□ ءتىلشىمىز داي جياۋمەي
بارلىق تاۋىنىڭ باۋرايىنداعى شاعانتوعاي اۋدانىنىڭ جاڭاجەر اۋىلىنىڭ مەيلى ەگىنجاي باسى، جۇمىس مايدانى، الدە قىستاقتىڭ نەگىزگى تاقىرىپتىق پارتيا كۇنى قيمىلى بولسىن، بارلىق جەرىنەن قاشاندا قاربالاس جۇرگەن ءبىر ادامنىڭ بەينەسىن كورە الاسىز.
ول جاڭاجەر اۋىلدىق پارتكومنىڭ شۋجيى دوۋ چياڭ ەدى. 2019 -جىلى 31 جاستاعى دوۋ چياڭدى ۇيىم جاڭاجەر اۋىلدىق پارتكومنىڭ شۋجيى ەتىپ تاعايىندايدى. جاڭاجەر اۋىلىنا بارعانىنا ءبىر اي ۋاقىت بولماستان، دوۋ چياڭ بۇكىل اۋىلداعى 13 قىستاق - دۇيدى ارالاپ، وتباسىندا ەرەكشە قيىنشىلىعى بار بۇقاراعا، ساقا پارتيا مۇشەلەرىنە، قارت كادرلارعا امانداسا بارادى.
سول كەزدە جاڭاجەر اۋىلى اۋدان بويىنشا كەدەي قىستاعى ەڭ كوپ اۋىل -قالاشىقتاردىڭ ءبىرى ەدى، بۇكىل اۋىلداعى 13 قىستاقتىڭ ىشىندە 6 قىستاق كەدەي قىستاق بولىپ، ارحيۆ تۇرعىزىلىپ كارتچكالاندىرىلعان 641 كەدەي وتباسى، 1935 جان سانى بار ەدى.
”وسىنداي ۇلكەن اۋىلعا ءبىر جاس بالانى اكەلىپ شۋجيعا تاعايىنداعاندا، نە تىندىرا الادى دەيسىڭ؟“ دەگەن سياقتى قىستاق تۇرعىندارىنىڭ كۇدىكتى سوزدەرىنە ەندى عانا مىندەتكە وتىرعان جاس تا جالىندى دوۋ چياڭ ءىش جيمايتىن. ول ءار كۇنى قىستاق -دۇيلەردى ارالاپ، جۇمىسقا تاڭ بوزىنان اتتانىپ، قاس قارايا ورالاتىن. كوپ ۇزاماي دوۋ چياڭنىڭ كۇن تيمەگەن اق ءجۇزى توتىعىپ، اياق كيىمى بالشىققا مالشىنىپ، ناعىز قىستاقتىڭ ادامى بولىپ شىعا كەلەدى.
”اۋىل -قىستاقتىڭ نەگىزدىك قۇرىلعىلارى ءالسىز بولعاندىقتان، شارت -جاعدايى جاقسىلار اۋدان قالاشىعىنا كوشىپ كەتتى“.” وتباسىمىزعا تيەسىلى بىرنەشە مۋ نورمالىق جەرىمىزدى ەككەننەن تىس، نە تىندىرا الامىز“ سياقتى سوزدەردى وتباسىلارىن ارالاپ جاعداي ۇعىسۋ بارىسىندا دوۋ چياڭ ۇنەمى ەستيتىن -دى.
ماسەلەنىڭ قاينارىن تاپقاننان كەيىن، دوۋ چياڭ باسشىلىق القا مۇشەلەرىن، قىستاق”ەكى كوميتەتى“ القاسىنداعىلاردى، اۋقاتتانۋ شەبەرلەرىن سان مارتە ۇيىمداستىرىپ ءماجىلىس اشىپ، ەڭ سوڭىندا الدىمەن قىستاقتى وڭاۋ كەرەك دەگەن ءبىر بەكىمگە كەلەدى.
العا قىستاعى اۋدان قالاشىعىنان 2 كيلومەتر قاشىقتىقتا بولىپ، جاياۋ 20 مينۋتتا جەتۋگە بولادى. ولكە جولى 317 -لەنياسى كەسىپ وتەتىن قىستاقتىڭ قاتىناسى قولايلى. دوۋ چياڭ العا قىستاعىنان باستاپ ىسكە كىرىسسەك، قىستاقتىڭ بەت -بەينەسى جاقسارىپ، ساياحاتشىلار كوبەيىپ، قىستاقتىڭ كىرىسى دە ارتادى دەگەن بەكىمگە كەلەدى.
2020 -جىلدان 2021 -جىلعا دەيىن، دوۋ چياڭ 4 ميلليون 390 مىڭ يۋان، 7 ميلليون 160 مىڭ يۋان نىسان قارجىسىن ىركەس -تىركەس قولعا كەلتىرىپ، العا قىستاعىنا ءتۇستى كەرپىش جاتقىزىپ، جاياۋلار جولىن سالىپ، تەربەلمەلى ورىندىق ورناتتى ءارى قىستاقتىڭ قورعاندارىن ءبىر تۇتاس جوندەدى؛ كۇرە جولدىڭ ەكى جاعالاۋىنداعى تۇرعىندار اۋلاسىن جاڭالاپ، راشەتكا، ءدالىز سالدى؛ 15 حالىقتىق تۇسەلحانا جانە شارۋالار شاتتىعى ساياجايىن سالىپ، ەگىستىك مادەنيەتىن سەزىنۋ رايونىن، گوچاۋ 3D قابىرعا سۋرەت رايونى، ينتەرنەتتە تانىمالى جاسامپازدىق رايونى، ۇيلەنۋ توي كورىنىسىن سۋرەتكە ءتۇسىرۋ رايونى سياقتىلاردى جوبالاپ سالدى.
2020 - جىلى قىستاق تۇرعىنى ليۋ جينفىڭ دوۋ چياڭ جانە قىستاق كادرلارىنىڭ ۇسىنىسىن تىڭداپ، ءۇيىنىڭ 1.8 مۋ اۋلاسىن جاڭالايدى. جاڭادان 20 شارشى مەترلىك ءبي ساحناسىن، 30 شارشى مەترلىك ۇيلەنۋ توي سالتىن وتكىزۋ ساحناسىن، 5 حالىقتىق تۇسەلحانا سالىپ، ”ونەر باسەكەسى ارقىلى جار تابۋ“ ماڭدايشالىعىن ىلەدى. جۇمىس باستاعاننان قازىرگە دەيىن، ول 10 مىڭنان استام ادام رەت ساياحاتشى قابىلداپ، 40 مىڭ يۋاننان استام كىرىس كىرگىزەدى.
ليۋ جينفىڭ: ”پارتيانىڭ جاقسى ساياساتى مەن اۋىل باسشىلارىنىڭ، قىستاق كادرلارىنىڭ جەتەكشىلىگىندە، دوڭگەلەك داۋلەتتى تۇرمىسقا جەتتىم. الداعى جەردە بارىنشا قۇلشىنىپ، ءوزىم اۋقاتتانۋىممەن بىرگە، قىستاق تۇرعىندارىن دا بىرگە اۋقاتتانۋعا باستايمىن“ دەدى.
ساناققا نەگىزدەلگەندە، 2020 -جىلى 7 -ايدان بەرى العا قىستاعى ايماعىمىز ءىشى -سىرتىنان 100 مىڭ ادام رەت ساياحاتشى قابىلداپ، ساياحات كىرىسى 3 ميلليون يۋاننان اسقان. بۇگىنگى كۇنى ينتەرنەتتە تانىمالى قىستاق ــ العا قىستاعىنىڭ اتى شارتاراپقا تارالىپ، كوكتەم، جاز ماۋسىمدارىندا ساياحاتتاپ كەلۋشىلەردىڭ اياعى ۇزىلمەيدى.
سونىمەن بىرگە، دوۋ چياڭ تاعى دا قىستاق -دۇيلەردى كوتەرمەگە العان القا مۇشەلەرى مەن قىساق “ەكى كوميتەتى” باسشىلىق القاسى مۇشەلەرىن تالاي رەت ءبىر اراعا جيناپ، وي جەلىسى جونىندە اقىلداسىپ، ساياساتتى ءتۇسىندىرىپ، ءادىس -امال قاراستىرىپ،”اۋقاتتانعان از ساندىلار كوپشىلىكتى اۋقاتتانۋعا باستاۋ“ شاراسىن اتقارىپ، ەرەكشەلىككە يە باعىمشىلىق، ەگىمشىلىك سياقتىلاردى اتقارادى.
”الدىمە ءبىر دە ەكى قىستاق تۇرعىنىن اۋقاتتاندىرىپ، كوپشىلىككە جەتىستىكتى كورسەتۋ ارقىلى بۇقارانىڭ بەلسەندىلىگىن ارتتىرۋعا بولادى“ دەدى دوۋ چياڭ.
جاڭاجەر سولتۇستىك قىستاعىنىڭ تۇرعىنى حۋ تيانرۇي وتباسىنىڭ تۇرمىسىندا قيىنشىلىق بار ەكەنىن بىلگەننەن كەيىن، دوۋ چياڭ قىستاق ”ەكى كوميتەتى“ القاسىنىڭ مۇشەلەرىمەن كەڭەسىپ، ونى كومەكتەسۋ -سۇيەمەلدەۋ وبيەكتىسى ەتىپ تۇراقتاندىرىپ، ونىڭ دامۋ وي جەلىسىن اشۋىنا كومەكتەسىپ، ەرەكشەلىككە يە باعىمشىلىق سەلبەستىك كووپەراتيۆىن قۇرادى. قازىر حۋ تيانرۇي قىستاقتاعى اۋقاتتانۋدىڭ كوشباسشىسىنا اينالىپ، جىلىنا 100 مىڭ يۋاننان استام كىرىس كىرگىزەدى.
ەڭبەگى باردىڭ ونبەگى بار دەگەندەي، 3 جىلدىق قۇلشىنىس ارقىلى جاڭاجەر اۋىلىندا تۇبەگەيلى وزگەرىس تۋىلدى. 2021 -جىلى 9 -ايدا العا قىستاعى مەملەكەتتىك اۋىل -قىستاقتى جونگە سالۋدان ۇلگى كورسەتەتىن قىستاق -قالاشىق اتاعىنا يە بولسا؛ 2020 -جىلى جاڭاجەر اۋىلى ”ايماقتىق ۇلتتار ىنتىماعىنان ۇلگى كورسەتەتىن ورىن“ داڭقتى اتاعىنا يە بولدى؛ 2021 -جىلى دوۋ چياڭ ”اۆتونوميالى رايوندىق كەدەيلىكتەن ارىلتۋدان قامال الۋداعى وزات جەكە“ بولىپ باعالاندى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى