ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

روديننىڭ گيۋگونىڭ باس ءمۇسىنىن سالۋى

جولدانعان ۋاقىتى : 2014/4/29 12:53:14

جىڭ شيپيڭ

  1880-جىلعى جاز كۇندەرىنىڭ ءبىرى. رودين پاريجداعى گناكەر كوشەسىندەگى شارپەنتيەر حانىمنىڭ ساۋلەتتى سايرانحاناسىنان سەۆرەستەگى قىزمەت  ۇيىنە قايتىپ كەلگەن سوڭ دا كوڭىلى كونشىمەدى. وسى جولعى باس قوسۋدا ول تامام ەلدىڭ   كوزىنشە ايگىلى رومانتيك اقىن، جازۋشى ۆيكتور گيۋگونىڭ ءوزىن كەلەمەجدەيتىنى ءۇش ۇيىقتاسا تۇسىنە كىرمەگەن ەدى.

  گيۋگونىڭ جاقىن دوسى ماللارمە ءشوپ بالاعاننان سىرتقا تۇڭعىش شىققان روديندى 80 جاستان اسقان، ۇزەڭگىسى سەگىز قابات گيۋگوعا تانىستىرعان ساتتە، روديندى گيۋگونىڭ سىرعا تولى اجارى، شۇڭىرەيگەن تۇڭعيىق كوزدەرى، كۇلكى كومكەرگەن ەرنى جانە ءاجىم تورلاعان بەتى بىردەن باۋراپ الدى. ول گيۋگونىڭ ءمۇسىنىن سالۋعا ىنتاسى اۋا قالدى. مۇنداي ارماندى اۋىزدىقتاۋ مۇڭ بولدى. كوپ ويلانعان سوڭ، جاسامپازدىق تەبىرەنىسىن تەجەي الماي الاڭعاسارلانا گيۋگوعا ءوز ويىن جەتكىزدى.

  - كەشىرىڭىز، ءسىزدىڭ    يكەمسىز قوس قولىڭىز ارقىلى قاۋساپ تۇرعان قازىرگى كەيپىمدى كەيىنگى ۇرپاققا تابىستاعىم كەلمەيدى،-دەدى گيۋگو سازارعان قالىپپەن. «گيۋگونىڭ قىلىعى قۇتىرعان يتتەن اۋمايدى عوي!» دەپ رودين ىشتەي گيۋگونى سىباپ الدى. بۇدان كەيىنگى ومىرىندە گيۋگومەن ات كەكىلىن كەسىسۋگە قاسام ءىشتى.

  ءبىر جىل ءوتتى. وسى ءبىر جىلدا روديننىڭ مۇسىنشىلىك ونەرى تولىسا ءتۇستى. الايدا، گيۋگونىڭ جاقىن دوسى ماللارمە ونى تاعى ىزدەپ كەلدى. ول وسى جولى 50 جىل بويىنا الدەقاشان ءۇيلى-باراندى بولعان ۇلى جازۋشى گيۋگونى ىشتەي ءسۇيىپ كەلگەن، ال قازىر راك اۋرۋىنان كور اۋزىندا جاتقان دروۆەت حانىمنىڭ ءوتىنىشى بويىنشا، ونىڭ رودينگە جاسىرىن تۇردە گيۋگونىڭ باس ءمۇسىنىن سالىپ بەرسە دەگەن تالابىن جەتكىزدى.

  رودين ءۇن قاتقان جوق.   دەسەدە دروۆەت حانىمنىڭ كىرشىكسىز ماحابباتى مەن 50 جىل بويىنا قول جەتپەس ارماننىڭ  تراگەديالى قۇربانىنا اينالعانىنا قاتتى تەبىرەندى. ءيا، دروۆەت حانىمنىڭ اعارعان شاشى مەن مۇڭعا تولى جانارى، بۇگىلگەن دەنەسى مەن نۇرى تايعان ءجۇزى رودينعا ماحاببات تراگەدياسىنىڭ ومىردەگى ناعىز ۇلكەن تراگەديا ەكەنىن ۇعىندىردى. دروۆەت حانىمنىڭ جاۋدىراعان جانارىنا قاراپ تۇرىپ، رودين ءۇنسىز باس يزەدى. دروۆەت حانىمنىڭ اسىل ماحابباتى روديننىڭ ءبىر جىلدىڭ الدىندا شارپەنتيەر حانىمنىڭ ساۋلەتتى سايرانحاناسىندا جۇرت كوزىنشە گيۋگونىڭ سايقى-مازاعىنا ۇشىراعاندا ىشتەي ىشكەن قاسامىنان بەزدىردى.

  رودين كەلىسىم بويىنشا، ءار كۇنى ۋاعىندا دروۆەت حانىمنىڭ جاتىن بولمەسىنىڭ وڭ بۇيىرىندەگى قابىرعا ىشكاپقا كەلىپ ءجۇردى. ول قىزمەت ءۇيىن سول اراعا ورنالاستىردى. بۇل روديننىڭ ءمۇسىن سالۋمەن اينالىسقاننان بەرگى ەڭ قيىن جاسامپازدىقپەن شۇعىلدانۋ بارىسى بولدى. سەبەبى، سالماقشى بولعان ءمۇسىن    وبيەكتىسىن قولىمەن ۇستاي المادى. تەك مىس ويما ارقىلى گيۋگونىڭ باس ءمۇسىنىنىڭ نوبايىن سىزدى. دروۆەت حانىم گيۋگوعا ءار رەت سول كۇنگى جاڭالىقتاردى ايتقىزدى. ول گيۋگونىڭ وزىنە ءدارى ىشكىزۋىن ءارى بىرگە تاماقتانۋىن ءوتىندى. سول ارقىلى روديننىڭ قابىرعا ىشكاپ ىشىندە گيۋگونىڭ ەلدەن ەرەك بولمىس-ءبىتىمىن، سەزىمىن، ەرىك-جىگەرىن باقىلاۋىنا وراي جاراتتى. اقىرى رودين ءبىر اي قۇلشىنۋ ارقىلى ساعىز بالشىقتان گيۋگونىڭ باس ءمۇسىنىنىڭ العاشقى نۇسقاسىن ءجونسالداۋ جاساپ شىقتى. الايدا، وسى ءبىر ايدا دروۆەت حانىمنىڭ دەنساۋلىعى كۇرت تومەندەدى. سول سەبەپتى رودين دروۆەت حانىمعا تىنىعىپ العان سوڭ قىزمەتكە كىرىسۋدى ۇسىنىس ەتسەدە، دروۆەت حانىم شيىرشىق اتا:
-ۋاقىت قالمادى. مىنا ەكى بالشىق ءمۇسىننىڭ بىرەۋىنىڭ بۇدان كەيىن مەنىمەن بىرگە بولۋىن قانشالىق ارماندايمىن دەشى...-دەدى. « تەك ون كۇن بولسا جەتەر...» دەپ رودين  مۇمكىندىگىنشە دروۆەت حانىمدى جۇباتقان بولدى.

  كوڭىلى تولقىپ تۇرعاندىقتان داۋىسى دىرىلدەپ شىقتى.

-10 كۇن... راقىمەت ساعان، مىرزا! سول كۇنگە دەيىن توزۋگە شىدامدىلىق كورسەتەمىن...- دەپ السىرەپ كەتكەن دروۆەت حانىم كۇلىمسىرەگەن بولدى دا ەسىنەن تانىپ قالدى.

  دروۆەت حانىم مىس ءمۇسىننىڭ تولىق جاسالىپ شىعۋىنا ۇلگىرە المادى. كوز جۇمار الدىندا رودين قابىرعا ىشكاپتىڭ ىشىندە، ابىر-سابىر بولعان شيپاگەردىڭ ارت جاعىندا قاسىرەت شەگە كۇيزەلگەن گيۋگونىڭ قايعىلى بەينەسىن سوڭعى رەت كوردى. ونىڭ جان دۇنيەسى تاعى ءبىر رەت ءدىر ەتە ءتۇستى. ول گيۋگونىڭ - وسى ءبىر ەكىنشى يمپەرياعا قارسى تۇرعان رۋحاني كوسەمنىڭ ارداقتى دا وسكەلەڭ سەزىمىنە شىنايى مويىنسال بولدى. بۇرىنعى ارازدىقتىڭ كۇلى ءاپ-ساتتە كوككە ۇشىپ، ءبىر ءتۇرلى كۇشتى جاسامپازدىق تىلەكپەن دروۆەت حانىمنىڭ قاستەرلى ماحابباتىن ەسكە الۋ   ءۇشىن ۋاقىتتى قولدان بەرمەي قارمانىپ قالۋ بەكىمى 42 جاسقا شىققان روديننىڭ جۇرەگىن تاعى ءبىر رەت تولقىتتى. ول كۇندى تۇنگە جالعاپ قىزمەت ىستەدى. سوڭىندا، دروۆەت حانىم ومىردەن ءوتىپ كوپ ۇزاماي رودين ءوزىنىڭ قىزمەت بولمەسىندە ەڭ سوڭعى قۇلشىنىسى ارقىلى گيۋگونىڭ باس ءمۇسىنىن تابىسپەن جاساپ شىقتى.

  بۇل دروۆەت حانىمنىڭ ءومىر بويى ارمانداعان جانە قاستەرلەگەن ادامى، سونداي-اق بۇل روديننىڭ كوڭىلىندەگى گيۋگو! مۇسىننەن بۇيىعى دا ۇياڭ، ايبىندى، تاباندى، ەر ازاماتقا ءتان ەرلىك پەن دارقاندىققا باي، ءومىر بويى ەلدىڭ ارتىنا قالعىسى كەلمەيتىن،    ادامزاتتىڭ ەڭ ىزگى دە اسىل ادامدىق قاسيەتىنەن اينىماعان، ءومىردى قىزۋ سۇيەتىن، تۇرمىستى اڭساعان، جاستىق ماحاببات وتى جالىنداعان رۋح مەنمۇندالايدى. بۇنداي رۋح، بالكىم، جەكە ادامنىڭ بويىندا تىم سيرەك كەزدەسەتىن شىعار. ءبىراق، تۇتاس ادامزاتتىڭ بويىندا ەجەلدەن ءومىر ءسۇرىپ كەلەدى. گيۋگونىڭ وسىنداي رۋحى رودين سالعان مۇسىنگە مەيلىنشە دارىعاندىقتان، كەيىنگىلەر بۇل ءمۇسىندى گيۋگونىڭ رۋحى مەن مۇرات، ماقساتىنىڭ سيمۆولى جانە جالعاسىم تابۋى رەتىندە قارايتىن بولدى.

  ءتۇيىن: مىنا الەمدە ەڭ تەلەگەي دۇنيە تەڭىز بولماق. ال تەڭىزدەن دە تەلەگەي ادامنىڭ دارقان پەيىلى. رودين ءوزىن رەنجىتكەن گيۋگوعا كەشىرىم جاسادى. گيۋگونىڭ باس ءمۇسىنىن سالىپ، ءمۇسىندى گيۋگو رۋحى مەن مۇرات، ماقساتىنىڭ قاستەرلى سيمۆولىنا اينالۋىنا جانە كەيىنگى داۋىرگە جالعاسا بەرۋىنە مۇمكىندىك جاراتتى. روديننىڭ ءوزى دە وسى جولعى جاسامپازدىعى ارقىلى جان سارايى نۇرلانىپ، كوركەمونەرلىك تالانتى دا تولىسا ءتۇستى. 

 اۋدارعان-قۋات جۇماش ۇلى


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn