ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

سول ءبىر بەينەتتى كەزدەردەگى ءبىر كەسە شوشىرە

جولدانعان ۋاقىتى : 2014/10/27 12:46:16

سول ءبىر بەينەتتى كەزدەردەگى ءبىر كەسە شوشىرە
مي مي

  بۇل كۇنى باييۇن قوناقجايىنا ءبىرى ەر، ءبىرى ايەل، 40 جاستار شاماسىنداعى سالاۋاتتى كيىنگەن ەكى قوناق كەلدى. ەر ادامنىڭ كوتەرگەن ساياحات سۋمكەسى بار، قاراعاندا ساياحاتتاي شىققان ەرلى-زايىپتى بولار. داياشىنىڭ كۇلىمسىرەي الىپ كەلگەن تاماق تىزىمدىگىن، ەرى تىكە ايەلگە ۇستاتىپ جاتىپ: «سەن بۇيىرتشى، نە جەگىڭ كەلسە سونى بۇيىرت» دەدى. ايەل وعان قاراپ تا قويماستان باسىن كوتەرە بەرە داياشىعا: «بىزگە ءبىر كەسە شوشىرە بولسا بولدى» دەيدى. داياشى سەلت  ەتتى، باييۇن قوناقجايىنا كەلىپ شوشىرە ىشكەنى نەسى، مۇندا شوشىرە جاسامايتىن تۇرسا. ول انىق ەستي الماي قالعان شىعارمىن دەپ الگى ايەلگە قىسىلا قاراپ تۇر. ايەل سول ءسوزىن قايتا قايتالاعاندا، جانىنداعى ەركەك:    «شوشىرە ىشكەنى نەسى؟ اقشا جوق بولىپ تۇرعانى جوق؟» دەپ قالدى.

  ايەل باسىن شايقاي «شوشىرەدەن باسقا تاماق ىشپەيمىن» دەسىن. ەر دە اڭتارىلىپ قالدى، داياشىنىڭ تاڭ قالعان جانارىنا قاراپ تۇرىپ قينالا: «بولدى وندا، ەكى كەسە شوشىرە اكەپ بەرىڭىز» دەپ ءتىل قاتتى .

  «جوق» دەگەن ايەل جالما-جان ءسوز قىستىرا «تەك، ءبىر كەسە عانا  الامىز» دەپ قالدى. سەلت ەتكەن ەركەك «ءبىر كەسەنى قايتىپ ىشەمىز» دەپ  ەدى، «وسى ساپاردا ايتقانىمنىڭ بارىنە ماقۇل بولاتىن بولىپ، ۋادە بەرمەپ پە ەدىڭ» دەدى ايەل ەركەكتىڭ قاباعىنىڭ ءتۇيىلىپ كەتكەنىنە قاراپ.

  ەرى ۇندەمەي عانا قولىن ايقاستىردى دا ورىندىققا شالقالاي بەردى. جاندارىندا تۇرعان داياشى كوزگە ىلمەگەندەي جىميا، «مىنا ايەل نەدەگەن تاقىس، قوناقجايعا كەلىپ شوشىرە ىشكەنىن قويشى، ەكى ادام ءبىر كەسە عانا الامىزى نەسى» دەپ ويلادى، ايەلگە قاراپ اۋزىن شۇرشيتا: «كەشىرىڭىز، بۇندا شوشىرە جوق، جەگىلەرىڭىز كەلسە سىرتقا بارىپ جەڭىزدەر» دەدى.

  بۇنى ەستىگەن ايەلى تاڭ قالا: «نەگە شوشىرە جوق ەكەن، كىشكەنە ساۋدا دەپ ىستەگىڭ كەلمەي تۇرعان شىعار» دەدى ويلانىپ بارىپ.

  ءدال وسى كەزدە ءوتىپ بارا جاتقان قوناقجاي قوجايىنى جاڭ شيان ايەلدىڭ ءسوزىن ەستىپ قالدى دا داياشىنى قولىن بۇلعاپ شاقىرىپ الدى. داياشى   «قارامايسىز با، بۇندا كەلىپ شوشىرە ىشەمىز دەيدى، بۇنىسى ادەيى الەك سالعاندىق قوي» دەپ كەيىدى. ال قوجايىن كۇلىمسىرەي وعان قاراپ قولىن بۇلعاپ قويدى، تىم قىزىق سەزىلدى.  قاراساڭ كيىم-كيىنىستەرى سالاۋاتتى، تاماق ىشەرگە كۇيى جوق ادامدارداي  ەمەس، بالكىم باسقالاي ويى بار شىعار، نە دەسەدە الدىعا كەلىپ تۇرعان ساۋدانى سىرتقا تەبەتىن قاعيدا جوق قوي دەپ ويلاعان ول، داياشىعا سىبىرلاي: «سەن سىرتقا بارىپ ءبىر كەسە شوشىرە الىپ كەل، قانشاعا العان بولساڭ، ازدان سوڭ ەسەپ جاساعاندا ءبىر ەسە ارتىق الساڭ بولدى» دەدى دە ارقالى ورىندىقتان   ءبىرىن الىپ جايعاستى، مىنا عاجايىپ ەرلى-زايىپتىلاردى باقىلاي وتىردى. سالدەن كەيىن، داياشى بۋى بۇرقىراعان ءبىر كەسە شوشىرە اكەلىپ، «اسىقپاي جەپ-ىشىڭىزدەر» دەپ ايەلدىڭ الدىنا قويدى. شوشىرەنى كورگەن ايەلدىڭ كوزى جارق ەتە ءتۇستى. ءجۇزىن كەسەنىڭ بەتىنە توسەپ تۇرىپ، تەرەڭ ءبىر تىنىس الىپ كەسەدەگى شوشىرەنى قاسىقپەن اقىرىن ارالاستىرا باستادى. جەۋگە قيماي وتىرعانداي-اق ءبىرتالاي ۋاقىتقا دەيىن اۋزىنا سالمادى. ەكى كوزى الاقانداي بولعان ەرى ايەلىنە قارايدى، باسىن بۇرىپ ماڭايىنا دا كوز جۇگىرتىپ قويادى. كوپشىلىكتىڭ ءبارى تاڭدانا كوز سالىپ تۇرعانداي سەزىلىپ، كىرەرگە تەسىك تاپپاي قىسىلعانداي. زىلدەنە « نە ىستەپ كەتكەنىڭدى تۇسىنسەم بۇيىرماسىن، سونشا ۇزاقتان ارىپ-تالىپ كەلگەنىمىز، وسى ءبىر كەسە شوشىرە ءۇشىن بولعانى ما؟» دەدى.

  ايەلى باسىن كوتەرە «ايتەۋ، وزىمە بالداي جاعادى» دەيدى. ەرى ۇستەلدەگى تاماق تىزىمدىگىن الىپ، «جەگىڭ كەلىپ تۇرسا ءوزىڭ-اق جە، ءبىر كۇن بولدى قارنىم اش، قامپايتىپ الماسام» دەدى دە قولىن بۇلعاپ داياشىنى شاقىرىپ، اشۋدا ايگىلى قۋىرماشتان جەتى-سەگىزىن بۇيىرتىپ تاستادى. ال، ەرىنىڭ تاماقتى بۇيىرتىپ بولۋىن سابىرلىلىقپەن توسىپ تۇرعان ايەلى، ول بولا بەرە داياشىعا اقىرىن عانا «ەڭ جاقسىسى اقشاسىنىڭ بار–جوقتىعىن ءبىلىپ ال، زالىمدىقپەن جەپ كەتپەسىن» دەگەنى.

داياشى بايىبىنا بارىپ بولعانشا، اشۋعا باسقان ەرى «شاتىماشى، اعا شونەڭ، ارامزالىقپەن اس ءىشۋشى مە ەدى، اقشا جوق قوي دەپ پە ەدىڭ؟» دەپ قوينىنا قول جۇگىرتتى. كەنەت «ءۇي!» دەپ داۋىستاي قالدى دا «اقشا قاپشىعىم؟» دەپ ورنىنان اتىپ تۇرىپ سيپالاقتاي باستادى. قولفونىنىڭ دا جوقتىعىن بايقادى. ەرى اڭتارىلىپ بارىپ، سوڭىندا جانارىن ايەلگە اۋداردى. ايەل اسىپ-ساسپاستان «ارام تەر بولما، اقشا قاپشىعىڭ مەن قولفونىڭدى كەشە كەشتە وزەنگە تاستاي سالعام» دەدى.  ەرى ەستي سالىپ « قۇتىرعان ەكەنسىڭ» دەپ ناق اشۋعا باستى. ايەل ەستىمەگەن كىسىدەي، كەسەدەگى شوشىرەنى اقىرىن عانا ارالاستىرا بەردى. ەرى كەنەت ەسىنە بىردەمە ءتۇستى بالكىم، قاسىنداعى ساياحات سۋمكەسىن اشىپ، قولىن سالىپ اقتارا باستادى. ايەل سالقىن عانا: «ىزدەمەي-اق قوي، سەنىڭ ساعاتىڭ، مەنىڭ دۇزىگىم، وسى جولى الىپ شىققان اقشاعا جارايتىن دۇنيەنىڭ بارلىعىن وزەنگە تاستاعام. مەندە تەك وسى ءبىر كەسە شوشىرەگە جەتەرلىك بەس يۋان عانا بار» دەيدى. ەر ءوڭى بوزارىپ وتىرا كەتتى. اشۋلانا ايەلگە قارادى: «راس جىندانعان ەكەنسىڭ، سەن راس جىندانعان ەكەنسىڭ! كوك تيىنىمىز جوق، مۇنداي ۇزاق جولدا قايتىپ قايتامىز»؟ ال، ايەل سابىرلى بەينەسىنەن تانعانى جوق، اشۋ دا شاقىرماي: «نەسىنە شيىرشىق اتاسىڭ، قالاي دەگەنمەن اياعىمىز ساۋ، جاياۋ بولسا دا ۇيگە جەتەرمىز» دەدى. ەرىنىڭ دەمى ىشىنە تۇسە كۇرسىنىپ جىبەردى. ايەل جالعاستى «جيىرما جىلدىڭ الدىندا قولىمىزدا سوقىر جارماق تا جوق ۇيگە جەتكەن ەدىك قوي. ول كەزدە كۇن بۇدان دا سۋىق بولاتىن» دەپ ەدى، بۇل ءسوزدى ەستىگەن ەر ەرىكسىز بادىرايا قاراپ: «سەن، سەن نە دەيسىڭ؟» دەپ ەدى، ايەلى: «راسىندا ەسىڭدە جوق پا» دەدى قايتارا. ەر تۇڭىلە باسىن شايقادى، ايەل كۇرسىنە: «مۇنداي بولعاندا، بىرەر جىلدان بەرى قالتاڭا ءبىراز اقشا بىتكەنگە، راسىندا بارلىعىن ۇمىتقان    ەكەنسىڭ. جيىرما جىلدىڭ الدىندا  ەكەۋىمىز تۇڭعىش رەت ۇزاققا شىعىپ ساۋدا ىستەگەنبىز، ويلاماعان جەردەن الدانىپ، تاقىر جەرگە وتىرىپ قالمادىق پا. ۇيگە قايتاتىن جول قاراجات تا قالماعان، وسى جەردەن وتكەندە، سەن ماعان ءبىر شىنى شوشىرە الىپ بەردىڭ. ابدەن بىلەمىن سول كەزدە قالتاڭدا تەك 50 تيىن عانا قالعان ەدى...»

  ەرى بۇنى ەستىگەندە سەلت ەتتى، جان-جاعىنا جالتاقتاي قاراپ: «وسى، وسى جەر؟» دەسىن. ايەل: «دۇرىس، ءدال وسى جەر. مەن ماڭگى ۇمىتپايمىن. ول كەزدە بۇل جەر ءبىر كىشكەنە عانا توزىعى جەتكەن شوشىرەحانا ەدى» دەدى. ەرى ءۇنسىز عانا باسىن ەڭكەيتە بەردى. ايەلى بۇرىلىپ اڭتارىلىپ تۇرعان داياشىعا: «بويجەتكەن، ماعان ءبىر شىنى اكەلىپ بەرىڭىز» دەدى، داياشى بوس شىنى اكەلىپ بەرەدى. ايەل الدىنداعى شوشىرەنى الىپ، جارىمىن بوس شىنىعا قۇيدى، ەرىنە قاراي اقىرىن عانا جىلجىتتى: «جەپ ال، جەپ بولعان سوڭ جاياۋ قايتامىز». ەرى الدىنداعى جارىم شىنى شوشىرەگە قاراپ وتىرىپ، ءبىرتالايدان سوڭ: «قارنىم اشپادى» دەيدى. ايەلدىڭ جانارى جاسقا شىلانا ءوز-وزىنە كۇبىرلەي: «جيىرما جىلدىڭ الدىندا دا ءدال وسىلاي دەگەن ەدىڭ» دەپ، شىنىعا تەسىلە قاراپ، قاسىعىن دا قوزعاماستان جىم-جىرت قالدى. ەرى «سەن نەگە ءالى جەمەي وتىرسىڭ؟» دەگەن ەدى، ايەلى قىستىعا: «جيىرما جىلدىڭ الدىندا، ءدال وسىلاي سۇراعانسىڭ، ءالى ەسىمدە، سول كەزدە مەن ‹جەسەك بىرگە جەيىك، جەمەسەك ەكەۋىمىز دە جەمەي-اق قويايىق دەگەم›، قازىر دە ايتارىم سول ءسوز» دەدى.

  ەرى ءۇنسىز عانا، قولىن سوزا قاسىقتى الدى. ءيا، قاسىق ۇستاعان قولى قاتتى دىرىلدەپ كەتتى دە نەشە رەت السا دا قاسىعىنداعى شوشىرە ءتۇسىپ توقتامادى. ايتەۋىر ءبىر ۋاقىتتا بارىپ ءبىر تال شوشىرەنى اۋزىنا سالا الدى. قاتتى ءبىر جۇتىنىپ، شايناماي جۇتا سالدى. ەكىنشى شوشىرەنى الا بەرىپ ەدى، كوز جاسى سورعالاپ كەتتى.

ايەلى ەرىنىڭ جەي باستاعانىن كورىپ، جۇزىنە كۇلكى ۇيىرىلە، قولىنا قاسىعىن الىپ جەي باستادى، شوشىرە اۋزىنا بارا شىنىعا كوز جاسى تامىپ كەتتى. ەرلى-زايىپتى ەكەۋ كوز جاسىمەن ارالاستىرا وتىرىپ ءبىر كەسە شوشىرەنى ءبولىپ ءىشتى. قاسىعىن قويىپ جاتىپ ەرى باسىن كوتەرىپ اقىرىن عانا « تويدىڭ با؟» دەدى. ايەل باسىن شايقادى، ەر ابىرجىپ قالىپ، كەنەت ەسىنە بىردەمە تۇسكەندەي بولدى، ەڭكەيىپ ءبىر باتىڭكەسىن شەشىپ، ۇلتاراعىن الىپ ىشىنە قولىن سالىپ سيپاپ ەدى، ويلاماعان جەردەن 5 يۋان اقشا ءىلىندى. ءوز-وزىنە سەنە الماي قولىنداعى اقشاعا قاراپ، اڭتارىلىپ تۇرىپ قالدى. ايەل كۇلىمسىرەدى: «جيىرما جىلدىڭ الدىندا، سەن ماعان ‹ەلۋ تيىن عانا قالدى› دەپ، ءبىر شىنى شوشىرە عانا العانسىڭ. ءاسىلى، سەندە جانە ءبىر ەلۋ تيىن بار بولاتىن شاقايىڭا تىعىپ قويعان. ‹قارنىم اشتى› دەگەندە الىپ شىقپاقشى بولعانىڭدى بىلەتىنمىن. مەنىڭ زورلاۋىممەن جارىم شىنىسىن ءوزىڭ ىشكەسىن، تويماي قالعانىمدى ءبىلىپ، سول اقشانى الىپ شىعىپ، ارتىنان تاعى ءبىر شىنى شوشىرە العان ەدىڭ» دەي كەلىپ ءسال تۇرىپ: «قانداي جاقسى، ۇمىتپاسىڭ، مىنا 5 يۋان اقشانى مەن دە بەكەر ساقتاماپپىن» دەدى. ەرى اقشانى داياشىعا بەرىپ: «بىزگە جانە ءبىر كەسە شوشىرە» دەپ بۇيىرتتى. داياشى اقشانى الماستان جۇگىرە باسىپ شىعىپ كەتىپ ەدى، كوپ وتپەي، ۇلكەن ءبىر كەسە شوشىرە اكەلدى. ەرى ايەلدىڭ كەسەسىنە كوبىرەك قۇيدى دا: «ىستىقتاي ءىشىپ ال» دەدى. ايەل قوزعالماستان: «ءىشىپ بولعان سوڭ، بىرگە جاياۋ قايتايىق. ءبىراق، جازعىرا كورمە، تەك ايرىلىساردان بۇرىن ءبىر دۇركىن بولسا دا اشتىق پەن ازاپتى بىرگە   وتكىزسەم دەگەنىم ەدى» دەدى.

  ەردەن ءۇن شىقسىن - جەردەن ءۇن شىقسىن. ەڭكەيگەن بەتى قىلعىتا بەردى، ءتىپتى سۋىن دا قالدىرماي، كەسەنىڭ  ءتۇبىن ءبىر-اق كورسەتتى. شىنىسىن قويدى دا: « تەز ىشسەڭشى، بولساڭ بىرگە جاياۋ قايتامىز» دەپ قۋزارلاعانى، ايەل: «الاڭداما، ايتقانىمدا تۇرامىن. بارامىن دا قول قويامىن، تيىن اقشانىڭ قاجەتى جوق. الگى ايەلىڭمەن جاقسى بولىپ ال، ونىن الساڭ دا، وتىزىن الساڭ دا، ەندى قاقىم جوق...» دەدى.

  «بارا سالىپ سول اجىراسۋ حاتىن ورتەپ تاستاسام بولمادى ما؟» دەپ ەرى ايعايلاپ قالدى دا: «جازدىم، جاڭىلدىم دەدىم؟ ميىم ىستەمەي قالىپتى، بولمادى ما؟» دەپ وكسىك اتا جىلاپ جىبەردى. ايەل ءۇن-ءتۇنسىز عانا جارتى كەسە شوشىرەنى تاۋىستى دا داياشىعا قاراپ: «ەسەپ ايىرالىق» دەدى.

  مىنا جاقتا ءبارىن باعىپ وتىرعان قوجايىن شورت ەسىن جيعانداي بولدى، ءجىتي باسىپ جەتتى دە ايەلدىڭ قولىن توسا، قالتاسىنان 200 يۋان كەسەك اقشا شىعارىپ: «بارا سالىپ،   اجىراسۋ حاتىن ورتەپ جىبەرەتىن بولعاندا، نەسىنە جاياۋ قايتاسىڭدار؟» دەپ ۇسىنا بەردى. ءارى-ءسارى بولىپ قالعان ەرلى-زايىپتى ەكەۋ اڭتارىلا قوجايىنعا قاراپ قالىپتى. قوجايىن كۇلىمسىرەي: «ءبارىمىز دە كونە تانىس  ەكەنبىز، سەندەر جيىرما جىلدىڭ الدىندا جەگەن شوشىرەنى مەنەن ىشكەن ەدىڭدەر. ول شوشىرەنى مەنىڭ ايەلىم ءوز قولىمەن جاساعان ەدى» دەدى دە اقشانى ەرىنىڭ قولىنا زورلاپ ۇستاتتى، بۇرىلماستان ءجۇرىپ كەتتى...

  قوجايىن كەڭسەگە كەلىپ الدەقاشان دايارلاپ قويعان اجىراسۋ كەلىسىمىن تارتپادان الىپ شىعىپ، ۇزاق قاراپ تۇردى، ءوز-وزىنە «مەنىڭ دە ميىم اۋىسقان ەكەن» دەدى كۇبىرلەي...

  ايرىلىساردا، بۇرىن وزىڭمەن جاپادا بىرگە بولعان جاندى ويلا، بالكىم، ايتار اڭگىمەلەرىڭ ءالى دە ۇزاق بولار. ۋاقىتتىڭ باياۋ وتۋىمەن بۇرىنعى اسەرلى ىستەر كومىلىپ قالعان. ناعىندا سەنى ەڭ ايالايتىن ادام بال تىلىمەن الداپ،  «بارماق باستى، كوز قىستى» قىلىپ كوڭىلدەندىرەتىندەر ەمەس، قايتا تابانىنا «بەس يۋان» اقشاسىن ساقتاپ، ەڭ سوڭعى ساتتەردە بارىن سەنىڭ الدىڭا توسەپ، ءوزى وزەگىم ءالى تالمادى  دەيتىن پەندە بولار، بالكىم...


اۋدارعان-ارداق مولداسادىق قىزى


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn