىنا ورنالاسقان، بۇل ارانىڭ قىسى ۇزاق ءارى ىزعارلى كەلەدى. ەلەكترمەن قامداۋ پۋنكتىنىڭ ماڭىنداعى  جولدار قىس بويى بوگەلىپ جاتاتىندىقتان،  اۆتوكولىكتەردىڭ ىركىلىسسىز كىرىپ -شىعۋىنا ىقپال جاسايتىن. ونىڭ ۇستىنە جول الىس، تەكشەلەر بىتىراڭقى ورنالاسقاندىقتان، ەلەكتر لەنياسىن شارلاۋ، جوندەۋ سياقتى قىزمەتتەردى ورىستەتۋ ەرەكشە قيىنعا سوعاتىن.

2021 -جىلى 1 -ايدىڭ 2 -كۇنى بۇرىنعى شاعانتوعاي مال فەرماسى بارداقۇل قىستاعى  شاعىن گرۋپپاسىنىڭ باستىعى باقىتقان اسان  تەلەفوندا قىستاقتا توك توقتاعانىن ايتادى.

گى جى -يۋان بارداقۇل قىستاعىنىڭ جاعدايىنا ابدەن قانىق، بۇل قىستاق تيپتىك مالشىلىق  قىستاققا جاتادى، ەلەكترمەن قامداۋ ورنىنان شامامەن 18 كيلومەتر جەرگە ورنالاسقان. قىس تۇسىسىمەن قاسات قار قىستاقتىڭ جولىن  بوگەپ، اۆتوكولىكتەر كىرە الماي، قىستاق تۇرعىندارى سىرت جەردەن تۇرمىستىق   بۇيىمداردى الۋعا شاراسىز قالاتىن. ەگەر   دەر كەزىندە ەلەكترمەن قامداۋدى قالپىنا      كەلتىرمەسە، قاقاعان ايازدا قىستاق تۇرعىندارىنىڭ  تۇرمىسى اۋىر ىقپالعا ۇشىرايتىن ەدى.

كوپشىلىك جول جاعدايىنا ىشتەي تولىق دايىندىق جاساپ، اۆتوكولىكتىڭ دوڭگەلەگىنە تايعاناۋدان ساقتانۋ شىنجىرىن ورناتقانىمەن،    30 سانتيمەترلىك ومبى قاردا جول بويى ءبىر ءجۇرىپ، ءبىر توقتاپ ارەڭ جىلجىپ وتىردى. 3 ساعاتتان استام ۋاقىت جۇرگەن سوڭ، قىستاق تۇرعىندارىنىڭ تاعاتسىزدانا كۇتۋىندە ولار قىستاققا اقىرى جەتىپ، تەكسەرۋ ارقىلى كەرنەۋ وزگەرتكىشىنىڭ كۇيىپ كەتكەنىن بايقايدى.   وسى كەزدە جاۋىپ تۇرعان قار بارعان سايىن   ۇدەي ءتۇسىپ، گى جى -يۋان قىستاق تۇرعىندارىنا جاعدايدى تۇسىندىرگەن سوڭ، ەلەكترمەن    قامداۋ پۋنكتىنە جاڭا كەرنەۋ وزگەرتكىش الۋعا كەتەدى.

ەرتەسى تاڭەرتەڭ ەلەكترمەن قامداۋ   پۋنكتىنىڭ ەسىگىن اشقان گى جى -يۋان ساسىپ  قالدى. تۇنىمەن جاۋعان قاردىڭ قالىڭدىعى 50 سانتيمەتردەن اسىپ، اۆتوكولىك جۇرە المايتىن دارەجەگە جەتىپتى. دەسەدە باسقا امال تاپپاعان ولار نە بولسادا سىناپ كورۋ بەكىمىنە كەلەدى. الايدا، ءتورت دوڭگەلەگى تەڭ تارتاتىن پيكا    اۆتوكولىگى بىرنەشە ءجۇز مەتر جۇرمەي جاتىپ ومبى قارعا باتىپ قالادى. شاراسى تاۋسىلعان جۇمىسشىلار قىستاق تۇرعىندارىنا تەلەفوندا   جاعدايدى تۇسىندىرەدى.

ەكى ساعاتتان كەيىن، گى جى -يۋان سول ورىنداعى اۋىلدىق ۇكىمەتتەن كەلگەن تەلەفوندى قابىلداپ، ولارعا ءبىر جوعارى ات كۇشىندىك تراكتور تاۋىپ، كومەكتەسۋ ويىنا كەلەدى.  وسىلايشا، جوعارى ات كۇشىندىك تراكتور كەلىپ باتىپ قالعان پيكا اۆتوكولىگىن تارتىپ شىعارادى.

تۇستەن كەيىن ساعات 4 تەن اسا، ولار قىستاققا امان -ەسەن جەتەدى. جابدىقتاردى بولشەكتەپ، كەرنەۋ وزگەرتكىشتى كرانمەن ورناتىپ،   قاراڭعى تۇسەرگە تاياۋ قىستاقتى قايتا جارىقتاندىرادى.

باقىتقان گى جى -يۋاننىڭ قولىن قىسىپ   تۇرىپ:”جاۋعان قالىڭ قاردا سەندەردى   كەلە الماي ما دەپ ويلاعان ەدىم، سەندەرگە كوپتەن -كوپ راقىمەت“ دەدى.

مۇنداي جاعدايلار ەلەكترمەن قامداۋ    پۋنكتىندەگى كادرلار مەن جۇمىسشى - قىزمەتشىلەر جونىنەن العاندا، قالىپتى جاعداي ەدى.  قانشاما رەت داۋىل -نوسەرمەن جاعالاسا   رەمونتتاعاندارىن، قانشاما رەت قارلى بورانداردا  شۇعىل جوندەۋ جۇرگىزگەندەرىن وزدەرى دە      بىلمەيدى... الايدا، بىردە -ءبىر ادام بۇدان    شەگىنشەكتەپ، بىردە -ءبىر ادام بۇعان كەيىمەدى. ويتكەنى ” اقتەرەك رۋحى“  ولاردىڭ بويىندا ماڭگى تاسىپ تۇرعان ەدى. 

”جاپا شەكپەي، راقات جوق“. بيىل 5 -ايدىڭ 1 -كۇنى اقتەرەك ەلەكترمەن قامداۋ پۋنكتى بۇكىل مەملەكەتتىك جۇمىسشىلار اتويشىسى  اتاعىن ەنشىلەيدى. قازىر ولار بۇل اتاعىن  قوزعاۋشى كۇشكە اينالدىرىپ، ”تامىرى تەرەڭ، ءدىڭى بەرىك“ اقتەرەك ىسپەتتى، اۋەلگىسىندەي  شەكارا قورعانىسىن، شەكارانى، شەكارا حالقىن ەلەكترمەن قامداۋعا قىزمەت وتەپ، شىن  پەيىلىمەن ەڭبەك ءسىڭىرىپ، مەملەكەت  ەلەكتر تورابى ماركاسىن وتاننىڭ شەكارا   قورعانىس لەنياسىنا تاڭبالادى.





رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn