ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ءبىر وتباسىندا ەكى ءداۋىردىڭ ادامى

جولدانعان ۋاقىتى : 2014/6/23 17:45:36

  كادىرقان قيزات ۇلى

  ءيا، ادامزات ءومىرى ۋاقىتتىڭ ايالسىز جىلجىعان كەرۋەن كوشىمەن بىرگە تۇلەپ، ءبىر ۇرپاقتىڭ ورنىن ءبىر ۇرپاق باسسا، ءبىر زاماننىڭ ەسكىرگەن جۇرتىن ەندى ءبىر زاماننىڭ شىت جاڭا تۇلعاسى جاڭارتىپ، تۇرلەندىرىپ وتىراتىنى تابيعي زاڭدىلىق.

  الايدا، ءار زاماننىڭ وزىنە ءتان وزىقتىعى مەن كەمەلسىزدىگى، ءار ۇرپاقتىڭ وزىنە ءتان كەرەمەتى مەن كەمشىلىگى بولاتىنداي تۇرادى.

  ءار زامان، ءار ءداۋىر ءبىر-بىرىنەن وسى جاقتاردان پارىقتالۋمەن بىرگە، تاريحقا وزىنە ءتان بوگەنايىن قالدىرماق. كەيىنگى ۇرپاق سول بوگەنايدان-اق سول ءداۋىردىڭ، سول داۋىردەگى ادامداردىڭ تالعامىن، كوزقاراسىن، ءتىپتى، جان دۇنيەسىن تۇسپالداپ، وتكەن داۋىردەن دەرەك الىپ وتىرادى.

  ءوز باسىم ويلاپ وتىرسام، ەكى داۋىرگە كۋا بولىپ وتىرعاندايمىن. بۇنىڭ بىرەۋى: ازاتتىقتان كەيىنگى اۋمالى- توكپەلى زاماننىڭ تۋدىرعان سۇرەڭسىزدىگى توقىم تەرىن ءالى دە كەپتىرە قويماعان، سوناۋ وقۋ-اعارتۋى وتتىعىن ەندى عانا تۇتاندىرىپ، مادەنيەتى مايەك جيا قويماعان، عىلىم-تەحنيكاسى مەشەۋ، ەكونوميكاسى ءالسىز، ادامداردىڭ وي-ساناسى تولىق ساۋات اشا قويماعان حالىقتىڭ تۇرمىس ءال-اۋقاتى تومەن كۇيدەگى وتكەن عاسىردىڭ 60- ، 70-جىلدارداعى تۇتاس داۋىرلىك سيپاتتاعى قوعامدىق جاعداي ەدى. الايدا وسىنداي قوعامدىق ورتادا، زامان تىنىش، ۇلتتار ىنتىماعى جاراسىمدى، قاراپايىم تۇرمىس، قاجىرلى ەڭبەكەرلەر، ءبىر شاۋگىم شايىمەن تارى- تالقانىن ورتاعا سالىپ، جالعىز جىلىگىن قوناعىنا ساقتاپ، سوعىم باسىن شالا تويعىپ، اۋىل اراسى كوڭىلدى تىرلىك كەشىپ جاتاتىن.

  ءبىر اۋىل توبەدەي ءبىر شالدىڭ سوزىنە توقتاپ، تەنتەگىن تەرگەۋگە بەرمەي اقىلمەن تۇزەپ، تەلىمىن تەنتىرەتپەي باۋىرىنا باسىپ، اكە  سوزىنەن ۇل اسپاي، شەشە سوزىنەن قىز شىقپاي، «اعايىن  تاتۋدا ات كوپ. ابىسىن تاتۋدا اس كوپ» دەگەندەي، بەرەكەلى ەلدىڭ بار- جوعى بىلىنبەي، بارىمەن بازار بولىپ جاتاتىن ءبىر كەڭ پەيىلدى دارقان ءداۋىر ەدى.

  ال ەندى بىرەۋى، اتى شۋلى مادەنيەت زور توڭكەرىسىنىڭ قارا بورانى ەل اسپانىنان ايىعىپ، تۇتاس مەملەكەت جاعدايى جاڭبىردان كەيىنگى جاۋقازىنداي تۇلەجىپ، پارتيا  11 – كەزەكتى ورتالىق كوميتەتىنىڭ ءۇشىنشى جالپى ءماجىلىسىن ءداۋىر بولگىش ەتكەن، پارتيامىزدىڭ دۇرىس باسشىلىعىندا قانشالاعان بۇراڭ جولداردى باسىپ ءوتىپ، قوعامى ورنىقتى، ۇلتتار ىنتىماعى توعىسقان، عىلىم-تەحنيكاسى ۇشقان قۇستاي دامىعان، ەكونوميكاسى كوركەيىپ-گۇلدەنگەن، قالا مەن قىردىڭ پارقى جىل سايىن جاقىنداي تۇسكەن، ساۋاتسىزدىق تۇبىرىنەن جويىلىپ، ۇرپاقتار «قوس ءتىلدى» «قوس قانات» ەتىپ، ءبىلىمنىڭ بيىگىنە سامعاپ،  تاڭداپ كيىپ، تالعاپ جەيتىن باي- باقىتتى زامانعا قول جەتكىزگەن بۇگىنگى ءداۋىر ەدى.

  الايدا، ءبىز كورگەن قارتتار مەن اعالاردىڭ كوپ ساندىسى ومىردەن وزىپ كەتسەدە، ولاردىڭ ورىنىن نەشە بۋىن ۇرپاق تولىقتاپ جاتىر. سونىمەن الدىڭعى ءداۋىردىڭ سوڭعى بۋىن ۇرپاقتارى مەن قازىرگى ءداۋىردىڭ تۋمالارى ءبىر وتباسىندا جالعاس تاۋىپ بىرگە جاساپ جاتىرمىز.

  قىزىق بولعاندا، وسى ەكى ءداۋىردىڭ ادامدارى كەيدە ءبىر- ءبىرىمىزدى تۇسىنە الماي قالاتىن جايتتەردى كۇندەلىكتى تۇرمىستا سەزىنىپ قالامىز. بۇل ويىمدى بالكىم مەن تۇستاس  اتا-انالاردىڭ قاتارى وتىرىك دەي قويماس. ەندى وسى جايلى سەزىنگەندەرىمدى ورتاعا سالىپ، كوپشىلىكپەن وي ورتاقتاستىرۋدى ءجون كورىپ وتىرمىن:

  1. قازىرگى بالالاردى تۋىلا سالىسىمەن اتا-اپاسى، اكە- شەشەسى، ناعاشى اتاسى مەن ناعاشى اپاسى، سونىمەن ءبىراز ۋاقىتتان كەيىن ارنايى الىناتىن باعىمشىنى قوسقاندا ءتۇپ-تۋرا جەتى ادام قولدان قولعا تۇسىرمەي   باعادى   ەكەنبىز. وسىنداي باس ارتىق الپەشتەۋ ۇرپاقتارىمىزدى ەس جيناتپايتىن ەركەلىك دەيتىن دەرتكە كىرىپتار ەتىپ، جاستايىنان بەتىنە جان قاراتپايتىن ءوزىمشىل، باسقانىڭ ءسوزىن المايتىن، بۇيرىقشىل، بويكۇيەز، جالقاۋ ءبىر ادامعا اينالدىراتىن كورىنەدى. اتامىز قازاقتا «ەركە بالا مەن اساۋ اتتىڭ جارىم باسى كەم» دەگەن ءسوز وسىندايعا قاراتىلسا كەرەك.

  2. قازىرگى ۇرپاقتاردا وزىمشىلدىك وتە كۇشتى، ۇلكەندى سيلاۋ، كىشىنى ايالاۋ سەزىمى تىم ءالسىز. كوڭىلىندە دارقاندىق جوققا ساكىن، ءبارىن تەك ءوزىم عانا السام،ءوزىم عانا بولسام دەپ تۇرادى.

  3. سالت-سانا ءداستۇر جاعىنان ايتار بولساق، ءبىزدىڭ داۋىرىمىزدەگى سالت- ءداستۇر مۇلدە يدەياسىنان وتپەيدى، مۇندا قازىرگى ۇرپاققا بۇرىنعى داۋىردەن قالعان قازىرگى داۋىرگە ۇيلەسىمسىز سالت- داستۇرلەردى تاڭىپ وتىرعانىمىز جوق. تەك كۇندەلىكتى تۇرمىستا ۇلكەندەرگە سالەم بەرۋ، ۇيگە قوناق كەلگەندە قولىنا سۋ قۇيۋ، باتا سۇراۋ، اۆتوبۋزدا ۇلكەن كىسىلەرگە تۇرىپ ورىن بەرۋ، ۇلكەندەرگە كىدىرە تۇرىپ جول بەرۋ، اتى-ءجونىن، اكە-شەشەسىن، جەتى اتاسىن ايتىپ بەرۋ سياقتى قاراپايىم تۇرمىستىق سالت-سانالارعا دا كوڭىلىن بۇرىپ، ءتىلىن كەلتىرە الماي وتىرمىز. بۇل ءسىرا نەلىكتەن؟

  4. ۇيرەنۋ جاعىنان بالالارعا ەكى ءتۇرلى قىسىم بار. ونى بارلىق اتا-انالار  ءتۇسىنىپ وتىرمىز. ءبىرى، ساباق سانىنىڭ كوپتىگى مەن اۋىرلىعى بولسا، ەندى ءبىرى، قوعامدىق ورتادا بالالاردىڭ بالالىق اۋەسىن قوزدىرىپ قول بۇلعاپ تۇرعان قىزىقتى ويىن تۇرلەرى وتە كوپ. ماسەلەن، تەلەۆيزور، توراپحانالار، ساۋىقحانالار، تۇنگى كلۋپتار مەن قوناقجايلار،  ت. ب لار.  مىنە وسىنداي ەكى ءتۇرلى كۇشتىڭ بالالاردىڭ جەتىلمەگەن ميىن كوكبارعا سالىپ، ويىن ونعا، ساناسىن سانعا ءبولۋى بالا تالعامىنا ىقپال ەتىپ، قاجىرىنان قىجىرتىپ، ورتادا سەندەلىستە قالدىرىپ ءجۇر.

  ال تەلەۆيزور مەن توراپ  بالالارعا  كوپتەگەن  جاقتاردان ءبىلىم  بەرسەدە، كەيدە كەرى جاعىنان دا ساۋاتتاندىرىپ، كومبەسى ءالى دە ۇزاق جاتقان ءومىر قۇبىلىستارىنان بالالار تىم ەرتە ساۋاتتانىپ الاتىن بولدى. ويتكەنى ولار ءۇشىن ءوزى كورمەگەن، ءوزى بىلمەگەن ءىس- ارەكەتتىڭ ءبارى دە قىزىقتى سەزىلەرى حاق. ال ءبىزدىڭ تاربيەمىزدە بالانىڭ  جاس شاماسىنا  تۋرا كەلمەيتىنءىس-ارەكەتتەردىڭ بارىنە تيىم جاسالادى. كۇنى بۇرىن كورمەي-اق، بىلمەي-اق قويعانى ءجون دەپ قارايمىز.

  ويتكەنى ءومىر دەگەننىڭ ءوزى سانسىز جۇمباقتان قۇرالاتىن ءبىر ءبۇتىن تۇلعا. ءاربىر ادام سول جۇمباقتىڭ شەشىمىن تابۋدى اسقاق ارمان ەتىپ، ومىرگە ءوزىنىڭ ماڭگىلىك ماحابباتىن ورناتادى، سول ارمانعا جەتۋ ءۇشىن تەر توگەدى، قۇلشىنادى، ۇيرەنەدى، بارلىق زەيىن- زەردەسىن سوعان ارنايدى،  سول ارقىلى ومىرگە، ءوزى جاساپ وتىرعان قوعامعا ۇلەسىن قوسادى، ءىزىن قالدىرادى. ەگەر ول جۇمباقتىڭ بارلىعىن مەزگىلىنەن بۇرىن شەشىپ السا، وندا وعان الداعى ءومىردىڭ نە قىزىعى قالماق. وسىدان بارىپ ولاردىڭ ويىندا ءومىر دەگەن وتە قاراپايىم ارزان ۇعىم سانالادى دا ولاردىڭ ومىرگە دەگەن قۇشتارلىعى سۋىنادى. ومىردەن سۋىنعان سالعىرت، سەلقوس ۇرپاقتان ەشقانداي ناتيجە شىعا قويمايدى، قايتا ول سەمياعا دا، قوعامعا دا ءبىر عۇمىر ماسىل بولماق. بۇل وتە قاتەرلى قۇبىلىس.

  5. مەن قازىرگى جاستاردىڭ كەيبىر تالعامىنا تاڭ قالامىن. سەبەبى، ولاردىڭ قۇمارتا قاراعان، سۇلۋلىق دەپ ساناعان تالعامدار ءبىزدىڭ تۇسىمىزگە كىرىپ، تۇڭىلدىرەردەي سەزىلەدى. ماسەلەن، كوپ جاستاردىڭ كوركەمونەر نومىرىندەگى وتە ۇناتىپ كورەتىن جانە ەلىكتەيتىن اندەرى ءبىزدىڭ جاس كەزىمىزدەگىگە ۇقسامايدى. جان تۇرشىگەرلىك قورقىنىشتى كينو فيلمدەردى  نەمەسە ءمورالدى اياق استى ەتكەن قيتۇرقى بەينە كەسكىندەردى كورۋگە كوبى اۋەس.  وسىنى كورگەن كەي بالالار شاشىن نەشە تۇرگە بوياتىپ، قۇلاعىنىڭ نەشە جەرىنەن سىرعا سالىپ نەمەسە قۇلاق ءۇستىن جارقاباقتاي تاپ-تاقىر ەتىپ قىرعىزىپ تاستاپ، توبەسىن جالداي ۇشتاپ، سىرتتاي قاراعانعا ءوز سۇرقىن ءوزى كەتىرىپ، ءبىزدىڭ كوزىمىزگە اڭىزدارداعى ارۋەي نەمەسە سايتانداي كورىنەدى.

  6. ال تۇرمىستا وتە سالاق، ىشۋگە بار، ىسكە ولاق، اتا-اناسىمەن شۇيىركەلەسۋدى جانى سۇيمەيتىن، بار اۋەسى تەلەۆيزور، قولفون، توراپحانا توڭىرەگىندە عانا بولىپ، رەال تۇرمىستىق، تۋىستىق بايلانىستاردان مۇلدە اۋلاق قالعان، بەينە ءبىر ۇيدە ۋاقىتتىق قانا  جۇرگەن جات ادامداي كەي جاستارعا قاراپ تۇڭىلەسىڭ.

   ءبىز بالا كەزىمىزدەن العان تاربيەمىز، كورگەن ۇلگىمىز، تۇرمىستىق كەشۋلەرىمىز قازىرگى بالالارمەن مۇلدە ۇقسامايدى، الايدا اتا-انامىزدان كورگەن تاربيەمىزدى بۇگىنگى ۇرپاقتارعا سىڭىرسەك دەپ ويلاساق، كوبىندە قابىلدانباي، قارسىلىققا ۇشىراپ جاتادى، سوندا عانا بۇل نەلىكتەن دەگەن سۇراۋ تۋىلىپ، سانامىزعا سالىپ كورىپ سالماقتاعاندا سوڭعى جاۋاپ ءبىز ءبىر- ءبىرىنە كوزقاراسى، تالعامى مۇلدە ۇقسامايتىن ەكى ءداۋىردىڭ ادامدارى ەكەنبىز-اۋ دەگەن ويعا كەلەسىڭ.

  سونىمەن اتا-انالار جاعى قازىرگى زامان ۇرپاقتارعا كوبىندە جول بەرىپ، ءوزىمىزدىڭ اتا-انالىق تاربيەمىزدى جانامالاي پايدالانۋعا ويىسىپ وتىرمىز. ويتكەنى ءار زامان ءوزىنىڭ ۇكىمىن ءسوزسىز اتقاراتىندىعى تابيعي. وعان قۇرمەت ەتپەسەك، بولمايدى. سوندىقتان ءبىزدىڭ قاتارىمىزداعى اتا-انالار ۇرپاقتارىمىزدىڭ كەيبىر كوڭىلىمىزگە سيماعان ءىس- ارەكەتتەرىنە قازىرگى ءداۋىردىڭ كوزىمەن قاراپ، عىلمي تۇرعىدان وي جۇگىرتىپ شەشىم جاساۋىمىز سياقتى. ويتپەگەندە ۇرپاقتارىمىزعا وكپەلى بولىپ قالارىمىز حاق. ءبىر-بىرىمەن مۇلدە ۇقسامايتىن ەكى ءداۋىردىڭ ادامدارى ءبىر وتباسىندا ءتۇسىنىسىپ، بىرگە جاساۋ وپ- وڭاي ءىس ەمەس ەكەندىگىن تولىق تۇسىنگەندە عانا ۇرپاقتارىمىزعا دۇرىس مامىلەدە بولىپ، ولاردىڭ دا ارمان-تىلەگىن، كىرسىز جۇرەگىن تۇسىنۋگە تىرىسار ەدىك.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn