ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ۇيقىسىز ءتۇن

جولدانعان ۋاقىتى : 2014/3/3 18:48:15

  حانىم الدەنەگە ەلەڭدەگەندەي، سىرتقا قۇلاق تۇرە تەرەزەنىڭ الدىنا كەلدى. ۇيدە وزىنەن باسقا جان جوق. تىستاعى قاپالاقتاپ جاۋىپ تۇرعان العاشقى قار بۇكىل الەمدى قىمتاپ، ءولى تىنىشتىق ورناتقان-دى.  تەرەزەنىڭ ءمولدىر اينەگىنەن سورايعان ءوز سۇلباسىنان وزگە كوزىنە ەشتەمە كورىنبەدى.

  وسى ساتتەردە، ول ءوزىن ونان ارى قۇلازىعانداي سەزىندى. مىرزاسى ۇيدە كوپ بولمايتىن، ءبىر كەتكەندە ءبىرقانشا كۇنگە دەيىن قاراسىن كورسەتپەيتىن دە ۇيدە حانىمنىڭ جالعىز ءوزى عانا قالاتىن. ءبىراق، بۇل جولى جاعداي مۇلدەم باسقاشا بولدى. ول ءوزىنىڭ ەرتەدە-اق جۇكتى بولىپ قالعانىن بىلگەنىمەن، وسىنداي ءشۇيىنشىلى حاباردى كۇيەۋىنە ەرتەرەك قۇلاق قاعىس ەتپەگەنىنە  وكىندى. كاسىبىنەن ابدەن ىعىر بولعان كۇيەۋى مۇنى بىلەر بولسا، ەسىكتەن اتتاپ شىقپاعان دا بولار ەدى. الايدا، قينالىپ جۇرگەن ونى مازالاۋعا ءداتى شىداماعان.

  ول بىرنەشە ساعاتتىڭ الدىنداعى ىستەردى ويلاي قالدى. ءدال وسى تەرەزەنىڭ الدىندا تۇرىپ، كۇيەۋى الگى اقشاعا قاتىستى ىستەردى ايتقان بولاتىن. كۇيەۋى باجى قىزمەتكەرى بولعاندىقتان، قوماقتى باجى سوماسىن ۇيگە الا كەلىپ، پراندىك قورابىنا سالىپ، اس ءۇيدىڭ ەدەن تاقتايىنىڭ   استىنا  جاسىرىپ   تاستاعان.

    -بۇل نە قىلعانىڭ؟

  جاعداي، راسىندا، كەرىسىنە باققان ەدى. بۇلاردىڭ ازعانتاي   امانات اقشالارى الىستاعى ءبىر قىستاق بانكەسىنە قويىلعان.  ءبىراق، بانكە كۇيرەگەندىكتەن،  امانات اقشالارىن شىعارىپ اكەلىپ العان بولاتىن. ونىڭ ۇستىنە، قولىنداعى باجى قاراجاتتارىن الىپ، ءيت ولگەن جەرگە ارى-بەرى شاپقىلاي بەرۋ تىم حاۋىپتى بولعاندىقتان، ونى دا ۇيىنە اكەلىپ جاسىرعان.

  - مەن جوقتا ۇيدەن ءبىر قادام ۇزاۋشى بولما،-دەدى ول  حانىمىنا،-كىم كەلسە دە تابالدىرىقتان اتتاتۋشى بولما!
  - جارايدى، ۇقتىم.

  ونىڭ كەتكەنىنە دە ءبىرتالاي ۋاقىت ءوتتى. ىمىرت ءۇيىرىلىپ، كوز بايلانا باستادى. قار قاپالاقتاعان سۇرەڭسىز كەش ءۇي ىشىنە سۇركەيلى كوڭىلسىزدىك اكەلگەندەي ەدى. ءبىر كەزدە قۇلاعىنا الدەقايدان سىبدىر ەستىلگەندەي بولدى. ەسىك-تەرەزەدەن ەنگەن جەلدىڭ دىبىسىنا دا ۇقسامايدى. بەينە ۇيگە بىرەۋ ۇرلانا كىرىپ كەلە جاتقانداي اسەر ەتتى. شىنىندا، بىرەۋ ەسىك قاعىپ تۇر  ەكەن. تەرەزەدەن سىعالاي قالعان ول  ەسىك كوزىندە، راسىندا، بىرەۋدىڭ تۇرعانىن بايقادى دا جالما-جان پەش جانىنا بارىپ، كۇيەۋىنىڭ تىعىپ قويعان جان قۇرالىن جۇلىپ الدى. قىرسىققاندا بۇنىسى ىستەن شىققان قۇرال  ەكەن دە كەرەككە جارايتىن، وق باسۋلى تاعى  بىرەۋىن  كۇيەۋى الىپ كەتكەن بولىپ شىقتى. ول لاجىسىز قۇر قۇرالدى ۇستاعان بەتىندە اسىعا باسىپ، ەسىككە قاراي بەتتەدى.

  - تىستا تۇرعان كىم بۇل ؟- دەپ داۋىستادى.

  - مەن عوي، جارالى سولدات ەدىم، جولدان اداسىپ كەتىپ، جۇرۋگە دارمەنىم قالمادى، راقىم ەتىپ، ۇيگە كىرگىزسەڭىز.

    - كۇيەۋىم ءوزى جوقتا ەشكىمگە ەسىك اشپاۋىمدى تاپسىرعان ەدى!- دەدى حانىم    اعىنان اقتارىلا ءتۇسىندىرىپ.

    - وندا ەسىكتەرىڭىزدىڭ   الدىندا ءۇسىنىپ ولۋدەن باسقا شارا قالماعان سياقتى ماعان.

    ول سالدەن سوڭ تاعى جالبارىنا باستادى.

    - ءوزىڭىز ەسىك اشىپ كورسەڭىز بىلەسىز، زيانىم جوق جان ەكەنىمدى.

  - بۇلاي ىستەسەم كۇيەۋىم مەنى استە كەشىرمەيدى...-جىلاپ جىبەرگەن ول وعان ەسىك اشىپ، ىشكە كىرگىزە بەردى.

دىڭكەسى قۇرىعان سولداتتىڭ، راسىندا، قۇلاپ قالارداي قۇر سۇلدەرى عانا قالىپتى. بويى  تەرەكتەي ۇزىن بولعانىمەن، تالتىرەكتەپ ازەر باسادى اياعىن. شىنتاعىن داكىمەن وراپ الىپتى، ءۇستى-باسى قاردان كورىنبەي، ءوڭى   قۋارىپ تۇر.

حانىم ونى پەش جانىنداعى كۇيەۋىنىڭ ورىندىعىنا وتىرعىزىپ، جاراقاتىن تازالاپ، داكىسىن الماستىرىپ، اس-سۋىن بەرىپ، تۇپكى ۇيگە كىلەم جايىپ توسەك سالدى، ول جاستىققا باسى تيىسىمەن ۇيقىعا كەتتى.

  «راسىندا ۇيىقتاپ جاتىر ما، الدە ۇيىقتاعان بولىپ، ءۇي يەسىنىڭ ۇيىقتاۋىن كۇتىپ جاتىر ما؟» شيرشىق اتقان حانىم جاتىن بولمەسىندە ارى-بەرى جۇرگىشتەپ، قالايدا ءبىر قيتۇرقىلىقتى ءىشى سەزگەندەي مازاسى كەتە باستادى.  جارىم ءتۇن بولدى. ءۇي ءىشى قۇلاققا ۇرعان تاناداي. تەك قابىرعا پەشتەگى سىرتىلداي جانعان وتتىڭ ءالسىز دىبىسى ەستىلەدى. كەنەت بىرەۋ جۇرگەندەي تىقىر ءبىلىندى.   ءتىپتى، قاپتەسەرلەردىڭ الدەنەنى كەمىرگەن داۋىسىنان دا ءالسىز ەستىلەدى. «ىرگەدەگى ۇيدە جاتقان الگى ەركەك بولماسىن؟!»  وسىنى ويلاي قالعان ول شىراقتى الا اياعىن اڭدىپ باسىپ،  كوريدورعا شىقتى دا تىڭ-تىڭداپ تۇرا قالدى. الگى جارالى ۇيىقتاعان بولىپ تىرپ ەتپەستەن جاتا قالعان سياقتى، ەشقانداي سىبىس  بىلدىرمەيدى.
 
حانىم   ەسىكتى جاپسارلاي اشىپ، وعان كوز تاستادى. قاتتى ۇيىقتاپ كەتكەن ول ءتىپتى دۇنيەدەن بەيحابار سىندى. حانىم ەسىكتەن قايتا شىعا بەرىپ ەدى، الگى سىبدىر تاعى ەستىلدى. بۇل رەت سىرتقى ەسىكتىڭ قۇلپىن بىرەۋدىڭ بۇزىپ جاتقانىن بىردەن سەزگەن ول جالما-جان قۇرال-جابدىق قوبديشاسىنان كۇيەۋىنىڭ بۇكتەمەلى پىشاعىن الىپ، اياعىنىڭ ۇشىمەن جارالى سولداتتىڭ جانىنا باردى دا ونى    ءتۇرتىپ قالدى. «ىڭق» ەتە تۇسكەن سولدات ويانا كەتتى.

- تىڭداشى ءوزىڭ!- دەدى حانىم اقىرىن عانا،- ۇيگە بىرەۋ ۇرلىققا كىرمەكشى ۇقسايدى، ماعان قول ۇشىن بەرسەڭ بولا ما؟!

- ۇرلىققا تۇسە قويار كىم بار دەيسىز؟- دەدى ۇيقىسىن اشا الماعان سولدات،- ونىڭ ۇستىنە، مۇندا ۇرلاي قويار نە بار دەيسىز؟!

- نەگە جوق، كوپ اقشا بار... اس ءۇيدىڭ ەدەنىنە جاسىرىلعان كوپ اقشا بار بولاتىن.

« مۇنى نەگە قوڭىرسىتىپ تۇرمىن؟» ساسىپ قالعان حانىم اۋزىن باسا قويدى.

- ەندەشە، مەنىڭ جان قۇرالىمدى ءسىز الىڭىز، وڭ قولىم جارالى ەدى، قارۋ ۇستاي الماسپىن، پىشاعىڭىزدى ماعان    بەرىڭىز.

حانىم ءبىر ءسات قايتەرىن بىلمەي بوگەلە بەردى. دەسەدە،  ەسىك قۇلپىن بۇزىپ جاتقان دىبىس جانە ەستىلگەن سوڭ، پىشاعىن سولداتقا بەرىپ، ونىڭ قارۋىن الا قويدى.

- ەسىككە جاقىن بارىڭىز دا ەسىك اشىلىسىمەن وق شىعارىڭىز. قۇرالدىڭ تاڭدايىندا التى تال وق بار بولاتىن. دەسەدە، ول جەرگە قۇلاپ، قىبىرسىز قالعانشا وق شىعارا بەرىڭىز. مەن ءسىزدىڭ ارتىڭىزدا تۇرىپ، ەكىنشىسىنە توتەپ بەرەيىن، الدىمەن شىراقتى ءسوندىرىپ تاستاۋىمىز كەرەك.

ءۇي ءىشى ءبىر مەزەت كوزگە تۇرتسە كورگىسىز قاپ-قاراڭعى بولا قالدى. ەسىكتەگى تىقىر دا تىنا قالىپ، ەندى بىردەمە بۇرالىپ جاتقانداي دىبىس شىقتى دا ەسىك قۇلپى جەرگە ءتۇسىپ كەتتى. ەسىك اشىلىپ، ءۇستى-باسى اق قىراۋ بولعان بىرەۋ كىرىپ كەلە جاتقانىن اپ-انىق كورگەن حانىم مىلتىق ماسساسىن باسىپ قالدى. الگى قۇلاپ ءتۇستى. تاعى ءبىر قاراعانىندا ول تىربىڭداپ تۇرىپ كەلە جاتىر  ەكەن. حانىم ماسسانى  تاعى باسىپ قالدى. بۇل جولى الگى ادام بەتىن تام قابىرعاسىنا سوققان بەتىندە بۇكتەتىلە  جىعىلىپ، قيمىلسىز قالدى.

سولدات جاقىنداپ كەلدى دە:

- جالعىز-اق ادام ەكەن عوي، حانىم، ناعىز مەرگەننىڭ ءوزى  ەكەنسىز -اۋ!- دەدى. سوسىن ءمايىتتى شالقالاتا بەردى. قاراقشى  بەتىنە  بۇركەنشىك  تاعىپ العان ەكەن. سولدات ونىڭ بۇركەنىشىن سىپىرىپ الدى.

  حانىم جاقىنداپ كەلىپ،   ءمايىتتىڭ بەتىنە ۇڭىلە بەردى.

  - بۇل ادامدى تانيسىز با؟- دەپ سۇرادى سولدات.

  - مۇلدە   كورمەگەن ادام  سياقتى عوي.

  حانىم بۇرىن بولماعان    باتىلدىقپەن مايىتكە تونە ءتۇسىپ، ءوزىن توناماقشى بولعان جاننىڭ بەتىنە باجايلاي قارادى. ءماسساعان! ونى تاني قويدى، ۇرەيىن العان بۇل قاراقشى  ءوزىنىڭ ەرى بولارىن مۇلدە  ويلاماعان ەدى.


اۋدارعان-
       ريشات سابىرباي ۇلى

رەداكتورى : ارداق كامالقان  قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
 

 
powered by IlgharCMS 3.2 www.ilghar.cn