ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

قازاق تازىسى

جولدانعان ۋاقىتى : 2014/7/3 13:12:12

  ستەفان بوديو – ا ق ش-تىڭ تانىمال جازۋشى-ساياتشىسى. ول ءوزىنىڭ «قىراني ارماندار: جابايى موڭعۇليا اڭىزدارى جولىمەن» اتتى ەڭبەگىندە بالا كۇنىندە جۋرنالدان باسىندا تىماعى، ۇستىندە شاپانى، قولىنا قىران قۇستى قوندىرىپ تۇرعان قازاق بۇركىتشىسىنىڭ سۋرەتىن كورگەنىن جازىپتى. بۇل بۇركىتشىنىڭ بالا ستەفانعا اسەر ەتكەنى سونداي، ول ومىرلىك ماقساتىن ورتالىق ازيا، ءسىبىر، موڭعۇليا مەن جۇڭگونىڭ ساياتشىلىق ونەرىن زەرتتەۋگە ءبىر-اق بۇرادى. كوشپەندىلەر وركەنيەتىمەن تانىسقان زەرتتەۋشىنىڭ اڭشىلىق ونەرگە قۇمارى ەرەكشە ارتادى. تومەندە اۆتوردىڭ قازاق تازىسىن قالاي   ا ق ش-قا اپارىپ جەرسىندىرگەنى جونىندە جازعان ماقالاسى.

    مەن العاش « تازى » دەگەن اتاۋدى وسىدان ون جىل ۋاقىت بۇرىن يراندا ءومىر سۇرگەن نەمىس ايەلدىڭ اۋزىنان ەستىدىم. ول بۇل ءسوزدى مەنىڭ لۋنا اتتى سالۋكي تۇقىمداس يتىمە قاراتا قولدانعان ەدى: « نەدەگەن ادەمى تازى!»

  سول ۋاقىتتا مەن بۇل ءسوزدىڭ تەك يتتەردىڭ ايماقتىق، ياعني پارسى تىلىندەگى اتاۋى شىعار دەپ قويعانمىن. الايدا، ءبىرشاما ۋاقىت وتكەن سوڭ ماعان ورىس دوستارىم ورتالىق ازياداعى  «سالۋكيلەردىڭ» قازاقستاندا بۇركىتتىڭ كومەگىمەن تۇلكى اۋلاپ جاتقاندارى بەينەلەنگەن تاسپانى كورسەتتى. بۇل وقيعا رەسەيدە بولعانىمەن، بەينە فيلمدەگى كورىنىس _ بيىك قىراتتار مەن تاۋلار مەنىڭ تۋعان ولكەم _ نيۋمەكسيكونى ەسىمە ءتۇسىردى. ال اڭعا شىعىپ جۇرگەن يتتەر مەنىڭ سالۋكيلەرىمە وتە ۇقساس كەلەدى ەكەن، تەك ارتقى اياقتارىنىڭ تۇگى ۇزىنداۋ ءارى قالىڭداۋ كورىندى.

  قازاق تازىلارى مەنىڭ قۇمارلىعىمدى بىردەن وياتتى. مەنىڭ سوڭعى سالۋكيىم توقسانىنشى جىلداردىڭ باسىندا-اق ولگەن بولاتىن. ال مىنا تازىلار    ءبىزدىڭ ولكەنىڭ اۋا رايىنا تەز-اق بەيىمدەلىپ كەتەتىندەي كورىندى. ويتكەنى نيۋمەكسيكونىڭ تابيعاتى مەن تاسپادان كورگەن قازاق دالاسىنا وتە ۇقساس كەلەدى. دەمەك، ماعان كەرەگى ءدال وسى ءيت تۇقىمداستارى دەپ شەشتىم. ونىڭ ۇستىنە، جاقسى اڭشى سالۋكيلەردى تابۋ وتە قيىن شارۋا.

  اقىرى، قازاق تازىلارىنا دەگەن قۇمارلىق مەنى باتىل قيمىلدارعا يتەرمەلەدى. عالامتور ارقىلى قاجەتىڭدى ىزدەپ تابۋ بۇگىندە وڭايلاعان، مەن دە سونىڭ كومەگىنە جۇگىندىم. تازىنى ىزدەۋ بارىسىندا فينليانديادا تۇراتىن ساري مانتيلا ەسىمدى ازاماتپەن جانە ۋكرايناداعى « ناتۋراليست» ينتەرنەت-جۋرنالىنىڭ رەداكسياسىمەن بايلانىسقا شىقتىق. ساري ءبىزدىڭ سۇراۋىمىزعا وراي جاۋابىن لەزدە-اق بەردى. ونىڭ جازۋىنشا، سانكت-پەتەربۋرگ قالاسىندا تازىنىڭ ەكى تۇقىمداسىن اسىراپ جاتىر ەكەن. ءبىرى - قازاق، ياعني تاۋلىق تۇقىمداستارى بولسا، ەكىنشىسى، تۇرىكمەن تازىلارى ەكەن. ونى باسقاشا ءشول دالا تازىلارى دەپ اتايتىن بوپ شىقتى. «قازاق تازىلارى ءىرى ءارى مىقتى، باس سۇيەگى مەن قۇلاقتارى ۇلكەن جانە اياقتارى قالىڭ تۇكتەس كەلەدى» دەپ جازدى ساري.

  نيۋمەكسيكونى كوپ ادام اۋا رايى ىستىق شتات دەپ ويلاعانىمەن، شىن مانىندە، ونىڭ كليماتى قۇرعاق. ءبىز تەڭىز دەڭگەيىنەن 2000 مەتر بيىكتىكتە ءومىر سۇرەمىز، ول تاۋ وڭتۇستىككە قاراي 3500 مەترگە دەيىن سوزىلا بيىكتەي بەرەدى. مۇندا كوكتەم ىستىق، جەلدى ءارى قۇرعاق. تەمپەراتۋرا 35 گرادۋسقا دەيىن كوتەرىلەدى. ال، نەگىزىنەن، شىلدەگە تاپ كەلەتىن جاڭبىر القاپتى سۋارىپ، ىستىعىن باسىپ، ءبىرشاما جاسىلداندىرىپ كەتەدى. دەگەنمەن، قازان ايى تۋىسىمەن ىزعار بىلىنە باستاپ، كوپ ۇزاماستان-اق جەردى قالىڭ قار باسادى. قاڭتار ايىندا تەمپەراتۋرا 20 گرادۋسقا دەيىن تومەندەيدى.

  بيىك تاۋلاردىڭ ءبارى قاراعايلى ورمانمەن كومكەرىلگەن. دەگەنمەن، قۇرعاق جايىلىمدار مەن ارشا وسكەن    اشىق ورماندار دا كەزدەسەدى. قاراپ  وتىرساڭىز، قازاق دالاسىنىڭ تابيعاتىنان ايىرىپ الار ەشتەڭەسى جوق. وسى  اتىراپتى قوياندار مەن تۇلكىلەردىڭ بىرنەشە ءتۇرى مەكەن ەتەدى، سونداي-اق قاسقىر، بورسىق، بوكەندەردى دە كەزدەستىرۋگە بولادى. وسى جاعدايلاردىڭ بارىن ەسكەرە كەلە، ءبىزدىڭ تاڭداۋىمىز قازاق تازىلارىنا ءتۇستى.

  ساري جازعان حاتتارمەن قاتار،   ۋكراينالىق «ناتۋراليست» جۋرنالىنىڭ ءتىلشىسى سەرگەيدىڭ جازعان  ماقالالارىن دا تامسانىپ وقىپ ءجۇردىم.    اسىرەسە، ونىڭ تۇمسىعى قارا ءتۇستى كەلگەن قابىلان اتتى ۇرعاشى. تازىسى قاتتى ۇنادى. ءتۇرى بارىسقا كەلەتىن، تۇمسىعى قارا يتتەردى ا ق ش-تا كەزدەستىرۋ مۇمكىن ەمەس، سوندىقتان بۇل تۇستەس تازى اسىراۋ ءبىز ءۇشىن ۇلكەن مارتەبە بولار دەپ سانادىق. سەرگەيگە حات جازىپ ەدىك، 2001 -جىلى ول ءوزىنىڭ تازىلارى جايلى بايانداپ، جاۋاپ جازىپ جىبەردى.

  «1995-جىلى مەن وڭتۇستىك-شىعىس قازاقستاننان كيەۆكە ەكى تازى اكەلدىم. ءوزىم قازاق دالاسىنىڭ جەتىسۋ جەرىندە 1970-جىلدان بەرى مەكەن ەتكەنمىن. بۇكىل ءومىرىم سول تازىلارمەن بايلانىستى. ولارمەن ۇنەمى اڭعا شىعاتىنمىن. قوس تازىمنان بولەك تۇيعىنىم بار بولاتىن، ول كوزىنە ىلىككەن قوياندى امان قالدىرماۋشى ەدى. كەيىن تۇلكى، قاراقۇيرىق، جابايى مىسىقتار، قابان، تاۋ ەشكىسى، بورسىق جانە وزگەلەرگە دە اڭعا شىعۋعا ماشىقتانىپ الدى. قازاق تازىلارى _ اڭشىلىق ءيت اتاۋلىلارىنىڭ ەڭ مىقتىسى دەسە بولادى» دەپ جازعان سەرگەي   قابىلان مەن اققۇس اتتى تازىلارىنىڭ قىستا كۇشىكتەيتىنىن جازدى. ءبىز تاعاتسىزدانا كۇتۋمەن بولدىق. اقىرى، 2002-جىلدىڭ 17-اقپان كۇنى سەرگەيدەن قىسقا حات كەلدى: «قابىلان كۇشىكتەدى. كۇشىكتەرىنىڭ ءبىرى  اناسىنا ۇقساس _ بارىس ءجۇندى، قارا تۇمسىقتى. ءسىز كۇشىك ساتىپ الۋ ويىڭىزدان اينىپ قالعان جوقسىز با؟»

  «البەتتە، جوق» ەدى ءبىزدىڭ جاۋابىمىز. وسى كۇندى كوپتەن كۇتىپ جۇردىك قوي. سەرگەيگە قىسقا حابارلاما جازىپ جىبەرىپ، جولعا دايىندالا باستادىق.
لوگيستيكا وتە قيىن ەدى.  العاشقىدا سەرگەي كۇشىكتى فينلياندياعا جەتكىزىپ بەرسە، ءبىز سول  جەردەن الىپ كەتەرمىز دەپ شەشتىك. الايدا، بۇل مۇمكىن بولمايتىن بولدى دا ەكى اي بويىنا ماگدالەنا-كيەۆ- حەلسينكي اراسىندا تولاسسىز ەلەكتروندى حات جولدانىپ جاتتى. ماسەلە جالعىز نارسە _ كۇشىكتى قالاي ا ق ش-قا جەتكىزە الامىز؟ اقىر اياعى ميكولا رۋد ەسىمدى ازاماتتىڭ كومەگىمەن ءبىز جاڭا جوسپار ازىرلەدىك. كۇشىك كيەۆتەن امستەردامعا، ول جاقتان لوس-انجەلەسكە ۇشاتىن بولدى. مەن سول جەردەن كۇتىپ الىپ، ۇيگە الىپ كەتەتىن بولىپ كەلىستىك. بۇل ۋاقىتقا دەيىن سەرگەي اپتا سايىن كۇشىكتى سۋرەتكە ءتۇسىرىپ، ماعان جولداپ وتىردى.

  راسى كەرەك، كۇشىك وتە سۇيكىمدى بولاتىن. وسكەن سايىن دەنەسى سالماقتانىپ، ءبىتىم-بولمىسى اڭشى يتكە لايىقتانىپ كەلە جاتقانىن سۋرەتتەن-اق انىق اڭعارۋعا بولاتىن. كۇشىككە كيەۆتە-اق ات قويىلىپ قويدى. قازاقتىڭ «لاشىن» دەگەن اتى بەرىلگەن ەكەن. سەرگەي تازىعا قۇس اتاۋىن جۇيرىكتىگىنە قاراپ بەرىپتى. مەن بۇل ءسوزدى موڭعۇليادا مەكەندەيتىن قازاق اۋىلدارىنا بارعان كەزىمدە العاش ەستىگەن ەدىم.

  ايتەۋىر، لاشىندى كۇتىپ الاتىن كۇن دە جەتتى. ءبىزدىڭ مەكەننەن لوس-انجەلەسكە دەيىنگى جولدىڭ ءوزى 2 كۇن ۋاقىتتى الادى. ونىڭ ۇستىنە، جول ءشول دالا ارقىلى وتەدى، ال كۇن بولسا مي قايناتارلىق. باقىتىمىزعا وراي، كولىگىمىزدە جەلدەتكىش بار بولاتىن. ءبىز لاشىندى كۇتىپ الۋعا ءوزىمىز عانا ەمەس، ەكى قىران قۇستى جانە قويان اۋلاپ ادەتتەنىپ ۇلگەرگەن «پلاممەر» اتتى ءيتىمىزدى دە ەرتىپ شىقتىق. قايتار جولدا لاشىننىڭ اڭشىلىق قاسيەتىن سىناپ كورمەك ويىمىز بار. ارينە، سەرگەي ونى ەشقانداي ونەرگە باۋلىماعانىن جازعان، الايدا ناعىز اڭشى يتتەرى تابيعاتىنان بۇل ىسكە بەيىم كەلەتىنىن ەستۋشى ەدىم. مەنى قىزىقتىرعان نارسە، مىنە، وسى بولدى.
باعىمىزعا وراي، ساپارىمىز وقىس وقيعاسىز بولدى. قۇستار مەن ءيتتى ءبىر كولىكتە تاسىمالداۋ، نەگىزى، دۇرىس ەمەس. ويتكەنى بىرەۋى جولدى كوتەرە الماي اۋرۋعا شالدىعىپ قالار بولسا، دەرت لەزدە وزگە جانۋارلارعا جۇعىپ كەتۋى مۇمكىن. ءبىراق مۇنداي قيىن جاعداي ورىن المادى.

  ۇشاق لوس-انجەلەسكە تاڭەرتەڭ قونعانىمەن، حۇجاتتاردى راسىمدەۋ ۇزاق ۋاقىت الىپ، تەك كەشتە عانا كۇشىكتى كورۋ باقىتىنا يە بولدىق. تور سەبەتتە جاڭا ادام، جاڭا مەكەنگە ۇركە قاراپ تۇرعان كۇشىكتى جۇمساق قانا «لاشىن» دەپ شاقىردىم. ونىڭ بۇدان باسقا بىردە-ءبىر ءسوزىمدى تۇسىنبەسىن دە  ءبىلدىم. دەسەدە ورىس تىلىندەگى ءوزىم بىلەتىن بىرنەشە ءسوزدى قايتالاي بەردىم. مۇمكىن، بۇل سوزدەر وعان تانىس بوپ قالار دەگەن ۇمىتپەن. مەنىڭ تاڭ قالىسىما وراي، لاشىن سەبەتتەن ىتقىپ شىعىپ، مەنىڭ قولىما اسىلىپ سەكىرىپ بەردى. قۇددى ەندىگى قوجايىنى مەن ەكەنىن سەزىنگەندەي. مەن ونى كوتەرىپ كولىككە مىنگىزىپ ەم، اياعىمنىڭ اراسىنا ورالىپ جاتىپ الدى. بۇعان دەيىن مەن اسىراعان بىردە-ءبىر ءيت سالعان جەردەن مۇنداي دوستىق پەيىلىن تانىتپاعان ەدى. لاشىننىڭ جاڭا مەكەنگە ۇيرەنىسۋى ءۇشىن ءبىز لوس-انجەلەستە بىرنەشە كۇنگە ايالداپ قالدىق. بۇل كۇندەردە لاشىن جاڭا قوجايىنى مەن، تەك قانا مەن ەكەنىن   انىق ءتۇسىنىپ ۇلگەردى. العاشقى 4-5 كۇن بويى مەنىڭ قاسىمنان ەكى ەلى ۇزاماي قويدى. تىسقا شىقساق، قۇددى موينىنا قارعىباۋ سالىنعانداي، سوڭىمنان ەرەدى دە جۇرەدى، ۇيگە كىرسەك، ارقاسىن ماعان جاناپ جاتىپ  ۇيىقتايدى. ءتىپتى جۋىنىپ جاتقانىمدا دا جۋىناتىن بولمەگە باسىن كىرگىزىپ قويىپ جاتىپ الاتىن.

  الايدا، بۇل ادەتتىڭ ءبارى ءۇش-ءتورت كۇننەن سوڭ-ۇيگە قايتقان سوڭ باسىلدى. لوس-انجەلەستە جۇرگەندە مەنى باسقا ءيت پەن قۇستاردان قىزعانىپ، شابۋىلداپ جۇرگەن لاشىن مەنىڭ فەرمامدا ولاردان الدەقايدا كوپ جانۋارلار بارىن بايقاپ، ساباسىنا تۇسسە كەرەك. ايتەۋىر كوپ ۇزاماستان-اق، ەندى ءبىر توسەكتە جاتپايتىنىمىزدى ءتۇسىندى.  لاشىن ءۇي كەپتەرلەرىمەن تەز-اق «دوستاسىپ» كەتتى. الايدا ول قۇستاردى  ءوزىنىڭ جولداستارى ەمەس، ازىق دەپ تۇسىنەدى. قانشا ۋاقىت وتسە دە بۇل ادەتىنەن ايىقتىرا الماي قويدىق. ءسىرا، بۇل دا قازاق تازىسىنىڭ اڭشىلىق ينستينكتى بولار. سوندىقتان كەپتەرلەر اۋلادا لاشىن جۇرسە، كەپەلەرىنەن شىقپايتىن بوپ الدى. سەرگەي ءوز حاتىندا «لاشىندى ەرتە جاستان قىران قۇستارمەن بىرگە باۋلىپ ۇيرەتۋ كەرەك. ايتپەگەن جاعدايدا ول قۇستاردى اڭشى ەمەس، جەمتىك رەتىندە كورەتىن   بولادى» دەپ ەسكەرتكەن. ايتقانى ايداي كەلدى، لاشىندى قىراندارعا قوسىپ، باۋليمىن دەگەنشە، بىرنەشە كەپتەردىڭ باسىن جۇلىپ ۇلگەردى.

  ءدال وسى لاشىنشا قۇس اۋلاي الاتىن جالعىز ءيتىم سالۋكي تۇقىمداسىنان بولاتىن. الايدا ول بۇعان ەسەيىپ، ءبىراز تاجىريبە جيناعاننان سوڭ عانا ماشىقتانسا، قازاق تازىسى وعان تابيعاتىنان بەيىم ەكەنىن اڭعارتتى. ونىڭ اڭشىلىق ينستينكتىنىڭ كۇشتىلىگى سول، جەمتىك كورسە، ءوزىن توقتاتۋى قيىن. سوعان وراي، لاشىن كەپتەرلەرىمدى اياۋسىز ءولتىرىپ جاتقاندا، قۇستى قانشا اياعانىما قاراماستان، تازىعا ەشقانداي اشۋ بىلدىرە المادىم. ويتكەنى تازى _ تابيعاتىنان جىرتقىش جانۋار. تازى اسىراپ-باعۋشىلار جاقسى ءبىلۋى قاجەت، بۇل جانۋار كۇشىك كەزىنەن-اق تالاعىش كەلەدى. سوعان وراي لاشىنعا ءبىز قويعان العاشقى ات-شرەددەر (قاعاز  جوياتىن اپپارات اتاۋى) بولدى.

  ونىڭ اۋزىنا تۇسكەن زاتتىڭ امان قالۋى مۇمكىن ەمەس. ويىنشىقتار، قۇستاردىڭ توماعالارى، دوپ، اياق كيىم، ءتىپتى بۇعان دەيىن ون شاقتى ءيتتىڭ اياعى بوپ كەلگەن پلاستماسسا ىدىستىڭ ءوزىن تىستەپ، ۇنتاپ، ابدەن    ۇساقتاپ تاستادى. ءبىراق سوعان قاراماستان، تازىلار وتە سەزىمتال كەلەتىنىن اڭعاردىم. ءبىر جولى وعان ءمان بەرمەي، يتەرىپ تاستاعان ساتىمدە قاتتى ماتەريال سانالاتىن بونزاي اعاشىن 15 مينۋت ىشىندە ۋاقتاپ، تەرىس قاراپ جاتىپ الدى. قىزىعى، ول ءالى كۇنگە دەيىن ءوزىن مەنىڭ «قىزىم» رەتىندە سانايتىن سياقتى.

  لاشىن تازا اڭشىلىق ءيت ەكەنىن كوپ ۇزاماي دالەلدەپ بەردى. بار بولعانى ءتورت ايىندا العاشقى قويانىن ۇستاپ، رەكورد جاسادى. قانشا ءيت اسىراسام دا ءدال مۇنداي ەرتە جاسىندا اڭ اۋلاعان بىردە-ءبىرى جوق بولاتىن.

  لاشىننىڭ ەرەك قاسيەتى سول، جەمتىك تاڭدامايدى. جۇگىرگەن قويان بولسىن، تومەن ۇشقان قۇس بولسىن، اتىلىپ تۇرادى. ەشقانداي قورقىنىش جوق، ۇنەمى تەك العا ۇمتىلادى. مەن وعان «قولعا ۇيرەتىلگەن جىرتقىش» دەپ باعا بەرەمىن. قازاق تازىسىنان اسقان تالانتتى اڭشى ءيت كورگەنىم جوق. لاشىندى امەريكاعا اكەلۋ قانشا قيىن بولسا دا، وعان قانشا شىعىن كەتسە دە ول سونىڭ ءبارىن اقتادى دەپ ەسەپتەيمىن.

  بۇگىندە لاشىننان تاراعان تازىلاردىڭ سانى جيىرمادان اسادى. قازاق تازىسى بولعاندىقتان، ولاردىڭ كوبىسىنە قازاق ەسىمدەرىن بەردىك. سۇڭقار، جەڭىس، جەل، قىران، بۇركىت سىندى. ال لاشىننان تۋعان جالعىز ۇرعاشى كۇشىككە سول ۋاقىتتا كلاسسيكالىق مۋزيكانىڭ ۇزدىگى لاريسا ەسىمدى قىزدىڭ قۇرمەتىنە وراي وسى اتتى ەنشىلەدىك.

اۋدارعان - نۇربولات امانجول



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn