ەەڭ جاڭا مازمۇندار
2020-جىلى 9-ايدىڭ 18-كۇنى 173- سان
«قۋاتتى الەۋمەتتىك دەنساۋلىق ساقتاۋ جۇيەسىن ورناتىپ،حالىقتىڭ سالاماتتىعىن قورعاۋدى پارمەندى قامتاماسىزداندىرۋ كەرەك»
جوعارى ساپانى ورنىقتىرىپ، جاڭا دامۋدى جۇزەگە اسىردى
بارلىق بوگەت،قيىندىق،قاتەرلەردى جەڭەتىن كۇش قاينار
عىلىم-تەحنيكادا جاڭالىق اشۋدى جەدەلدەتىپ، جوعارى ساپالى دامۋدى ىلگەرىلەتەمىز
اكىمشىلىك مەكەمەسى 2020-جىلعى 23-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى 2020-جىلعى لاستانۋدان ساقتانۋ جانە ونى جونگە سالۋ ارناۋلى تاقىرىپتىق ءماجىلىسىن اشتى
ايماعىمىزداعى 3 كاسىپورىن اۆتونوميالى رايوندىق شارۋاشىلىق قۇرۋ،جاڭالىق اشۋ جارىسىندا تاماشا ناتيجەگە قول جەتكىزدى
ءدوربىلجىن اۋدانىندا تۇڭعىش قىستاق باسقارۋىنداعى ۇلتتىق سالت-ءداستۇر كورمە سارايى اشىلىپ، ساياحاتشى قابىلداۋدا
سەرىكقان تىككەن بىلعارى اياق كيىمدەر اۋقاتتانۋعا جارقىن جول اشتى
جەرلىك تاۋىق باعىمشىلىعى كىرىستىڭ ارتۋىن جەبەدى
ءوندىرىس حاۋىپسىزدىگى تەكسەرۋىن جۇرگىزدى
2020-جىلى 9-ايدىڭ 17-كۇنى 172- سان
«اۋەلگى ماقساتتى ۇمىتپاۋ،بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ جەتىستىكتەرىن بەكەمدەيىك،تەرەڭدەتەيىك
بيڭتۋان 7-كەزەكتى پارتكومىنىڭ جەتىنشى جالپى ءماجىلىسى اشىلدى
باياندى تىنىشتىققا ارشىندى قادام تاستادى
باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ،شارلاۋ،شارلاپ تەكسەرۋ قىزمەتىنىڭ بەكەمدەۋ بارىسىندا تەرەڭدەۋىن،تەرەڭدەۋ بارىسىندا دامۋىن ىلگەرىلەتۋ كەرەك 
اكىمشىلىك مەكەمەسى 2020-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق ءماجىلىسىن اشتى
التىن كۇز . مول ءونىم ماۋسىمى
2020-جىلى 9-ايدىڭ 16-كۇنى 171- سان
ورايدى مىقتى يگەرىپ، قولايلى ساتتە قيمىلداپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك
وسى زامانعى اينالىم جۇيەسى قۇرىلىسىن جەدەلدەتىپ،جاسىل دامۋ جولىمەن جۇرۋدەن اۋىتقىماي،ىندەتتەن ساقتانۋ-تىزگىندەۋدى ۇدايىلاندىرۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ كەرەك
عىلىم - تەحنيكادا جاڭالىق اشۋ ەكولوگياسىن جاقسارتىپ، جاڭالىق اشۋدىڭ، جاسامپازدىق جاساۋدىڭ ومىرشەڭدىگىن قاۋلاتايىق
جۇڭگو حالقىنىڭ ەڭ سەنىمدى تىرەگى
اكىمشىلىك مەكەمەسى 2020-جىلعى 22-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ، باسقارۋ، قىزمەت وتەۋ» رەفورماسى بويىنشا تيجارات-ساۋدا ورتاسىن ساپالىلاندىرۋ ءماجىلىسىن اشتى
سىناق رەتىندە ەككەن شاتتاۋىق اعاشى جەمىس بەردى
كوكونىس ەگۋدەن مول كىرىس كىرگىزدى
جاڭا تۇرپاتتى اۋىل شارۋاشىلىق ماشيناسىمەن شەكىلدەۋىكتى قاربىز جينادى
تالشىن اسقاباقتان مول ءونىم الدى

حالىق تىلەگىنە قايتارىلعان جاۋاپ

جولدانعان ۋاقىتى : 2014/2/17 17:08:37

  − ورتالىقتىڭ 1-ءنومىرلى حۇجاتىنداعى بۇقارا كوڭىل بولگەن كەيبىر تولعاقتى تۇيىندەر جونىندە
 
  ج ك پ ورتالىق  كوميتەتى مەن مەملەكەتتىك  كەڭەستىڭ « اۋىل-قىستاق رەفورماسىن  جاپپاي تەرەڭدەتىپ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋ جونىندەگى پىكىرى» (تومەندە قىسقارتىلىپ 1-ءنومىرلى  حۇجات دەلىنەدى) 19-قاڭتاردا رەسمي جاريالاندى. 1-ءنومىرلى حۇجاتتا استىق حاۋىپسىزدىگى، اۋىل شارۋاشىلىعىنىڭ ءونىمدى مەحانيزمى، جەر رەفورماسى سىندى 8 مازمۇن قامتىلدى، ءبىز اتالعان حۇجاتتا اۋىل شارۋاشىلىعىنا قاتىستى بۇقارا ءبىرشاما نازار اۋدارعان، بۇقارامەن تىعىز مۇددەلىك بايلانىسى بار تولعاقتى تۇيىندەرگە ايقىن جاۋاپ قايتارىلعاندىعىن بايقادىق.

  نازار-1

  اۋىل-قىستاق كوللەكتيۆ جەرىن مەملەكەت مەنشىگىندەگى جەرمەن تەڭ دارەجەدە بازارعا كىرگىزۋ

  لەبىز: ۇقساس ءبىر جەر بولسا دا  ۇكىمەتتىڭ بازاردا باسەكەلەستىرىپ ساتۋ باعاسى ەگىستىك جەردى قايتارىپ الۋ باعاسىنان الدەقايدا جوعارى تۇرادى، مۇنداي سوراقىلىق جاعداي جونگە سالۋدى شۇعىل قاجەت ەتەدى

  ءبىز انحۇي، شاندۇڭ سياقتى كوپ جەرلەردىڭ قايتارىپ الۋدا بەرىلەتىن تولەم اقى ولشەمى جونىندەگى حابارلاندىرۋىن تەكسەرۋدەن ۇعىسقانىمىزداي، ۇكىمەتتىڭ شارۋادان قايتارىپ العان ءار مۋ جەرىنە بەرەتىن تولەم اقىسى 30 دا 40 مىڭ يۋاننان 100 نەشە مىڭ يۋانعا دەيىن  ۇقسامايدى  ەكەن.  تاعى  دا  وسىنداي جەرلەر، ۇكىمەت مەردىگەر شاقىرىپ، قورا-جاي اشۋ ساۋداگەرلەرىنە ساتاتىن بولسا، قيت ەتكەنى ءبىر ميلليون يۋان، ون ميلليون يۋان تۇرادى. اسپان مەن جەردەي پارىقتىڭ استارىندا، شارۋالاردىڭ ۇقىق-مۇددەسى تولىق قامتاماسىز ەتىلمەي وتىر.

  ورتا بولەك وڭىرلەرىندەگى ءمالىم ولكەنىڭ ورتالىق قالاسىنداعى ءبىر قورا-جاي اشۋ سەرىكتەستىگىنىڭ جاۋاپتىسى جەرگىلىكتى ۇكىمەتتەن جەر ساتىپ الاتىن بولسا، ەگەر قالا رايونىنا جاقىن ءتاۋىر اۋماقتاردىڭ ءار مۋىن 10 ميلليوننان استام يۋانعا، 2-اينالمانىڭ سىرتىنداعى جەرلەردى جالپىلاي 5 ميلليون يۋان شاماسىندا، شەتكەرى  اۋماقتاعى  جەرلەردىڭ ءار مۋىنىڭ ءوزىن 3 تە 4 ميلليون يۋانعا ساتىپ الاتىندىعىن ايتتى.

  جاۋاپ: 1-ءنومىرلى حۇجاتتا اۋىل-قىستاق جەر ءتۇزىمى رەفورماسىن تەرەڭدەتىپ، اۋىل-قىستاقتاعى كوللەكتيۆ شارۋاشىلىق قۇرىلىسىنا پايدالانىلاتىن جەردىڭ بازارعا كىرۋىنە جەتەكشىلىك ەتۋ جانە ونى ارناعا ءتۇسىرۋ العا قويىلدى. جوباعا ساي كەلۋ جانە قولدانىلاتىن ورنىن باسقارۋ العى شارتىندا، اۋىل-قىستاق كوللەكتيۆىنىڭ شارۋاشىلىق قۇرىلىسىنا پايدالانىلاتىن جەردى وتكەرمەلەۋىنە، جالعا بەرۋىنە، جارناعا سالۋىنا رۇقسات ەتىپ، مەملەكەت مەنشىگىندەگى جەرمەن تەڭ دارەجەدە بازارعا كىرگىزىپ، تەڭ ۇقىق، تەڭ باعا بەرىپ، اۋىل-قىستاق كوللەكتيۆىنىڭ شارۋاشىلىق قۇرىلىسىنا پايدالانىلاتىن جەرىنىڭ مال-مۇلىك ۇقىعىن اينالىمعا سالۋ جانە ارتقان قۇن پايداسىن بولىسكە سالۋ ءتۇزىمىن تەزىرەك ورناتۋ كەرەك.

  ماماندار تۇسىندىرمەسى: انحۇي ۋنيۆەرسيتەتى اۋىل-قىستاق رەفورماسى مەن ەكونوميكا، قوعام دامۋىن زەرتتەۋ اكادەمياسىنىڭ زەرتتەۋشىسى چاڭ ۋي بىلاي دەپ قارادى: 1-ءنومىرلى حۇجاتتا ايتىلعان جەر رەفورماسى  جونىندەگى  تۇسىندىرمەسى   ءۇشىنشى جالپى ماجىلىستەگى «قالا، اۋىلدىڭ قۇرىلىسقا پايدالاناتىن جەر بازارىن ءبىر تۇتاس قۇرۋ» قارارىن تياناقتاندىرۋى جانە ونىڭ بەينەلەنۋى بولىپ تابىلادى. بولاشاقتاعى قالا، اۋىل جەر باعاسىنىڭ ەكى ءتۇرلى بولۋىنان تۋىنداعان كوپ ماسەلەلەر ءتۇبىرلى شەشىم تابادى. بۇل رەفورما بۇدان بۇرىنعى شارۋالاردىڭ ءتول مۇددەسىنە بايلانىستى ماسەلەلەردى قامتىپ قانا قويماي، جەرگىلىكتى ورىنداعى قازىناعا اۋىر دارەجەدە تاۋەلدى بولىپ وتىرعان جەر، قازىنا، قورا-جاي بازارى سياقتىلارعا سايىپ، ەكونوميكانىڭ اينالىمىنا، قوعامنىڭ دامۋىنا باياندى ءارى زور ىقپال جاسايدى.

  ول بىلاي دەپ قارادى: ورتالىقتىڭ اۋىل-قىستاق جەرى رەفورماسىن تەرەڭدەتۋدى قايتا-قايتا دارىپتەۋى ادامدى جەلپىندىرەدى، سوڭعى ءتۇيىن مەن وزەك ورتالىقتىڭ رۋحىن قالاي تياناقتاندىرۋدا، ونىڭ ۇستىنە ءىس جۇزىندىك ماسەلەلەر ءبىر-بىرىمەن بايلانىسىپ، بىرەۋى بارلىعىنا اسەر ەتەدى، جەر ءتۇزىمى رەفورماسى شارالارىنىڭ ەرتەرەك شىن مانىندە  تياناقتانۋىن  ءۇمىت  ەتەمىز.

  نازار-2

  ازىق-تۇلىك حاۋىپسىزدىگى ءۇشىن جەردى تىنىقتىرۋ 

  لەبىز: قازىر ۋلى بۇرشاق، كادميلى كۇرىش سياقتى قايداعى-جايداعى ازىق تۇلىكتەر قاپتاپ كەتتى، ازىق-تۇلىك حاۋىپسىزدىگىنە كەپىلدىك ەتۋ قاجەت

  ەلىمىزدىڭ اۋىل شارۋاشىلىق ءوندىرىس قۋاتىنىڭ جوعارىلاۋىنا ساي، استىق حاۋىپسىزدىگى ماسەلەسى جۇرتتى الاڭداتا باستادى. ءبىرقىدىرۋ وڭىرلەردىڭ ەگىستىك جەرى مەن سۋ بايلىعى تۇرمىستىق جاراقسىز زاتتار مەن ونەركاسىپتىك جاراقسىز سۋ، جاراقسىز قالدىقتاردىڭ ىقپالىنا ۇشىرادى، توپىراق قۇرامىنداعى ۋلى زات كوبەيدى. وعان قوسا حيميالىق تىڭايتقىشتى بەتالدى پايدالانۋ ماسەلەسى جەردىڭ قۇنارىن كەتىردى، ەگىس داقىلدارىنىڭ ءتۇسىمى دە كۇن سايىن ازايدى.

  حاينان ولكەلىك اۋىل شارۋاشىلىق عىلىمدار اكادەمياسى حاينان ولكەسىنىڭ ءىشىنارا رايونىندا كوكونىس سورتىنا بەرىلگەن حيميالىق تىڭايتقىش جونىنەن تەكسەرۋ جۇرگىزدى. حيميالىق تىڭايتقىش عىلمي تۇردە بەرىلمەگەندىكتەن حيميالىق تىڭايتقىش كوپ سارىپ بولعان. كوك اسقاباق جونىنەن العاندا، ازوتتى تىڭايتقىشتىڭ ٪37 ى،  فوسفورلى  تىڭايتقىشتىڭ ٪92 ى، كاليلى تىڭايتقىشتىڭ ٪55 ى ارتىق بەرىلگەن. مىنە وسىنداي ارتىق بەرىلگەن تىڭايتقىش توپىراق قۇرامىن بۇلدىرەدى، توپىراققا فوسفورلى تىڭايتقىشتىڭ كوپ بەرىلۋى توپىراقتى قاتىرادى، ەگىستىككە حيميالىق دارىلەردى شامادان كوپ پايدالانۋدان توپىراقتا ۋلى زات قالدىقتارى تۋىندايدى. 

  حاينان ولكەلىك اۋىل شارۋاشىلىعى عىلىمدار اكادەمياسى توپىراق تىڭايتقىشىن زەرتتەۋ-اشۋ ورتالىعىنىڭ جاۋاپتىسى شيە لياڭشياڭ بىلاي دەدى: توپىراقتىڭ قۇنارى كەمىگەندىكتەن، جەردى تىڭايتۋعا تۋرا كەلىپ وتىر! بۇرىندارى توپىراققا شانشىلعان ءيىن   اعاشتىڭ ءوزى كوكتەپ كەتەتىن، قازىر تۇقىمنىڭ تىعىز ەگىلۋى دە توپىراقتىڭ قۇنارىن ازايتىپ، ەگىستىكتىڭ ءونىم ساپاسىنا ىقپال ەتتى.

  جاۋاپ: تاياۋدا ورتالىقتىڭ 1-ءنومىرلى حۇجاتىندا، اۋىل شارۋاشىلىعىن باياندى دامىتۋدىڭ ۇزاق ۋاقىتتىق  ءونىمدى مەحانيزمىن ورناتۋ، ەكولوگيامەن جاراسىمدى اۋىل شارۋاشىلىعىن دامىتۋدى جەبەۋ، وتە-موتە، اۋىل شارۋاشىلىعى سالاسىنداعى لاستانۋ قاينارىن وڭاۋ تەبىنىن ارتتىرىپ، ءونىمدى تىڭايتقىشتار مەن زاردابى از ەگىس دارىلەرىن پايدالانۋ، كولەمدەنگەن باعىمشىلىق الاڭدارىنان شىققان مال قيى مەن قۇس ساڭعىرىعىن كادەگە جاراتۋ، اۋىل شارۋاشىلىعى سالاسىنداعى جاڭا شارۋاشىلىق سۋبيەكتىلەرىنىڭ ورگانيكالىق تىڭايتقىشتاردان پايدالانۋ، جوعارى ولشەمدى سۋلياۋ جارعاقتاردى جالپىلاستىرۋ جانە سۋلياۋ جارعاق قالدىقتارىن جيناپ الۋ سياقتى شارالاردى تۇيىندەردە سىناق ەتۋگە قولداۋ كورسەتۋ كەرەكتىگى العا قويىلدى.

  ماماندار تۇسىندىرمەسى: حاينان ولكەلىك اۋىل شارۋاشىلىعى عىلىمدار اكادەمياسىنىڭ تىڭايتقىشتى زەرتتەپ-اشۋ  ورتالىعىنىڭ  جاۋاپتىسى  شيە لياڭشياڭ بىلاي دەدى: 1-ءنومىرلى حۇجاتتا توپىراقتىڭ «وندىرگىش كۇشىنە» ەرەكشە كوڭىل ءبولىندى، وتە-موتە، وتكەندە جەرگىلىكتى ورىننىڭ توپىراق قۇرامىنداعى ورگانيكالىق زاتتاردىڭ مولشەرىن كوبەيتۋگە قوسىمشا قاراجات بەرۋ نىسانىن جەدەل اتقارۋى جەرگىلىكتى ورىنداردى شابىتتاندىرۋ رولىن اتقارادى، ۇكىمەت باستاماشىلىق ەتسە، ديقاندار ورگانيكالىق تىڭايتقىشتى بەلسەندى، ىرىقتى تۇردە پايدالانادى، مال قيى مەن قۇس ساڭعىرىعىن كوبىرەك كادەگە جاراتادى.

  جۇڭگو حالىق ۋنيۆەرسيتەتى اۋىل شارۋاشىلىعى جانە اۋىل-قىستاقتى دامىتۋ ينستيتۋتىنىڭ پروفەسسورى جىن فىڭتيان بىلاي دەدى: اۋىل شارۋاشىلىعىن باياندى دامىتۋدىڭ ۇزاق ءونىمدى مەحانيزمى ءتۇزىمى ەلىمىزدىڭ اۋىل شارۋاشىلىعى وندىرىسىندە سانعا ءمان بەرۋدەن ساپاعا ءمان بەرۋگە قاراي بۇرىلىس جاساعانىن بەينەلەدى. ساياساتتىڭ رەتتەلۋى ەكولوگيامەن جاراسىمدى اۋىل شارۋاشىلىعىن قۇرۋعا  ويىستىردى، اۋىل شارۋاشىلىعىندا كەزدەسكەن كورنەكتى ماسەلەلەرگە باعىتتالعان جاڭاشا، باياندى تەحنيكا تاسىلدەرى مەملەكەت قولدايتىن جانە جالپىلاستىراتىن ماڭىزدى تۇيىنگە  اينالادى.

  نازار-3

  «ۇقىقتى، جارنانى، جەردى تۇراقتاندىرۋدان» يكەمدى پايدالانۋ

  ەگىستىك جەردىڭ ۇقىق-مۇددەسىن  قامتاماسىز  ەتۋدەن   «ءۇمىت بار»

  لەبىز:  جەرى  الىنعان  شارۋالارعا   «حاۋىپسىزدىك سەزىمى» كەرەك. كاسىپتەنۋ، قوعامدىق قامسىزداندىرۋ  سياقتى سايكەستى قۇرىلعىلارى سايكەسۋى قاجەت

  «شارۋالاردىڭ جەرى الىنعاننان كەيىن، ولار بەلگىلى سومادا تولەمگە يە بولعانىمەن، الايدا نەشە جىل، ءتىپتى ون نەشە جىلدان كەيىن ءبىر ءۇيلى جان نەگە سۇيەنىپ كۇنەلتەدى؟» ءبىز شاندۇڭ، انحۇي سياقتى جەرلەردە تىلشىلىك ىستەگەن كەزدە مىنانى بايقادىق: جەر-جەردىڭ قالا-قالاشىقتانۋ اياق   الىسىنىڭ تەزدەۋىنە ىلەسە، جەرىنەن ايرىلعان شارۋالاردىڭ «حاۋىپسىزدىك سەزىمى» تومەندەي باستاعان، ولار قانشالىق تولەم اقشاعا يە بولادى ەكەنمىن دەگەنگە باس قاتىرۋدان تىس، كەيىنگى كۇندەگى تۇرمىسىن قالاي قامتاماسىز ەتۋدەن كوبىرەك الاڭدايدى ەكەن.

  جاۋاپ: بيىل ورتالىقتىڭ 1-ءنومىرلى حۇجاتىندا اۋىل-قىستاق جەرىن كوتەرمەگە الىپ شارۋاشىلىق جۇرگىزۋ ۇقىعىن تۇراقتاندىرۋ، تىركەۋ، كۋالىك بەرۋ قىزمەتىن شىن مانىندە ويداعىداي يگەرىپ، شارۋالار قاۋىمىنا سۇيەنە وتىرىپ، قىزمەتتە جولىققان قايشىلىقتار مەن ماسەلەلەردى ءوز الدىنا سايكەستىرىپ شەشىپ، ۇقىقتى، جەردى تۇراقتاندىرۋعا بولاتىندىعىن ءارى ۇقىقتى، جارنانى تۇراقتاندىرىپ، جەردى تۇراقتاندىرماۋعا دا بولاتىندىعىن العا قويدى، 1-ءنومىرلى حۇجاتتا تاعى جەر الۋ ءتۇزىمى رەفورماسىن جەدەل ىلگەرىلەتۋ، قاتىستى زاڭدار مەن زاڭ-بەلگىلەمەلەرگە وزگەرىس ەنگىزۋدى مىقتى ۇستاپ، شارۋالاردىڭ جەردىڭ ارتقان قۇن پايداسىنان تەڭ يگىلىكتەنۋىن قامتاماسىز ەتىپ، جەرى الىنعان شارۋالارعا تولەم بەرۋ ءادىسىن وزگەرتۋ، شارۋالاردىڭ قايتارىلىپ الىنعان كوللەكتيۆ جەرىنە تولەم بەرۋدىڭ سىرتىندا، شارۋالاردى ۇيلەسىمدى تۇردە تۇرعىن ۇيمەن قامتاماسىز ەتۋ، قوعامدىق قامسىزداندىرۋعا الۋ، كاسىپتەنۋ بويىنشا تاربيەلەۋ ورتاعا قويىلدى ءارى جەردى الۋعا بايلانىستى داۋ-شاردى تەكسەرىپ ءبىر جايلى ەتۋ، تورەلىك ايتۋ مەحانيزمىن اقاۋسىزداندىرىپ، جەرى الىنعان شارۋالاردىڭ جاعدايدى ءبىلۋ  ۇقىعىن،  قاتىناسۋ  ۇقىعىن، شاعىم ايتۋ ۇقىعىن، باقىلاۋ ۇقىعىن قامتاماسىز ەتۋ كەرەك دەپ ايقىن اتاپ كورسەتىلدى.

  ماماندار تۇسىندىرمەسى: شاندۇڭ ولكەسى قوعامدىق عىلىمدار اكادەمياسىنىڭ زەرتتەرمەنى، اۋىل-قىستاقتىڭ دامۋىن زەرتتەۋ ورنىنىڭ بۇرىنعى باستىعى چين چيڭ-ۋ بىلاي دەپ قارايدى: بيىلعى 1-ءنومىرلى حۇجاتتا العا قويىلعان تولەم بەرۋ فورماسى شارۋالاردىڭ قازىرگى قولىندا بار جەردىڭ ۇقىعى مەن پايداسىن قامتاماسىز ەتۋمەن بىرگە، شارۋالاردى، ءسوز جوق، ۇيلەسىمدى تۇردە تۇرعىن ۇيمەن قامتاماسىز ەتۋ، قوعامدىق قامسىزداندىرۋعا الۋ، كاسىپتەنۋ بويىنشا تاربيەلەۋ كەرەك دەپ ايقىن تالاپ ەتتى. بيىلعى  1-ءنومىرلى حۇجاتتاعى ەگىستىك جەر رەفورماسى  جونىندە نازار اۋدارۋعا تاتيتىن تۇيىندەر ءبىرشاما  كوپ،  مىسالى، «جەردى، ۇقىقتى تۇراقتاندىرۋعا بولادى، ۇقىقتى، جارنانى تۇراقتاندىرىپ، جەردى تۇراقتاندىرماۋعا دا بولادى» جانە «جەردى الۋعا بايلانىستى داۋ-شاردى تەكسەرىپ ءبىر جايلى ەتۋ، تورەلىك ايتۋ مەحانيزمىن اقاۋسىزداندىرىپ، جەرى الىنعان شارۋالاردىڭ جاعدايدى ءبىلۋ ۇقىعىن، قاتىناسۋ ۇقىعىن، شاعىم ايتۋ ۇقىعىن، باقىلاۋ ۇقىعىن قامتاماسىز ەتۋ» دەگەندەر، بۇل، ءىس جۇزىندە، كوللەكتيۆ كاپيتالدىڭ جارنا فورماسىندا جەكە ادام باسىنا ۇلەستىرىلىپ، «ۇقىقتى، جارنانى تۇراقتاندىرۋ» ارقىلى شارۋالاردىڭ جەر جونىندەگى ۇقىق-مۇددەسىن قامتاماسىز ەتۋدى، سونىمەن بىرگە شارۋالارعا جەر الۋ بارىسىنا قاتىناسۋ ۇقىعىن بەرۋدى جەبەيدى.

  چين چيڭ-ۋ بىلاي دەدى: « تەك ۇقىقتى ءاربىر شارۋا وتباسىنا دەيىن تۇراقتاندىرعاندا عانا، شارۋالاردىڭ زاڭدى ۇقىق-مۇددەسىن قامتاماسىز ەتۋگە، شارۋالاردىڭ مال-مۇلىك سيپاتىنداعى كىرىسىن ارتتىرۋعا بولادى، سوندا عانا شارۋالاردىڭ تۇرمىس شارت-جاعدايلارىن جاقسارتۋعا، ءوندىرىس كولەمىن كەڭەيتۋگە قولى جەتەتىن بولادى».
 
«شينجياڭ گازەتىنەن»

 

    رەداكتورى : جازيرا قاجىكەن قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
   مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn