ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

انانىڭ كوركى اق جاۋلىق

جولدانعان ۋاقىتى : 2014/3/10 16:51:59

ماقسات قيزات ۇلى

  ۋنيۆەرسيتەتتىڭ ەسىگىن جاڭا قاققان جيىرماداعى جاس جىگىت ماي مەرەكەسىنىڭ دەمالىسىنا وراي، اۋىلىنا قاراي ات باسىن بۇردى. سارى كوبەلەك ساعىنىش جۇرەگىن بەلدەۋدەگى اتتاي تىقىرشىتىپ، اتا-مەكەنىنە الدى-ارتىنا قاراتپاي اسىقتىرىپ الا جونەلدى. كوركى مولدىرەگەن، مىڭ بوياۋمەن بويالعان اسەم قالانىڭ تارتۋ كۇشى جىلعا جەتپەي السىرەپ، الىستاعى كونە كوشە، جۇدەۋ جولدىڭ قۇدىرەتى قارشىعاداي قارا ۇلدىڭ مويىنىن ارتقا بۇردىرماي اسىقتىردى. ساعىنىش دەرت ەمەس پە، سونىڭ كەسىرىنەن ۇستازىنان الدىن الا ءبىر كۇندىك رۇقسات سۇرايمىن دەپ ۇيالتاتىن ۇردا-جىق ءسوز ەستىدى. «وقۋعا كەلگەنىڭە جىل تولماي جاتىپ، جارىڭدى ساعىنعانداي قايدا اسىقتىڭ» دەدى ۇستازى كەكەسىنمەن. قالادا تۋىپ-وسكەن «بەيشارا» ۇستازىنىڭ اۋىلدىڭ ساعىنىشىنان تۇل ەكەنىن سول كەزدە ۇقتى. ءلام دەمەستەن ءتىلىن تىستەپ تۇرىپ قالدى. ايتپەسە، اۋىلدا جالعىز  اناسى بار ەكەنىن ۇستازىنا العاش كەلگەندە قۇلاققاعىس ەتكەن-دى. «اۋىلدان ادىرا قال، انادان ساداعا كەت» دەپ ايتايىن دەدى دە «ءبىر كۇندىك ۇستازىڭا مىڭ كۇندىك قۇرمەت» دەگەندى ويلاپ ءۇنسىز قالدى. كوز الدىنا اق جاۋلىعى جەلبىرەپ الدىنان شىعىپ كەلە جاتقان ابزال اناسى كەلە قالدى. تاس جۇرەك تاعدىر اياۋلى اكەسىن وردا بۇزار وتىزىندا الىپ، اسىل اناسىن تولىقسىعان    جيىرما توعىزىندا تالىقسىتىپ كەتتى. ارتتا جالعىز ءۇمىت جالعىز ۇل قالدى. قۇدايدىڭ باسقا سالعان قاسىرەتىنىڭ قاقپانىن قارىس ايىرۋدى ويلاعان انا جانىن جالداپ ءجۇرىپ زورعا دەگەندە جالعىز تۇياقتى تۇمسىقتىعا شوقتىرماي، قاناتتىعا قاقتىرماي ۇزاعىنان ءسۇيىندىرىپ وقۋعا اتتاندىردى. الىسقا ارمان قۋالاپ، اق تىلەك ارقالاپ كەلگەن سول جالعىز مىنە ارتتاعى اناسىن اڭساپ اسىعىپ تۇر، بار ويلاعانى اۋىلعا تەزدەن جەتىپ اناسىنا ۇلكەن قالادان كورگەن-بىلگەن كەرەمەتتەرى مەن وزات وقىپ، وراي شاۋىپ جۇرگەنىن اڭگىمەلەمەكشى. ارناسىنان اسقان اساۋ كوڭىل تولقىنى اعا جونەلدى.

  اۋىل سوناۋ قاراتاۋدىڭ قويناۋىندا. زىرلاعان اۆتوكولىك كەش باتا قالادان قاسقايسا، تاڭ قۇلان يەكتەنە قارا تاۋعا جەتىپ قويادى. ايتقانىنداي تاڭ قىلاڭ بەرە قارا تاۋدىڭ قاراسى كورىندى. قورجىن-قولاڭىن جيىستىرىپ، قارا تاۋدى تۋرالاپ ورتا جولدان ءتۇسىپ قالدى. توپ شىنارى ساپ تۇزەپ، تەنتەكتەرى شاپقىلاپ وسكەن كادىمگى ءوزىنىڭ «قازاقباي»   اۋىلى مىنە الدىندا جايساڭ مىنەزبەن جايىلىپ جاتىر. ءوز   ءۇيىنىڭ قاقپاسىن داڭعىرلاتپاي اشىپ،  شەشەسىن قايران قالدىرماقشى بولىپ ەدى، ەسەسىنە ءوزى قايران قالدى. قارسى الدىنان «اينالايىن، جارىعىم»  دەپ جالاڭباس، بۇدىر شاش شىعا كەلدى. تىكسىنىپ، سەسكەنىپ، كەكيىپ قالدى. مەيىرلى كوزىنەن بولماسا، باسىنا قاراپ شەشەسىن تاني الماعانداي ەدى. اق جاۋلىقتىڭ ورنىنداعى جالاڭ باس، بۇيرا شاشتى كورگەندە    امان-سالەمى جايىندا قالىپ ەڭ الدىمەن، اۋزىنا تۇسكەن جالعىز-اق ءسوزى « اپاشىم- اۋ، اق جاۋلىعىڭ قايدا» دەگەن ايانىشتى، جالىنىشتى ءسوز بولدى. مەيىرلى بەينەسىن وزگەرتپەگەن اياۋلى  اناسى: «قۇلىنىم، بۇل ‹موددى› دەگەن پالە ەكەن، كەشە، سەن كەلەدى دەگەندى ەستىپ، كورشى ۇيدەگى قالقاش جەڭگەڭ ‹ۇلىڭىز ۇلكەن قالادان، جاڭالىق كورگەن جەردەن كەلە جاتىر، جامپىرايتىپ جاۋلىق تاعا بەرمەي، جاڭا زامانعا ءسىز دە ىلەسىڭىز، قازىر ‹قازاقبايداعى› قازاق كەلىنشەكتەرى بارلىعى باسىنداعى شىلدەرلى شىتىن تاستاپ، قارا شاشتارىن قاتىرىپ، قۇلاڭ شاشتارىن قۇلپىرتىپ جىبەردى، اۋىلدا جالعىز جامان شۇپەرەك تاعىپ، شاشىڭىزدى قۇنداقتاپ جۇرگەن     ءسىزعاناسىز، ءوزىڭىز دە تەلەۆيزوردان كورگەن شىعارسىز، مادەنيەتتى ءومىر سالاۋاتىن ۇگىتتەپ جۇرگەن قالاداعى جۇرگىزۋشىلەرىمىزدەن تارتىپ، كونسەرتتە كورەرمەن بولىپ وتىرعان قارا كوزدەرىمىزدىڭ قايسىسى باسىنا باتتاستىرىپ جاۋلىق تارتىپ ءجۇر› دەپ قوياردا قويماي ءوستىپ كۇزەتىپ تاستادى، ءوزىم دە     ولەردەي ىڭعايسىزدانىپ ءجۇرمىن. جاقتىرتپايتىنىڭدى بىلسەم، باسىمدى كەسسەدە تاستاماس ەدىم عوي باس كيىمىمدى، ونسىز  سەرىلىگىمنىڭ سەنىمسىز ەكەنىن بۇگىن تۇسىمدە دە كوردىم، تۇسىمدە اكەڭ جارىقتىق قارا تاۋدىڭ باسىندا  قاباعىن قارىس ءتۇيىپ  الىپ:
 ‹ اق جاۋلىعىڭ ەمەس پە، اپپاق ارىڭ،
  سىلدىرلاققا سىنىڭدى ساتپا جانىم،
  بەلگىسى  ايەل ادام-اپپاق جاۋلىق،

   اپپاق دەگەن ۇلى ۇعىم اق مارالىم›دەپ زۋلاتىپ ولەڭ وقىپ وتىر.  شوشىپ وياندىم، شاشىمدى تاراپ، جاۋلىعىمدى تاعىپ بولعانشا سەن دە كەلىپ جەتتىڭ قۇلىنىم، كەشىر، بالام» دەدى.
 اق كيمەشەگى اپپاق جۇمىرتقاداي تازالىقتىڭ، پاكتىكتىڭ ايناسى ىسپەتتى اۋىلداعى اپالارىمىزدان كەرىم كەلىن، جايدارلى جەڭگەلەرىمىز ۇلگى الىپ، باسىنان جاۋلىعىن تاستاماي، جارقىراپ اينالاسىنداعىلارعا ونەگەلى ءىز تاستاسا، قۇبا-قۇپ بولار ەدى. كەيىنگى جاس بالالار ۇلكەندەردەن ۇلگى الىپ بويىن تۇزەيدى.  اعالاردىڭ جاعاسى جىرتىق، جەڭگەيلەردىڭ جاۋلىعى جوق بولسا، جاستاردىڭ جانى جاسىپ، جىگەرى كەميدى. وندا ولار كىمگە قاراپ   ءتالىم الىپ، تاعدىرىن وڭايدى.
 * * *
  قاراشاش قالالىق گازەتتە قىزمەت ىستەيتىن، جاسى وتىز بەسكە ەندى جەتكەن قابىلەتتى، قارا تورى كەلىنشەك. تامىرى  اۋىلدا، اتا-اناسى دا اۋىلدا. جىلدىڭ ءتورت ماۋسىمىنىڭ قايسىسى بولماسىن اۋىلىنا بارۋعا ءار كەز بۇيرەگى بۇرىلىپ، كوڭىلى جىلىپ تۇراتىن. تالانتتىلار تولقىنىندا قايىق جالداۋ قانشاما قيىن دەسەڭشى، تابىس پەن ۋاقىتتىڭ تۋرا قاتىناستا ەكەنىن ەسكەرگەندە، ايىندا ەمەس، جىلىندا ءبىر مارتە اۋىلعا مويىن بۇرۋدى تابيعي تۇردە ۇمىتاتىنىڭ كەسىمدى شارۋا. « اۋىلعا كەل، اۋىلعا » دەۋدەن اۋزى ابدەن قاتالاعان ءشامشا شەشەي قىزىن كورۋگە اقىرى سوناۋ قياننان كارى سۇيەگىن سۇيرەتىپ ءوزى ۇشتى. ورتا جولدا ءولىپ قالسادا وزەكتى جارىپ شىققان قارا قىزىن كورمەككە بەل بۋىپ، شۋىلى مول، تىنىشى تۇل قالاعا ءوزى تارتتى.  «قويساڭشى كەمپىر، ەتىڭ سۋالىپ، سۇيەگىڭ قيسايعاندا ‹قالاداعى قىزىما بارام› دەپ قاڭتاردا قاعىنعانىڭ قاي ساسقانىڭ، جىنىك پە!  قولدارى بوساسا، كۇيەۋ ەكەۋى ءوزى-اق كەلەر، ايتپەسە، ءوز بولعان قىز توركىنىن ۇمىتار دەگەندەي، توركىنسىزدىك ىستەسە، ءتۇبى تاتىمدى بولا قويماس» دەگەن شالىنا: «ساعان كەرەگى كەرگۋ بولسا جاتا بەر، قاجىعا بارماسامدا قارا قىزىما بارام» دەپ تارتىپ بەرگەن قالاداعى قىزىنا سوعىمنىڭ سىباعاسىن،  اۋىلدىڭ ءدامىن الىپ. ءبىر تاۋلىك جەلگەن اۆتوكولىك قالاداعى قاتىناسقا تاڭ سىزىلا تۇمسىعىن تىرەدى. اق شىلاۋىشتى انا اۆتوبۋزدان تۇسە بەرە الدىنا «اپالاپ» جەتىپ كەلگەن جالاڭباس، جاڭقالانعان جامان شاش ءبىر قىزدى كوردى.  اۋىلدا ۇزىن قۇلاقتان ەستىپ جۇرەتىن قالاداعى الدامشىلاردىڭ بىرەۋى مە دەپ قالدى. «كىمسىڭ؟» دەپ تەكتەپ بولعانشا:    «مەن عوي اپا، قاراشاشپىن عوي» دەگەن جاۋاپ شىقتى. «ق..ا..ر..ا..ش قايداعى قاراشاش، سەن بۇيرا شاشسىڭ عوي، قارا شاش بولساڭ جاۋلىق قايدا» دەگەن كەمپىر اۋزىنداعى ءسوزدى ىركە الماي. قاراشاش تا قايتەرىن بىلمەي قيپاقتاپ قالدى. قوزىسىنان جەرىگەن قويداي بولعان ءشامشا شەشەي ارەڭ دەگەندە قىزىن تانىپ، تاپ بەرمەدە تالىپ قالا جازدادى. امان-ساۋلىق دالادا قالىپ، اق جاۋلىق اڭگىمە بولدى. «قالاداعى قازاق كەلىنشەكتەردىڭ كوبىسى باسىنا جاۋلىق تاقپايدى. مادەنيەتتى ورتادا ورانىپ جۇرسەڭىز، ورىنسىز سەزىلەدى. بۇرىنعىداي قازاق ايەلدەرىنىڭ شىت تارتىپ، شاشىن شاشباۋلاپ ءجۇرۋى قازىر قاعىس قالدى. باتىس ايەلدەرىنشە شاشىڭىزدان گۇل شىعارىپ، بۇرىمىڭىزدان ورنەك ورسەڭىز عانا جاراسادى مىناۋ ۇلكەن قالادا» دەپ سارناي جونەلگەن قىزىنا ءشامشا اپاي شارت ەتىپ: «اتا-بابادان كەلە جاتقان ءداستۇردىڭ تىنىسىن تارىلتىپ، كەۋدەسىن قىسىپ، ‹وركەنيەت› دەپ وگىزدەي وكىرىپ جۇرگەندەرىڭ مىناۋ بولسا ماڭگۇرت بولعاندارىڭ، قازاق جوسىنىندا قىز بالا تۇرمىسقا شىققاننان سوڭ باسىنا جەلەك جامىلىپ، ورامال ورايتىنىن بىلمەي تۇرىپ، ەلگە قالاي مادەنيەت ۇيرەتپەكسىڭدەر، بابالار عۇرپىندا جاۋلىق تاعۋ تۇرمىسقا شىعىپ، كەلىنشەك بولعاننىڭ بۇلجىماس بەلگىسى، ال باسىنا بانتيك بايلاپ، بۇرىمىن ءورىپ قويۋ قىز بالانىڭ نىشانى. قازاق ۇعىمىندا قىز بالانىڭ تۇرمىسقا شىقپاي باسىنا جاۋلىق تاعىپ قاعىنۋى قانشالىقتى كۇلكىلى بولسا، ايەل ادامنىڭ باسىنا جاۋلىق تاقپاي، تۇرمىسقا شىقپاعان قىز بالاشا قىلىمسۋى سونشالىقتى ۇيات، كەرىسكەدەي ەركەكتىڭ  ءوزى ەركەك بولا الماي جۇرگەندە، ايەلدەردىڭ ەركەك بولعىسى كەلگەندەي جاۋلىعىن جۇلىپ  الىپ، جالاڭباس جۇرگەنى جاراماس جانىم» دەدى. ءسوز سۇيەكتەن وتەدى ەمەس پە، اۋىلدىڭ  ەجەلدەن كەلە جاتقان قاندا بار قازاقى تاربيەنى تەز قابىلداي قوياتىن عادەتىنە باسقان قاراشاش ەسىكتەن اتتاي بەرە باسىنا جاۋلىق تاعىپ، جايناپ الدى. اپاسى دا ءماز، ۇيدەگى قىزى دا      «ەندى ماماعا ۇقسادىڭ، بۇرىن ۇقسامايتىنسىڭ، كارى قىز    سياقتى بولاتىنسىڭ» دەپ شىنىن ايتىپ قۋانىپ ءجۇر. « دۇرىس، ەندى وڭىڭە كىردىڭ، قانداي جاراستى، باياعىدان بەرى ايتسا ۇقپايسىڭ، ەندى باسىڭنان الماشى، جاقۇت جالاتقان جاۋلىق الساڭدا  الىپ بەرەيىن، باسىڭنان تاستاماشى» دەپ كۇيەۋى دە قوستاپ كەتتى. قاراشاش ايناعا كەلبەتىن بۇرىپ ەدى، ءوڭىنىڭ نۇرلانىپ، ءجۇزىنىڭ جارقىراپ كەتكەنىن بايقادى. اپاسىنا تاڭەرتەڭگى شايىن دەمدەپ بەردى دە، قىزمەتكە جول الدى. جول بويى مىڭ سايدان وي ءورىپ، ءجۇز قىراتتان مۇڭ قاۋمالادى. جانىن جەپ، ميىن مۇجىپ كەلە جاتقان نارسە قىزمەتتەستەرىنىڭ جاۋلىعىنا قالاي قارايتىندىعى ەدى. قىزمەتتەستەرى جاۋلىعىن كورىپ جىلان كورگەندەي تىتىركەنسە قايتەدى؟  «الىپ تاستايىنشى» دەپ ءبىر ويلادى دا اق ءسۇت بەرىپ وسىرگەن اناسىنىڭ كوڭىلىن جارالاعىسى كەلمەدى. «اق ءسۇت ەمگەن ادامنان ادال ادام پايدا بولۋ كەرەك» دەپ  اكەسى ءار كەز ايتىپ وتىراتىن ءسوزى    ەسىنە ورالا كەتتى. سونىمەن نە كەرەك، باتىل باسىپ،  قىزمەتكە جارق ەتىپ كىرىپ كەلگەندە، بارىنەن بۇرىن باستاعى قوڭىر الا جاۋلىقتى بايقاي قويعان جاس جىگىت جانىبەك: «و، اپاي، باسىڭىز جارىلدى ما؟ جوق، شاشىڭىز   الىندى ما؟» دەپ جارناما جاريالاعانداي، جاۋلىق كورمەگەندەي تاڭ قالدى. باسقالار دا باستارىن جۇلىپ-جۇلىپ الدى. قاراشاشتىڭ ون جىلدان بەرى العاش جاۋلىق تاعىپ كەڭسەگە كەلگەنىن بايقاعان الاڭعاسار زامانداسىنىڭ بىرەۋى جامان ىرىمعا جورىپ كوڭىل ايتىپ قويا جازدادى. ونىڭ ويىنشا قازاق كەلىنشەكتەرى «قازالى بولعاندا» عانا باسىنا جاۋلىق تاعۋى كەرەك ەكەن. ول ويىنىڭ ورتاسىنان  وپىرىلعانىن ارتىنان ءبىلىپ   ءتاۋباسىن ءۇيىردى. زامانداس كەلىنشەكتەر قاراشاشتىڭ قادىرلى شەشىمىنە ءدان ريزا بولىپ، وزدەرىنىڭ دە ورىنسىز ويناقتاپ، جاۋلىققا جازىقسىز جاۋىعىپ جۇرگەندەرىن ايتىپ    اقىلدارىنا كەلىپ، قاراشاشتىڭ قوڭىر جاۋلىعىن قولدان-قولعا وتكىزىپ، باستارىنا قوندىرىپ قارق بوپ جاتتى.
 قالادا جاسادىق، قالادا قىزمەت ىستەپ جاتىرمىز دەپ قاسقايىپ جالاڭباس جۇرەتىن جەڭگەيلەرىمىزگە قاراشاشتىڭ قايراتتى شەشىمى قايراق بولسا قانداي مەرەي، قانداي قۋانىش. ونسىز دا عالامتورمەن تۇتاسىپ جاتقان عاسىردىڭ  ۇلتتىق قۇندىلىقتارىمىزدى جۇتىپ، ۇلى ءداستۇرلەرىمىزدى ۇگىتتەپ جاتقانى از با؟ ءاۋ باستان-اق ۇلتتىڭ اناسى بولىپ كەلە جاتقان ايەلدەردىڭ باس كيىمىن سىپىرىپ، جالاڭباس قالۋى بىزگە نەنى ۇعىندىرادى. قاسيەتتى باس كيىمنەن ايرىلساق، باسقا كيىمدى قالاي ارداقتايمىز.  ونسىز اتاڭ قازاق   «باسقامەن ويناساڭدا، باسىڭداعى باس كيىممەن ويناما» دەپ ويلاماي، ويناپ ايتتى دەيسىز بە؟!

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn