■ ايماعىمىزداعى ءار ۇلت، ءار سالا جاستارى جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىنىڭ تىكە تاراتىلىمىن تىڭدادى، كوردى
ءتىلشىمىز ۋاڭ چۇنلين، جاڭ پەيچي حابارلايدى. 5 -ايدىڭ 10-كۇنى جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. ايماقتىق وداق كوميتەتى ايماعىمىزداعى شينجياڭ 4 ـ مامىر جاستار مەدالىنىڭ يەگەرلەرى، ايماقتاعى ءار كەزەكتى 4 ـ مامىر جاستار مەدالىنىڭ يەگەرلەرى، جاستار بىرلەستىگىنىڭ مۇشەلەرى، پيونەرلەر اترەتىنىڭ جەتەكشىلەرى، داشۋە وقۋشىلارىنىڭ باتىس بولىككە ەرىكتى قىزمەت وتەۋ جوسپارىنىڭ ەرىكتىلەرى قاتارلى ءار ۇلت، ءار سالا جاستارىن تىكە تاراتىلىمدى تىڭداۋعا، كورۋگە دەر كەزىندە ۇيىمداستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەندى، ءتۇسىندى.
كوپشىلىك باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدىڭ، قىزمەتتىڭ قوزعاۋشى كۇشىنە اينالدىرىپ، سەنىمدى بەكەمدەپ، باتىلدىقپەن اۋىر جۇك ارقالاپ، تارباعاتايدى گۇلدەندىرۋدە تاعى دا تىڭ ناتيجە جاراتاتىندىقتارىن جابال ءبىلدىرىستى.
ايماقتىق وداق كوميتەتى پارتيا باسشىلىق گرۋپپاسىنىڭ مۇشەسى، ورىنباسار شۋجيى جاڭ جى: ”باس شۋجي شي جينپيڭنىڭ ماڭىزدى ءسوزى جاستار قىزمەتىنە وسكەلەڭ ءمان بەرگەندىگىن ايگىلەپ، كوممۋنيستىك جاستار وداعى ۇيىمىنىڭ جاستار قىزمەتىنە ايقىن بەتالىس كورسەتىپ، جاڭا تالاپتار قويىپ، مەنى ايرىقشا جەلپىندىردى. الداعى جەردە ‘پارتيادا ۇندەۋ بولسا، وداقتا ارەكەت بولۋ’سىندى تاڭداۋلى ءداستۇردى ۇزدىكسىز ساۋلەلەندىرىپ، پارتيانىڭ جاستارمەن بايلانىس جاساۋىنداعى كوپىرلىك جانە دانەكەرلىك رولدى ويداعىداي ساۋلەلەندىرىپ، جاستاردى پارتيانىڭ وزەكتى مىندەتىن ورىنداۋ ءۇشىن بىرلىكتە كۇرەس جۇرگىزۋگە ۇيىمداستىرۋ، جۇمىلدىرۋ كەلەلى جاۋاپكەرشىلىگىن ارقالاپ، ايماقتاعى ءار ۇلت جاستارىن ەكونوميكالىق قۇرىلىستىڭ نەگىزگى شايقاس مايدانى، قوعامدىق قۇرىلىستىڭ جاڭا سالاسى سياقتى نەگىزگى ساتىنىڭ امالياتتىق دومنا پەشىنە قۇلشىنا ات سالىسۋعا ىنتىماقتاستىرىپ جانە باستاپ، كۇرەس جۇرگىزۋ ارقىلى ءداۋىردىڭ، حالىقتىڭ، قوعامنىڭ ءۇمىتىن اقتايتىن جاستىق جىرىن اسقاقتاتامىز“ دەدى.
داشۋە وقۋشىلارىنىڭ باتىس بولىككە ەرىكتى قىزمەت وتەۋ جوسپارىنىڭ ەرىكتىسى لي جى -ۋي:”جاڭا داۋىردەگى كوممۋنيستىك جاستار وداعىنىڭ مۇشەسى رەتىندە، ءسوز جوق، باس شۋجي شي جينپيڭنىڭ ماڭىزدى ءسوزىن مۇقيات ۇيرەنۋىم، ءتۇسىنۋىم كەرەك. الداعى جەردە نەگىزگى ساتىعا ۇزدىكسىز تامىر تارتىپ، ءار ۇلت بۇقاراسىنا قىزمەت وتەپ، ۇيىمنىڭ بىزگە دەگەن سەنىمىن اقتاپ، جاستىق كوكتەمىمدى وتانىمىزدىڭ باتىس بولەگىندە شۇعىلا شاشتىرامىن“ دەدى.
مەملەكەت ەلەكتر تورى تارباعاتاي ەلەكترمەن قامداۋ سەرىكتەستىگى پارتكومى پارتيا قۇرىلىسى ءبولىمىنىڭ ورىنباسار مەڭگەرۋشىسى، وداق كوميتەتىنىڭ شۋجيى جاۋ شوۋچاۋ: ”باس شۋجي شي جينپيڭنىڭ ماڭىزدى ءسوزىن تىڭداپ ايرىقشا شابىت الدىم، جاڭا داۋىردەگى ەلەكتر قۋاتى كاسىپورىنىنىڭ جاس قىزمەتكەرى رەتىندە، پارتيا مەن مەملەكەت ىستەرىنىڭ كەلەلى جاعدايىنا قىزمەت وتەۋدى نەگىزگى جاۋاپكەرشىلىك ەتىپ، ’ەلەكتر قۋاتىمەن قامداۋدىڭ اتويشىسى بولىپ، پارتيا مەن بۇقارانىڭ تىلەگىن توعىستىرۋ‘ سىندى قىزمەت وتەۋ امالياتى بارىسىندا، وتباسى وتان سۇيىسپەنشىلىگىمدى كۇشەيتىپ، باتىلدىقپەن ۇلەس قوسىپ، ءىس جۇزىندىك ارەكەتىم ارقىلى پارتيا 20 ـ قۇرىلتايىنىڭ جەڭىسپەن اشىلۋىن قارسى الامىن“ دەدى.
ايماقتىق ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ تارماق اترەتى وداق كوميتەتىنىڭ ورىنباسار شۋجيى ۋ حۇڭليڭ: ”قاي جەردە قيىنشىلىق بولسا، سول جەردە وداق تۋى جەلبىرەيدى، قاي جەر قاجەت ەتسە، وداق مۇشەلەرى مەن جاستار سول جەردە دايىن بولادى. ولار ءوز قىزمەت ورىندارىندا قۇلشىنا كۇرەس جۇرگىزىپ، ناعىز ونەرگە جاتتىعىپ، ىرىقتىلىقپەن ءىس تىندىرىپ، باتىلدىقپەن اۋىر جۇك ارقالاپ، حالىقتىڭ باس اماندىعى مەن مال ـ مۇلكىنىڭ حاۋىپسىزدىگىن قورعايدى“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى