ەەڭ جاڭا مازمۇندار
2020-جىلى 9-ايدىڭ 28 -كۇنى 181- سان
2020-جىلى 9-ايدىڭ 26-كۇنى 180- سان
مەنىڭ مەكەنىم جۇڭگوداعى ەڭ كورىكتى قىستاق-قالاشىق
ءوندىرىستى بار قارقىنمەن جەدەلدەتتى
ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋعا قۇلشىنايىق
اكىمشىلىك مەكەمەسى ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ، اپاتتان قۇتقارۋ قىزمەتى ارناۋلى تاقىرىپتىق ءماجىلىسىن اشتى
كاسىپ سالاسى ارقىلى كەدەيلەردى سۇيەمەلدەپ، جۇمىستانۋ ۇقىعىن قامتاماسىز ەتۋدىڭ شينجياڭ امالياتى
تۋ تيانشان الابىنا جەتەكشىلىك ەتتى، دامۋدىڭ جاڭا تاراۋى جازىلدى
اسقاق تيانشاندا ايبىندى جوبا
وڭتۇستىك شينجياڭداعى جاڭا تىنىسقا سۇيىنە قاراعاندا
وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىن جالپى بەتتىك ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى جانە باۋلۋ كۋرسىنىڭ اشىلۋ سالتى وتكىزىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ قىزمەتىنە اتتانىسقا كەلتىرۋ ءماجىلىسى اشىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ حابارلاندىرۋى
شينجياڭنىڭ ءار ۇلت بۇقاراسىنىڭ ابىرويلى ەڭبەك ىستەۋىن جەبەۋى ادامدىق ۇقىققا قۇرمەت ەتكەندىك جانە قامتاماسىز ەتكەندىك
شينجياڭداعى ءار ۇلت حالقىنىڭ تاماشا تۇرمىستى جاراتۋ جولىنداعى قۇلشىنىسىن داتتاۋعا بولمايدى
2020-جىلى 9-ايدىڭ 25-كۇنى 179- سان
2020-جىلى 9-ايدىڭ 24-كۇنى 178- سان
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
وتكەلدىڭ ىندەتتەن ساقتانۋ-تىزگىندەۋ قىزمەتتەرىن مۇقيات،ەگجەي-تەگجەيلى جاقسى ىستەپ،ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك
جاسىل القاپتىڭ توعىسپالى كۇيىن كوكجيەكپەن ۇلاستىردى
اكىمشىلىك مەكەمەسى 2020-جىلعى 24-رەتكى پارتيا باسشىلىق گرۋپپاسى ءماجىلىسىن اشتى
كۇزگى جيىن-تەرىن قاربالاستىعىنا ءتۇستى
فينانس بىلىمدەرىن اۋىل-قىستاققا جەتكىزدى
تولىق جەڭىسكە جەتپەيىنشە،استە شەپتەن قايتپادى
التىن كۇزدە مول ءونىمدى قۇتتىقتاپ، دوڭگەلەك داۋلەتتىلىككە شاتتىقپەن قادام باستى
2020-جىلى 9-ايدىڭ 23-كۇنى 177- سان
ماسەلەنى باعدار ەتۋدەن جازباي،ستراتەگيالىق تۇراقتىلىقتى ساقتاپ،ءتۇيىندى قىزمەتتەردى تىڭعىلىقتى،ناقتى يگەرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ تارباعاتايدا تياناقتانىپ،تامىر تارتۋىنا شىنايى كەپىلدىك
اسقاق ارىنمەن، كۇشتى تەبىنمەن جۇرگىزىلگەن كۇنلۇنداعى شايقاس
باس نىسانا تۋى استىندا قايراتتانا ەكپىندەي ىلگەرىلەدى

بيىككە تالپىنعان ءبيجامال

جولدانعان ۋاقىتى : 2014/2/19 17:42:10

 ماقسات قيزات ۇلى    
 
  ەلدى مەكەننىڭ قازىنالىق قۋاتىن ارتتىرۋدىڭ ءبىر ءتاسىلى اۋىلداعى ەڭبەككۇشتەردى  جۇمىسپەن   قامتۋ.  اۋىلدا نە كوپ؟ جۇمىسسىز ادام كوپ. ەگىن ەگىپ، مال باعۋدان وزگە شارۋانىڭ باسىن قايىرۋ اۋىلداعىلار ءۇشىن ارمان بولىپ تۇرعانىن نەسىنە جاسىرامىز. ال اۋىلدا ايەل زاتىنىڭ جۇمىس ىستەپ، كىرىس كوزىن اشۋى تىپتەن قيىن. وت باسى، وشاق قاسىندا جۇمىسسىز وتىرعان جەلەكتىلەردى نەگىزگى ساتىعا ات باسىن بۇرا قالساڭىز، بىردەن كورە قالاسىز. بىزدە قىل- اياعى ىشكى ولكەلەردەگى سياقتى توقىماشىلىق، كيىم-كەشەك فابريكالارى بولماعاسىن، ۇيدە ۇساق-تۇيەك شارۋامەن تابىسسىز كۇن وتكىزىپ جۇرگەن جەڭگەيلەرىمىز جەتەرلىك. وسى كىسىلەردى زاماننىڭ كوشىنە ىلەستىرىپ، دامۋدىڭ سارا جولىنا ءتۇسىرۋ كىمنىڭ عۇزىرىندا، ارينە ىشكى سەبەپ ادامنىڭ باستى قۋاتىن كورسەتەدى دەگەنىمىزبەن، جەتەكشى سەبەپتەردىڭ كۇشىنە دە ءسال قاراماعانىمىز ءجون.

   اۋىلدا ايەلدەر قىزمەتىنىڭ ىستىق-سۋىعىنا بىردە كۇيىپ، بىردە توڭىپ جۇرەتىن «ايەلدەر بىرلەستىگى» دەيتىن كەڭسە بولادى. مىنە، وسى كەڭسە اۋىلداعى جەلەكتىلەرىمىزدىڭ جىرتىسىن جىرتىپ، ءسوزىن سويلەۋگە جاۋاپتى. ءبىز ءدوربىلجىن اۋدانىنىڭ ەمىل مال فەرماسىنا ات باسىن بۇرعانىمىزدا، وسى فەرماداعى انالارىمىزدىڭ  «ايەلدەر بىرلەستىگى» كەڭسەسىنىڭ باس بولۋىمەن «كەستەشىلىك»،  «قولونەر» كووپەراتيۆتەرىن قۇرىپ، بازاردىڭ قاجەتىنەن شىعىپ، وتباسىنىڭ كىرىسىن ارتتىرۋعا سەپ بولىپ وتىرعانىن كورىپ، كوڭىلىمىز توعايىپ قالدى. فەرماداعى «ايەلدەر بىرلەستىگىنىڭ» جاۋاپتىسى بايان رامازان قىزى وزدەرىنىڭ قولداعى بارىن ساقا قويىپ، زامانعا ىلەسىپ جۇمىس جاساپ جاتقانىن، اۋىلداعى ارتىق ەڭبەككۇشتەردى كاسىپپەن قامتۋدى كوزدە  ۇستاي    وتىرىپ، ونەرىمەن تابىس تابۋعا تالپىنعاندارعا تەحنيكالىق جاقتان كومەك، قارجى جاقتان دەمەۋ بەرىپ جاتقانىن ايتىپ، ءوز جەتەكشىلىگىندەگى ىسمەر  ايەلدەر ۋاكىلىن تانىستىردى.

  «جۇزدەن جۇيرىك، مىڭنان تۇلپار» دەگەن،  ءبيجامال تۇرىسبەك  قىزى  ەمىل مال فەرماسى «ايەلدەر بىرلەستىگىنىڭ» جول كورسەتۋىمەن كەستەشىلىگىنىڭ كوسەگەسىن كوگەرتىپ، بازارىن تاۋىپ وتىرعان ونەگەلى كاسىپكەردىڭ ءبىرى. «شەشە كورگەن تون پىشەر» دەگەندەي، جاستايىنان اناسىنىڭ تاربيەلەۋىمەن قولونەردىڭ جولىنا تۇسكەن شەبەر سىرماق سىرىپ، كەستە تىگىپ، ءتور كورپە جاساپ تالاي ەلدى تامسانتتى. دەگەنمەن، ەل سۇرانىسىن تۋدىرىپ تۇرعان دۇنيەلەرىن بازارعا سالۋدى ويلامادى. ەڭبەكتىڭ ءونىمى بازارعا تۇسپەگەسىن تابىس جاراتپايتىنى بەلگىلى. بىلتىر فەرمانىڭ «ايەلدەر بىرلەستىگى» ءبيجامال باستاتقان 10 ىسمەر  ايەلدى ەجەلدەن بەرى قولونەرىمەن اتى شىعىپ جۇرگەن موري قازاق اۆتونوميالى اۋدانى، باركول قازاق اۆتونوميالى اۋدانىنا ارنايى ءىسساپارمەن اتتاندىرىپ، جەرگىلىكتى ورىننىڭ ءىس تىگۋدەگى وزىندىك ەرەكشەلىكتەرىن، وزىق تەحنيكالارىن يگەرىپ كەلۋگە 20 كۇندىك ۇيرەنۋگە جىبەردى. وزگەنىڭ وزىعىن كورگەندە بارىپ، ءوزىڭنىڭ توزىعىڭدى تۇزەتۋگە كۇن تۋادى. سول 20 كۇندىك ۇيرەنۋ ءبيجامالعا كوپ وي سالدى، شابىت بەردى. كەلە سالا ءۇرىمجى قالاسىنا بارىپ، «امانجان» كەستە تىگۋ ماشيناسىنان ەكى داناسىن 7 مىڭ  يۋانعا ساتىپ اكەلىپ، «ورمەگىن» وزگەشە توقۋعا بەل بۋدى. كەستەنى ميمىرتتاپ ينەمەن تىگۋ مەن جەلدىرتىپ ماشينامەن تىگۋدىڭ اراسىندا قانشاما پارىق جاتقانىن ول كىسى سول كەزدە بارىپ ءتۇسىندى. تەحنيكانىڭ ءتىلى-اي دەسەڭشى، بۇرىن ءبىر ايدا ارەڭ كەستەلەپ بولاتىن 3 مەترلىك ءتور كورپەنى ءبيجامال قازىرگى كۇنى «امانجان» كەستە تىگۋ ماشيناسىمەن ەكى-اق كۇندە كەستەلەپ  بولادى.  ءبىر  ءونىمدى وندىرۋگە جۇمسايتىن ەڭبەك ۋاقىتى قىسقاردى. ەڭبەك ونىمدىلىگى ارتتى، تابىس ەسەلەندى. ءبيجامالدىڭ بيىككە تالپىنىپ، ءىستىڭ ءجونىن تاپقانىن بىلگەن اۋىلداعى سىڭلىلەرى دە يگىلىكتەن قاعىس قالماۋعا قارماندى. اپەكەسىنىڭ اقىلىن تىڭداپ، ونەگەسىن قابىلدادى. داناگۇل قالەل قىزى، جانارگۇل قۇدايبەرگەن قىزى، جانارگۇل جاسۇلان قىزى قاتارلى شەبەرلەرىمىز دە قازىر ءبيجامالدىڭ ءىزىن باسىپ، قازاقى كەستەنىڭ كەلبەتىنە قان جۇگىرتىپ، قالتاسىن قالىڭداتىپ ءجۇر.

  «20 جىل سىرماق تىكتىم، ءبىراق ونى بازارعا سالىپ، ودان ءناپاقا تابۋدى كىم ويلاعان دەيسىز. وزگەلەر سياقتى ونەردەن تىرلىك قۇراۋدى وسى ءبىرقانشا جىلداردان بەرى يگەرىپ   كەلەمىز،  اسىرەسە  فەرمامىزداعى ايەلدەر بىرلەستىگىنىڭ كورسەتكەن كومەگى زور، سولار عوي ءبىزدى بازارعا ويىستىرىپ، ءبىر ساباق ءجىبىمىزدىڭ وزىنەن تيىن تابۋعا بولاتىنىن ۇيرەتكەن. قازىر فەرمامىزدا 20 قانشا ايەل ارناۋلى ءىس تىگۋمەن شۇعىلدانادى، تىككەن دۇنيەلەرىن فەرما ورتالىعىنداعى قولونەرشىلەر ۇيىنە اپارىپ ساتادى. قولونەرشىلەر ءۇيى بىزدەن ەشقانداي ماي اقى المايدى، ءبىز ءۇشىن اقىسىز قىزمەت وتەيدى» دەيدى بۇگىنگى جەتكەن بيىگىنە رازى بولعان ءبيجامال تاتەمىز.   


   رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn