پراكتيكانت ءتىلشى لي ۋىنحۇڭ، ەرىكتى ءتىلشى ما چيڭ حابارلايدى. «يدەيالىق جاقتا، ساياسي جاقتا، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرەمىن...» جۋىقتا ساۋان اۋداندىق ايەلدەر بىرلەستىگى ءارقايسى اۋىل، قالاشىق، فەرمالاردىڭ نەگىزگى ساتى ايەلدەر بىرلەستىكتەرىنىڭ جاۋاپتىلارى مەن ايەلدەر قاۋىمى ۋاكىلدەرىن جالعاستى باتىل ءۇن قاتىپ، ايقىن پوزيتسيا بىلدىرۋگە ۇيىمداستىردى.
قيمىل بارىسىندا كوپشىلىك مەملەكەت تۋى الدىندا سەرت بەرىپ، «ءۇش ءتۇرلى كۇشپەن» كۇرەسۋ سەنىمدەرىن بەكەمدەپ، «ەكىبەتكەيلەرمەن» باتىل كۇرەسىپ، سالعىرتتىققا سالىنۋ يدەياسىن جەڭىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن مىقتى يگەرىپ، ورنىقتىلىقتى قورعاۋدىڭ ءتۇرلى شارالارىن ناقتىلى تياناقتاندىرىپ، قوعام ورنىقتىلىعى مەن باياندى تىنىشتىقتى بار كۇشپەن قورعايتىندىقتارىن ءبىلدىردى.
ساۋان اۋدانى شيگوبي قالاشىعى اقتۇمسىق قىستاعى ايەلدەر بىرلەستىگىنىڭ ءتورايىمى تولقىنگۇل پارتيانىڭ ابزال ساياساتىنىڭ جەبەۋىندە ءوز الدىنا كاسىپ كوزىن اشۋ نەگىزىندە «مۇراگەر» كيىم - كەشەك كاسىپتىك كووپەراتيۆىن قۇرعان. ول بىلاي دەدى: «ىلگەرىندى - كەيىندى سەرىكتىك، كەستەشىلىك قوعامىن قۇردىم، وسىنداي ناتيجەلەردىڭ بارىنە پارتيانىڭ باۋلۋىنىڭ ارقاسىندا قول جەتكىزىپ وتىرمىن. كاسىپورىن جەتەكشىسى رەتىندە كاسىپورىنداعى جۇمىسشى - قىزمەتشىلەردى وڭ ەنەرگيا تاراتۋعا باستايمىن».
ايەلدەر قاۋىمىنىڭ كاسىپ كوزىن اشىپ، يگىلىك جاراتۋى جونىندەگى اڭگىمەلەرى كوپشىلىككە پارتيانىڭ ابزال ساياساتىنىڭ شۇلەن شۇعىلاسىن سەزىندىرىپ، نەگىزگى ساتى كادرلارىنا زور شابىت سيلادى.
ساۋان اۋدانى انجىحاي قالاشىعى ايەلدەر بىرلەستىگىنىڭ ءتورايىمى لين شياۋيان: «ايەلدەر قاۋىمىن باتىل ءۇن قاتىپ، ايقىن پوزيتسيا ءبىلدىرىپ، ‹ءۇش ءتۇرلى كۇشپەن› جانە كادرلار قوسىنى اراسىنداعى ‹ەكىبەتكەيلەرمەن› باتىل كۇرەس جاساپ، ەڭبەكشىل قوس قولدارىمەن مەكەندەرىن كوركەيتىپ، قىستاق تۇرعىندارىن باقىتتى، تىنىش، جاراسىمدى جاڭا تۇرمىسقا باستاۋعا ۇيىمداستىرۋىمىز كەرەك» دەدى.
قيمىلدىڭ سوڭىندا كوپشىلىك «جەلەكتىلەردىڭ جۇرەگى پارتيا دەپ سوعادى، ‹ءۇش ءتۇرلى كۇشپەن› جانە ‹ەكىبەتكەيلەرمەن› باتىل كۇرەس جاسايىق» دەگەن ءسوز جازىلعان كەرمە تۋعا قول قويدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.