ەەڭ جاڭا مازمۇندار
2020-جىلى 9-ايدىڭ 28 -كۇنى 181- سان
2020-جىلى 9-ايدىڭ 26-كۇنى 180- سان
مەنىڭ مەكەنىم جۇڭگوداعى ەڭ كورىكتى قىستاق-قالاشىق
ءوندىرىستى بار قارقىنمەن جەدەلدەتتى
ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋعا قۇلشىنايىق
اكىمشىلىك مەكەمەسى ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ، اپاتتان قۇتقارۋ قىزمەتى ارناۋلى تاقىرىپتىق ءماجىلىسىن اشتى
كاسىپ سالاسى ارقىلى كەدەيلەردى سۇيەمەلدەپ، جۇمىستانۋ ۇقىعىن قامتاماسىز ەتۋدىڭ شينجياڭ امالياتى
تۋ تيانشان الابىنا جەتەكشىلىك ەتتى، دامۋدىڭ جاڭا تاراۋى جازىلدى
اسقاق تيانشاندا ايبىندى جوبا
وڭتۇستىك شينجياڭداعى جاڭا تىنىسقا سۇيىنە قاراعاندا
وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىن جالپى بەتتىك ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى جانە باۋلۋ كۋرسىنىڭ اشىلۋ سالتى وتكىزىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ قىزمەتىنە اتتانىسقا كەلتىرۋ ءماجىلىسى اشىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ حابارلاندىرۋى
شينجياڭنىڭ ءار ۇلت بۇقاراسىنىڭ ابىرويلى ەڭبەك ىستەۋىن جەبەۋى ادامدىق ۇقىققا قۇرمەت ەتكەندىك جانە قامتاماسىز ەتكەندىك
شينجياڭداعى ءار ۇلت حالقىنىڭ تاماشا تۇرمىستى جاراتۋ جولىنداعى قۇلشىنىسىن داتتاۋعا بولمايدى
2020-جىلى 9-ايدىڭ 25-كۇنى 179- سان
2020-جىلى 9-ايدىڭ 24-كۇنى 178- سان
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
وتكەلدىڭ ىندەتتەن ساقتانۋ-تىزگىندەۋ قىزمەتتەرىن مۇقيات،ەگجەي-تەگجەيلى جاقسى ىستەپ،ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك
جاسىل القاپتىڭ توعىسپالى كۇيىن كوكجيەكپەن ۇلاستىردى
اكىمشىلىك مەكەمەسى 2020-جىلعى 24-رەتكى پارتيا باسشىلىق گرۋپپاسى ءماجىلىسىن اشتى
كۇزگى جيىن-تەرىن قاربالاستىعىنا ءتۇستى
فينانس بىلىمدەرىن اۋىل-قىستاققا جەتكىزدى
تولىق جەڭىسكە جەتپەيىنشە،استە شەپتەن قايتپادى
التىن كۇزدە مول ءونىمدى قۇتتىقتاپ، دوڭگەلەك داۋلەتتىلىككە شاتتىقپەن قادام باستى
2020-جىلى 9-ايدىڭ 23-كۇنى 177- سان
ماسەلەنى باعدار ەتۋدەن جازباي،ستراتەگيالىق تۇراقتىلىقتى ساقتاپ،ءتۇيىندى قىزمەتتەردى تىڭعىلىقتى،ناقتى يگەرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ تارباعاتايدا تياناقتانىپ،تامىر تارتۋىنا شىنايى كەپىلدىك
اسقاق ارىنمەن، كۇشتى تەبىنمەن جۇرگىزىلگەن كۇنلۇنداعى شايقاس
باس نىسانا تۋى استىندا قايراتتانا ەكپىندەي ىلگەرىلەدى

ەگەي اعا ەڭبەگىڭ ماڭگى ەسىمدە

جولدانعان ۋاقىتى : 2014/2/24 11:25:55

وركەن ازات ۇلى

  ادامدىقتىڭ ارقاۋىن، ادامگەرشىلىكتىڭ اسىل قاسيەتىن  بىلگەن  جان ەشكىمنىڭ دە كومەگىنسىز جۇرەگىندەگى بار ساۋلەسىن باسقالارعا توگە بىلەدى. كۇن نۇرىنداي وتتى شۋاعى دۇيىم جۇرتتى نۇرعا بولەمەسە دە، ءاز حالىقتىڭ  كوكىرەگىنەن  ورىن   الىپ، سول زاماننىڭ،  كەيىنگى  ۇرپاقتىڭ  ونەگەسىنە  اينالارى حاق.

  ەندەشە،  مىناداي باي-باقىتتى، جاراسىمدى قوعامدا كوزىمىزبەن كورىپ، قۇلاعىمىزبەن ەستىپ جۇرگەن جاقسى ىستەر جانىڭدى جادىراتادى. قامقورلىققا، جاردەمگە مۇقتاج جاندارعا جەتكەن جاقسىلىق ەكى جاققا دا مول كوڭىلدىلىك سيلايدى. ولاي بولسا، سونداي جاقسىلىقتىڭ بىرەۋىن  قامقورلىققا  بولەنگەن  ورەننىڭ جۇرەگىنەن شىققان العىسى جەتكىزىپ تۇرعانداي.

  ال، قامقورلىقتىڭ قاسيەتى ونىڭ از-كوپتىگىندە، ۇلكەن-كىشىلىگىندە  ەمەس، قايتا مانىندە بولماق. قىل-قىسقاسى، جولدا جاتقان  ءبىر كەسەكتى بىلاي جىلجىتا سالعانىڭىزدىڭ ءوزى سان ادامنىڭ ساپارىنا ءسات تىلەگەنىڭىز. بەينە  وسىعان ۇقساس، جاس وركەننىڭ ومىرىنە ومىرلىك ازىق  بولار  ونەر- ءبىلىم ورىسىنە جەتكىزىپ سالعان ىزگى نيەتتى بۇل اعامىزدىڭ جاقسىلىعىن  ايتامىز دا، ءدان ريزالىعىمىزدى بىلدىرەمىز.
                                                      - رەداكتوردان
 
  ادام پەندەسى دۇنيە ەسىگىن   اشقاننان باستاپ پەشەنەسىنە پەندەلىك تاعدىر تاڭباسى باسىلاتىنداي. قايشالىسقان قان بازارداعى ءار ادامنىڭ تاعدىر-تاۋقىمەتى، باق-بايلىعى، مۇڭ-مۇقتاجى، كۇن كورىسى، تۇرمىس ءال-اۋقاتى ءبارى-ءبارى دە ءار الۋان. تەك قانا ريتىمدى قان   اينالىسى مەن توقتاۋسىز سوققان جۇرەگىنىڭ بارلىعىنا كونىپ جۇرە بەرەتىنىن ويلاساڭ، ءوز جۇرەگىڭدى ءوز جەكە باسىڭنىڭ داستانى رەتىندە وتكەن كۇندەرىڭ مەن باستان     كەشىرگەندەرىڭنىڭ بارلىعىن ەسىڭە الاسىڭ.

  مەن بۇگىن سىزدەرگە جۇرەگىمنىڭ تۇبىنەن تەرەڭ ورىن العان،  ءومىر جولىمداعى، تاعدىر-تاۋقىمەتىمدەگى تارعالاڭنان، قيىن-قىستاۋ كۇندەردەن ۇلى ولكەنىڭ بيىگىنە جەتەلەپ، ءبىلىم-عىلىمعا تالپىنۋعا جول نۇسقاپ، قولداۋ كورسەتكەن، جاڭالىقتىڭ جارشىسى، جوق-جىتىكتىڭ دەمەۋشىسى، ەگەي ەڭبەكتەرىمەن بەۋ جانداردىڭ جۇرەگىنەن ورىن الىپ، دەمەۋشى، قولداۋشى، قورعاۋشى بولعان، مەيىرىمگە مۇقتاج جانداردىڭ جانارىنداعى جاستى قوس الاقانىمەن ءسۇرتىپ، جاقسى كوڭىلىمەن بىرىنە اعا، بىرىنە اكەلىك كومەك كورسەتىپ جۇرگەن تولى  اۋدانى تاس جول باسقارۋ بولىمشە مەكەمەسىنىڭ باستىعى  ەرجان  دۇيسەنباي ۇلى اعامىز جوق-جىتىككە قامقورشى، باسشىلىق سالاۋاتى مەن ادامدىق  يناباتىنىڭ كومەسكى ءبىر شەتىندە جاسىرىنىپ جاتقان قامقور كوڭىلى، جەتىم-جەسىرلەردىڭ مۇڭ-مۇقتاجىمەن ورتاقتاسىپ، الدىنا كەلگەن جانداردىڭ جانىنا تۇسكەن جاراقاتىنا مەدەت بەرىپ، تۇرمىس تاۋقىمەتىنەن ەرتە قۇتىلۋىنا رۋحاني، زاتتىق جانە اقشالاي كومەك قولىن سوزسا، كەي ۋاقىتتاردا باسقا مەكەمە، ورىنداردىڭ تىعىز سايكەسۋىمەن قوعامداعى جاردەمگە مۇقتاج ادامدارعا باعىت-باعدار كورسەتىپ، قولىنان كەلگەنىن اياماي كەلەدى. كومەگىن اياماي كەلەدى دەيمىن-اۋ، حالقىمىزدا «جاقسىنىڭ جاقسىلىعىن ايت نۇرى تاسىسىن، جاماننىڭ جاماندىعىن ايت قۇتى قاشسىن»  دەگەن ناقىل ءسوزى بار عوي. مەن بۇل ارادا ەرجان اعانىڭ جاقسىلىعىن ايتىپ وتىرعانىم جوق، قايتا ول كىسىنىڭ كورسەتكەن كومەگىنە ءدان ريزا جانداردىڭ كوڭىل كۇيى مەن اسا تەبىرەنىستى العىسىمىزدى ايتا كەلىپ، تۋعان حالقى  ناعىز اق پەيىل، جومارت ۇلىنىڭ  ەسەلى ەڭبەگى مەن كوش باسشى كوسەمدىگىن تانىپ الار دەگەن ماقساتتا قولعا قالام الىپ   وتىرمىن.

  ءيا، سىلدىر سوزبەن ورنەكتەپ جازار بولساڭ، بارلىق ادامنىڭ مارتەبەسىن اسپانداتىپ تاستايسىڭ.  ءبىراق اقيقات قاشاندا جاقسىلىقتىڭ بەتىن بۇركەلەمەيدى. مەن سوناۋ بالا شاعىمنان باستاپ تاعدىردىڭ پەشەنەمە جازعان جەتىمدىك كۇنىن كورىپ جۇرگەنىمدە ەرجان اعانىڭ جىلۋ جۇرەكتى جاردەمىمەن تارباعاتاي   ايماقتىق بالالار يگىلىك ورنىنا تانىستىرۋىنىڭ ارقاسىندا، ءوز قۇربى-قۇرداستارىمنىڭ قاتارىندا الاڭسىز ءۇمىت شامىمدى قايتا مازداتىپ،  ارمان جۇگىمدى ارقالاپ، ەل قاتارلى وقىپ كەلەمىن.

  ءالى ەسىمدە، تولىقسىز ورتانىڭ 1-جىلدىعىن وقىپ جۇرگەن كەزىم ەدى. شەشەمنەن 4 جاسىمدا، اكەمنەن 10 جاسىمدا ايرىلىپ، اعام ەكەۋىمىز تۋىس-تۋعانداردىڭ قولىندا جۇرگەن كەزىمىز. ۋاقىت بارلىعىن وتكىزدى، وتكەردى. قازىر باسىمداعى قىسپاق تا الىنىپ، قىساعان قيىنشىلىقتان دا ارىلدىم. ءبىراق، ءومىر جولىمداعى ازعانتاي قيىنشىلىق پەن وقۋعا  دەگەن ىنتالى كەزىمدە تۇعىرىمنان تۇلەتىپ، جالعاستى وقۋىما كومەكتەسكەن تاس جول مەكەمەسىنىڭ، جۇيەدەن باسشىلىق باستاماشىلدىعىن ادالدىقپەن وتەپ كەلگەن ەرجان اعانىڭ ىزگى ىستەرى مەنىڭ ۇدىرە تارتىپ، وقىعان وقۋىمنان ناتيجە جاراتۋىما جول اشتى. ءبىر جاق    قيىنشىلىققا تاپ بولسا، كوپ بولىپ كومەك كورسەتەتىن جۇڭحۋا حالقىنىڭ بەرەكە-بىرلىگى اۋدان اراسىندا ءوز وبرازىن ايگىلەدى.

  قىستىق وقۋ ماۋسىمىنىڭ ءبىر كۇنى قولدارىنا كيىم-كەشەك، سومكە، كىتاپ سياقتى وقۋ ماتەريالدارى بار ەرجان اعا باستاتقان اعايلار مەن اپايلار ءبىز وقىپ جاتقان مەكتەپكە ارنايى حال سۇراي كەلدى. سول كەزدە مەن ول كىسىمەن تۇڭعىش رەت جۇزدەسۋىم ەدى. جانارىنان جان اشىرلىقتىڭ نۇرى مەنمۇندالايدى، تىلىمەن اشىپ-جارىپ كوپ ايتپاسا دا، ماعان دەگەن جان اشىرلىعى ءبىر باسقا سەزىلدى. «بالام» دەپ يىعىمنان قاعىپ، -الاڭسىز وقي بەر، پارتيا،  ۇكىمەت ءوزىڭ سياقتى قامقورلىق پەن جان اشىرلىققا مۇقتاج جانداردىڭ ءارقاشاندا دەمەۋشىسى بولادى. مىنا ءبىز سياقتى اعا-اپايلارىڭدى قاشان ىزدەسەڭدە جانىڭنان تابىلىپ، كومەك قولىن ايامايدى دەدى كىشى پەيىلدىلىكپەن ءۇن قاتىپ.

  سودان تولىقسىز ورتانى تولى اۋدانى ۇتى قالاشىعىنىڭ ۇتى جاتاقتى مەكتەبىنەن تاۋىسىپ، مەن دە ءبىر ۋنيۆەرسيتەت قاقپاسىن اشسام دەگەن تالپىنىسىمدى ىشتەي ارمان ەتۋشى ەدىم، ءبىراق سۇم اجال قوس قورمالىمدى بىردەي جالماپ، جانىمدا مەدەت بەرىپ، بالام دەپ كەكىلىمنەن سيپاپ، باۋىرىنا باسىپ، وزگە بالالارداي شولجاڭداتار اكە-شەشەنىڭ قادىرىن تۇسىندىرگەندەي بولدى. سول شاقتا مەن اكەمنىڭ قارىنداسى گۇلجانات اپايىمنىڭ قولىندا ەدىم. قىسقا ءجىپ كۇرمەۋگە كەلمەيتىن تاعدىر تاۋقىمەتىن جەسىرلىكپەن وتكىزىپ، قولىنداعى پاناسىز بولماسا دا اكەسىز قالعان قارىنداسىم مەن مەنى قوسا، جوعارى قان قىسىمى، سۇيەك سىرقاتى سىندى اۋرۋىن بىردەي ءبىر شاڭىراقتىڭ استىندا ايەل باسىمەن الىپ جۇرۋگە اۋىرتپالىق بولعاندىعىن كوزى كورگەن ەرجان اعا شاراسىزدىقپەن شاۋەشەك قالاسىنداعى بالالار يگىلىك ۇيىنە تانىستىرىپ، ورنالاستىرۋعا بەكىدى.

  سايىن ساحارانىڭ ورتاسىن ءتىلىپ، اۋدان مەن اۋدان، اۋدان مەن ايماق اراسىنداعى تاس جولدا تولىدان شاۋەشەكتى بەتكە الىپ كەتىپ بارامىز. اۆتوكولىك الدىندا ۇزىن بويلى، جانارىنان ءارقانداي ادامعا مەيىرىمدى كوڭىلىنەن جىلۋ شاشا قارايتىن، شىمىر دەنەلى، الىپ تۇلعالى، قازاقى شىرايلى ەرجان اعا قاسىندا وتىرعان شوفەرى،  كەيىنىندە  وتىرعان   گۇلجانات اپايىم مەن ماعان ۇلت، قوعام، عىلىم-ءبىلىم تۋرالى رۋحاني قازىنادان سىر اقتارىپ كەلەدى. بالالار  يگىلىك ورنى تۋرالى تۇسىنىك جاساپ، پارتيا، ۇكىمەتتىڭ ابزال ساياساتى جەتىم مەن جەسىرىن دالاعا تاستامايتىندىعىن دا سەزىندىرىپ كەلەدى. وسىدان باستاپ بالالار يگىلىك ورنىنداعى اعا-اپايلاردىڭ قامقورلىعىنا يە بولدىم ءارى جالعاستى وقىپ، تولىق ورتانى دا تامامداپ، جوعارى مەكتەپ ەمتيحانىنان سۇرىنبەي ءوتۋ قىردان قىرىپ وقىعان ماعان وڭاي تۇسپەدى. العا قويعان ارمانىم ىسكە اسىپ، ۇرىمجىدەگى قاتىناس ينستيتۋتىنا قابىلداندىم. سول ساتتە جاپالى ناتيجەمە كوڭىل بولگەن ەرجان اعا اعالىق اقىلىمەن  جالپى جاعدايىمدى ويلاستىرىپ، جوعارى-تومەنمەن بايلانىس جاساپ،اكەمنىڭ تاس جول سالاسىندا     جيىرما جىلعا جۋىق ىستەگەندىگىن ەسكەرىپ، مەكەمە اتىنان قاراجات بولگىزىپ، ءار جىلعى وقۋ قاراجاتىمدى كوتەرىپ، جىعىلعانىمدا تاعى دا سۇيەۋشى بولىپ تۇرعىزدى.

  «باسقا تۇسسە باسپاقشىل» عوي، ارينە، جان تامىرىڭ كەۋىپ، ءبىر ۇرتتام سۋعا ءزارۋ جانداي قۋارىپ، شولىركەپ تۇرعانىڭدا اۋىزىڭا قاسىقتاپ سۋ تامىزار جان قاسىڭنان تابىلسا، شەكسىز ريزا بولادى ەكەنسىڭ.جان جاراقاتىمدى ءتۇسىنىپ، ماعان مەدەت بەرىپ، قولداۋ كورسەتىپ كەلگەن، قانىنا سىڭگەن قازاقتىڭ قاراپايىم قاسيەتى مەن ادامگەرشىلىگى بار ەرجان اعانىڭ سوناۋ جىلداردان تارتىپ قازىرگە دەيىنگى اعالىق اق پەيىلى، اق كوڭىل مەيىرىمى قايدا جۇرسەمدە كوكەيىمنەن وشەر ەمەس. بۇل كىسى ءار كەز كەزىگە قالعانىمدا نەمەسە تەلەفون سوعىپ جاعدايىمدى ايتقانىمدا جۇمىستى دەر كەزىندە تىندىرىپ،  قيىنشىلىعىمدى شەشىپ وتىرسا، ەندى ءبىر جاعىنان، اعالىق اقىلىمەن ومىرگە، قوعامعا دەگەن ازاماتتىق پىكىرىن جەتكىزىپ، باسىنان كەشىرگەن ءومىر تاجىريبەلەرى ارقىلى مەنىڭ اقىل-ويىمدى شىڭداۋىما كوپتەپ كومەك تيگىزىپ كەلەدى.

  مەن عانا ەمەس، مەن سياقتى تالاي جەتكىنشەكتەردى قاناتىنىڭ استىنا الىپ، بىرىنە اعا، بىرىنە اكە بولىپ، قاتىستى ورىندارمەن تىعىز سايكەسىپ، پارتيانىڭ شۇعىلالى ساياساتىنان يگىلىكتەندىردى. بۇل جايىندا مەن عانا ەمەس، اعانىڭ باسشىلىق رولىن تولىق تۇسىنەتىن قىزمەتشىلەرىنىڭ، مەيىرىمىنەن سۋسىنداپ وتىرعان باسقا دا جانداردىڭ جۇرەك تۇپكىرىندە ءوز ورنىن يەلەپ جاتىر دەپ ويلايمىن. تاي تۇياقتى بالا كەزىمنەن ەرجان اعانىڭ كوز الدىندا ەرجەتكەن مەن ءۇشىن، ول كىسىنىڭ ايتقان اقىلى مەن كورسەتكەن كومەگى وسى ءبىر قامشىنىڭ سابىنداي عانا قىسقا ءومىردىڭ ءمان-ماعىناسىن تۇسىنۋىمە، قيىنشىلىق پەن جاپاعا توزۋىمە تۇرتكىلىك رولىن كورسەتتى. بالاشاقتان بولاشاققا، كۇركەشەدەن كۇللى الەمگە تالپىنعىسى كەلگەن بالا ارمانىنا قانات ءبىتىرىپ، ءبىر جەتىمەكتى جەتەلەپ، ازامات ەتكەن ۇلەسىنە ءدان ريزامىن. ايتارىم كوپ، تەك الەمنىڭ نۇرى جاۋسىن...

  جانە ءبىر ماقتانارىم، مەنىڭ جان اشىر جاقىن تۋىس-تۋعاندارىم دا ورتالارىندا جۇرگەن اعام ەكەۋىمىزدى كوز قاراشىعىنداي قورعاپ، دوس-دۇشپاننىڭ الدىندا اكە-شەشەسىز، تاربيەسىز دەگىزبەدى. سولاردىڭ ءبىرى اكەمنىڭ قارىنداسى گۇلجانات اپايىم. مەن ءوزىمدى باقىتتىڭ بالىن ءىشىپ، شاتتىقتىڭ ءدامىن قۇشىپ جۇرگەنىمە مىڭدا ءبىر شۇكىرشىلىگىمدى ايتامىن.

  ءبىز قازاقپىز، پەيىلى كەڭ، داستارقانى جايۋلى، قازانى اسۋلى، قوناعۋار حالىقپىز. سونىمەن بىرگە، ءار ۇلت حالقىمەن بەرەكە-بىرلىكتە قۇدىرەتتى، دامىعان ەلدە جاساپ كەلەمىز. ارينە، قوعامىمىزداعى ەرجان اعاداي جەتىم كورسە جەبەي جۇرەتىن اعا-اپايلارىمىزدىڭ، ازاماتتارىمىزدىڭ جەتىم مەن جەسىرىن جىلاتپاعان ابزال ساياساتتىڭ رۋحى ماڭگى    بيىكتەي بەرسىن.

  ءسوز سوڭىندا قوعامدا ەل جۇگىن ارقالاپ، كوش-كەرۋەنىن  جەتەلەپ جۇرگەن اعالارعا حالىق دەگەن قارا تەڭىزدىڭ قاينارىندا سارقىلمايتىن، تاۋسىلمايتىن كۇش بار، ول كۇش ەڭبەكتەرىڭىزدىڭ ولشەۋشىسى، پارتيا، ۇكىمەتتىڭ ابزال ساياساتىنىڭ يگىلىگىن كورىپ، باقىتتى كۇندەردىڭ باستاۋشى قاتارى كوبەيمەسە ازايمايتىنىنا سەنىم ارتايىق دەگىم كەلەدى.

  رەداكتورى : جازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn