بەي يۋان
ول 1940-جىلى ا ق ش-تاعى سانفرانسيسكو قالاسىندا ءومىر ەسىگىن اشتى. اعىلشىن تىلىندەگى اتى برۋس. لي بولاتىن. اكەسى اكتەر بولعاندىعى ءۇشىن كىشكەنتايىنان ايداھار بەدەرلى كيىم كيگەن ارتيس بولۋعا مۇمكىندىك الدى. سونىمەن اكتەر بولۋ ارمانى كوكەيىنە ۇيالادى. دەنە قۋاتى ءالسىز بولعاندىقتان، اكەسى جۇدىرىقشىلىق ونەرىن ۇيرەنىپ، ءوزىن شىڭاۋعا ءناسيحاتتادى. 1961-جىلى ول ۆاشينگتون شتاتتىق ۋنيۆەرسيتەتىنە ءتۇسىپ فيلوسوفيا كاسىبىن ۇيرەندى، كەيىن ايەل الىپ، بالا ءسۇيدى. سوندا دا اكتەر بولۋ ارمانىن تاستامادى.
ءبىر كۇنى دوسىمەن شۇيىركەلەسىپ وتىرىپ، ءبىر بەت قاعازعا ءوزىنىڭ ارمانىن جازدى: «مەن-برۋس. لي ا ق ش -تاعى ەڭبەكاقىسى ەڭ جوعارى دوكەي كينو شولپانى بولامىن. سونىڭ قارىمجىسى رەتىندە ادامدى اسەرلەندىرەتىن، كوڭىلىن تولقىتاتىن ويىندار كورسەتەمىن. 1970-جىلدان باستاپ الەمدىك داڭقتاردى جەڭىپ الامىن. 1980-جىلعا بارعاندا 10 ميلليون دوللارلىق بايلىق جيىپ، وتباسىمداعىلارمەن بىرگە باقىتتى، جاراسىمدى، تاتۋ تۇرمىس كەشىرەمىن».
وسى قاعازدى جازىپ وتىرعاندا ونىڭ وتباسى كەدەيلىكتەن جۇبىنا جەتكەن، الدەكىم ونىڭ قاعازعا شيمايلاعانىن كوزى شالار بولسا كەلەمەجدەپ سىقاق ەتەرى تابيعي ەدى.
ول جازعاندارىن كوكىرەگىنە بەرىك ساقتادى. ارمانىن جۇزەگە اسىرۋ ءۇشىن سانسىز قيىن-قىستاۋ كۇندەردى باستان وتكىزدى. مىسالى، ونىڭ جوتاسى اۋىر جارالانىپ، ءتورت اي توسەكتە جاتتى، كەيىن ءوز حيكمەتىمەن وزگەلەردى تاڭ قالدىرىپ ورنىنان تۇرەگەلدى. 1971-جىلى ونىڭ تاعدىرىندا وراسان زور وزگەرىس تۋىلدى. ول باس رولدە ويناعان «اعايىندى تاڭشاندىقتار»، «جيڭ ۋ-مىن»، «ايداھاردىڭ داريادان ءوتۋى» سياقتى فيلمدەر شياڭگاڭ كينولارىنىڭ بەلەت ساتىلىمىنداعى ەڭ جوعارعى رەكوردتى جاراتتى.
1972-جىلى ول شياڭگاڭ جياحى سەرىكتەستىگى مەن ا ق ش حۋانا سەرىكتەستىگى سەلبەسكەن «ازۋلىلاردىڭ ايقاسى» فيلمىنە باس رولگە شىقتى. وسى فيلم ونى حالىقارالىق كينو شولپانىنا اينالدىرىپ، « جۇدىرىقشىلار پاتشاسى » دەگەن اتاق سيلادى. 1998-جىلى ا ق ش «ءداۋىر» اپتالىعى ونى «20-عاسىرداعى باتىرلار وبرازى» دەپ باعالادى. ول اتالمىش جۋرنالدا باعالانعان بىردەن-ءبىر جۇڭگولىق ەدى.
بۇل كەيىپكەرىمىز لي شياۋلۇڭ-ەۆروپا جۇرتىنا ەرەكشە تانىلعان ازيالىق، قازىرگە دەيىن دۇنيە جۇزىندە اسا زور بەدەلگە يە جۇڭگولىق كينو شولپانى.
1973-جىلى شىلدەدە كاسىبى شىرقاۋ شىڭعا كوتەرىلە باستاعان لي شياۋلۇڭ ناۋقاستان كوز جۇمدى. ا ق ش كاليفورنيا شتاتىندا وتكىزىلگەن لي شياۋلۇڭنىڭ ارتىندا قالعان مۇلىكتەرىن باسەكەلەستىرە ساتۋ بارىسىندا، ونىڭ ارمانى جازىلعان تىلكىم قاعازدى ءبىر ساۋداگەر 29 مىڭ دوللارلىق جوعارى باعادا ساتىپ الادى. وسى قاعازدىڭ رۇقسات بەرۋ نەگىزىندە زاڭدى تۇردە كوپيالانعان 2000 پارشا نۇسقاسىن جۇرت تالاسىپ ساتىپ الادى. بۇنى كورگەن باسەكەلەستىرىپ ساتۋدى باسقارۋشى كوپشىلىككە: «مىنە، بۇل كەيىن ەسىڭە تۇسكەن ىستەردى قاعازعا تۇرتە ءجۇرۋىڭنىڭ باستى سەبەبى» دەيدى.
تىم قۇرىسا، ءبىر تىلكىم قاعازعا جازساڭدا، ارمانىڭدى ءاردايىم ويىڭنان شىعارما!
ءتۇيىن: ارمانىڭدى جۇزەگە اسىرۋ جولىندا قۇلشىنۋدان جالىقپا! ايقىنداعان نىساناڭ العا باسۋ بارىسىنداعى شام-شىراعىڭ ىسپەتتى. باعىتىڭدى انىق بىلگەندە عانا نىساناعا قادام باساتىن باتىلدىققا يە بولا الاسىڭ. تابىس كەلەسى جول ايىرىعىندا ساعان قولىن بۇلعاپ تۇر.
رەدا