ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

قىزدارعا قىرىق كەڭەس

جولدانعان ۋاقىتى : 2014/3/10 16:44:04

  1. سىزگە كوڭىل بەرمەگەن جىگىتتەن الىس تۇرىڭىز. ويتكەنى سىزگە كوڭىل بەرمەگەن جىگىتتەن ايرىلماي ءجۇرۋ، نە جالعاستى وعان كوڭىل ءبولىپ ماحابباتىڭىزدى بەينەلەۋ اقىماقتىق بولادى.
2. ءارقانداي شاقتا جاۋاپكەرشىلىگى جوق جىگىت ءۇشىن  ازاپتانباڭىز. بۇلاي ىستەۋىڭىز تاتىمايدى. ەگەر تاتيتىن بولسا، ول ءسىزدى ازاپتانۋعا قيماعان بولار ەدى.
3. جاقسى كورگەن جىگىتىڭىز توڭىرەگىندە توقتاماي اينالىپ جۇرمەڭىز. ءسىز ونى قۇلاي سۇيسەڭىزدە ول ءۇشىن ءبىر بوستىق قالدىرىڭىز، بولماسا ونى مەزى  قىلىپ قوياسىز.
4. ەگەر جىگىتىڭىز «ايىرىلىپ كەتەيىك» دەسە اركەز كوز جاسىڭىزدى توكپەڭىز. قايسارلىقپەن كۇلىپ تۇرىپ «حوش» دەڭىز.
5. جالعىز قالعان كەزىڭىزدە ءسىزدى «جاقسى كورەمىن» دەگەن جاننىڭ نە ءۇشىن ءسىزدى جالعىز تاستاعانىنان ازاپتانىپ كەتپەڭىز. بۇنىڭ سەبەبىن تەك ول عانا انىق بىلەدى.
6. ءبىر جولدا تەك ءبىر عانا جىگىتتى شىن ءسۇيىڭىز.
7. ۇناتپاعان جىگىتتىڭ ساۋعاسىن استە قابىل الماڭىز.
8. جىگىتىڭىزگە كۇلىمسىرەۋدى اياماڭىز.
9. جىگىتىڭىزدى قۇرمەتتەي ءبىلىڭىز.
10.  «مەنى ساعىندىڭ با؟» دەپ سۇراماڭىز، ساعىنعان بولسا ءوزى ايتادى.
11. ومىرلىك سەرىك بولامىن دەپ تاڭداعان ەكەنسىڭ، تۇلا بويىنان ءمىن ىزدەپ، باسقالارمەن سالىستىرا بەرمە. ول سورەدەگى   ءمۇسىن ەمەس، ول ادام.
12. قاي-قاشاندا كەشىرىمدى بول.
13. دوستارىنىڭ الدىندا ونى جەردەن الىپ جەرگە سالما، قانداي وكپە نازىڭ بولسادا وڭاشادا ايت.
14. ۋادەلى جەردە كەزدەسەتىن كەزدە ۋاعىندا بار. ۋاقىت بارىنەن قىمبات ەكەنىن ۇمىتپا.
15. قىزعانبايتىن ايەل قورقىنىشتى. ءبىراق، قىزعانىشىڭىز  ورىندى بولسىن، ورىنسىز قىزعانىش وماقاستىرماي قويمايدى.
16. اتا-اناسىنا ءتىل تيگىزبە، دوستارىن قۇرمەتتە.
17. كەشكى اسقا ۇسىنىس ەتۋ، كوڭىل اشۋ ورىندارىنا اپارۋدا بولسىن، ساۋعا ۇسىنۋدا بولسىن، جىگىتتەر الدا جۇرەدى. سىزدە  ورايىن تاۋىپ ساۋعا ۇسىنىپ، كەشكى اسقا ۇسىنىس ەتىپ قويىڭىز، قۋانىپ قالسىن.
18. جوق جەردەن سىلتاۋ تاۋىپ كىنا تاعا بەرمەڭىز، كىنا تاعۋ-كيكىلجىڭنىڭ باسى، ماي وكشەڭىزگە جاقسى ەمەس.
19. كەيبىر سوزدەردى ءبىر رەت قانا ايتىڭىز، كوپ ايتىلعان سوزدە قادىر-قاسيەت قالمايدى.
20. الىس ساپارعا اتتانىپ وعان كەزدەسە الماي قالساڭىز، مەجەلى جەرىڭىزگە بارعان سوڭ، وعان تەلەفون شالىپ اماندىعىڭىزدى ايتىپ قويىڭىز، الاڭداپ قالماسىن.
21. ءسىز سياقتى كەيبىر ماڭىزدى كۇندەردى ەسىنە ساقتاي بەرمەيدى، وعان بولا اشۋلانا بەرمەڭىز.
22. ۇزاق ساپاردان ءسىزدى العالى بارعاندا، ءسىز ويلاعانداي ءبىر قۇشاق روزا گۇلىن الىپ «سەنى سۇيەمىن» دەپ قارسى المايدى. جۇكتەرىڭدى كوتەرىپ، ءسىزدى كوزدەرىمەن ايمالاپ، كوڭىلمەن  ءسۇيىپ، «جۇدەپ كەتىپسىڭ عوي» دەپ قويادى. مىنە بۇل ءۇنسىز ءسۇيۋ بولماق.
23. ءارقانداي ۇلكەن ءىستى ىستەردە ەڭ الدىمەن ءسىزدىڭ پىكىرىڭىزدى ەستيدى. ول كەزدە بار پەيىلىڭىزبەن جول كورسەتىڭىز. استە سەنىڭ قولىڭنان نە كەلەدى؟ قويشى، ايتپاشى دەگەن سوزدەردى ايتىپ جىگەرىن قۇم قىلماڭىز.
24. سىزگە ءتاتتى سوزدەردى ايتىپ قۋانىتپاعانىمەن، ءسىزدى ايالاي وپكەنىنەن سىزگە دەگەن ناعىز سۇيىسپەنشىلىگىن سەزە  الاسىز.
25. تالعامىنا قۇرمەت ەتىڭىز، ءسىز جاقتىرعاندى ونىڭ جاقتىرۋى ەكى تالاي.
26. كوڭىلسىز كەزدەرىندە، قىزمەتتەن شارشاعاندا قاسىندا بولىڭىز. كىتاپ وقىپ بەرىڭىز، جاقسى كورەتىن سپورت نومىرلەرىن بىرگە تاماشالاڭىز، ۇناتىپ جەيتىن تاماعىن پىسىرىپ بەرىڭىز.
27. جاقىن دوستارى بىرەر ىسكە جولىققاندا، ولارعا كومەكتەسۋىنە كەدەرگى بولماڭىز. قويشى سول دوسىڭدى، پايداسى جوق دەگەن ءسوزدى استە ايتا كورمەڭىز.
28. قىزمەت ورنىن باسقالارمەن سالىستىرماڭىز، نە ىستەسەدە تابان ەت ماڭداي تەرىنىڭ الال جەمىسى.
29. كوزىڭىزبەن كورمەسەڭىز، بىرەۋدىڭ اۋزىنان ەستىگەن ەلدىڭ عايباتىن وعان ايتۋشى بولماڭىز.
30. تەلەفون تىزىمدىگىن، كەلتە حاتىن، اقشا قاپشىعىن   الباتى اقتارماڭىز.
31. ونىڭ الدىندا كوز جاسىڭىزدى توگە بەرمەڭىز، جىلاۋىق جاندى ەشكىم دە جاقتىرمايدى.
32. ءسوز-سويلەمىڭىزگە، ءىس- ارەكەتىڭىزگە اباي بولىڭىز، قاتتى كۇلمەڭىز، قىزعا جىميعان جاراسادى.
33. مىڭ كۇنگى تاتۋلىقتى ءبىر كۇنگى اشۋعا ساتپاڭىز، ىدىس- اياق سىلدىرلاماي تۇرمايدى.
34. تۋىس-تۋعانىڭىزدىڭ    ءمانسابىن، ەل الدىنداعى بەدەلىن ايتا بەرمەڭىز، بايلىق قولدىڭ كىرى. جاس وسەدى، جارلى باييدى.
35. بىرەۋدىڭ مىنىنە، كەمىستىگىنە كۇلمەڭىز، كوزى سوقىردان كوكىرەگى سوقىر جامان.
36. ايەل زاتىنىڭ كوڭىلى بوس كەلەدى. دەسەدە، قايعى-قاسىرەت الدىندا جانارىڭىزدان تامشى جاس شىعارماۋعا تىرىسىڭىز.
37. تاۋسىلىپ بەرمەيتىن ءۇي كۇيبەڭى ادامدى قاجىتىپ، رۋحسىزداندىرىپ قويادى. ءار اپتانىڭ سوڭىنداعى كوڭىل اشۋ قيمىلدارىنا قاتىناسىپ تۇرىڭىز، دوستارىڭىزبەن ءجيى بارىس-كەلىس جاساپ تۇرىڭىز.
38. مەيىرىمدى، قايىرىمدى بولىڭىز. سابيلەرگە دەگەن ىقىلاسىڭىز بولەك بولسىن، ءسىز   دەگەن بولاشاق انا.
39. اس ۇيدە باسىڭىزعا جاۋلىق تاعىپ ءجۇرۋدى ادەتكە اينالدىرىڭىز، شاشىڭىز تاماققا ءتۇسىپ كەتپەسىن. قوناققا شاي قۇيعاندا اباي بولىڭىز، شىنىنى تولتىرىپ جىبەرمەڭىز.
40. كۇنىنە باسقالار ءۇشىن ءبىر جاقسى ءىس ىستەۋدى ادەتكە اينالدىرىڭىز، كوڭىلىڭىز جاي تاۋىپ، رۋحتى، سەرگەك جۇرەسىز.
«ماتەريالدان»

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn