ءتىلشىمىز ناديرا شايدوللا قىزى حابارلايدى. مىڭ بۇرالعان ءبي، تامىلجىعان ءان، قىزىقتى اقىندار ايتىسى ەمىس-ەمىس قۇلاققا ۇرىلادى... تاياۋدا شاۋەشەك قالاسى شىبارجيدە جاڭا رايونىنداعى ەگىنشى-مالشىلار ءساندى كيىنىپ، مەرەكە زالىندا شات-شادىمان باس قوسىپ، ارت-ارتىنان ساحناعا شىعىپ ءوز ونەرلەرىن كورسەتىپ جاتتى.
جەرگىلىكتى ەگىنشى-مالشىلار وزدەرى دايىنداعان ادەبيەت-كوركەمونەر قيمىلى شىبارجيدە اۋىلىنىڭ جاڭا رايونىنداعى جيىن زالىندا ءوتتى. ەگىنشى-مالشىلار ءوزى ونەرلەرىن ايگىلەۋمەن بىرگە، شات-شادىمان تۇرمىستى جىرلاپ، زال ءىشىن دۋمانعا بولەدى.
باعدات: « مەن وسى قيمىلعا قاتىناسۋ ءۇشىن، ءبىر اپتا جاتتىعۋ جاسادىم، وتباسىمداعىلار مەن دوستارىمنىڭ ءبارى وسى كونسەرتتى تاماشالادى» دەدى.
شىبارجيدە جاڭا رايونىنىڭ پارتكوم شۋجيى شيا يىنحۋا: « جاڭا رايونىنداعى ەگىنشى-مالشىلار كوركەمونەرگە توتەنشە ىنتالى. ءارقانداي مەرەكە كەزىندە جاڭا رايوننىڭ پارتكومى تۇرعىندارعا ورىن مەن جابدىقتاردى تەگىن ازىرلەپ بەرىپ، ولاردىڭ ساحناعا شىعىپ، ءوز ونەرىن كورسەتۋىنە قولايلىلىق جاسايدى. مۇنداي ادەبيەت-كوركەمونەر قيمىلدارى بارعان سايىن كوپشىلىكتىڭ قارسى الۋىنا يە بولىپ كەلەدى، ءار جولى كوپتەگەن مالشىلار وزدىكتەرىنەن تىزىمدەلىپ قاتىناسادى» دەدى.
مالشى جاينانىڭ ەكى بالاسى دا بۇگىنگى كونسەرتكە شىقتى، ساحنادان ەكى بالاسىن كورگەن جاينانىڭ كوڭىلىن قۋانىش كەرنەدى.
« مەنىڭ بالالارىم مەكتەپتەن ءبي ۇيرەنگەن سوڭ، كوپتەگەن كونسەرتتەردە ويىن كورسەتتى. ولاردىڭ بيلەگەن بەينەسىن كورگەندە، اناسى بولعان مەن قاتتى تەبىرەندىم» دەدى جاينا.
ويىن اياقتالعان سوڭ كوپتەگەن مالشىلار قايتقىسى كەلمەي، جۇرگىزۋشىنىڭ ماڭايىن قاۋمالاپ، كەلەسى جولعى ويىن قاي ۋاقىتتا قويىلاتىندىعىن سۇراپ جاتىر.
مالشى تىلەك: «وتىرىقتانعان سوڭ تۇرمىسىمىز كۇننەن-كۇنگە جاقساردى، ادەبيەت-كوركەمونەر قيمىلدارى دا بارعان سايىن كوبەيدى. كەلەسى جولعى قيمىلعا تىزىمدەلىپ ءوز ونەرىمدى كورسەتىپ، تۋىسى مەن دوستارىنا كورۋگە شاقىرامىن» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.