ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

كىتاپ رۋحىڭدى توعايتادى

جولدانعان ۋاقىتى : 2014/5/20 18:57:22

  زامان دامىدى، ادامداردىڭ وي-ساناسى دا ءوستى. دەسەدە ۇلتىمىزدا ءوزىنىڭ ادامدىق قاسيەتىنىڭ قادىرىن بىلمەي، مىناۋ دۇنيەنىڭ تىم قىسقا    ەكەندىگىن سەزە الماي، ادامدار ارا ماحاببات پەن مەيىردىڭ قادىرىنە جەتپەي جۇرگەندەرگە نە سەبەپ بولار؟ كەشە عانا اتا-اناسى «وڭ جاعىم قىزارىپ كەلىن الدىم، ءبىر باسىم ەكەۋ بولدى، قۋانىشىما ورتاق بول» دەپ ەل-جۇرتىن تويعا شاقىرىپ، قۋانىشىن بىرگە بولىسكەن، توي جاساعان جاس جۇبايلار جىل اينالماي سوت   ەسىگىنەن سىعالاپ، اجىراسىپ جاتقانىن كورەمىز. بۇل دۇنيەگە ەندى عانا كوزىن اشقان كۇناسىز ءسابي، بالالىقتىڭ باقىتىن كورمەي قالىڭ ۇرىس-كەرىستىڭ ىشىندە كوزى جاستى، كوڭىلى سىنىق، تۋماي جاتىپ قادىرسىز بولعان سابيلەرىمىزگە كىم جاۋاپكەر؟ سۋدىڭ دا سۇراۋى بار دەگەن. قۇرتتاي شاعىڭدا بەسىگىڭدى كۇزەتىپ، بەلىن تالدىرعان، قارت اتا-اناڭدى الاڭداتىپ، قۇرىشتاي شاعىڭدا ادام قورلاپ، ءسابيدىڭ كوزىن جاسقا مالىپ، تاستاندى ەتكەننىڭ ەرتەڭگى كۇنى قانداي بولادى؟

  قازىر بايقاساڭىز باستاۋىش مەكتەپ پەن بالا باقشالارعا بالا جەتكىزىپ جۇرگەندەر اتالار مەن اجەلەر، مەكتەپتىڭ اتا-انالار  جيىنىنا بارعان دا اتالار مەن   اجەلەر. ولار نە قازىرگى بالا تاربيەسىنىڭ تالابىن تۇسىنە الماي، نە ءوز ويىن حانزۋ تىلىندە ۇقتىرا الماي شىج-شىج بولىپ جۇرەدى. وسىدان بارىپ «ءوز بالاڭدى ءبولىپ قۇتىلاسىڭ، نەمەرەڭنەن ءولىپ قۇتىلاسىڭ» دەگەن ءسوز تارالعالى قاشان. كەي اتا-اناعا بالادان مال قادىرلى. ونىڭ ويىنشا بالانىڭ تاماعى مەن كيىمىن قامداسا بولدى باسقامەن شارۋاسى جوق. بالاسىنىڭ سودەگەي قىلىعى كورىنسە تاياق الىپ ساباپ تۇزەمەك. ادام جۇرەگىنىڭ مەيىرمەن تۇلەپ، اقىلمەن كامالات تاباتىندىعىن، بۇل دۇنيەنىڭ باقىتىن تەك مەكتەپ قانا جاراتىپ بەرە المايتىندىعىن مۇلدە بىلمەيدى. ادەتتە قانشا شاقىرساڭدا مەكتەپ ەسىگىن اتتامايتىن ولار وتباسىندا قيىنشىلىعى بار بالالارعا كومەك قاراجات بەرىلەدى دەگەندى ەرتە ەستيدى. سول كۇنى عانا مەكتەپ اۋلاسىنا جينالادى دا ءوزىنىڭ كەدەي    ەكەندىگىن، بالاسىنىڭ اكەسىنەن نەمەسە شەشەسىنەن ءتىرى ايرىلعانىن ايتقان جايسىز كۇيىن كورگەنىڭدە، جانىندا  تۇرىپ   ۇياتتان جانىڭ قورلانادى. ال ولار  وسى كەمىستىگىن قۋ قۇلقىننىڭ قۇلى ەتىپ، بەتتەرى بۇلىك ەتپەيدى. مىنە كەڭسىرىكتى كەرمەك ءدام كەرنەپ، كوزدەن اشتى جاس تاماتىن  اشىنىشتى شىندىق.

  مەن حالقىمدى سۇيەمىن. حالقىمنىڭ « ۇياتتان ءولىم كۇشتى»، «ارىم -جانىمنىڭ ساداعاسى» دەپ ناعىز ادامدىققا جەتەلەيتىن قاسيەتىن نەگە بويىمىزدان ۇركىتتىك، نەگە ءوزىمىزدى ار سوتىنا سالىپ تەكتەپ كورمەيمىز.  از دا بولسا اقىلىنا ساۋلە قونسا، حالقىمىز جاستارى  قامشىنىڭ سابىنداي وسىناۋ دۇنيەدە ەل قاتارلى قادىرلى بولسا، جىلى جانۇيا قۇرىپ ۇلاعاتتى ۇل-قىز تاربيەلەسە، قارتايعاندا پەرزەنتىنىڭ باقىتىن كورسە دەگەن ارماندار مەنى كوپ ويعا سالادى.

  كوپتەگەن كەساپات رۋحاني جۇتاڭدىقتان باستاۋ الادى. ونى داۋالايتىن قاسيەتتى ءدارى- كىتاپ. ۇلى تاپقىر ەديسون «قيمىلدىڭ دەنەنى شىنىقتىراتىنى سياقتى، كىتاپ وقۋ يدەيانى شىنىقتىرادى. قيمىل دەننىڭ ساۋلىعىنا باستاسا، كىتاپ كەمەلدىلىككە باستايدى» دەيدى. وتباسىمىزدا پايدالى ءبىلىم ۇيرەتەتىن، تۇرمىستىڭ كوركەمدىگىن، وتباسىنىڭ مەيىرىن سەزدىرەتىن، ءوزىمىزدى قادىرلەپ، كەمەلدى پەرزەنت تاربيەلەۋگە كومەگى تيەتىن، تابىس تورىنە باستايتىن تەك ءبىلىم، ال ءبىلىم كىتاپتان كەلەتىندىگى دالەلسىز شىندىق. سوسىن كىتاپ تۋرالى ەرىكسىز قولما قالام الدىم. كىتاپ تۋرالى جازىپ وتىرىپ ويىما مىنالار ورالدى.

  ءبىرىنشى، كىتاپتى تالعامسىزدىقپەن وقۋدان اۋلاق بولايىق. كىتاپ وقۋداعى ماقسات - ايتەۋ وقي بەرۋ ەمەس، قايتا شىندىققا جاناسۋ، ءوز قاجەتىن نەگىز ەتىپ، قوعامدى ءبىلۋ، ارالاسۋ، جاقسى-جاماندى پارىقتاۋ ءۇشىن وقيدى. قاعازعا تۇسكەننىڭ بارلىعى گاۋھار ەمەس، قازىر يدەيانى ازعىنداتاتىن، تەرىس جولعا باستايتىن كىتاپتار دا بار. سوندىقتان تالعاپ، تالداپ وقىپ،  تۋرا جولدان القىپ كەتپەيتىن بولايىق.

  ەكىنشى، بىلەرمەنسۋدەن اۋلاق بولايىق. ولار ءبىلىم-ونەردىڭ قاجەتىن كىتاپتان ىزدەگەنشە اينالاسىنداعى ءوزى سياقتى زاكۇنشىلەردەن ىزدەگەندى وڭاي سانايدى. ساۋدا-ساتتىق، اۋقاتتانۋ، باتىلدىقپەن يگىلىك تىكتەۋگە، ادام پسيحولوگياسىن زەرتتەگەن كىتاپتاردى كورگىسى كەلمەيتىندەر نەمەسە ونىڭ ماڭىزىن ەلەمەيتىندەر.

    بالا تاربيەسى جونىندەگى كىتاپتار ارقىلى ادام تاربيەلەۋدىڭ نازىك بۋىندارىن زەرتتەۋدىڭ ورنىنا ءوزىنىڭ ۇلكەندىگىن بۇلدايتىندار وسى ناشار عادەتىمەن پەرزەنتىن نە جۇرەگى ولگەن قۇل ەتىپ جەتىستىرەدى نەمەسە   وتىرىكتى سۋشا ساپىراتىن ەكى بەتكەي، الدامشى ەتىپ جەتىستىرەدى. وندا ۇلتتىق سۇيىسپەنشىلىك، قوعامعا دەگەن جاۋاپكەرشىلىك بولمايدى.

    مەن اينالامداعى كادىمگى زيالى دەگەن نەمەسە ءوز ساپتاستارىم وقىتۋشىلاردىڭ دا كىتاپقا دەگەن قىزعىندىلىعىنىڭ وتە تومەندىگىن كورىپ قاتتى     ۇمىتسىزدەنەم. ولارعا وتىز يۋاندىق كىتاپتى ساۋعاعا ۇسىنعانشا، ون يۋاندىق تەمەكى بەرسەڭ، سونى ەڭ جاقسى كورەدى. ولارشا بولعاندا وزدەرىنىڭ كىتاپ وقۋعا ۋاقىتى جوق نەمەسە قاجەتى جوق سياقتى. ال بالالارىنىڭ كىتاپ وقۋىن قالاسا دا ءبارى ءبىر ءوزىمىز كىتاپ كورمەگەن ۇيدەن كىتاپ وقيتىن پەرزەنت قايدان شىقسىن دەيدى. ءالى ەسىمدە، بالام جوعارى مەكتەپكە اتتانار الدىندا ۇستازدارى مەن جاقىندارىمدى شاقىرىپ شاعىن شاي بەردىم، سوندا ءبىر وقىتۋشىسى بالاما «ۇلى ادامداردىڭ اقىلياسى»(名人名言)اتتى كىتاپتى ساۋعا رەتىندە ۇسىندى، ارينە بالام ەكەۋىمىز قاتتى قۋاندىق،  ءبىراق كەيبىرى كىتاپ اكەلگەنشە بالانىڭ قولىنا اقشا نەگە بەرمەگەن دەپ كەلەمەجدەگەندەي بولدى، كەيىن بالامنىڭ اۋزىنان سول كىتاپتىڭ كوپ پايداسى تيگەندىگىن ەستىدىم. قازىر   اۋىل-قىستاقتادا كىتاپحانالاردىڭ بارلىعى قۋانارلىق ءجايت. الايدا وتباسىمىزدا بالالاردىڭ وقۋلىعىنان باسقا كىتابى جوق ۇيلەردى كورگەنىمدە، جوعارىدا ايتقان حالقىمىز اراسىنداعى   اشتى شىندىق پەن كەلەڭسىزدىكتەردىڭ كىتاپ وقىماعان ناداندىعىمىزبەن ساباقتاسىپ جاتقانىن بىلسەك ەكەن دەگىم كەلەدى.

  ءيا بىلىمگە يە بولۋدىڭ ەڭ قىسقا جولى-كىتاپ. ول اقىلىمىزعا اقىل قوساتىن كەمەڭگەر جاقسى دوس، ارمانىمىزعا جول باستايتىن شام-شىراق. ويىمىزدى سەرگىتىپ، بوگەتتەردى الاستايتىن جول باستاۋشى. كىتاپ سورەمىزگە ءبىر كىتاپ قوسىلسا، جان دۇنيەمىزدىڭ ءبىر بوستىعى تولادى. بالالارىمىزدى كىتاپحاناعا اپارىپ كىتاپ الىپ قايتايىق، سول ارقىلى رۋحىمىزدى بايىتايىق،  ۇيىمىزدە شاعىن كىتاپحانا بولسىن. ۇرپاعىمىزعا ەنشى بەرگەندە اراسىندا كىتاپ ءجۇرسىن. سالەمدەمەلەرىمىز زات بولعانشا  اسىل كىتاپ بولۋدى ادەتكە اينالدىرايىق. سەبەبى قازىر قارىن تويعانىمەن رۋحىمىز ايلاپ-جىلداپ ارىپ بارا جاتقانداي.   ءجۇزىمىز جارقىن، ويىمىز اسقاق بولسىن دەسەك، كىتاپ وقۋدى وتباسىنان باستايىق.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn