ءتىلشىمىز ۋىن بو حابارلايدى. 12-ايدىڭ 25-كۇنى ايماقتىق پارتكومنىڭ شۋجيى شۋە بين ايماقتىق پارتكوم مۇشەلەر (كەڭەيتىلگەن) ءماجىلىسىن باسقارىپ اشىپ، ورتالىقتىڭ ەكونوميكالىق قىزمەت ءماجىلىسى، 12-ايدىڭ 23-كۇنى اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى، اۆتونوميالى رايوندىق كەدەيلەردى سۇيەمەلدەۋ-وركەندەتۋ قىزمەتى باسشىلىق گرۋپپاسىنىڭ ءماجىلىسى، اۆتونوميالى رايوننىڭ باتىل ءۇن قاتىپ، ايقىن پوزيتسيا ءبىلدىرۋدى ۇزدىكسىز تەرەڭدەتۋ قىزمەتىن ىلگەرىلەتۋ ءماجىلىسى سياقتى ماجىلىستەردىڭ رۋحىن جەتكىزىپ، ۇيرەنىپ، ايماعىمىزدىڭ دايەكتىلەندىرۋ، تياناقتاندىرۋ پىكىرىن تالقىلادى.
ماجىلىستە مىنالار اتاپ كورسەتىلدى: ايماقتاعى ءار دارەجەلى پارتيا، ۇكىمەت تاراۋلارى جانە قالىڭ پارتيا مۇشەلەرى مەن كادرلار يدەيا مەن ارەكەتتى باس شۋجي شي جينپيڭنىڭ ورتالىقتىڭ ەكونوميكالىق قىزمەت ماجىلىسىندە سويلەگەن ماڭىزدى ءسوزىنىڭ رۋحىمەن شىن مانىندە بىرلىككە كەلتىرۋى، پارتيا ورتالىق كوميتەتىنىڭ شەشىمدەرىمەن جانە اۆتونوميالى رايوندىق پارتكومنىڭ ورنالاستىرۋلارىمەن بىرلىككە كەلتىرۋى، كەلەر جىلعى ەكونوميكالىق قىزمەتتىڭ نىسانا-مىندەتتەرىمەن بىرلىككە كەلتىرۋى كەرەك. دامۋ سەنىمىن بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىرتۇتاس باسشىلىعىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ، ءسوزسىز، جۇزەگە اساتىندىعىنا تولىق سەنىم ورناتۋ؛ نازاردى باس نىساناعا باستان-اياق شوعىرلاندىرىپ، ورنىقتىلىق جانە دامۋ سىندى ەكى شەشۋشى ءتۇيىندى بارىنشا مىقتى يگەرىپ، «ەكى باسشىلىق القا» قىزمەت مەحانيزمىنە تاباندى بولۋ؛ ەكونوميكانىڭ باياندى، اقاۋسىز دامۋىن تىڭعىلىقتى ىلگەرىلەتىپ، «ءۇش ۇلكەن قامال الۋ» شايقاسىن جاقسى جۇرگىزۋ جاعىندا ءتىپتى دە زور ناقتى ونىمدىلىككە قول جەتكىزۋگە قۇلشىنىپ،«ءۇش ءتۇرلى ءتۇيىندى قىزمەتتى» ءتۇيىندى مىقتى ۇستاپ، قامداۋ جاعىنداعى قۇرىلىمدىق رەفورمانى تەرەڭدەتۋ؛ حالىق تۇرمىسىن قامتاماسىزداندىرىپ جانە جاقسارتىپ، شاما-شارىققا قاراي ءىس كورىپ، كۇيدىڭ كەلىسىنشە ىستەۋگە تاباندى بولىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن ۇزدىكسىز جوعارىلاتۋ؛ پارتيانىڭ ەكونوميكالىق قىزمەتكە باسشىلىعىن كۇشەيتىپ، پارتيانىڭ جالپى جاعدايدى مەڭگەرىپ، ءارقايسى جاقتى سايكەستىرەتىن باسشى ۇيتقىلىق رولىن اناعۇرلىم ساۋلەلەندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋ اياق الىسىن جەدەلدەتۋدى مىعىم كەپىلمەن قامداۋ كەرەك.
ماجىلىستە مىنالار باسا دارىپتەلدى: ساياسي تۇرعىنى اناعۇرلىم بيىكتەتىپ، «ءتورت تانىمدى» بەرىك ورناتۋ، «ءتورت سەنىمدى» بەكەمدەۋ، «ەكىنى قورعاۋدى» ورىنداۋ تۇرعىسىنان كەدەيلىكتەن قۇتىلدىرۋدان قامال الۋدى بارىنشا مىقتى ۇستاۋ؛ جاۋاپكەرلىك ارقالاۋدى اناعۇرلىم كۇشەيتىپ، بەس دارەجەلى شۋجيلار قىزمەتتى بىرلىكتە يگەرۋ تالابىن مۇقيات تياناقتاندىرىپ، دوڭگەلەك داۋلەتتى ورەگە جەتۋ جولىندا بىردە-ءبىر قىستاقتىڭ، بىردە-ءبىر ادامنىڭ قاعىس قالماۋىنا كەپىلدىك ەتۋ؛ يدەيالىق تانىمدى اناعۇرلىم جاڭالاپ، كەدەيلەردى سۇيەمەلدەۋ مەن جىگەر، اقىل-وي جاقتان سۇيەلدەۋدى ۇشتاستىرۋعا تاباندى بولىپ، تۇتاس ايماعىمىزدا قاجىرلىلىقپەن ەڭبەك ەتىپ اۋقاتتاناتىن، كەدەيلىكتەن قۇتىلۋدى داڭق سانايتىن تاماشا راي قالىپتاستىرۋ؛ ماسەلەنى تۇزەتۋدى اناعۇرلىم مىقتى ۇستاپ، ماسەلەنى تولىق انىقتاماي تىنباۋدى، جاۋاپكەرلىكتى تولىق تياناقتاندىرماي تىنباۋدى، تولىق تۇزەتپەي تىنباۋدى، جۇرتشىلىقتى ريزا ەتپەي تىنباۋدى باتىل ورىنداۋ؛ ءبىرتۇتاس جوبالاۋدى اناعۇرلىم جاقسى ىستەپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتىپ، ەكىنى كەشەۋىلدەتپەۋگە، ەكىنى جەبەۋگە كەپىلدىك ەتۋ كەرەك.
ماجىلىستە مىنالار تالاپ ەتىلدى: ايماق، مەڭگەرمە دارەجەلى كادرلار، اۋدان-قالالار مەن تاراۋلار، اسىرەسە، ءار دارەجەلى پارتيا، ۇكىمەت تاراۋلارىنىڭ باسشىلىق القاسىنداعىلار بەلسەنە ۇلگى كورسەتىپ، باس نىسانادان جازباي، ماسەلەنى تىعىز كوزدەي وتىرىپ باتىل تويتارىس بەرىپ، جالعاستى باتىل ءۇن قاتىپ، ايقىن پوزيتسيا ءبىلدىرىپ، ءار ۇلت جۇرتشىلىعىن ىنتىماقتاستىرىپ، «ءۇش ءتۇرلى كۇشپەن» جانە «ەكىبەتكەيلەرمەن»، «ەكىبەتكەيلىكپەن» سوڭىنا دەيىن كۇرەسۋگە باستاۋى؛ «شينجياڭنىڭ ءبىرقانشا تاريحي ماسەلەسىن زەرتتەۋ جونىندەگى اڭگىمە ءماجىلىسىنىڭ ماڭىزدى ەستەلىگىن» جاقسى ۇيرەنىپ جانە ودان جاقسى پايدالانىپ، ءار ۇلت جۇرتشىلىعىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتىپ، پارتيانى، وتاندى، سوتسياليزمدى شىن جۇرەگىمەن سۇيۋگە تاربيەلەۋ جانە باستاۋ؛ باتىل ءۇن قاتىپ، ايقىن پوزيتسيا ءبىلدىرۋدى كۇندەلىكتى تۇرمىسپەن توعىستىرىپ ۇدايىلاندىرۋعا تاباندى بولىپ، بۇلجىماستان تاباندى بولاتىن قايسارلىق پەن توزىمدىلىكتى كۇشەيتۋ؛ اقپاراتتىق ۇگىت ءتارتىبىن قاتاڭ تياناقتاندىرىپ، ناقتى ونىمدىلىككە قول جەتكىزۋگە كەپىلدىك ەتۋ كەرەك.
ايماقتاعى ءتورت باسشىلىق القانىڭ باسشىلارى، ايماقتىق ورتا دارەجەلى حالىق سوتى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى