ەەڭ جاڭا مازمۇندار
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك
2020-جىلى 6-ايدىڭ 1-كۇنى 111-سان
2020-جىلى 5-ايدىڭ 30-كۇنى 110-سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى
لي كىچياڭ زۇڭلي تىلشىلەر جيىنىنا قاتىناستى ءارى جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، گۇلدەنۋ ۇلى ءىسىن بىرگە ىسكە اسىرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
قۇبا تۇزدەگى قۇت مەكەن
شىڭ باسىنا ءساتتى شىقتى! جۇڭگونىڭ ولشەۋشى شىڭشىلدار اترەتى چومولاڭما شىڭىنىڭ ”بيىكتىگىن“ تاعى دا ولشەدى

ءبىر ءبولىم تابيعات قۇبىلىستارىنىڭ اتاۋلارى جونىندە

جولدانعان ۋاقىتى : 2014/1/23 16:52:17

  قازاق حالقى تابيعات قۇبىلىستارىن قالت جىبەرمەي باقىلاپ، ونىڭ زاڭدىلىقتارىن يگەرۋ ارقىلى ولاردىڭ ءتۇسى، فورماسى، وزگەرۋ  جاعدايلارىنا  قاراي ءتۇرلى اتاۋلاردى  قولدانعان.  تومەندە وسىنىڭ مىسالى رەتىندە ءبىر ءبولىم تابيعات قۇبىلىستارىنىڭ اتاۋلارىن تانىستىرامىن.
 
بۇلت اتاۋلارى

  بۇلت - سۋدىڭ جىلۋ اسەرىنەن اسپانعا كوتەرىلىپ، بۋعا اينالعان ءتۇرى. اتموسفەراداعى وتە ۇساق سۋ تامشىلارى مەن مۇز تۇيىرشىكتەرىنىڭ جيىنتىعى.

  وسى بۇلتتى ۇلتىمىز 23 تۇردە اتاعان.
 
   اقشا بۇلت -اشىق كۇندەرى اسپاندا قالقىپ جۇرەتىن تۇيدەك-تۇيدەك اق بۇلت.

  الا بۇلت -شۋماق-شۋماق، لەك-لەك بولىپ كوشكەن بۇلت.

  جاڭبىر بۇلتى -قاباتىنا ىلعال سىڭىرگەن قويۋ قارا بۇلت.

  جەلەك بۇلت -تۇتىلگەن شۋداداي جەڭىل بۇلت.

  جىلاۋىق بۇلت -ءالسىن-ءالسىن قايتالاپ جاۋار بۇلت.

  قاز باۋىر بۇلت -ونداعان شاقىرىم بيىكتىكتە ۇساق مۇز تۇيىرشىكتەرىنەن پايدا بولاتىن بۇلت.

  ءزىلماۋىر بۇلت -اسپان كۇمبەزىن تۇگەل جاپقان اۋىر بۇلت.

  قاتپارلى بۇلت -قالىڭ قاباتتى قوڭىر الا بۇلت.

  قاۋىرسىن بۇلت -تارام-تارام جەڭىل بۇلت.

  كوشپەلى بۇلت -كوكجيەكتەن ساۋمالاي كوتەرىلىپ تەز كوشكەن بۇلت.

  كىلەگەي بۇلت -جۇقا، سيرەك بۇلت.

  ماسا بۇلتى -جەلسىز، تىمىرسىق تۇنگى تۇنبا بۇلت.

  وركەش بۇلت -تۇيە وركەشتەنگەن الا بۇلتتار تىزبەگى.

  ساۋما بۇلت -ءۇزىپ-ءۇزىپ كۇنى بويى جاۋاتىن بۇلت.

  سەڭسەڭ بۇلت -قات-قابات جاڭبىر بۇلتى.

  سەتىنەۋىك بۇلت -ىرگەسى سوگىلىپ ىدىراعان بۇلت.

  سۇرى بۇلت -اسپاندى جاپپاي تورلاپ، ءتورت-بەس شاقىرىم بيىكتىكتە جۇزەتىن تۇنجىر بۇلت.

  ۇشپا بۇلت -شوعىرىمەن تىركەسە كوشەتىن جەڭىل شۇبارالا بۇلت.

  شاعىرماق بۇلت -كۇن قىزۋىن بوگەتسىز وتكىزەر سەلدىر بۇلت.

  شاربى بۇلت -جەر بەتىنەن ەكى-ءۇش شاقىرىم بيىكتە جۇزگەن جۇقالتاڭ بۇلت.

  شوكپە بۇلت -تومەن قونعان اۋىر بۇلت.

  شۋدا بۇلت -بۋداق-بۋداق شۇباتىلعان بۇلت.

  تۇيدەك بۇلت -ۇزىك-ۇزىك ءبىر-بىرىنە ۇلاسا كوشكەن بۇلت.
 
تۇمان

  تۇمان - بۇلت ءتارىزدى كوشىپ جۇرەتىن سۇرعىلىت ءتۇستى تابيعات قۇبىلىسى. تۇمان سوقىر تۇمان، سەلدىر تۇمان بولىپ بولىنەدى.

  سوقىر تۇمان -اياق استىن كورسەتپەيتىن، كوزگە تۇرتسە كورگىسىز قالىڭ تۇمان.

  سەلدىر تۇمان -شاربى   تەكتەس ىدىراڭقى، ءتۇتىن تۇستەس تۇمان.
 
جاڭبىر اتاۋلارى

  جاڭبىر - اۋا كەڭىستىگىندە قالقىپ جۇرگەن سۋ  پارلارىنىڭ  سۋىق اۋانىڭ اسەرىنەن سۋ تامشىسىنا اينالۋى.

  اق جاۋىن -ءبىر قالىپتا تولاسسىز ۇزاق جاۋاتىن جاڭبىر.

  بوز جاڭبىر -جاڭبىردىڭ باياۋ، سىبەرلەپ جاۋاتىن ءتۇرى.

  بۇرشاق جاڭبىر -سۋ تامشىلارىنىڭ سالقىندىقتان، كىشى-گىرىم بۇرشاققا اينالىپ جاۋۋى.

  بىلعارى بۇركۋ -اتموسفەرالىق توساپتىڭ تامشىلاي بۇركۋى.

  نوسەر -شەلەكتەپ قۇيعانداي توگىپ بەرەتىن قالىڭ جاڭبىر.

  سىرلەتۋ -جاڭبىردىڭ بۇركۋدەن، سىركىرەۋدەن مولىراق، نوسەردەن سايابىر جاۋۋى.
 
كەمپىر قوساق

  كەمپىرقوساق -جاڭبىردان كەيىن اسپان كۇمبەزىندە ءتۇرلى-ءتۇستى دوعا تۇرىندە كورىنەتىن جولاق، اتموسفەراداعى وپتيكالىق قۇبىلىس.

  قوس كەمپىرقوساق -كۇن ساۋلەسى جاڭبىر تامشىسىنا بەلگىلى ءبىر بۇرىش جاساي ءتۇسىپ، ونىڭ ىشىندە قاباتتاسا تۇسكەن ەكىنشى كەمپىرقوساق.

  اي كەمپىرقوساق -تۇنگى اي ساۋلەسىنىڭ اسەرىنەن پايدا بولعان كەمپىرقوساق.
 
قار اتاۋلارى

  اقشا قار -جاڭا جاۋعان تازا قار.

  الاقانات قار -ءبىر اۋماققا جاۋىپ، ءبىر اۋماققا جاۋماي، جەرگە الالاي تۇسكەن قار.

  جاپالاق قار -ءىرى تۇيىرشىكتى، جاپىراقتاپ جاۋعان قار.

  كوبىك قار -جەرگە تۇسكەندە ىشكى قاباتى ەري بەرىپ، بەتى كوپىرشىگەن جۇمساق قار.

  كۇرتىك قار -بەتى قاتقان، جاياۋ جۇرگەندە استى ويىلاتىن قالىڭ قار.

  قاسات قار -ۇزاق جاتقان قالىڭ قار.

  قيىرشىق قار -جەنتەكتەلگەن تۇيىرشىك قار.

  قىرباق قار -جۇقا جاۋعان قار.

  مۇزداق قار -ءۇستىن مۇز تورلاعان، كوكشىل ءتۇستى، بەتى جىلتىر، سىرعاناق قار.

  ومبى قار -ات باۋىرلايتىن قالىڭ قار.

  ءسۇرى قار -ەرتە ءتۇسىپ ەرىمەي، قىس بويى قالىڭداعان، توزاڭ-توپىراق ءسىڭىپ قالعان، بەتى كۇلگىن نىعىز قار.

  سىرەۋ قار -ۇزاق مەزگىل مىزعىماي جاتقان، اياق باستىرماس، كولىك جۇرسە بوگەۋ، قاتتى، قالىڭ قار.

  ۇلپا قار -تۇيىرشىكتەرى ۇلبىرەگەن قار.

  ۇيمە قار -بوراندى جەل سىرعىتىپ، ءبىر جەرگە تاۋ-توبە ۇيىلگەن قار.

  ۇرمە قار -جەل ۇرلەپ جيىنتىقتاعان تىعىز قار.
 
جەل اتاۋلارى

  جەل -اتموسفەرا قاباتىندا قىسىمنىڭ ءبىر قالىپتى تاراماۋىنان پايدا بولاتىن، كەيدە قاتتى، كەيدە باياۋ سوعاتىن اۋا اعىمى. جەل اتاۋى 24 كە بولىنەدى.
  
  اق بوران -الاي-دۇلەي تۇتەگەن بوران.

  الاقانشىق -ءبىر باسەڭدەپ، ءبىر ۇيتقىعان بوران.

  اق قۇيىن -قار، شاڭ بوراتىپ قاتتى سوققان قۇيىن.

  الا قۇيىن -استاڭ-كەستەڭ ۇيتقىعان بوران.

  ازىناۋ جەل -گۋىلدەپ سوققان اڭقىما جەل.

  اڭىزاق جەل -جازعىتۇرىمعى تىم جىلى ءارى قۇرعاق جەل.

  التىن كۇرەك -وڭتۇستىكتەن ۇزبەي سوعىپ، قىستىڭ سوڭعى قارىن كۇرت ەرىتەتىن جىلى جەل.

  باياۋ جەل -لەبى باسەڭ جەل.

  بوراندى جەل -قاردى بۇرقىراتىپ، ۇيتقىتىپ سوعاتىن ىسقىرىق جەل.

  بوراسىن -قيىرشىقتاپ بورايتىن سىرعىما بوران.

  بۇرقاق -دولدانىپ، الاسۇرىپ، ورشەلەنگەن بوران جەل.

  بۇرقاسىن بۇرقاق -جەرگە تۇسكەن قاردى سۋىرىپ سوعار باسەڭ جەل.

  داۋىل -شاڭداتقان، بورانداتقان، الاي-دۇلەي پىسقىرعان جەل.

  جايداق جەل -جاۋىنسىز، شاڭسىز باياۋ سوعاتىن جەل.

  جاتاعان جەل -تومەن، جەر باۋىرلاپ ەسكەن جەل.

  جاياۋ بوران -جاڭا تۇسكەن ۇلپەك قاردى جەر بەتىنەن نە قاتقان قار ۇستىنەن ۇردەگەن ەسپە بوران. «اق باسقىن» دەپ تە اتالادى.

  جاياۋ بوراسىن -جاياۋ بوراننان اقىرىنىراق سوعاتىن جەل.

  جاياۋ بۇرقاسىن -باسەڭ بوران.

  جەلەڭ جەل -ءسال-ءپال سوعاتىن جەل.

  جەلەمىك جەل -ءالسىز جەل.

  جەلكەم -جەلتەڭ جەل.

  جەلوراي -اشىق ەسىك، تەرەزەدەن ەنگەن سۋىق اۋانىڭ بولمەدەگى جىلى اۋامەن توعىسۋى.

  جەڭىل جەل -سولعىن جەل.

  جوعارى جەل -بيىكتەن ۇيىرىلگەن جەل.
 
دايىنداعان - تولەۋ بازارباي ۇلى

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn