ەەڭ جاڭا مازمۇندار
2019- جىلى 9-ايدىڭ 20-كۇنى 218-سان
جۇڭحۋا حالىق رەسپۋبليكاسى ءتوراعاسىنىڭ بۇيرىعى
مەملەكەت ءتوراعاسى شي جينپيڭ ءتوراعا بۇيرىعىنا قول قويدى
نەگىزگى ارقاۋدى كورنەكتىلەندىرىپ، رەتتەۋ-تۇزەتۋگە كىرىسىپ، ناقتى ونىمدىلىگىنە ءمان بەردى
شىنياڭنىڭ اۋىز قۋىسى اۋرۋلارى ماماندارى شاۋەشەككە كەلدى
مادەنيەت-دەنە تاربيە ىستەرى كوركەيە ءتۇستى
تۇرمىسىمىز بارعان سايىن جاقسارا ءتۇستى
شاعانتوعاي: قارجى ۇسىنىلىمىن ارتتىرىپ، ساياحاتتىڭ نەگىزىن بەكەمدەدى
دوستىق داۋرەن رەستورانىنىڭ قاقتامالارى مەن ءدامدى تاعامدارى
2019-جىلى 9-ايدىڭ 19-كۇنى 217-سان
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «ۇشتە ۇلگى» بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن،حاۋىپسىزدىك سەزىمىن جوعارىلاتۋ كەرەك
ايماعىمىز جاراسىمدى، ەكولوگياسى كوركەم، قونىستانۋعا جايلى ورتا جاراتۋعا كۇش سالدى
تەرەڭدەي ۇيرەنىپ، ەگجەي-تەگجەيلى ۇعىنىپ، دەن قويا سالىستىرىپ، شىنايى ىستەدى
سوتسياليستىك وزگەرىس جاساۋدىڭ ورىندالۋى
جۇڭحۋا ۇلتىنىڭ ۇلى شاڭىراعى
جۇڭگونىڭ ءوز جولى جونىندەگى تولعانىس جانە ىزدەنىس
شۇعىلالى مادەنيەتتى ايگىلەپ، وتانعا دەگەن سۇيىسپەنشىلىكتى ءبىلدىردى
مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شيحۋ سىراسى ءوندىرىستى قاربالاس جۇرگىزۋدە
نىسانانى ايقىنداپ، نەگىزگى تاقىرىپتىق تاربيەنى جوعارى ساپالى ورىستەتتى
مەملەكەت تۋىن ءىلىپ، مەملەكەت مەرەكەسىن قارسى الدى
شيحۋ: وقۋ-اعارتۋدى بارىنشا دامىتىپ، بۇقاراعا تيىمدىلىك جەتكىزدى
2019-جىلى 9-ايدىڭ 18-كۇنى 216-سان
ءدوربىلجىن اۋدانىنىڭ ساياحات كورىنىس تۇيىندەرى(1)
جۇڭچيۋ مەرەكەسىن قارسى الۋ ۇلتتار ىنتىماعى دوستىق قيمىلىن وتكىزدى
قىزىقتى دەنە تاربيە جارىسىمەن جۇڭچيۋ مەرەكەسىن قارسى الدى
ءدوربىلجىن: «مەيىرىم ايكۇلشەسى» جان شۋاعىنا بولەدى
ءتۇپ نۇسقانى وقىپ، ءماتىندى ۇيرەنىپ، قاعيدانى ۇعىندى
شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

اۆتونوميالى رايوندىق 12-كەزەكتى حالىق قۇرىلتايىنىڭ 2-ءماجىلىسى اشىلدى

جولدانعان ۋاقىتى : 2014/1/20 17:59:24

    اۆتونوميالى رايونىمىزدىڭ ءتۇرلى ىستەرىندە بۇرىن بولماعان تىڭ ىلگەرىلەۋشىلىك، تىڭ وزگەرىس، تىڭ ونىمدىلىك جارىققا شىعىپ، بۇكىل رايونىمىز بويىنشا پارتيا 18-كەزەكتى ورتالىق كوميتەتى   ءۇشىنشى جالپى ءماجىلىسىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ رۋحىن، ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ شينجياڭ قىزمەتىن جاپپاي جاقسى ىستەۋ جونىندەگى ماڭىزدى نۇسقاۋىنىڭ رۋحىن،  ج ك پ اۆتونوميالى رايوندىق 8-قۇرىلتايىنىڭ جانە ج ك پ اۆتونوميالى رايوندىق 8-كەزەكتى كوميتەتى التىنشى جالپى (كەڭەيتىلگەن) ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعامدىق ورنىقتىلىق پەن باياندى تىنىشىقتى ارقاۋ ەتىپ دامۋعا ۇمتىلعان تۇستا، 16-قاڭتار كۇنى تۇستەن بۇرىن  اۆتونوميالى رايوندىق 12-كەزەكتى حالىق قۇرىلتايىنىڭ 2-ءماجىلىسى ۇرىمجىدە     اشىلدى.
   
  بۇگىن حالىق سارايى دۋمانعا شومىپ، قۋانىش لەبى ەستى.
  
  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ چۇنشيان ءماجىلىستى باسقاردى.
   
  ءماجىلىس ءتوراعالار القاسىنىڭ تۇراقتى ءتوراعالارى ەركىن يمىرباقى، شوھىرات زاكىر، ۋاڭ يۇڭميڭ، جاپار      ابەيبوللا، ما ميڭچىڭ، تىلەبالدى ابدىرەشيت ۇلى، ءمۇتالىپ قاسىم، ورگۇل جاپار، دۇڭ شينگۋاڭ، اسقار تۇرسىن ءتوراعالار مىنبەسىنىڭ الدىڭعى قاتارىنان ورىن الدى.
   
  نۇر باكىر، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، ليۋ لەي، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، كۇراش ماحسۇت، ەركىنجان تۇراحۇن، شيۋڭ شۋانگو، عانيبات سابىكەي ۇلى، لي شۋەجۇن، ليۋ شينچي جانە قۇرىلتاي ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
   
  اۆتونوميالى رايوندىق 12-كەزەكتى حالىق قۇرىلتايىنىڭ 2-ماجىلىسىنە قاتىناسۋعا ءتيىستى ۋاكىل سانى 549،   ءتۇستىڭ الدىنداعى ماجىلىسكە 515 ۋاكىل قاتىناستى، بۇل زاڭدا بەلگىلەنگەن ادام سانىنا ۇيلەسەدى.
   
  ساعات 10 نان 30 مينۋت وتكەندە جاڭ چۇنشيان شينجياڭ ۇيعۇر اۆتونوميالى رايوندىق 12-كەزەكتى حالىق قۇرىلتايى 2-ءماجىلىسىنىڭ اشىلعانىن جاريالادى. بارلىق ۋاكىل ورىندارىنان تۇرىپ، مەملەكەت گيمىنىن ورىندادى.

  اۆتونوميالى رايوننىڭ ءتوراعاسى نۇر باكىر اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى. بايانداما 2013-جىلعى قىزمەتتەرگە ايال، 2014-جىلعى قىزمەتتەر جونىندەگى ورنالاستىرۋ اتتى ەكى بولىكتەن قۇرالعان.
   
  ءبىر جىلدان بەرگى قىزمەتتەرگە ايالداعاندا، نۇر باكىر بىلتىرعى جىلدىڭ ەرەكشە ءبىر جىل بولعانىن ايتتى. ول     ەكونوميكانى ورنىقتى ارتتىرۋدا، قۇرىلىمدى رەتتەۋدە قول جەتكەن جاڭا جەتىستىكتەر، حالىق تۇرمىسىن قامتاماسىز ەتۋ مەن جاقسارتۋدا قول جەتكەن تىڭ دامۋ، ءتۇرلى قوعامدىق ىستەردە قول جەتكەن تىڭ ىلگەرىلەۋشىلىكتەر، وسىزامانعى مادەنيەت قۇرىلىسىندا قول جەتكەن تىڭ جەتىستىكتەر، ەكولوگيالىق وركەنيەت قۇرىلىسىندا جارىققا شىققان جاڭا وزگەرىستەر، رەفورما جاساۋ مەن ەسىك اشۋدىڭ تىڭ ساتىعا قادام تاستاۋى، شينجياڭعا كومەكتەسۋ قىزمەتىندە قول جەتكەن تىڭ جەتىستىكتەر،   ۇكىمەتتىڭ وزىندىك قۇرىلىسىنداعى تىڭ لەپتىڭ جارىققا شىعۋى، قوعامدىق ساياسي جالپى جاعدايدىڭ جالپى العاندا ورنىقتى بولۋى سياقتى 9 جاقتا ءبىر جىلدان بەرگى نەگىزگى قىزمەتتەردى قورىتىندىلادى. 2013-جىلى رايوندىق ءوندىرىس جالپى قۇنىنىڭ 851 ميلليارد يۋانعا جەتىپ، ٪11.1 ارتاتىندىعى مەجەلەندى. جىل باسىندا بەلگىلەنگەن نىسانا جاپپاي ورىندالىپ، نەگىزگى ەكونوميكالىق كورسەتكىشتەردىڭ ارتۋ جىلدامدىعى بۇكىل ەل بويىنشا الدىڭعى ورىندى يەلەدى.
  
    نۇر باكىر بىلاي دەپ اتاپ كورسەتتى: ءدوپ كەلىپ وتىرعان ماسەلەلەر مەن قيىنشىلىقتاردى دا ايقىن تانىپ جەتۋىمىز كەرەك: رەفورما مەن دامۋ ءالى ارتتا، بازارلانۋ دەڭگەيى  ءبىرشاما تومەن؛ وڭىرلىك دامۋ بىركەلكى ەمەس، ەكونوميكالىق قۇرىلىم ۇيلەسىمدى    ەمەس؛ كاسىپتەنۋ جاعىنداعى قايشىلىق كورنەكتى، شارۋالار كىرىسىنىڭ ارتۋىنىڭ قيىندىق دارەجەسى جوعارى؛ زات باعاسىنىڭ قىمباتتاۋىنداعى فاكتورلار ءبىرشاما كوپ، زات باعاسىن ورنىقتىرۋ، تىزگىندەۋدەگى قيىنشىلىق زور؛ قورشاعان ورتانى قورعاۋ جانە جاراقسىز زاتتاردىڭ شىعارىلۋىن ازايتۋ مىندەتى جاپالى؛ باياندى تىنىشتىقتىڭ نەگىزى ءالسىز، لاڭكەستىككە قارسى تۇرۋ، ورنىقتىلىقتى قورعاۋ جاعدايى قيىن؛ يدەيانى ازات ەتۋ، ءورىس اشا جاڭالىق اشۋ، جاۋاپكەرلىكتى باتىل ۇستىنە الۋ تانىمىن كۇشەيتۋگە تۋرا كەلەدى، بۇعان، ءسوز جوق، بارىنشا ءمان بەرۋىمىز كەرەك.
  
    نۇر باكىر بىلاي دەدى: 2014-جىلعى قىزمەتتەردىڭ جالپى وي جەلىسى مىناۋ: پارتيا 18-قۇرىلتايىنىڭ، پارتيا 18-كەزەكتى ورتالىق كوميتەتى ءۇشىنشى جالپى   ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ قالا-قالاشىقتاندىرۋ قىزمەتى ءماجىلىسىنىڭ جانە ج ك پ اۆتونوميالى رايوندىق 8-قۇرىلتايىنىڭ، ج ك پ اۆتونوميالى رايوندىق 8-كەزەكتى كوميتەتى التىنشى جالپى (كەڭەيتىلگەن) ءماجىلىسىنىڭ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن جاپپاي دايەكتى تياناقتاندىرىپ، يدەيانى ج ك پ ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىمەن شىن مانىندە بىرلىككە كەلتىرىپ، باياندى تىنىشتىقتى ارقاۋ ەتە دامۋدى مىقتى   يگەرىپ، تاريحي ورايدى مىقتى يگەرىپ جانە ودان پايدالانىپ، ورنىقتىلىق بارىسىندا ىلگەرىلەۋدەن، رەفورما جاساپ، جاڭالىق اشۋدان جازباي، بايلىقتى باياندى اشۋدان، ەكولوگيالىق ورتانى باياندى قورعاۋدان جازباي، جاڭاشا ونەركاسىپتەندىرۋدى، ەگىن، مال شارۋاشىلىعىن وسىزامانداندىرۋدى، جاڭاشا قالا-قالاشىقتاندىرۋدى، ينفورماتسيالاندىرۋدى، نەگىزدىك قۇرىلعىلاردى وسىزامانداندىرۋدى تاباندىلىقپەن ىلگەرىلەتىپ، دامۋ تاسىلىنە بۇرىلىس جاساپ، قۇرىلىمدى رەتتەۋدى تەزدەتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، دامۋدىڭ ساپاسى مەن ءونىمىن شىن مانىندە جوعارىلاتىپ،  ەكونوميكانىڭ باياندى دا اقاۋسىز دامۋىن، قوعامنىڭ جاراسىمدىلىعى مەن ورنىقتىلىعىن جەبەپ، شينجياڭنىڭ عىلمي قارىشتاپ دامۋىن، توپ جارىپ، توپتان وزۋدى قۇلشىنا ىلگەرىلەتۋ.

   2014-جىلعى نەگىزگى كوزەۋلى نىسانا: رايوندىق ءوندىرىس جالپى قۇنىن ٪11 ارتتىرۋ، ونەركاسىپتىڭ ارتۋ قۇنىن ٪13 ارتتىرۋ، تۇتاس قوعامدىق تۇراقتى مۇلىككە قوسىلاتىن قارجىنى ٪25 ارتتىرۋ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىن ٪14 ارتتىرۋ، سىرتقى ساۋدا يمپورت-ەكسپورت جالپى سوماسىن ٪8 ارتتىرۋ، الەۋمەتتىك قازىنانىڭ مەجە ەسەپ كىرىسىن ٪16 ارتتىرۋ، تۇرعىنداردىڭ تۇتىنۋ باعاسىنىڭ ارتۋ مولشەرىن ٪4 كولەمىندە تىزگىندەۋ، قالا-قالاشىقتاردا 450 مىڭ ادامدى تىڭنان كاسىپتەندىرۋ، قالا-قالاشىقتاردا تىركەلەتىن جۇمىسسىزدىق سالىستىرماسىن ٪4 ىشىندە تىزگىندەۋ، قالا-قالاشىق تۇرعىندارىنىڭ جان باسىندىق ورتاشا اقشالاي كىرىسىن ٪12 ارتتىرۋ، شارۋالاردىڭ جان باسىندىق ورتاشا كىرىسىن ٪13.5 ارتتىرۋ، حالىقتىڭ تابيعي ءوسىمىن ‰11 ىشىندە تىزگىندەۋ. ەنەرگيا ۇنەمدەۋ، جاراقسىز زاتتاردىڭ شىعارىلۋىن ازايتۋ نىسانالىق مىندەتتەرىن ورىنداۋ.
   
  چيان جى، ەركىن تۇنياز، شى داگاڭ، جۋ چاڭجيە، جاروللا يسامىدىن، ماعاۋ سەيتقامزا   ۇلى، تيان ۋىن، مامەتىمىن ياسىن، ءشوجىپ، ليۋ يانلياڭ، رىزۋان ابەي، لي شياڭلين، ماۋكەن سەيتقامزا ۇلى، ءجۇرات يمىن، ليۋ جى-يۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ابدىقادىر، ابدىليتىپ ابدىرەيىم، حۋاڭ چاڭيۋان، ۋاڭ ۋي، سۇڭ جيانيە، چىڭ جياجۋ، لي شينميڭ، سۇڭ حاۋ، ياڭ فۋلين، ابىلەز نياز، تيان جيانرۇڭ، ۋاڭ شىجياڭ، ۋاڭ جيلياڭ، يان فىنشين، نايىم ياسىن، گو   ليانشان، نيشان   ىبىرايىم، ما شۋەجۇن ءتوراعالار مىنبەسىنەن ورىن الدى.
   
  اۆتونوميالى رايوندىق 12-كەزەكتى حالىق قۇرىلتايىنىڭ ۋاكىلدەرى ەمەس اۆتونوميالى رايونىمىزداعى مەملەكەتتىك 12-كەزەكتى حالىق قۇرىلتايىنىڭ ۋاكىلدەرى، اۆتونوميالى رايوندىق پارتكومنىڭ قىزمەت تاراۋلارىنىڭ، شارلاۋ قىزمەتى قۇرىلىمدارىنىڭ، اۆتونوميالى رايوندىق حالىق  ۇكىمەتىنىڭ قۇرامىنداعى تاراۋلاردىڭ، توتە قاراستى قۇرىلىمدارىنىڭ جانە ءبىر ءبولىم حالىقتىق ۇيىمداردىڭ، ءىس ورىندارىنىڭ نەگىزگى جاۋاپتىلارى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، قىزمەت تاراۋلارىنىڭ جاۋاپتىلارى؛ ايماقتىق، وبلىستىق، قالالىق ورتا دارەجەلى حالىق سوتى مەكەمەلەرىنىڭ باستىقتارى، پروكۋراتۋرا مەكەمەلەرىنىڭ (پروكۋراتۋرا بولىمشەسى) باس پروكۋرورى، اۆتونوميالى رايوندىق جوعارى حالىق سوتى مەكەمەسى بيڭتۋان بولىمشەسىنىڭ باستىعى، اۆتونوميالى رايوندىق حالىق پروكۋراتۋراسى بيڭتۋان بولىمشەسىنىڭ باس پروكۋرورى، ءۇرىمجى تەمىر جول تاسىمال ورتا دارەجەلى حالىق سوتى مەكەمەسىنىڭ باستىعى، پروكۋراتۋرا بولىمشەسىنىڭ باس پروكۋرورى؛ ساياسي كەڭەس اۆتونوميالى رايوندىق 11-كەزەكتى كوميتەتىنىڭ 2-ماجىلىسىنە قاتىناسقان ساياسي كەڭەس مۇشەلەرى؛ اۆتونوميالى رايوندىق 12-كەزەكتى حالىق قۇرىلتايىنىڭ مۇشەسى ەمەس ورتالىقتىڭ شينجياڭداعى ورىندارىنىڭ نەگىزگى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
«شينجياڭ گازەتىنەن»


  رەداكتورى : پارزانا عادىلبەك قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
 

 
 
powered by IlgharCMS 3.2 www.ilghar.cn