ءتىلشىمىز جاڭ ياڭ حابارلايدى. 6 -ايدىڭ 8 -كۇنى ايماق جايلىم ەكولوگياسىن قورعاۋدى بەينە ەكران ارقىلى ورنالاستىرۋ ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان ماجىلىسكە قاتىناستى ءارى ءسوز سويلەدى.
ءماجىلىس اۋدان -قالالاردىڭ، قاتىستى تاراۋلاردىڭ جايلىم ەكولوگياسىن قورعاۋ، جايلىم مەن مالدىڭ تەپە ـ تەڭدىگىن ساقتاۋ جانە جايىلىمدى تىنىقتىرۋ سياقتى قىزمەتتەردىڭ ورىستەتىلۋ جاعدايى جونىندەگى مالىمەتىن تىڭدادى.
ءماجىلىس مىنالاردى باسا دارىپتەدى: اۋدان -قالالار، تاراۋلار وسكەلەڭ ءمان بەرىپ، ساياسي دەڭگەيدى اناعۇرلىم جوعارىلاتىپ، جايلىم ەكولوگياسىن قورعاۋداعى نەگىزگى تۇلعالىق جاۋاپكەرشىلىكتى جاپپاي تياناقتاندىرىپ، جاۋاپكەرشىلىك ارقالاۋدى كۇشەيتىپ، كۇش بىرىكتىرە وتىرىپ ىلگەرىلەتىپ، ەكولوگيالىق ورتا دەڭگەيىن جاپپاي جوعارىلاتىپ، ەكونوميكانىڭ جوعارى ساپالى دامۋىن جەبەۋ كەرەك.
ءماجىلىس مىنالاردى تالاپ ەتتى: جايىلىمدى تىنىقتىرۋ جانە جايلىم مەن مالدىڭ تەپە -تەڭدىگىن ساقتاۋ مىندەتىن ساتىلار بويىنشا جىكتەپ، وتباسى بويىنشا ءىس جۇزىندىك مال سيىمدىلىعى ساناق قىزمەتىن ويداعىداي ىستەپ، تۇياق كەستى بولعان جايىلىمداردىڭ مال سانىن ازايتۋ جوباسىن بەلگىلەپ، كۇش سالا سايكەسىپ، جايىلىمدى تىنىقتىرۋ جانە جايلىم مەن مالدىڭ تەپە -تەڭدىگىن ساقتاۋ قىزمەتىنىڭ تياناقتانۋىن سايكەستى ىلگەرىلەتۋ؛ جايلىم زاڭ اتقارۋ قىزمەتكەرلەرىن باۋلۋ تەبىنىنە باسا ءمان بەرىپ، جايىلىمدى تىنىقتىرۋ جانە جايلىم مەن مالدىڭ تەپە -تەڭدىگىن ساقتاۋ ءتۇزىمىن قىستاق قاعيداسى، تۇرعىندار كەلىسىمىنە ەنگىزىپ، جايىلىمعا قاراي مال سانىن بەلگىلەۋ، جايلىم مەن مالدىڭ يكەمدى تەپە - تەڭدىگىن باسقارۋدى ۇدايىلاندىرۋ شارالارىن اتقارىپ، جايلىم ەكولوگياسىن قورعاۋ نىساندارىن جوبالاۋ جانە دايىندىق قىزمەتىن كۇشەيتىپ، جايىلىمدى قالپىنا كەلتىرۋ، جونگە سالۋ تەبىنىن ارتتىرىپ، جايلىم مال شارۋاشىلىعىنىڭ دامۋ تاسىلىنە بەلسەنە بۇرىلىس جاساپ، ەرەكشە باسىمدىققا يە كاسىپ سالالارىن كۇش سالا جەتىلدىرىپ، ”مال شارۋاشىلىعىن گۇلدەندىرىپ، اۋىل شارۋاشىلىعىنا دەم بەرۋ“قىزمەتىن ىلگەرىلەتۋ؛ ءتۇرلى اقپارات قۇرالدارى مەن تەكشەلەردەن تولىق پايدالانىپ، ەگىنشى - مالشىلار قۋانا قارسى الاتىن ۇگىت تاسىلدەرى ارقىلى ەگىنشى - مالشىلارعا جانە قوعامنىڭ ءار سالاسىنا جايىلىمدى تىنىقتىرۋ جانە جايلىم مەن مالدىڭ تەپە - تەڭدىگىن ساقتاۋ سياقتى جايىلىمدى قورعاۋ ساياساتىن بەلسەنە ۇگىتتەپ، بۇقارانىڭ تانىم ورەسىن ۇزدىكسىز جوعارىلاتىپ، جايلىم ەكولوگياسىن قورعاۋ، قالپىنا كەلتىرۋ قىزمەتىندە ناقتى ونىمدىلىككە قول جەتكىزۋگە كەپىلدىك ەتىپ، پارتيا 20 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
ايماق باسشىلارىنان بي حاي، تولقىن تولەگەن، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى، اۋدان - قالالاردا بولىمشە ءماجىلىس زالى ورنالاستىرىلدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى