ەەڭ جاڭا مازمۇندار
2022-جىلى 7-ايدىڭ 6 -كۇنى 150 ـ سان
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى

بىزگە دە كورەگەن باي كەرەك

جولدانعان ۋاقىتى : 2014/9/29 18:07:58

ماقسات قيزات ۇلى

  جۇڭگو-ازيا-ەۆروپا كورمەسىنە قاتارىنان 3 جىل قاتىناستىم، وزگە ەلدىڭ بالاسى كورمەگە قاتىناسىپ، ۇلتتىق كاسىپورىننىڭ كوركەيگەنىن كورىپ، قالاعانىن قالامىنا «ءىلىپ» جاعاسى جايلاۋدا ءجۇر. ءبىز (اۆتونوميالى رايوندىق احپارات شەبىندەگى قازاق تىلشىلەردى ايتام) ەكى ەتەگىمىز جەلپىلدەپ قاي جەردە قازاقى ءونىم، قاي جەردە قازاق ساۋداگەرلەرى، قازاق بايلارى بار ەكەن دەپ يەن تاۋدا جوق ىزدەگەن جوقشىداي شاپقىلاۋمەن جۇردىك، ۇلتتىق ەكونوميكاڭدى ورگە سۇيرەپ وتىرعان بايلارىڭ بولسا جاقسى ەكەن، ەكى اياقتان توزبايسىڭ، كوڭىلدەن جۇدەمەيسىڭ، ويعا سالماق سالعان بۇل ۋايىمشىلدىڭ ۇيىرىندەي ءبىر توبىمىزبەن كەتسە جاقسى عوي، قارا ورمانداي حالقىڭا جابىسپاسا نە دەرسىڭ.

  ات شاپتىرىم الاڭقايدى الىپ جاتقان كورمە زالىن ءبىر اپتا بويى تىنتىگەندە  كوزىمىزگە كورىنگەنى جىل سايىن كەلەتىن التاي  قالاسىنىڭ « اڭساتى »  ازىق-تۇلىك سەرىكتەستىگى مەن ءدوربىلجىن اۋدانىنىڭ «قارا قىز» ءسۇت ونىمدەرى سەرىكتەستىگى بولدى.

  ال ولاردىڭ بايلىعى وزگە ۇلتتىڭ بايلارىنىڭ شايلىعىنا جەتپەيتىنى بىردەن كوزگە ۇرىپ تۇر.

  بۇعان دا شۇكىر، جەلەكتىلەرىمىز جارايدى ەكەن، نامىسقا تىرتىسىپ، بىلتىر  قۇرعان كووپەراتيۆىن بيىل سەرىكتەستىككە اينالدىرىپ، اتى الاتاۋداي كورمەدەن باعىن سىناپ ءجۇر. ال «ءبىزدىڭ ەلدىڭ جىگىتتەرى، جىگىتتەردىڭ تورەسى» دەپ ءان سالعانىمىز  اۋىزدا عانا ەكەن، ۇلتىمىزدىڭ كاپيتالىن قالىپتاستىرۋعا ىستىق قايرات، نۇرلى اقىلىن ارنايتىن ازاماتتارىمىزدى كورمەدەن شىراق جاعىپ، ىزدەپ تاۋىپ الساڭ قۇلاعىڭا التىن سىرعا اعايىن.

  قاتتى ايتسام شام كورمە، ءبىز وسى باي دەگەن ۇعىمنىڭ ءوزىن ۇلت بولىپ تۇسىنە الماي جۇرگەندەيمىز. وزگەلەر باي دەسە ساپاسى سىن كوتەرەتىن سەرىكتەستىك قۇرىپ، سىرىڭكەدەن باستاپ  سامولەتكە  دەيىن   ءوندىرۋدى ماقسات تۇتادى ەكەن دە سونىسىن بازارعا سالىپ، اۋىل تۇگىل مەملەكەتىنىڭ ەكونوميكاسىن كوتەرۋگە كۇش شىعارادى ەكەن. ال بىزدەگى بار بايلىق شيكىزات  ساتۋمەن،  دايىن  دۇنيەنى ءبۇتىن باسىمەن ايىرباستاۋعا، قاراقان باسىمىزدىڭ گوي-گويىن جىرلاۋعا قۇرىلىپتى. قانە قايسىمىز ءبىر تالى 10 تيىنعا ازەر تاتيتىن شەگە ءوندىرىپ، سونىڭ زاۆودىمەن مىڭداعان شارۋاعا جۇمىس تاۋىپ بەرىپ  وتىرمىز. تەمىر شەگە  تۇگىل تەرى شۇلىق  وندىرە الدىق پا وسى. مەن وسى كۇنگە دەيىن زاۆود قۇرىپ، ونەركاسىپتىڭ وتىن جاققان قازاقتى ۇزىن قۇلاقتان ەستىگەن ەمەسپىن. ونەركاسىپ توڭكەرىسى دەيتىن ۇعىم قازاق تانىمىنا تاڭبالانباعان-اۋ شاماسى. ونەركاسىپ، زاۆود دەگەندەرىڭ تۇرىپتى، اتام قازاق مال باققان دەپ شىرەنسەك سونىڭ جۇندەرىنەن ءجىپ، تەرىسىنەن بىلعارى وندىرە الدىق پا. وندىرە الماق تۇگىل وندىرتە باعا الماي ءجۇر سول شىركىندى تاۋ-تاستا قالىڭ مالشى تۋىسىڭ. «بالەنشەڭ بايىدى، تۇگەنشەڭ تيىن تاپتى» دەپ كوستيتكەندە بار ايتاتىنىمىز ۇكىمەتتىڭ بەرگەن از قارجىسىنا ايران-شالاپتىڭ، كەستەشىلىكتىڭ كووپەراتيۆىن قۇرىپ كوسىلگەنىمىز ەكەن. وزگەنىڭ مىڭداعان جۇمىسشىسى بار  ۇلتتىق  كاسىپورىنمەن سالىستىرعاندا بۇل اتتىنىڭ جانىنداعى جاياۋدىڭ حالى.

  قوراسىندا بورداقىلاپ وتىرعان 200 سيىرى بار، كوز تالدىرار ماقتا  اتىزى  بار، ونىسىمەن  وزگەنى تۇگىل ءوز ۇلىن وقىتۋعا ويى جەتپەي وتىرعان «قارىمبايدى» باي ساناتىنا قوسۋعا بولاما، جوق، بىزگە كەرەگى قازاقتى جۇمىسپەن  قامتىپ، تونى جىرتىق، تالابى زور ۇرپاعىمىزدىڭ ءبىلىم  الىپ، ونەر  يگەرۋىنە تىكەلەي كومەك قولىن سوزا الاتىن جومارت باي، بىزگە كەرەگى ادەبيەتىمىزدى، مادەنيەتىمىزدى، وركەنيەتىمىزدى، تەحنيكامىزدى ورگە سۇيرەيتىن رۋحاني قۇندىلىعى كەمەل باي.
دەر شاعىندا بايدىڭ پايداسىنىڭ وزگەگە ەمەس، سوزگە قالاي تيگەنىن ءبىر عانا  مىسالمەن تۇسىندىرەيىن.

  جەتىسۋدىڭ قاپال وڭىرىندە ورىسىنە 40 مىڭ جىلقى بىتكەن، «مامانيا» مەكتەبىن اشىپ، قازاققا جاڭاشا وقۋدىڭ ۇلگىسىن تاراتقان اتاقتى مامان باي اكەسى تۇرىسبەككە 1910-جىلى اس بەرگەندە قازاقتىڭ ءبازبىر شىلعاۋ بايلارى قۇساپ بايگە قوسىپ، مالىن شاشپاعان، ەرەكشە ەستە قالارلىق ۇلگى شاشقان، قازاق جازۋشىلارىنا «رومان» جازۋ بايگەسىن جاريالاپ، تەرەڭ ويلى، تۇنىق سەزىمدى شىعارما جازعان جازۋشىعا 10 مىڭ رۋبلي (ول كەزدە جاقسى ءبىر اتتىڭ قۇنى 50 رۋبليعا تاتىعان) باس بايگە جاريالاعان، سول كەزدە بۇل بايگەگە قازاقتىڭ ءسوز ۇستاعان مىقتىلارى تۇگەلدەي قاتىسقان، سوڭىندا «قامار سۇلۋ» ولەڭ رومانىمەن 21 جاسقا ەندى ىلىنگەن مارقاسقا اقىن سولتان ماحمۇت تورايعىروۆ 200 جىلقىنىڭ قۇنىنا بارابار كەلەتىن اقشانى قالتاعا باسىپ، داڭقى ورلەپ شىعا كەلگەن. بۇل بايگە تەك تورايعىروۆتىڭ عانا تالانتىن اشىپ كەتكەن جوق، 20-عاسىرداعى قازاقتىڭ ءسوز تىزگىنىن ۇستاعان تالاي مىقتىنىڭ تالابىن ۇشتاپ كەتتى. ال بۇل كۇندە بىزدەگى قازاق بايلارى مامانعا ۇقساپ وسىنداي ۇلگى شاشا الارما، سودان بەرى ءبىر عاسىردىڭ  ءجۇزى بولدى، ادەبيەت پەن مادەنيەتكە مامانداي قارجى توگىپ، قازاقتىڭ  قارا ءسوزى مەن قاسيەتتى ونەرىنە جانى اشىعان بايدى ەستىگەن جوقپىز. ارينە، مامانداي  ءوزى وقىمىستى، ءوزى باي بولماعاسىن ونداي ونەگەنى قايدان شاشسىن، ءوز وتىنىڭ جىرىن جىرلاپ ازەر ءجۇر ءبىزدىڭ «بايەكەڭدەر». ايتپەسە ارامىزدا قولىنىڭ قىسقالىعىنان جازعان ەڭبەكتەرىن باسپاعا بەرە الماي جۇرگەن جاس ادەبيەتشىلەردىڭ سانى قانشاما، باسپاعا بارسا  قالتاسى  كوتەرە المايتىن باعا سۇرايدى، سودان تۇمسىعى تاسقا ءتيىپ جازعاندارى شاڭ باسىپ ارحيۆتە تۇر، بۇل جەردە الىستان اربالاپ ا ق ش-تىڭ اتاعى اسپانداپ تۇرعان كينو ادەبيەتىن ايتىپ، ا ق ش-تىڭ ۇلتتىق كاسىپورىندارىنىڭ جازۋشىلارىن قالاي سۇيەمەلدەيتىنىن تامسانتىپ تۇسىندىرمەي-اق قويالىق، جاقىنداعى شاڭحاي مەن بەيجيڭنەن-اق دالەلدى قارشا بوراتۋعا بولادى، سول وڭىردەگى جاس جازۋشىلاردىڭ اتاعى تاياۋ جىلدان بەرى ەلىمىز ىشىندە دۇرىلدەپ تۇر، ونى كىم دۇرىلدەتىپ تۇر، باسپا سالاسى ما، جوق، زاتتىق قاجەتى قانىققان سوڭ رۋحاني كەمەلدەنۋدى بۇرىننان ويلاپ جۇرگەن  ۇلتتىق كاسىپورىندار، ويانۋدى ىزگى مۇرات ساناعان ۇلتتىڭ ۇلى بايلارى. بۇل ەندى عىلىم، ادەبيەت سالاسىنا جىل سايىن بەرىلىپ وتىراتىن « نوبەل سيلىعىن » ەرىكسىز ەسكە تۇسىرەدى، نوبەل دە عىلىممەن بايىعان اتاقتى بايدىڭ ءبىرى، ول قارا قارعاشا تاپقانىن قۇشاعىنا باسىپ جەگەن جوق، سۇڭقارشا ماڭايىنا شاشىپ جەدى، ولەرىندە سوڭىندا قالعان بارلىق مال-مۇلىكتى اقشاعا اينالدىرىپ، ادامزاتقا ەڭبەك سىڭىرگەن ەڭ ۇزدىك عالىمداردى، ادەبيەتشىلەردى، ساياساتكەرلەردى جىل سايىن قارجىسى قوماقتى «نوبەل» سيلىعىمەن ماراپاتتاپ وتىرۋدى ماڭگىلىك وسيەت  ەتتى. باي  دەپ  مىنە وسىنداي ادامدى ايتادى ەكەنبىز، نوبەل وسى قاسيەتىمەن-اق بايلىعى وزىنەن 10 ەسە قاراۋ بايلاردىڭ اتىن  ۇمىتتىرىپ جىبەردى ۇرپاق ساناسىنان. بۇل ۇلتتىق ەكونوميكانىڭ ۇلت شەڭبەرىنەن  القىپ،  ادامزات ءۇشىن ەڭبەك سىڭىرگەنىنىڭ دارا مىسالى. بىزدەگىلەر نوبەل بولماي-اق قويسىن، تاپقانىن تىرلىكتىڭ تىعىرىعىنا جولىققان  جاقىنىنا  بەرە  الاتىن  جومارتتاردىڭ ساناتىنا كىرسە دە ماڭدايىمىزعا شور-شور التىن. 

  بىزدە باي دەسە ەلدى قانايتىن، يمانى ءپاس پەندە ەلەستەيدى، حالىمىزگە قاراماي  كوبىمىز بايدى جەك كورەمىز، وسى يدەيانىڭ قانعا سىڭگەنى سونشالىق ءبىز كەدەي بولۋدان ۇيالمايتىن دەڭگەيگە جەتىپ قالعاندايمىز. وركەنيەتتىڭ  ورىنە  شىققان نەمىس ۇلتى  كەدەي  بولۋدى ويسىزدىعىڭنان، نامىسسىزدىعىڭنان كورەدى. كوردىڭ بە، ەل بايىدى قالاي باعالايدى، ءبىز قالاي باعالايمىز.

  سانانى  سىلكىپ  ۇلتتىق ەكونوميكامىزدىڭ ۇزىگىن ۇزارتىپ، باي بولۋدى شىن ارمان تۇتار كەزگە جەتتىك.

  بىزگە باي كەرەك دەپ بايبالام سالدىق، ەندەشە بىزگە بايدىڭ نەسى قاجەت؟

  ءبىر -اق اۋىز ءسوز بىزگە بايدىڭ مول اقشاسىمەن قۇرىلعان ۇلتتىق ەكونوميكا، ۇلتتىق   ونەركاسىپ جۇيەسى كەرەك. ۇلتتىڭ ۇزاق بولاشاعىن قۇرۋدا ۇلتتىق ونەركاسىپتىڭ ورنىن ەش نارسە باسا المايدى. تاريحىڭ دا، تاعىلىمىڭ دا ۇلتتىق كاپيتالعا يەك سۇيەيدى، ۇلتىڭنىڭ رۋحاني  قۇندىلىقتارىن  ءوز    ۇلىڭنىڭ قالتاسىنان شىققان باقىرمەن ۇلىقتايسىڭ، وزگەنىڭ «كوزگە تامىزاتىنداي» ەتىپ كوز قىلىپ بەرگەن قارجىسى قاشاندا قارىق قىلمايدى. «ءوز ولتىرمەيدى، جات جارىلقامايدى» دەگەندى انىق سەزەر كۇن كەلدى.

  وزىڭە  تاۋەلدى  ۇلتتىق    ەكونوميكالىق جۇيەنىڭ بەتىنە قان جۇگىرمەيىنشە وزگە بۋىنىڭ ورگە باسۋى قيىن.

  بىزدەگى كوپ ادامدار ەۆرەي دەسە ەسسىز تۇردە قۇلاعى ەلەڭ ەتىپ، باسىن شۇلعيدى، تاپ ءبىر سولار تۋادا تالانتتى، تۋادا قالتالى بولىپ دۇنيەنى مەڭگەرىپ العانداي.
 
ءبىز ولاردان شەكسپيردى شامداندىرعان ەۆرەي ساۋداگەرىنىڭ قانقۇيلىلىعىن ەمەس، ەكى مىڭ  جىلدىق  سەرگەلدەڭ عۇمىرىندا ۇلتتىق ەكونوميكاسىن جويماعان قايسارلىعىنان ۇيرەنۋىمىز كەرەك، بارلاپ قاراساڭ، ەۆرەي جەر شارىنىڭ قاي بۇرىشىنا قاڭعىپ بارسا دا، ايتەۋىر بويدا جانى بولسا سول جەردىڭ ەكونوميكا  الپاۋىتىنا،  سول  ءوڭىردىڭ اتاقتى بايىنا اينالىپ شىعا كەلەدى. سونىڭ ارقاسىندا ەۆرەيلەر ءوزىنىڭ  تىلىنەن دە، ءدىلىن دە ساقتاپ قالدى.

  ۇلتتىق كاسىپورىن شىن كۇشىنە مىنسە مەملەكەتتىڭ عۇزىرلى  ورىندارىنىڭ  ءوزى  ونىمەن ساناسۋعا تۋرا كەلەدى، وڭتۇستىك كورەيانىڭ ەكى الەمدىك كاسىپورىنى Samsung مەن LG باسقا ەلدەن بولىمشەسىن قۇرماقشى بولسا وڭتۇستىك كورەيا پارلامەنتىنىڭ تالقىلاۋى مەن ماقۇلداۋىنان ءوتۋى كەرەك ەكەن، كوردىڭىز بە، ءبىر ۇلتتىق كاسىپورىننىڭ ءبىر مەملەكەت، ءبىر ۇلت ءۇشىن قانشالىقتى ماڭىزدى ورىندا تۇراتىندىعىن. وزگەسى  ەمەس 10 قازاقتىڭ قولىنداعى قول تەلەفوننىڭ ماركاسىنا كوز سالىڭىزشى، كەم دەگەندە  سونىڭ  بەسەۋى     Samsung ، كارىستەر تۇگىل قازاقتار ءۇشىن دە Samsung  ءوز وكتەمدىگىن جۇرگىزىپ تۇر. سوندا ءبىز كىمنىڭ ۇلتتىق كاسىپورىنى ءۇشىن ۇلت بولىپ ەسە قوسىپ، كىمنىڭ ۇلتتىق قورجىنىنا حالىق بولىپ قارجى توگىپ وتىرمىز. بويىڭىزدا نامىس بولسا «ءىشىڭ ءبىلسىن ءالىباي» دەپ  وتىرا  بەرمەي، ارەكەتكە كوشىڭىز، باي بولۋعا تالپىنىڭىز.

  ۇلتتىق  كاسىپورىندى  قولداماق تۇگىل، كەي تۋىستار بۇل كۇندەرى جاڭادان قاز تۇرىپ كەلە  جاتقان « داستارقان »  سەرىكتەستىگىنىڭ  ونىمدەرىن «وگىزگە تەرىس  مىنگىزىپ جىبەردى». كوبىسىنىكى «ماعان بۇيىرماعان ماي قۇيرىق قۇمالاعىمەن پىسسىن» دەيتىن كورە الماۋشىلىق. قالاي ايتساڭ ولاي ايت، تۇلكى قۇرساق تۋىسقا «كۇمىس كومەيدىڭ» كوك داۋىنان گورى، داستارقاننىڭ بەس تال كامپيتى مەن ەكى تال توقاشى راۋ. الدىمەن ەكونوميكا، ودان سوڭ جايدارمان بولاتىنى قايدا بارساڭ دا قالپىن بۇزبايدى.

  مىنانى ويلاشى ءوزىڭ، سۋىقتا جاۋراپ كەلگەن كەدەيگە سۋدىراعان  سوزىڭنەن  گورى، بۋى بۇرقىراعان كوجەڭ ارتىق ەمەس پە. ال سول ىستىق كوجەنى قايناتاتىن بىزگە ۇلتتىق اسحانا، كوجەنىڭ  دامدەندىرگىشىن   وندىرەتىن ۇلتتىق كاسىپورىن قاجەت ەمەس پە. ماسەلەن ءبىر جەتىم بويىنا دارىن ءبىتىپ، جوعارى  مەكتەپكە ءوتىپ تۇر دەيىك، ساعان كەلەدى جاۋتاڭداپ كومەك سۇراپ، وتباسىڭدى ازەر اسىراپ وتىرعان قارجىڭمەن سەن سوعان قولدى سوزباق تۇگىل، ونى ون كۇن ۇيىڭدە باعا الاسىڭ با، قالتاڭ تاياز بولعاسىن اۋلاق قاشاسىڭ، ءبىر تالانت كوز الدىڭدا وشەدى، ول دا ءبىر  قايىرشىعا اينالادى. ەگەر بيلل گاتەستەي بايىمىز بولسا ءبىز ءسويتىپ بولار بالانىڭ بەتىنەن قاعارما ەدىك، قالتاسىنا قارجىسىن سالىپ، ماعان دەسە حارۆورد ۋنيۆەرسيتەتىنەن وقيمىن دەسە دە جىبەرەر ەدىك قوي، «اۋىزى قيسىق بولسا دا بايدىڭ ۇلى سويلەسىن» دەپ ماقالداتقان قازاقتىڭ بايى ءبىر جۇتتىق قانا، ال ەلدىڭ بايىنىڭ قازىناسى عاسىرعا جەتەدى، نەگە، ويتكەنى ولار اتاسىنا ەمەس اقىلىنا، جەزدەسىنە ەمەس زەردەسىنە سۇيەنىپ بايىعاندار. ءبىر سوزبەن ايتقاندا، دۇنيەنى اشۋدان بۇرىن ميىن اشىتاتىندار.  

  ءدان بولعان جەردە ءان دە، ءسان دە بولادى، ءسوزدىڭ باسى دا سول، اياعى دا سول، بىزگە ۇلتتىق ەكونوميكامىزدى وركەندەتەتىن باي كەرەك، باي بولعاندا   « حالقىنا پايداسى تيەتىن » باسبايداي كوپەس كەرەك، بيلل گاتەستەي ميىن ىستەتىپ اقشا تاباتىن اقىلدى باي كەرەك، سول كىسىنىڭ قيساپسىز قازىناسى كەرەك، سول قازىنامەن قۇرالعان ۇلتتىق  ەكونوميكا، ۇلتتىق كاسىپورىن كەرەك.   

  قايدا بارساق بۇل كۇندە ءتىل، ءدىل  دەپ  ۇراندايتىن  ادەت تاپتىق قوي، ەندەشە، وسى ەكەۋىن العا سۇيرەيتىن ارباڭ بىرەۋ عانا، ول _ ورگە باسقان ۇلتتىق ەكونوميكاڭ. ۇلتتىق ەكونوميكاسى بيىككە  شىققان، ۇلتىم دەپ ۇزدىگەتىن بايلارى كوپ ەلدىڭ ءتىلىن  وزگەلەر  وزدىگىنەن  ۇيرەنەدى، مادەنيەتىن وزگەلەر وزدىگىنەن  قۇرمەتتەيدى، ول ءۇشىن ۇلتتىق ەكونوميكامىزعا كەر اۋىز كەرباقپالىق ەمەس، كەلىسىمدى تۇسىنىك كەرەك، ءبىر نيەتتىڭ تۇبىندە جينالاتىن ۇلتتىق رۋح كەرەك! 






رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn