ەەڭ جاڭا مازمۇندار
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك
2020-جىلى 6-ايدىڭ 1-كۇنى 111-سان
2020-جىلى 5-ايدىڭ 30-كۇنى 110-سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى
لي كىچياڭ زۇڭلي تىلشىلەر جيىنىنا قاتىناستى ءارى جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، گۇلدەنۋ ۇلى ءىسىن بىرگە ىسكە اسىرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
قۇبا تۇزدەگى قۇت مەكەن
شىڭ باسىنا ءساتتى شىقتى! جۇڭگونىڭ ولشەۋشى شىڭشىلدار اترەتى چومولاڭما شىڭىنىڭ ”بيىكتىگىن“ تاعى دا ولشەدى

بۇركىت دەنەسىنىڭ اتاۋلارى

جولدانعان ۋاقىتى : 2014/2/13 19:11:33


  1. تاماق، 2. جەمساۋ، 3. ءتوس سۇيەك، 4. ءىشى، 5. سان، 6. توبىق (تىرسەك)، 7. ايىرىق، 8. باۋ تاعار (جىلىنشىك)، 9. ساڭعىرۋ ءجۇن، 10. شۋدا (جەلكە شۋدا). پىشاق قىراندار قانات ۇلگىلەرىنە قاراي جىكتەلگەندە دوعال قاناتتىلار، ۇشكىر قاناتتىلار دەپ بولىنۋمەن بىرگە، قۇسبەگىلەر تىلىندە قارشىعا قاناتتىلار، سۇڭقار قاناتتىلار دەپ بولىنەدى.

  1. بۇركىت قاناتى. الدىنا-ارتىنا بالىق قارىن سۇيىرلەۋ، ۇشكىرلەۋ كەلگەنىمەن، قارشىعا قاناتىنا جاقىنداۋ بەيىمدەلەدى. ءبىراق ءدال قارشىعا قاناتىنداي دوعال دا، سۇڭقاردىڭ قاناتىنداي ۇشكىر دە ەمەس. ونى ءسال دوعالداي كورسەتىپ تۇرعان شالعىلارىنىڭ قىلىش قىرىندا تۇرعان ەكى قاۋىرسىن. ولاردىڭ ءبىرى، پىشاق تا، ەكىنشىسى، بەس شالعىنىڭ ءبىرى. بۇل ەكەۋى ءوزارا ۇزىندى-قىسقالى جانە وزدەرىنەن كەيىنگى شالعىلارىنان ءسال كەلتەلەۋ. سول سەبەپتى بۇركىت قاناتى الدىنعى جاعىنان ازداپ دوعالداۋ كورىنەدى. قانات شالعىلارىنىڭ قىلىش قىرىندا ءبىرىنشى بولىپ تۇرعان ءارى ءالدى، ءارى قىسقالاۋ ەلىپەتەرى  تارلاۋ،  اسىرەسە ەلىپتەرىنىڭ جەبە جاعى وتە تار، قانات شالعىلارىنىڭ بارىندە دە سۇيىرلەۋ كەلگەن ءبىرىنشى قاۋىرسىندى قازاق قۇسبەگىلەرى پىشاق دەپ اتايدى. ول اۋانى كەسىپ-ءتىلىپ  قاناتقا  جول اشادى دەگەن ۇعىمدى بىلدىرەدى. «قارشىعا قانات، سۇڭقار قانات» دەگەندە قۇسبەگىلەر قارشىعا مەن سۇڭقار قاناتىن ۇلگى ەتەدى دە، دوعال قاناتتىلاردى قارشىعا قاناتتىلار، ۇشكىر قاناتتىلاردى سۇڭقار قاناتتىلار دەپ تۇسىندىرەدى. قۇس قاناتى قاشاندا الدىنان ارتىنا قاراي بالىق قارىن ءسۇيىر، ۇشكىر كەلەدى. ءبىراق ولاردىڭ ءبىرىنىڭ ءسال دوعال، ءبىرىنىڭ ۇشكىل كورىنۋى قانات شالعىلارى ءبىتىمىنىڭ تابيعاتىنا بايلانىستى. دوعال قاناتتىلار شالعىسىنىڭ الدىڭعى قىلىش قىرىنداعى قاۋىرسىندارى بىردەن ەكىگە، كەيدە ۇشكە دەيىن ۇزىندى-قىسقالى بولىپ بەس شالعىنىڭ ەڭ ۇزىنى ورتاسىندا قالادى. شالعىنىڭ قالعان قاۋىرسىندارى ارتىنا قاراي قىسقالتاڭدانىپ، ودان ارى ارا قانات، ىرگە قانات بولىپ اتالادى. قاناتتىڭ وسى ۇلگىدەگىسى قارشىعا قاناتتىلارعا جاتادى. ال سۇڭقار قاناتتىلار شالعىسىنىڭ قاۋىرسىن ءبىتىمى بۇدان وزگەشەلەۋ بولادى. ولاردىڭ شالعىلارىنىڭ الدىڭعى قىلىش قىرىنداعى قاۋىرسىندارى ەڭ ۇزىن بولادى دا سودان ارتىنا قاراي بىرتىندەپ قىسقارا بەرەدى. سىرتتاي قاراعاندا قاناتتىڭ الدى قىلىشتىڭ قىرىنا ۇقساس ءسۇيىر ۇشتى كەلەدى دە ارتى قايقى قىلىشتىڭ جۇزىنە ۇقسايدى، بۇل ۇلگىلەر سۇڭقار قاناتتىلارعا جاتادى.

  2. شالعى. بۇل ءسوز اۋىسپالى، كوپ ماعىنادا كەلەتىنى بەلگىلى. مىسالى، ەگىن، ءشوپ شاباتىن شالعى. شالعى ساپ، شالعى وراق، ادامنىڭ مۇرت شالعىسى، قۇس قاناتىنداعى ۇزىن قاۋىرسىندار شالعىسى دەگەندەي. شالما تۇزاق، شالما ارقان، موينىنا ورايتىن شالما ورامال، كۇرەسكەندە اياقتان شالۋ، مالدىڭ، ادامنىڭ ءىزىن شالۋ، كوزگە شالىندى، قىرسىق شالدى دەگەن سوزدەردە شالعى سوزدەرى كەيدە ەتىستىك، كەيدە ەسىمدىك رەتىندە سويلەمدەرگە قوسىلىپ، ءار ءتۇرلى ماعىنادا ءجيى ۇشىراي بەرەدى. ال ءبىزدىڭ ايتقالى وتىرعان شالعىمىز قۇس قاناتىنىڭ ەڭ ۇزىن ون قاۋىرسىنى (ون شالعىسى). ءبىراق قۇسبەگىلەر مۇنى ون شالعى دەپ اتامايدى. تەك سىڭار قاناتتاعى بەس قاۋىرسىندى عانا بەس شالعى، كۇرەك شالعى، ساباۋ شالعى دەيدى. بۇركىت قاناتىنداعى قاۋىرسىنداردىڭ كوبىندە جەكە-جەكە اتاۋلارى بار. ال سولاردىڭ ىشىندە شالعى دەپ اتالعان قاۋىرسىنداردىڭ الدىلىگى، جەبەلىگى جانە بۇتىندىگى مەن تۇتاستىعىنا ەرەكشە نازار اۋدارادى. قۇس قاناتىنداعى قوس شالعى ۇشۋ، قونۋعا بايلانىستى بارلىق قيمىلدىڭ نەگىزگى قۇرالى. ونىڭ ۇستىنە قىران بىتكەننىڭ كوركى دە وسى شالعى. ءبىزدىڭ قۇسبەگىلەرىمىز (شينجياڭدىق) قۇس شالعىنىڭ ۇشى ارتىنا قاراي يىندەۋ، ءسال ۇشكىلدەۋ بولسا، مۇنداي قۇستى تالعامدىق كۇيى جەڭىل دەپ ەسەپتەيدى. جالپى العاندا، شالعى ۇشىنىڭ ۇشكىل كەلگەنىن ۇناتادى. شالعىعا بايلانىستى سوزدەر وتە كوپ، وسىنىڭ ىشىندە اۋىزعا كوپ الىناتىنى قىران قاناتىن جايىپ، جايبىراقات وتىرعاندا، قوس شالعىنىڭ ءبىر-بىرىمەن ايقاسقان جەرىنەن قاۋىرسىنى ۇشىنا قاراي مولىراق شىعىپ تۇرسا، ايقاسقان ارتىق جەرى ءبىر سۇيەمنەن كەم بولماسا، بۇل ۇشقىش قۇستىڭ بەلگىسى، العىر، قىراعى دەپ قارايدى. قۇس قاناتىنىڭ تاڭ قالارلىق ءبىر ەرەكشەلىگى - ول قۇستىڭ قالاۋى بويىنشا بارىنشا جازىلىپ-كەرىلىپ، قاجەت بولعاندا، كىشىرەيىپ ىقشامدالىپ، قىسىلىپ، سىعىلىپ كەيدە بۇكتەلىپ، قاتتالىپ، جيىرىلىپ وتىرادى، ءتىپتى ونىڭ كەيبىر قاۋىرسىندارى ءوز الدىنا جەكە قيمىل جاساۋ ارقىلى ءوز مىندەتىن ويداعىداي اتقارادى، اسىرەسە جەكە قيمىل جاسايتىن جەتىم شالعى ادامنىڭ ساۋساعى ءتارىزدى. الاقان ىرقىمەن قيمىلدايتىن «پىشاق» دەپ اتايتىن جالعىز قاۋىرسىنى دا ءوز  قىزمەتىن ءمىنسىز ورىندايدى. ال ءبىز شارتتى تۇردە الىپ وتىرعان الاقان تاراۋىنىڭ ءبىرىنشى جانە ەكىنشى بۋىن باقالشىقتارىنا ورنالاسقان باس قاۋىرسىندا ءوز الدىنا  قيمىل-ارەكەت   جاساپ اشىلىپ، جابىلىپ، تارىلىپ، قىسىلىپ قاتتالادى. قۇس قاشاندا ءوز دەنەسىن وسى باس قاۋىرسىنى (باس شالعى) ارقىلى تەڭەپ (تەڭشەپ) ۇشىپ تىلەگەن جەرىنە جەتەدى. سول ءۇشىن دە قۇسبەگىلەر باس شالعىنىڭ قامىن تولعانا ويلانىپ، اسەرلى اڭگىمەلەپ، كوپ قادالا زەرتتەيدى. ەگەر دانا قۇسبەگى كەمتار شالعى قاۋىرسىن تۇلەك كەزىندە تۇسپەي قالسا، ونى جاساندى جولمەن قولدان تۇلەتەدى، اڭعا سالىپ جۇرگەن قۇستىڭ بىرەر شالعىسى سىنا قالسا، دەرەۋ جالعاپ بۇتىندەيتىن شەبەرلىك كەرەك.

  3. ەلىپ. بۇل ءسوزىڭ توركىنى بەلگىسىز. قازىرگى ءسوز  قورىمىزدا ەلىپ جەڭىل، وتە جەڭىل، سالماقسىز، قاڭعاجاق، قاڭعالاق دەگەن ۇعىمدى بىلدىرەدى. ادامنىڭ مىنەز-قۇلقىنا قاراي ايتقاندا، جەڭىل مىنەز ەلپىلدەگەن، ءتىل العىش، ەلگەزەك ادام. قۇراق ۇشىپ، بايەك بولادى، كەيبىر جەڭىل قۇبىلىستى ءتۇسىندىرۋ ءۇشىن دە ەلپ ەتە قالادى. بوستىق پەن زاتتىڭ ءبىر-بىرىنە ءتيىسىپ تۇرعان سىزىعى، شەگى. ءبىر زاتتىڭ ۇلبىرەگەن شەگى اينالاداعى ءبىر دۇنيەنىڭ  كوز  ۇشىندا ارەڭ كورىنەتىن سۇلباسى. كوزگە ارەڭ ىلىنەتىن شەتى جۇقارعان ۇلبىرەگەن قىرى دەگەن سياقتى ايتىلا بەرەدى. ال قۇستىڭ قاۋىرسىنىنداعى ەلىپ ءسوزى دە جەڭىل، وتە جەڭىل، سالماقسىز، قاڭعاجاق دەگەن مازمۇنداردا ايتىلسا كەرەك. مىنە، وسىنداي ەلىپەتەر قۇستىڭ ءجۇنى مەن قاۋىرسىندارىنىڭ ءاربىر تالىندا بولادى. جۇندەرى مەن قاۋىرسىندارىنىڭ تۇبىنەن ۇشىنا دەيىن ەكى جاعىنا قوس جارناقتى (سيممەتريالى) تارتىپپەن قاراما-قارسى ورنالاسقان، تۇك تالشىقتارىن قۇسبەگىلەر (ەلىپ) دەپ اتايدى. ەلىپتەگى ءار تالشىقتىڭ ءوزى جەكە-جەكە قاۋىرسىن سياقتى كەلەدى دە ولاردىڭ ەكى جاعىنان سيممەتريالىق تارتىپپەن تۇبىنەن ۇشىنا دەيىن ەلىپتەر ورنالاسقان. بۇل ەلىپشەلەر كوزگە كورىنبەيتىن دارەجەدەگى نازىك تالشىقتاردان تۇرادى. سول نازىك تالشىقتاردىڭ تۇستەرى ارقىلى ءوزارا بىرىگىپ كەتىپ، سىرتتاي قاراعاندا قاۋىرسىن ەلىپتەرى ءبىر ءبۇتىن زات بولىپ كورىنەدى. قاز-قاتار تۇرعان قاۋىرسىنداردىڭ استىنان ارتىنا قاراي جابىسىپ، ەلىپتىڭ كەڭ يىقتى كوبە جاعى قاۋىرسىننىڭ ۇستىنەن الدىنا قاراي ەلىپتىڭ تار قياقتى جەبە جاعى ايقاسىپ باسىپ تۇرادى. ەلىپشەلەردىڭ تىعىزدىعى، ءوزارا جيىلىگى جاۋىن-شاشىن، جەل-قۇزدى وتكىزە قويمايدى. ونىڭ ۇستىنە قاۋىرسىندارى مەن جۇندەرى قابات-قابات، ءبىرىن-ءبىرى نىعارلاپ باسقان مامىق دەنە جىلىلىعىن سىرتقا شىعارمايدى ءارى جەڭىل، ءارى بەرىك، ءارى جىلى ەلىپتەردى قۇستىڭ كىرەۋكەلى جامىلعىسى دەسەدە بولادى، اڭمەن ايقاسقان كەزدە  ەلىپتەر  تارىلادى، ىدىرايدى، قاۋىرسىندارى سىنادى. تارالعان ەلىپتەردى قۇس ءوز تۇمسىعىمەن تاراقتاپ تابيعي قالپىنا كەلتىرەدى. ال سىنعان قاۋىرسىندى قۇسبەگىلەر جاماپ-جاسقاپ بۇتىندەيدى، قاناتتى سەرىگىنىڭ تىلەگىن جالعايدى.

  4. كوبە-جەبە. ءتۇپ توركىنى بەلگىسىز وسى ەكى ءسوز كوپ ورىندا ايتىلادى. كوبە تىرناقتىڭ ەتكە تىرەلگەن كەسەر سىزىعى. تۇياق، تىرناق قۇندىزدىعى نەمەسە قۇندىزدىقتىڭ تۇياققا تىرەلگەن جيەگى، جەردىڭ، جارتاستىڭ، قۇزدىڭ، قاباقتىڭ جالپى جەر بەدەرىنىڭ جەر تابانعا، ۇلتانعا ءتيىپ تۇرعان سىرتقى سىزىعى، وبىسكەن جەرلەرى، ىرگەسى، ىرگە سىزىعى، نايزا، سۇڭگى، سەرەلەردىڭ تەمىر ۇڭعىسىنا سۇعىنعان، اعاش ساپتىڭ قىلقا مويىن سىزىعى. ساداق تاياقشانىڭ ارتقى جاعى، ات قۇيرىعى قىل تالشىقتارىنىڭ قۇيقا تەرى اراسىنداعى سوقتالى بولەگى. جالپى مازمۇنى نەگىزگى دەنەگە، ءتۇپ دەنەگە، ۇلكەن دەنەگە كىرە وبىسكەن جيەگى، ىرگە، ىرگە جاق جيەك، ارت جاق، ارتقى جاق، سوڭعى جاق، وڭاشا جاق.

  «كوپ وعىنىڭ اراسىنان سۇر جەبە دەگەن وق الدى». ساداق وعىنىڭ ۇشى، جەبەسى، جەبەلى-جەبەسىز، ۇزىندى-قىسقالى ولشەم. قۇس جەبەي ۇشتى، قاناتىن جەبەي قاقتى، ارۋاق، ءپىر جەبەدى. بۇگىن قوساقتى قويدى جەبەي ساۋدى سياقتى وسى سوزدەردىڭ جالپى مازمۇنى - جىلدام،   تەز،   الىمدى، ۇتىمدى، وتكىر دەگەن ۇعىمدى بايقاتادى.

  قانات پەن قۇيرىقتىڭ اۋانى جارىپ وتىراتىنى الدىڭعى قىرلارى جەبە قاۋىرسىننىڭ ەتكە كىرىپ تۇرعان ەلىپسىز جاعى. كوبە قاۋىرسىننىڭ ەلىپتى بولەگى جەبە دەپ اتالادى. سونىمەن بىرگە، ءبىر تال قاۋىرسىننىڭ قانات الدىنا قاراي سىرت ۇستىنە ايقاسقان ەلىپ جەبەشىگى جاعىنان قانات ارتىنا قاراي سۇعىلعان ەلىپ كوبە دەپ اتالادى. قاي قاۋىرسىن   بولماسىن  ولارداعى ەلىپتەردىڭ جەبە جاعى تار قياقتى، كوبە جاعى كەڭ قياقتى كەلەدى. ءبىر عاجابى جەبە جاق ەلىپتەردىڭ ۇلبىرەگەن وتە جۇقالاۋ قىرى ءبارى بىردەي ۇستىنە قاراي يميگەن. مايماق بىتكەن ەلىپتەردىڭ وسىنداي وڭدى-سولدى (تەرىس) مايماقتىعى، وتە جۇقالىعى، جابىسقاقتىعى ارقاسىندا وسكەن جەرلەرىنەن وڭايشىلىقپەن سەتىنەي قويمايدى.

  5. ارا قانات. بۇركىت قاناتىندا شالعىدان كەيىنگى ۇزىن قاۋىرسىندار بولادى. شالعىدان قىسقا، قاناتتان ۇزىن كەلەدى دە الدىنان ارتىنا قاراي بىرىنەن-ءبىرى قىسقالتاڭ بولادى. شالعىعا قاراعاندا ارا قانات قاۋىرسىندارىنىڭ ۇشتارى دوعالداۋ، ىرگە قاناتقا قاراعاندا ءسال ۇشكىلدەۋ، جەبە ەلىپتەرى ءبارى بىركەلكىلەۋ تار قياقتى، كوبە ەلىپتەرى بىركەلكىلەۋ كەڭ قياقتى كەلەدى. قۇس قاناتىن جايعاندا، ىرگە قانات قاۋىرسىندارىمەن قاتار كورىنەتىن، قۇس قاناتىن جيىپ وتىرعاندا، شالعى قاۋىرسىندارمەن ءبىر قاتارعا جيىلاتىن قاۋىرسىندى قۇسبەگىلەر ارا قانات دەيدى.

  6. ىرگە قانات. قۇس قاناتىنىڭ نەگىزگى ۇلكەن بولەگىن قۇراپ تۇرعان مۇشە - سىڭار قاناتتا ىرگە قانات ساناتىنا كىرەتىن ون التى قاۋىرسىن بار بولىپ، قۇس قاناتىن جايعاندا، ارا قاناتپەن ءبارى ءبىر قاتاردا كورىنەدى دە ارتىنا قاراي سۇيىرلەنە قىسقالتاڭداپ، كىشىرەيىپ، ۇساقتاپ بارىپ سىرتتاي قاراعاندا ارتى ءجۇن كىرەۋكە قاۋىرسىندارىنىڭ استىنان شىعىپ تۇرعانداي كورىنەدى. شىن مانىندە بۇل قاۋىرسىندار توپشىسى مەن جاۋىرىن اراسىندا تۇرعان توقپاس جىلىكتىڭ، كارى جىلىكتىڭ سۇيەكتەرىنە عانا كوگەندەلگەن.   قۇس  قاناتىن  جايىپ وتىرعاندا، پىشاق باس شالعى ارا قاناتتار توپشىدان ءبىر-اق بولەكتەنىپ سالبىراپ تومەن تۇسەدى دە توپشى جوعارى كوتەرىلىپ قۇستىڭ يىعىنا سۇيەنەدى، ال قىسقالتاڭ ون التى ىرگە قانات قاۋىرسىن ولاردىڭ ۇستىنەن باسا قاباتتالىپ، قىسقا توننىڭ ەتەگىندەي پىشاق باس شالعى ىرگە قاناتتاردىڭ كەۋدە جاعىن تۇگەل جاۋىپ تۇرادى. ۇستىنەن قاباتتالىپ كەلەدى، قازاق حالقى كيىز ءۇيدىڭ نەمەسە باسقا ءبىر دەنەنىڭ قارا جەرگە ءتيىپ تۇرعان جيەك سىزىعىن ىرگە دەپ اتايدى. كەرەگەگە جاناي سالعان توسەكتىڭ ىرگە جاق ەكىنشى جاعىن وت جاق دەپ اتايدى. ادام كوپ ورنالاسقان ەلدى مەكەندى ىرگەلى ەل دەيدى. ال قاناتتاعى قاۋىرسىنداردىڭ مول بولەگى بولعاندىعى ما؟ الدە شالعىلارى قاناتتىڭ الدى دەپ ايتىلعان ون التى قاۋىرسىندى ارتى ىرگەسى دەگەنى مە؟ نەگە ەكەنى بەلگىسىز وسى قاۋىرسىندى قۇسبەگىلەر ىرگە قانات اتاعان.
 
دايىنداعان -كامىل قاسەن ۇلى

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn