ەەڭ جاڭا مازمۇندار
قامبا استىققا تولىپ، نەگىز بەكەمدەلدى
الدىڭعى شەپكە قامقورلىق جەتكىزىپ، جۇرت جۇرەگىن مەيىرگە بولەدى
رايونىمىز ماقتانى كەڭ كولەمدە جيناپ الۋ مەزگىلىنە ءوتتى
ىقىلاستى تاپسىرمانى ەستە بەرىك ساقتاپ، اۋىل - قىستاقتى گۇلدەندىرۋدى ىلگەرىلەتتى
اۆتونوميالى رايون مەملەكەت تۋىن شىعارۋ سالتىن سالتاناتپەن وتكىزدى
”جۇڭگو قىزىلىن“ اجارلاندىردى، وتانشىلدىق سۇيىسپەنشىلىكتى اسقاقتاتتى
شينجياڭ بۇكىل ەلدەگى قامتيتىن كولەمى ەڭ كەڭ، تارماق جەلىلەرى ەڭ كوپ اۋەجاي تورىن قۇردى
”جۇڭگو استىعى! جۇڭگو كەسەسى“!
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى

قاتىناس -تاسىمال ىستەرىنىڭ دامۋى بۇقارانىڭ ارمانىنا قانات ءبىتىردى

جولدانعان ۋاقىتى : 2022/9/22 13:34:30

قاتىناس -تاسىمال ىستەرىنىڭ دامۋى بۇقارانىڭ ارمانىنا قانات ءبىتىردى
 شاۋەشەك اۋەجايىنىڭ جاڭا عيماراتى ىسكە قوسىلدى. (گازەتىمىزدىڭ ماتەريال سۋرەتى)                   
 
 
ـــ ايماعىمىزدىڭ قاتىناس ـ تاسىمال ىستەرىنىڭ دامۋى جونىندە جالپى شولۋ
 
  ءتىلشىمىز داي جياۋمەي
 
    سان سالالى كاسىپتىڭ گۇلدەنۋى قاتىناستى نەگىز ەتەدى. 10 جىلدان بەرى ەڭبەكشىل،     پاراساتتى تارباعاتاي حالقى قۇلشىنا كۇرەس جۇرگىزىپ، قاتىناس نەگىزدىك قۇرىلعى قۇرىلىسىندا ۇزدىكسىز وزگەرىس تۋىلىپ، تاسىمال شارت ـ جاعدايى، تاسىمال قۋاتى، تاسىمال كولەمى كورنەكتى جوعارىلاپ، قاتىناس ـ تاسىمالدىڭ ەكونوميكانىڭ دامۋىنا تۇساۋ بولۋ جاعدايى ءونىمدى تۇردە تومەندەدى. ايماعىمىزداعى ءار ۇلت حالقى قايشالىسقان، شارتاراپپەن تۇتاساتىن ستەرەولدى قاتىناس تورىن قالىپتاستىردى. بۇل قاتىناس تورى حالىقتىق اۆياتسيا، تەمىر جول، جوعارى قارقىندى تاس جول، مەملەكەت جولى، ولكە جولى، اۋدان، اۋىل تاس جولى، قىستاق -دۇي جولىن قامتيدى. بۇل قاتىناس تورى ايماعىمىزدىڭ كۇن سايىن جاڭالانعان وزگەرىستەرىنە جانە قالا ـ اۋىل تۇرعىندارىنىڭ ءوندىرىسى مەن تۇرمىسىنا كۋا بولدى...
    پارتيا 18 ـ قۇرىلتايىنان بەرى ايماعىمىزدىڭ قاتىناس ىستەرى قارىشتاپ دامىدى. قارامايلى -شاۋەشەك تەمىر جولىنىڭ اشىلۋى، تارباعاتاي اۋەجايىن كەڭەيتىپ سالۋ، مەملەكەت جولى 219  -لەنياسى قوبىقسارى -شاۋەشەك -الاتاۋ ساعاسى، مەملەكەت جولى 335 -لەنياسىنىڭ شاۋەشەك جول ايرىعى ــ تولى ـ باقتى وتكەلى          سياقتى مەملەكەتتىك، ولكەلىك نەگىزگى لەنيالار  ىركەس -تىركەس سالىنىپ پايدالانۋعا بەرىلىپ، تۇتاس ايماقتى قامتىعان، شارتاراپقا تۇتاساتىن ستەرەولدى قاتىناس تورى قۇرىلدى.
 
جول جاڭالانىپ، الەۋمەتتىك اۆتوبۋز اۋىل -قىستاقتارعا دەيىن قاتىنادى
 
»الەۋمەتتىك اۆتوبۋز اۋىل -قىستاقتارعا    دەيىن قاتىناپ، قالاعا بارىپ -قايتۋىمىزعا     قولايلىلىق جاراتۋىن ءۇمىت ەتەمىز« بۇل ايماعىمىزداعى كەيبىر شەت ـ شالعاي رايونداعى قىستاق تۇرعىندارىنىڭ جۇرەك ءۇنى ەدى. قازىر ولاردىڭ ارمانى اقىرى جۇزەگە استى.
2020 - جىلى 6 ـ ايدىڭ 29 ـ كۇنى قوبىقسارى موڭعۇل اۆتونوميالى اۋدانى شاحتى اۋىلى شاعانتۇنگى الەۋمەتتىك اۋماعىنىڭ تۇرعىنى اينۇر العاشقى الەۋمەتتىك اۆتوبۋزعا وتىرعاندا قاتتى تەبىرەنىپ: ”ءبىر يۋانمەن الەۋمەتتىك اۆتوبۋزعا وتىرامىز، اقشا مەن ۋاقىتتى بىردەي ۇنەمدەپ، وتە قولايلى بولدى، بۇل ەگىنشى ـ مالشىلاردىڭ باقىت كولىگى“ دەدى.
    جۋىق جىلداردان بەرى قوبىقسارى موڭعۇل اۆتونوميالى اۋدانى ەگىنشى -مالشىلاردىڭ   الەۋمەتتىك قاتىناس قاجەتىن قۇلشىنا قاناعاتتاندىرىپ، حالىق تۇرمىسى ينجەنەرياسىن ناقتى تياناقتاندىرىپ، قاتىناس نەگىزدىك قۇرىلعىلار قۇرىلىسىن ءتۇيىن ەتىپ، جول قۇرىلىسىن  كەمەلدەندىرىپ، 6 ميلليون 600 مىڭ يۋان    قارجى قوسىپ، 6 قالا -قالاشىق  الەۋمەتتىك   اۆتوبۋزىن، 4 اۋىل -قىستاق الەۋمەتتىك  اۆتوبۋزىن جاڭادان ساتىپ الدى. مۇندا قوبىقسارى قالاشىعىنان يكىۇتىبۇلاق مال فەرماسىنا    بارىپ -كەلەتىن 106 كيلومەتر؛ قوبىقسارى    قالاشىعىنان شاحتى اۋىلىنا بارىپ -كەلەتىن 200 كيلومەتر؛ قوبىقسارى قالاشىعىنان تەكپىسۋ    اۋىلىنا بارىپ -كەلەتىن 80 كيلومەتر جول جاڭادان قوسىلىپ، بۇكىل اۋدانداعى 11 اۋىل -        قالاشىق، فەرماداعى 20 مىڭعا جۋىق قىستاق تۇرعىنىنىڭ جولاۋشىلاۋىنا قولايلىلىق جاراتتى.
    جۋىق جىلداردان بەرى شاۋەشەك قالاسى   ءارقايسى اۋىل ـ قالاشىق، تۋان ـ الاڭدارىنىڭ تاس جول قۇرىلىسىن ۇزدىكسىز كەمەلدەندىرىپ، ورتالىق پەن اۆتونوميالى رايوننىڭ جانە ايماقتىڭ “كورىكتى اۋىل ـ قىستاق” قۇرىلىسى جونىندەگى شەشىمدەرىن، ورنالاستىرۋلارىن جاپپاي دايەكتىلەندىرۋ، تياناقتاندىرۋ ءۇشىن،  ايماقتاعى ءىشىنارا اۋدان -قالالار اۋىل ـ قىستاق جولىن كەڭەيتىپ سالىپ، الەۋمەتتىك قاتىناس بەكەتتەرىن كوبەيتتى.
     2016-جىلى شاۋەشەك قالاسىنان بيڭتۋان 9 ـ شىسىنىڭ 162 ـ تۋان، 163 ـ تۋان، 164 ـ تۋانىنا دەيىنگى الەۋمەتتىك قاتىناس جەلىسى ارت -  ارتىنان اشىلسا؛ 2020 ـ جىلى شاۋەشەك قالاسىنان اشىلى داعۇر ۇلتتىق اۋىلى، قاراقاباق اۋىلى،  بوزداق قالاشىعى، شىبارجيدە جاڭا رايونى    سياقتى ورىندارعا قاتىنايتىن كوپتەگەن قاتىناس جەلىسى اشىلىپ، قالا مەن اۋىلدىڭ الەۋمەتتىك قاتىناسىن ءبىر تۇلعالاندىردى.
    »بۇرىن شاۋەشەك قالاسىنا باراردا لەنيا اۆتوكولىگىنە وتىراتىنبىز، ءار جولى اۆتوكولىككە جولاۋشىلار تولعاندا عانا، جولعا شىعاتىن ەدى. قازىر الەۋمەتتىك اۆتوبۋز ۋاعىندا، ساعات بويىنشا قاتىنايدى، ءبىزدىڭ جۇمىسقا شىعىپ -تۇسۋىمىزگە، بۇقارانىڭ قالاعا بارىپ -قايتۋىنا قولايلى بولدى« دەدى ۋاڭ لۋشين.
ۋاڭ لۋشيننىڭ ءۇيى شاۋەشەك قالاسىنىڭ شارۋالار شاعىن رايونىندا تۇرادى، ول بوزداق قالاشىعىندا اۋىل شارۋاشىلىق ءوندىرىس        قۇرال -جابدىقتارى دۇكەنىن اشاتىندىقتان، ءار كۇنى اۆتوكولىكپەن شاۋەشەك قالاسىنان بوزداق ەگىس الاڭىنا باراتىن ەدى، قالا مەن اۋىلدىڭ الەۋمەتتىك قاتىناسىن ءبىر تۇلعالاندىرۋ جەلىسىنىڭ اشىلۋى ونىڭ ءار كۇنى ءدال ۋاعىندا الەۋمەتتىك اۆتوبۋزعا وتىرىپ جۇمىسقا بارۋىنا، جۇمىستان تۇسۋىنە مۇمكىندىك جاسادى.
 
اۆياتسيا مەن جوعارى قارقىندى تاس جول جەدەل دامىدى
 
    2014-جىلى 11-ايدىڭ 30 -كۇنى جالپى ۇزىندىعى 218 كيلومەتر كەلەتىن شاۋەشەك    قالاسىنان قارامايلى قالاسىنا دەيىنگى مەملەكەت جولى 3015 -لەنياسى جوعارى قارقىندى تاس جولىنىڭ قارامايلى -شاۋەشەك بولىگىندە كولىك قاتىناپ، قۇلىستاي ويپاتىندا جوعارى قارقىندى تاس جول بولماۋ تاريحى اقىرلاسىپ، ۇرىمجىدەن شاۋەشەككە دەيىن بۇكىلدەي جوعارى   قارقىندى تاس جولمەن ءجۇرۋ جۇزەگە استى.سونىمەن بىرگە، مەملەكەت جولى 3015 -لەنياسى قارامايلى -شاۋەشەك جوعارى قارقىندى تاس جولى، مەملەكەت جولى 3014 -لەنياسى كۇيتۇن -التاي جوعارى قارقىندى تاس جولى، مەملەكەت جولى 30 -لەنياسى ليانيۇنگاڭ -قورعاس جوعارى قارقىندى تاس جولى،  مەملەكەت جولى 217 -لەنياسى سياقتى نەگىزگى تاس جولداردى تۇلعا ەتكەن تاس جول قاتىناس  تورابى قالىپتاستى.
    مەملەكەت جولى 335 -لەنياسىنىڭ شاۋەشەك ايرىق جولى ــ تولى -باقتى وتكەلى بولىگى  نىسانىنىڭ قۇرىلىس باسىندا جۇمىسشىلار قۇرىلىس قارقىنىن جەلدەتۋدە؛ بۇل نىسان شاۋەشەك ايرىق جولىنان (ولكە جولى 221 -لەنياسىنداعى بۇرىنعى جول مەن مەملەكەت جولى 3015 - لەنياسىنىڭ قارامايلى -شاۋەشەك جوعارى    قارقىندى تاس جولىنىڭ قيىلىسقان جەرى)  باستالىپ، ءدوربىلجىن اۋدانىنىڭ وڭتۇستىك   جاعىنا (مەملەكەت جولى 3015 -لەنياسىنىڭ   قارامايلى - شاۋەشەك جوعارى قارقىندى تاس جولىنداعى ءدوربىلجىن وڭتۇستىك ايقاسپالى   لەنياسىنىڭ ءتۇيىلىسى) دەيىن بولىپ، جاڭادان كەڭەيتىپ سالىنعان قۇرىلىسقا جاتادى، جالپى ۇزىندىعى 205.98 كيلومەتر، نىسانعا جالپى 5 ميلليارد 23 ميلليون يۋان قارجى قوسىلعان.
    قارامايلى -شاۋەشەك جوعارى قارقىندى تاس جولى قارامايلى قالاسىن، تارباعاتاي ايماعىن  ىشكى ولكەلەرمەن جانە ءۇرىمجى قالاسىمەن، سونداي -اق وڭتۇستىك -سولتۇستىك شينجياڭمەن تۇتاستىراتىن نەگىزگى جول، ونان دا      ماڭىزدىسى، جىبەك جولى ەكونوميكالىق بەلدەۋىنىڭ شينجياڭداعى سولتۇستىك جەلىسىن ورتا ازياعا، باتىس ازياعا، ەۆروپاعا تۇتاستىراتىن    باتىس سولتۇستىكتەگى ماڭىزدى وتكەلى.
    حالىقتىق اۆياتسيا اۋەجايى قاتىناس -تاسىمال جۇيەسىنىڭ ماڭىزدى قۇرامداس بولەگى. جۋىق جىلداردان بەرى ايماق ستەرەولدى قاتىناس   تورابى قۇرىلىسىنىڭ اياق الىسىن ۇزدىكسىز   جەدەلدەتتى. 2017 -جىلى شاۋەشەك اۋەجايى 458 ميلليون يۋان مەملەكەت قارجىسىن قولعا كەلتىرىپ، اۋەجايدى كەڭەيتىپ سالۋ قۇرىلىسىن جۇرگىزدى. شاۋەشەك اۋەجايى كەڭەيتىپ  سالىنعاننان كەيىن، حالىقتىق اۆياتسيا جەلىسى جالاڭ جەلىدەن كوبەيىپ، قايشالىسقان اۋە    جەلىلەرى ءار ۇلت بۇقاراسىنىڭ جولاۋشىلاۋىنا قولايلىلىق جاراتتى.
»    قازىر وتە قولايلى، تاڭەرتەڭ شاۋەشەكتەن شىقساق، تۇستەن كەيىن شي -انعا جەتىپ الاتىن بولدىق« دەدى شاۋەشەك قالاسىنىڭ تۇرعىنى جىڭ يىڭلي.
     2018-جىلى تارباعاتاي ايماعى پارتيا 19 -قۇرىلتايى رۋحىن تياناقتاندىرۋدى وراي ەتىپ، قارجىنى قولعا كەلتىرۋ جانە ساياساتتىق قولداۋ تەبىنىن ۇزدىكسىز ارتتىرىپ، ستەرەولدى  تاسىمال جەلىسىن قۇرۋ اياق الىسىن ۇزدىكسىز جەدەلدەتتى. سول جىلى شيحۋ ارميا - حالىق ورتاق پايدالاناتىن اۋەجايىنىڭ العاشقى مەرزىمدەگى 8 ميلليون 550 مىڭ يۋان قارجىسىن قولعا كەلتىردى، شيحۋ ارميا -حالىق ورتاق پايدالاناتىن اۋەجايىنا تاڭداعان ورىن حالىقتىق اۆياتسيا مەكەمەسىنىڭ بەكىتۋىنەن ءوتتى، قوبىقسارى  حالىقتىق اۋەجايى باستاپقى مەرزىمدە 8 ميلليون يۋان قارجىنى قولعا كەلتىردى... وسى تەكتەس اۋەجايلاردى كەڭەيتىپ سالۋ، جاڭادان سالۋ   قۇرىلىستارى ىركەس -تىركەس باستالدى.
    2019-جىلى 2 -ايدا شاۋەشەك اۋەجايىن كەڭەيتىپ سالۋ قۇرىلىسى اياقتالدى. جەرگىلىكتى ورىن ەرەكشەلىگىنە يە اۋەجاي قۇرىلىسى بوي كوتەرىپ، جولاۋشىلارعا جايلى اۋەجاي  ورتاسىن جاراتتى، بۇقارا حالىقتىق اۆياتسيا اۋەجايى  ىستەرىنىڭ دامۋى الا كەلگەن باقىتتى شىنايى سەزىندى. 2019 -جىلى شاۋەشەك اۋەجايىنىڭ جولاۋشى قابىلداۋ -جونەلتۋ مولشەرى 300 مىڭ ادام رەتتەن استى.
    شاۋەشەك اۋەجايى كوپتەگەن اۋە جەلىسىن اشىپ، ءۇرىمجى، التاي، قۇلجا، كورلا، شىحىزى، قۇمىل،  تۇرپان، نارات سياقتى 8 اۋەجايمەن     اۋە جەلىسىن تۇتاستىرۋدى جۇزەگە اسىردى.
 
پويەزدىڭ قاتىناۋى ەكونوميكانىڭ جەدەل دامۋىنا كۇش ۇستەدى
 
 »بۇرىندارى شاۋەشەككە تۋىسشىلاپ كەلۋ ءۇشىن اۆتوبۋزعا وتىراتىنبىز، ءبىر كۇن ۋاقىتىمىز جولعا كەتەتىن، پويەز قاتىناعاننان بەرى ۇزاق جول جۇرۋىمىزگە قولايلى بولدى« دەدى      ۇرىمجىدە قىزمەت ىستەيتىن لي جىچىڭ.
    ءونىم قانشا مول بولعانىمەن، تاسىمالدايتىن قاتىناس قولايسىز بولسا ءبارى بەكەر. تارباعاتايدىڭ بۇرىننان “استىق قامباسى، ەت قامباسى، ماي كۇبىسى” دەگەن اتى بار، مول بايلىققا يە. بۇرىن قاتىناستىڭ مەشەۋ بولۋى جەرگىلىكتى ورىن ەكونوميكاسىنىڭ دامۋىنا تۇساۋ بولىپ كەلگەن ەدى.
    2019-جىلى 5 -ايدىڭ 30 -كۇنى جالپى ۇزىندىعى 271 كيلومەترلىك قارامايلى -شاۋەشەك تەمىر جولىنىڭ ىسكە قوسىلۋى ءار ۇلت بۇقاراسىنا قولايلىلىق جاراتىپ، كاسىپورىندارعا قۇدىرەتتى قوزعاۋشى كۇش ۇستەپ، تارباعاتايدىڭ قوعامىنىڭ، ەكونوميكاسىنىڭ دامۋىن جەبەدى.
    شاۋەشەك قالالىق شينبو جيناۋ -ساقتاۋ شەكتى سەرىكتەستىگى جۇگەرى، ءبيداي سياقتى ەگىستىك داقىلدارىن جيناۋ -ساقتاۋ، ساتۋدى نەگىز ەتەتىن مەملەكەت مەنشىگىندەگى كاسىپورىن. جىل سايىن ىشكى ولكەلەرگە 100 نەشە مىڭ توننا جۇگەرى وتكىزەدى. ”پويەز قاتىناۋىن سارىلا كۇتتىك، پويەز قاتىناعاننان كەيىن تارباعاتايدىڭ اۋىل شارۋاشىلىق ونىمدەرى سىرتقا ءتىپتى دە مول، ءتىپتى دە تەز تاسىمالداندى، سونىمەن بىرگە قاراجات پەن ۋاقىت تا ۇنەمدەلدى“ دەدى شاۋەشەك قالالىق شينبو جيناۋ -ساقتاۋ شەكتى سەرىكتەستىگىنىڭ ديرەكتورى چي حۇڭجۇن.
    2021-جىلى شاۋەشەك قالالىق شينبو    جيناۋ -ساقتاۋ شەكتى سەرىكتەستىگى پويەزبەن 100 مىڭ توننا جۇگەرىنى سىچۋان، يۇننان سياقتى جەرلەرگە جونەلتتى. بيىل 200 مىڭ توننا جۇگەرىنى جونەلتپەكشى. ”بۇرىن جۇگەرىنى سىرت جەرگە تاسىمالداۋ ءۇشىن، اۋەلى، جۇك ماشينامەن ۇرىمجىگە جەتكىزىپ الىپ، ودان   كەيىن پويەزبەن نىسانالى جەرگە تاسىمالدايتىنبىز، بۇل بارىستاعى شىعىن ەرەكشە كوپ بولاتىن. پويەز قاتىناعاننان بەرى جۇگەرىنى تىكەلەي پويەزبەن تاسىمالدايتىن بولدىق. ۋاقىتتان ۇتىپ قالماستان، ءار تونناسىنان 70 يۋاننان   تاسىمالداۋ قاراجاتىن ۇنەمدەپ قالدىق، 200 مىڭ توننادان 14 ميلليون يۋان ۇنەمدەۋگە      بولادى“ دەدى چي حۇڭجۇن.
    شاۋەشەك قالاسىنىڭ جاعراپيالىق ورتاسى  توتەنشە ماڭىزدى، ورتا ازيا مەن ەۆروپاعا      قاتىنايتىن داڭعىل جولدىڭ ماڭىزدى بولەگى. قارامايلى -شاۋەشەك تەمىر جولى اشىلعاننان  كەيىن تارباعاتاي ايماعىنىڭ قوعامىنىڭ، ەكونوميكاسىنىڭ دامۋىن جەبەيتىن “التىن جەلىگە” اينالىپ قالماستان، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا جاڭا  قوزعالتقىش ازىرلەپ، تارباعاتاي ەكونوميكاسىنىڭ جوعارى ساپالى دامۋىنا مىعىم قوزعاۋشى كۇش قوستى. قارامايلى -شاۋەشەك تەمىر جولى ىسكە قوسىلعاننان كەيىن، تارباعاتاي ايماعىن  نەگىزگى تۇلعا ەتكەن كەشەندى قاتىناس  تورابىن قالىپتاستىرىپ، تارباعاتاي ايماعىندا ءومىر ءسۇرىپ جاتقان ءار ۇلت بۇقاراسىنا،   سونداي -اق ەلىمىزدىڭ جەر -جەرىندەگى   ساياحاتشىلارعا جايلى، قولايلى، حاۋىپسىز، باعاسى لايىقتى قاتىناس ءتاسىلىن ازىرلەدى، ونان دا ماڭىزدىسى، تارباعاتاي ايماعىنىڭ مول بايلىعىنىڭ سىرتقا شىعۋىنا “التىن جەلى” توسەلدى.
2021 -جىلى ايماعىمىزدىڭ تۇتاس جىلدىق جۇك تاسىمال مولشەرى 18 ميلليون 30 مىڭ تونناعا جەتىپ، جۇك تاسىمال اينالىم مولشەرى 2 ميلليارد 432 ميلليون 240 مىڭ توننا كيلومەتر بولدى؛ جىلدىق جولاۋشى تاسىمالداۋ مولشەرى 3 ميلليون 900 مىڭ ادامعا جەتىپ، جولاۋشى   تاسىمالداۋ اينالىم مولشەرى 205 ميلليون 920 مىڭ ادام كيلومەتر بولدى.

رەداكتورى :ءجازيرا قاجىكەن قىزى

 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مىسالى: «تارباعاتاي اقپارات تورابىنان» الىندى

 
 
powered by IlgharCMS 3.2 www.ilghar.cn