ءتىلشىمىز جاڭ ياڭ حابارلايدى. 6 - ايدىڭ 10 - كۇنى اكىمشىلىك مەكەمەسى 2022 - جىلعى 11 - رەتكى ۋاليلەر قىزمەت ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان ءماجىلىستى باسقاردى ءارى ءسوز سويلەدى.
ءماجىلىس «تارباعاتاي ايماعىنىڭ شارۋاشىلىق - ساۋدا ورتاسىن ساپالىلاندىرۋدى اتقارۋ پىكىرى»، «تارباعاتاي ايماعىنىڭ ساۋدا كاسىپورىندارىنىڭ جوعارى ساپالى دامۋىن ىلگەرىلەتۋ قىزمەتىن اتقارۋ جوباسى»، «تارباعاتاي ايماعىنىڭ 2022 - جىلعى ساۋدا تۇتىنۋىن جەبەۋ قيمىلى قىزمەت جوباسى» سياقتىلاردى اقىلداستى جانە تالقىلادى.
ءماجىلىس مىنالاردى تالاپ ەتتى: اۋدان - قالالار، تاراۋلار شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن قۇرۋ كەلەلى تاريحي ورايىن مىقتى يگەرىپ، ” تومەنگە بەرۋ، باسقارۋ، قىزمەت وتەۋ“ نەگىزگى جەلىسىن ارقاۋ ەتىپ، نىسانداردى تەكسەرىپ بەكىتۋدىڭ” جاسىل ارناسىن“ ۇزدىكسىز كەمەلدەندىرىپ، ءبىر جاقتى ەتۋ بۋىندارىن ساپالىلاندىرىپ، ۇكىمەت ىستەرى ينفورماتسيا جۇيەسىن بىرىكتىرىپ ورتاق يگىلىكتەنۋدى ىلگەرىلەتىپ، جەلىدەگى اكىمشىلىك قىزمەت وتەۋ ىستەرىن ” ءبىر جەلىدە ءبىر تۇتاس ءبىتىرۋدى“ جاپپاي اتقارۋ؛ ساۋدا كاسىپورىندارىنىڭ جاي - جاپسارىن جان -جاقتىلى ۇعىسىپ، جاعدايدىڭ انىق - قانىعىنا كوز جەتكىزىپ، دامۋ كومەسكى كۇشى جانە باۋلۋ نەگىزى بار ساۋدا كاسىپورىندارىن ءتۇيىندى تۇردە باۋلىپ، كاسىپورىندارعا سوڭىنا ءتۇسىپ قىزمەت وتەۋ تەبىنىن ارتتىرىپ، كاسىپورىنداردىڭ تيجارات جاعدايىن دەر كەزىندە يەلەپ، كاسىپورىنداردىڭ ساقتالىپ وتىرعان قيىنشىلىقتارى مەن ماسەلەلەرىن شەشۋ جانە سايكەستىرۋ؛ تۇتىنۋدى جەبەۋ ءتۇزىلىس - مەحانيزمىن كەمەلدەندىرۋدى جەدەلدەتىپ، حالىققا قولايلى تۇتىنۋعا قىزمەت وتەۋ قۇرىلعىلارىن كەمەلدەندىرىپ، ىرىقتى قىزمەت وتەۋ تانىمىن كۇشەيتىپ، بازاردىڭ ومىرشەڭدىك كۇشىن ۇزدىكسىز قاۋلاتىپ، ايماق ەكونوميكاسىن جانداندىرىپ، مادەنيەت -ساياحاتتىق تۇتىنۋدى ىلگەرىلەتىپ، تارباعاتايدىڭ ساياحات ماركاسىن بارىنشا ۇگىتتەۋ؛ جاڭا داۋىردەگى ايەلدەر مەن بالالار قىزمەتىن جاقسى ىستەۋدەگى جاۋاپكەرشىلىك سەزىم مەن بورىشتىلىق سەزىمدى ۇزدىكسىز كۇشەيتىپ، ايەلدەر مەن بالالاردىڭ زاڭدى ۇقىق - مۇددەسىن قورعاۋدى حالىق تۇرمىسىنا تيىمدىلىك جەتكىزۋ، ورنىقتىلىقتى ساقتاۋ سياقتىلاردىڭ پارمەندى شاراسى رەتىندە قاراپ، وي جۇگىرتۋدى كۇشەيتىپ، نىسانانى باعدار ەتۋدەن جازباي، ايەلدەر مەن بالالاردىڭ ءوندىرىس، تۇرمىسىنا تىعىز قاتىستى زاڭ - ەرەجەلەردى ءتۇيىندى تۇردە ءتۇسىندىرىپ، ايەلدەر مەن بالالار ىستەرىنىڭ اقاۋسىز دامۋىن ىلگەرىلەتۋ كەرەك.
ايماق باسشىلارىنان شۋە گۇيچياڭ، ۋاڭ شينجۇن، الي، تولقىن تولەگەن، ىسكاندىر قيۋم، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى