ەەڭ جاڭا مازمۇندار
2020-جىلى 9-ايدىڭ 18-كۇنى 173- سان
«قۋاتتى الەۋمەتتىك دەنساۋلىق ساقتاۋ جۇيەسىن ورناتىپ،حالىقتىڭ سالاماتتىعىن قورعاۋدى پارمەندى قامتاماسىزداندىرۋ كەرەك»
جوعارى ساپانى ورنىقتىرىپ، جاڭا دامۋدى جۇزەگە اسىردى
بارلىق بوگەت،قيىندىق،قاتەرلەردى جەڭەتىن كۇش قاينار
عىلىم-تەحنيكادا جاڭالىق اشۋدى جەدەلدەتىپ، جوعارى ساپالى دامۋدى ىلگەرىلەتەمىز
اكىمشىلىك مەكەمەسى 2020-جىلعى 23-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى 2020-جىلعى لاستانۋدان ساقتانۋ جانە ونى جونگە سالۋ ارناۋلى تاقىرىپتىق ءماجىلىسىن اشتى
ايماعىمىزداعى 3 كاسىپورىن اۆتونوميالى رايوندىق شارۋاشىلىق قۇرۋ،جاڭالىق اشۋ جارىسىندا تاماشا ناتيجەگە قول جەتكىزدى
ءدوربىلجىن اۋدانىندا تۇڭعىش قىستاق باسقارۋىنداعى ۇلتتىق سالت-ءداستۇر كورمە سارايى اشىلىپ، ساياحاتشى قابىلداۋدا
سەرىكقان تىككەن بىلعارى اياق كيىمدەر اۋقاتتانۋعا جارقىن جول اشتى
جەرلىك تاۋىق باعىمشىلىعى كىرىستىڭ ارتۋىن جەبەدى
ءوندىرىس حاۋىپسىزدىگى تەكسەرۋىن جۇرگىزدى
2020-جىلى 9-ايدىڭ 17-كۇنى 172- سان
«اۋەلگى ماقساتتى ۇمىتپاۋ،بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ جەتىستىكتەرىن بەكەمدەيىك،تەرەڭدەتەيىك
بيڭتۋان 7-كەزەكتى پارتكومىنىڭ جەتىنشى جالپى ءماجىلىسى اشىلدى
باياندى تىنىشتىققا ارشىندى قادام تاستادى
باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ،شارلاۋ،شارلاپ تەكسەرۋ قىزمەتىنىڭ بەكەمدەۋ بارىسىندا تەرەڭدەۋىن،تەرەڭدەۋ بارىسىندا دامۋىن ىلگەرىلەتۋ كەرەك 
اكىمشىلىك مەكەمەسى 2020-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق ءماجىلىسىن اشتى
التىن كۇز . مول ءونىم ماۋسىمى
2020-جىلى 9-ايدىڭ 16-كۇنى 171- سان
ورايدى مىقتى يگەرىپ، قولايلى ساتتە قيمىلداپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك
وسى زامانعى اينالىم جۇيەسى قۇرىلىسىن جەدەلدەتىپ،جاسىل دامۋ جولىمەن جۇرۋدەن اۋىتقىماي،ىندەتتەن ساقتانۋ-تىزگىندەۋدى ۇدايىلاندىرۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ كەرەك
عىلىم - تەحنيكادا جاڭالىق اشۋ ەكولوگياسىن جاقسارتىپ، جاڭالىق اشۋدىڭ، جاسامپازدىق جاساۋدىڭ ومىرشەڭدىگىن قاۋلاتايىق
جۇڭگو حالقىنىڭ ەڭ سەنىمدى تىرەگى
اكىمشىلىك مەكەمەسى 2020-جىلعى 22-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ، باسقارۋ، قىزمەت وتەۋ» رەفورماسى بويىنشا تيجارات-ساۋدا ورتاسىن ساپالىلاندىرۋ ءماجىلىسىن اشتى
سىناق رەتىندە ەككەن شاتتاۋىق اعاشى جەمىس بەردى
كوكونىس ەگۋدەن مول كىرىس كىرگىزدى
جاڭا تۇرپاتتى اۋىل شارۋاشىلىق ماشيناسىمەن شەكىلدەۋىكتى قاربىز جينادى
تالشىن اسقاباقتان مول ءونىم الدى

لي شۋەجۇن شاعانتوعاي اۋدانىنىڭ قىستاقتارىندا تۇرىپ تەكسەرۋ-زەرتتەۋ جۇرگىزدى

جولدانعان ۋاقىتى : 2014/4/10 12:35:08

    ءتىلشىمىز لي ميڭشىڭ حابارلايدى. 26-ناۋرىزدان 28-ناۋرىزعا دەيىن اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن اۆتونوميالى رايوندىق پارتكومنىڭ تۇراقتى مۇشەلەرىنىڭ بايلانىس ءتۇيىنى بولعان شاعانتوعاي اۋدانىندا 2-توپتاعى بۇقارالىق لۋشيان تاربيەسى جانە امالياتتىق قيمىلىنا تەكسەرۋ-زەرتتەۋ جۇرگىزىپ، « حالىق جاعدايىن ۇعىسىپ، حالىق تۇرمىسىنا تيىمدىلىك جاساپ، حالىق تىلەگىن توعىستىرۋ » قيمىلىنىڭ ورىستەتىلۋ جاعدايىن ۇعىستى.

ءۇش كۇن ىشىندە لي شۋەجۇن شاعانتوعاي اۋدانىنداعى پارتيالى  كادرلارمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، اۋىل-قىستاق، الەۋمەتتىك اۋماق، قارتتاردى كۇتىمدەۋ ورنى، بالالار باقشاسى سياقتى نەگىزگى ساتىداعى 1-شەپكە بارىپ، حالىق جاعدايىن ىشكەرىلەي ۇعىسىپ، قارتتاردان حال سۇراپ، قيىنشىلىعى بار جۇرتشىلىققا مەيىر-شاپاعات جەتكىزدى.

  26-ناۋرىز تۇستەن كەيىن        لي شۋەجۇن ايماق پەن شاعانتوعاي اۋدانىنىڭ 2-توپتاعى بۇقارالىق لۋشيان تاربيەسى جانە امالياتتىق قيمىلى جونىندەگى ارناۋلى تاقىرىپتاعى دوكلاتىن تىڭدادى. ايماقتىق پارتكومنىڭ شۋجيى جاڭ بو، ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ساي چيميڭ وسى كۇنگى دوكلات بەرۋ ماجىلىسىنە قاتىناستى.

  لي شۋەجۇن ايماق پەن شاعانتوعاي اۋدانىنىڭ پارتيانىڭ بۇقارالىق لۋشيان تاربيەسى جانە امالياتتىق قيمىلىن ورىستەتۋ قىزمەتىن تولىق تۇراقتاندىردى ءارى التى ءتۇرلى تالاپتى ورتاعا قويدى. ول مىنالاردى تالاپ ەتتى:    ۇيرەنۋدى كۇشەيتىپ، ۇيرەنۋدى باستان-اياق ماڭداي الدى ورىنعا قويىپ،    ماڭىزدى ساياسي مىندەت رەتىندە   قيمىلدىڭ باسىنان اياعىنا دەيىن    ءسىڭىرۋ كەرەك. ماسەلەلەردى شەشۋدى كورنەكتىلەندىرىپ، ماسەلەلەردى ءبىر-بىرلەپ ايقىنداپ، ماسەلەنى كوزدە ۇستاۋعا تاباندى بولىپ، ۇيرەنۋ بارىسىندا سالىستىرا تەكسەرۋ جۇرگىزىپ، دەموكراتيالىق تۇرمىس جيىنىنا جاقسى دايىندالۋ كەرەك. ۇيرەنۋ بارىسىندا رەتتەۋ، تۇزەتۋ جۇرگىزىپ، ماسەلە بايقالسا دەرەۋ شەشىم ەتىپ، پارتيالى كادرلار مەن ءار ۇلت جۇرتشىلىعىنىڭ سەنىمىنە يە بولىپ، جۇرتشىلىقتىڭ قولداۋى مەن ات سالىسۋىنا قول جەتكىزۋ كەرەك. باس شۋجي شي جينپيڭنىڭ حىنان ولكەسىنىڭ لانكوۋ اۋدانىندا قىزمەت تەكسەرگەندە سويلەگەن ماڭىزدى ءسوزىن ۇيرەنۋ، دايەكتىلەندىرۋگە مۇقيات ۇيىمداستىرىپ، حالىققا قىزمەت وتەۋدى بارىنشا كورنەكتىلەندىرۋ كەرەك. جاڭ چۇنشيان شۋجيدىڭ ياركەن اۋدانىندا تەكسەرۋ-زەرتتەۋ جۇرگىزگەندە سويلەگەن ماڭىزدى ءسوزىن جاقسى  ۇيرەنىپ جانە  تياناقتاندىرىپ، ءسوز رۋحىمەن « حالىق جاعدايىن   ۇعىسىپ، حالىق تۇرمىسىنا تيىمدىلىك جاساپ، حالىق تىلەگىن توعىستىرۋ » قيمىلىنا جەتەكشىلىك ەتۋ كەرەك. شاعانتوعاي اۋدانى دامۋدى جەدەلدەتۋ، ورنىقتىلىقتى قورعاۋ، جاراسىمدىلىقتى جەبەۋمەن بىرگە، وسى زامانعى وركەنيەتتى مىقتى يگەرىپ،  وسى زامانعى وركەنيەتتى ءتۇرلى قىزمەتكە جەتەكشىلىك ەتتىرىپ، دامۋدىڭ جاڭا جاعدايىن جاراتۋ كەرەك.

  وتباسىلارىن ارالاپ،حالىق جاعدايىن ۇعىستى

  27-ناۋرىز تۇستەن بۇرىن لي شۋەجۇن التىن ەمىل اۋىلى جاڭابۇلاق قىستاعىندا وتباسىلارىن ارالاپ، كەدەي وتباسىلارىنان حال سۇرادى، قىزمەت اترەتى تۇرعان ورىندا قىزمەت اترەتىندەگىلەردىڭ تۇرمىس جاعدايىن ۇعىستى. ءار وتباسىنا بارعاندا لي شۋەجۇن ءۇي يەسىمەن كۇلىمسىرەي قول الىسىپ امانداسىپ وتىردى.
قىستاق تۇرعىنى ادىلەتتىڭ وتباسىندا لي شۋەجۇن سۇپىعا مالداس قۇرىپ وتىرىپ، ونىڭ وتباسىلىق جاعدايىن ۇعىستى. ادىلەت: « وتكەن جىلى ەگىمشىلىك پەن باعىمشىلىقتى قوسقاندا 25 مىڭ يۋان كىرىس كىرگىزدىم، بالامنىڭ جۇرەك اۋرۋى بار  بولىپ، ونىڭ ناۋقاسىن ەمدەتۋ ءۇشىن، قورامداعى باسىم كوپ مالىمدى ساتىپ جىبەرىپ، ورتاشا داۋلەتتى وتباسىنان كەدەي وتباسىنا اينالدىم » دەدى.

  لي شۋەجۇن ونىڭ بالاسىنىڭ ناۋقاس جاعدايىن ەگجەي-تەگجەيلى ۇعىسىپ، بىرگە جۇرگەندەرگە اۆتونوميالى رايونداعى شيپاحانامەن تەز ارادا بايلانىس جاساپ، ناۋقاسىن دەر كەزدە ەمدەتۋدى قاداعالاي تاپسىردى. ول ادىلەتكە :« پارتيا مەن   ۇكىمەت تۇرمىسىندا قيىنشىلىعى بار وتباسىلاردىڭ تۇرمىستىق جاعدايىنا ايرىقشا كوڭىل بولىپ وتىر، تۇرمىستارىڭدى جاقسارتۋعا بارىنشا كۇش جۇمسايدى،  قۇلشىنا ەڭبەك ەتسەڭدەر ، تۇرمىستارىڭ بارعان سايىن جاقسارادى» دەدى.

   بيىل 66 جاستاعى اۆتونوميالى رايوندىق ەڭبەك وزاتى قاديشا 120 تۇيە،87 باس جىلقى باعىپ، وتكەن جىلى باعىمشىلىقتان 400 مىڭ يۋاننان  استام كىرىس كىرگىزگەن.

  مۇنى ەستىگەن لي شۋەجۇن ايرىقشا قۋانىپ، قاديشاعا جۇمىسشى جالداعاندا قىستاقتاعى كەدەي وتباسىلارىن كوپتەپ ىستەتىپ، ولاردىڭ كىرىستەرىن ارتتىرۋىنا قول ءۇشىن بەرۋىن قاداعالاي تاپسىردى.

  لي شۋەجۇن التىن ەمىل اۋىلىنداعى قىستاق كادرلارىنا:«  قىزمەت ماقساتىمىز جۇرتشىلىقتىڭ تۇرمىس ورەسىن جوعارىلاتۋ، ەگىنشى-مالشىلاردىڭ كىرىسىن ارتتىرۋدا باعىمشىلىقپەن شۇعىلداناتىن ءىرى وتباسىلارىنىڭ باستاماشىلىق رولىن ساۋلەلەندىرىپ، سەلبەستىك كووپەراتيۆى بازاسىن قۇرىپ، ەگىنشى-مالشىلاردى عىلمي ءوندىرىس ءتاسىلى ارقىلى وسى زامانعى مال شارۋاشىلىعىن دامىتۋعا جەتەكتەۋىمىز كەرەك» دەدى.

  قىستاقتا قاراپايىم تۇرمىس وتكىزدى

  27-ءساۋىر تۇستە لي شۋەجۇن جاڭابۇلاق قىستاعىنداعى قىزمەت اترەتىندەگىلەر تۇراتىن جاتاقتا قىزمەت اترەتىندەگىلەرمەن بىرلىكتە تابا نان جانە جاي عانا ءبىر- ەكى ءتۇرلى قۋىرماشپەن تاماقتانادى. لي شۋەجۇن ءبىر جاعىنان تاماقتانىپ، ەندى ءبىر جاعىنان قىزمەت اترەتىندەگىلەرمەن شۇيىركەلەسىپ، اڭگىمە دۇكەنىن قۇرادى. استان كەيىن لي شۋەجۇن سەرىكتەرىنە 200 يۋان تاماق اقىسىن تاپسىرتتى.

  لي شۋەجۇن كەشكى استى اۋىلدىق ورگاننىڭ اسحاناسىنان ىشكەننەن كەيىن ايماقتىڭ پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ شاعانتوعاي اۋدانىندا تۇراتىن  قۋزاۋ-جەتەكشىلىك ەتۋ گرۋپپاسىنىڭ، شاعانتوعاي اۋداندىق پارتكومنىڭ باسشىلارىمەن جانە التىن ەمىل اۋىلىنداعى پارتيالى كادرلارمەن ايىرىم-ايىرىم اڭگىمەلەسىپ، جەرلىك ورىننىڭ جاعدايىن ۇعىستى. كادرلارمەن اڭگىمەلەسىپ بولعاندا بەيجيڭ ۋاقىتى  تۇنگى ساعات 1:30 بولعان.

  28-ساۋىردە لي شۋەجۇن شىباراعىن اعاش ەگۋ تۇيىنىنە بارعاندا بۇل ارادا شاعانتوعاي اۋدانىنداعى مىڭنان استام كادر مەن جۇمىسشى-قىزمەتشى اعاش ەگىپ جاتقان بولاتىن. بارا سالا لي شۋەجۇن دە قولىنا كۇرەك الىپ، اعاش ەگۋگە كىرىستى.

  لي شۋەجۇن شۇڭقىر قازىپ، شۇڭقىرعا  قاراعاش قالامشاسىن ءبىر-بىرلەپ ەكتى. ول توپىراق قازۋ، توپىراق ءۇيۋ، جان-جاعىن قورشاۋ جۇمىستارىن رەت-رەتىمەن وتە مۇقياتتىلىقپەن ىستەدى.

  پارتيا ساباعىن ءوتىپ، ۇيرەنۋدەن پىسىقتاۋ جاسادى

  بەيجيڭ ۋاقىتى تۇسكى ساعات 12 دە لي شۋەجۇن التىن ەمىل اۋىلىنىڭ 5 قىستاعىنداعى پارتيا ياچەيكاسىنىڭ شۋجيلارىنا، قىستاقتا تۇراتىن قىزمەت اترەتىنىڭ باستىقتارىنا جانە جاڭابۇلاق قىستاعىنداعى پارتيا مۇشەلەرىنە پارتيا ساباعىن ءوتتى.

  لي شۋەجۇن پارتيانىڭ بۇقارالىق لۋشيان تاربيەسى جانە امالياتتىق قيمىلىن جاقسى ورىستەتۋگە قاتىستى 3 ماسەلەگە توقتالدى. بىرىنشىدەن، پارتيانىڭ بۇقارالىق لۋشيان تاربيەسى جانە امالياتتىق قيمىلىن ورىستەتۋدىڭ ماڭىزدى ءمانىن جەتە تانۋ كەرەك. مۇندا قيمىلدى ورىستەتۋدىڭ ستراتەگيالىق جانە جالپى جاعدايلىق ءمانى تۇرعىسىنان؛ پارتيا ورتالىعىنىڭ بەرىك سەنىمى جانە قاتاڭ پوزيتسياسى تۇرعىسىنان؛ قوعام ورنىقتىلىعى مەن باياندى تىنىشتىقتى ىسكە اسىرۋدىڭ ستراتەگيالىق تۇرعىسىنان؛ 2-توپتاعى پارتيانىڭ بۇقارالىق لۋشيان تاربيەسى مەن امالياتتىق قيمىلىنىڭ كورنەكتى ەرەكشەلىكتەرى تۇرعىسىنان تانىمدى تەرەڭدەتۋ كەرەك.

  ەكىنشىدەن، پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ تۇتاس تۇلعالىق تالابى مەن امالياتتىق ەرەكشەلىگىن، دۇرىس يگەرۋ كەرەك. تۇتاس تۇلعالىق تالاپتى مىقتى يگەرىپ، نەگىزگى تاقىرىپتى وزگەرتپەۋ، نىسانانى وزگەرتپەۋدە تاباندى بولۋ؛ قيمىلدىڭ نەگىزگى نىساناسىن ايقىنداپ، 1-توپتاعى پارتيانىڭ بۇقارالىق لۋشيان تاربيەسى قيمىلىنىڭ جەتىستىكتەرىنەن ۇتىمدى پايدالانا ءبىلۋ؛   امالياتتىق ەرەكشەلىگىن، ورنىقتىلىقتى قورعاۋدى، ساياسيدا بەرىك بولۋدى، ۇيىسشاڭدىقتى، سونداي-اق ۇزاق   ونىمدىلىككە يە مەحانيزمدى كورنەكتىلەندىرۋ كەرەك.

  ۇشىنشىدەن، ستيل دۇرىستاۋ رۋحىمەن پارتيانىڭ بۇقارالىق لۋشيان تاربيەسى جانە امالياتتىق قيمىلىن ورىستەتۋدەي ماڭىزدى  تالاپتى شىنايى دايەكتىلەندىرۋ كەرەك. يدەيالىق تاربيەنى شىنايى مىقتى يگەرىپ، سىن جانە ءوز-وزىنە سىن قارۋىنان دۇرىس پايدالانىپ، قيمىلدى اشىق ورىستەتۋدى باستان-اقىرىنا ءسىڭىرىپ، ستيل دۇرىستاۋدى بارىنشا كۇشەيتۋ كەرەك.

    اۋىل – قىستاق جانە الەۋمەتتىك اۋماققا تەكسەرۋ – زەرتتەۋ جۇرگىزىپ،ءبىرىنشى شەپتىڭ جاعدايىن   ۇعىستى

  وسى رەتكى ساپارىندا لي شۋەجۇن التىن ەمىل اۋىلىنىڭ مەكتەبى، التىن ەمىل قىستاعىنىڭ ۇلتتىق ەرەكشەلىككە يە كەستەشىلىك بازاسى،     جاڭاجەر اۋىلى مۇقىر قىستاعىنىڭ مادەنيەت قيمىل ورتالىعى، ىنتىماق كوشەسى الەۋمەتتىك اۋماعى، اۋداندىق ەكىنشى قوس ءتىل بالالار باقشاسى  سياقتى ورىنداردى كوزدەن كەشىردى.

  التىن ەمىل قىستاعىنىڭ ۇلتتىق ەرەكشەلىككە يە كەستەشىلىك بازاسىندا قىستاق كادرلارىنىڭ تانىستىرۋىن ەستىگەننەن كەيىن لي شۋەجۇن مىنالاردى باسا دارىپتەدى: قازاق كەستەشىلىگىن قورعاۋ مەن جالعاستىرۋعا كوڭىل ءبولىپ، ءداستۇرلى تەحنيكانىڭ وزگەرمەۋىنە كەپىلدىك ەتۋمەن بىرگە، ۇزدىكسىز جاڭالىق جاراتىپ جانە دامىتىپ، وسى زامانعى ەلەمەنتتەردى قوسىپ، تەحنيكا ورەسىن جوعارىلاتىپ، ونى ەگىنشى – مالشىلاردىڭ كىرىسىن ارتتىرۋدىڭ ءبىر جولىنا اينالدىرۋ كەرەك.

  شاعانتوعاي اۋدانى قارابۋرا قالاشىعى ىنتىماق كوشە الەۋمەتتىك اۋماعىندا لي شۋەجۇن الەۋمەتتىك اۋماقتىڭ ورنىقتىلىقتى قورعاۋ مەحانيزمىن جانە ساقشى كۇشتەرىن ورنالاستىرۋ سياقتى جاعدايلاردى ۇعىسىپ، مىنالاردى اتاپ كورسەتتى: ورنىقتىلىقتى قورعاۋ قىزمەتى اسا ماڭىزدى قىزمەت، ول بەلگىلى ءبىر رايوننىڭ عانا جۇمىسى ەمەس،   يدەيالىق تانىمدى بىرلىككە كەلتىرىپ، ساقتىق تانىمىن ورناتۋ قاجەت، بۇل اۆتونوميالى رايوندىق پارتكومنىڭ تالابى ءارى جۇرتشىلىقتىڭ تىلەگى. الەۋمەتتىك اۋماقتىڭ ساقشىلىق ىستەرى قىزمەتىن  ۇعىسقاننان  كەيىن  لي شۋەجۇن بىلاي دەدى: « نەگىزگى ساتىداعى ساقشىلار ءبىر جاقتىڭ اماندىعىن قورعاۋدا ماڭىزدى رول اتقارادى، ساقشىلار جايشىلىقتا جاقسى شىنىعىپ، ونەرىن جوعارىلاتقاندا عانا، شۇعىل جاعدايدا  ونەرىن كورسەتىپ، ماڭىزدى رولىن اتقارا الادى ».

  لي شۋەجۇن تاعى شاعانتوعاي اۋدانىنداعى اۋىل – قىستاق قارتتار كۇتىمحاناسىنداعى 111 قارتتان حال سۇراپ بىلاي دەدى: « بارىمىزدە قارتايامىز. قازىر ورتالىق پەن اۆتونوميالى رايوندىق پارتكومنان جەرگىلىكتى ورىنعا دەيىن قوعامدىق الەۋمەتتىك يگىلىك ىستەرىنە، قارتتانۋ ىستەرىنە جانە قارتتاردىڭ سوڭعى تۇرمىسىنا كەپىلدىك ەتۋ ماسەلەسىنە ەرەكشە كوڭىل ءبولىپ،  حالىق تۇرمىسىن جاقسارتۋ تەبىنىن بارعان سايىن كۇشەيتىپ كەلەدى، قارتتاردىڭ قارتايعاندا كوڭىلدى تۇرمىس كەشىرىپ، باقىتتى تۇرمىسقا كەنەلەتىندىگىنە سەنىمىمىز كامىل ».

  تەكسەرۋ - زەرتتەۋ بارىسىندا   لي شۋەجۇن ەگىنشى – مالشىلار مەن پارتيالى كادرلاردىڭ تاربيە جانە امالياتتىق قيمىلى بارىسىنداعى تانىمىنىڭ، ۇيرەنۋىنىڭ تەرەڭدەگەن-تەرەڭدەمەگەندىگىنە جانە ۇگىتتىڭ تياناقتى بولعان-بولماعاندىعىنا ەرەكشە كوڭىل ءبولدى.

  قىستاق تۇرعىندارىنىڭ ءۇيى مەن قىستاقتا تۇراتىن قىزمەت اترەتى تۇرعان ورىندا  لي شۋەجۇن تەلەۆيزور مەن راديونى اشىپ، كوپشىلىكتىڭ نەنى كورىپ، نەنى ەستىپ، نەنى ۇيرەنىپ جاتقاندىعىنا نازار اۋداردى. لي شۋەجۇن اۋىل-قىستاق كادرلارىنا مادەنيەت شەبىنىڭ رولىن تولىق ساۋلەلەندىرىپ، بۇقارانىڭ رۋحاني تۇرمىسىن بايىتىپ، ەكىنشى توپتاعى پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ ءمانىن ءتىپتى دە جاقسى ۇيرەتىپ جانە ءتۇسىندىرىپ، بۇقارانى تاربيە جانە امالياتتىق قيمىلىنا تولىق ات سالىستىرىپ، تاربيە جانە امالياتتىق قيمىلىندا كورنەكتى ناتيجەگە قول جەتكىزۋدى قاداعالاي تاپسىردى.

  ايماقتىق پارتكومنىڭ مۇشەسى، ۇگىت ءبولىمىنىڭ  باستىعى چىن جيانگو  تەكسەرۋ-زەرتتەۋدە بىرگە بولدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn