ەەڭ جاڭا مازمۇندار
دەنە تاربيەدە قۋاتتى مەملەكەت بولۋ ارمانىنا تالپىنىپ، قايراتتانا العا باسۋدىڭ جاڭا تاراۋىن جازدى
14- كەزەكتى مەملەكەتتىك سپورت جارىسى شانشيدىڭ شي - ان قالاسىندا سالتاناتپەن باستالدى
مەملەكەتتىك ۇلت ىستەرى كوميتەتىنىڭ ۇلتتار ىنتىماعى، العاباسارلىعىنداعى ۇلگىلى ورىن قۇرۋدى ارناۋلى تاقىرىپتىق تەكسەرۋ -زەرتتەۋ گرۋپپاسى ايماعىمىزعا كەلىپ تەكسەرۋ -زەرتتەۋ جۇرگىزدى
قۋانىشتى حابار! تارباعاتاي راديو -تەلەۆيزور داشۋەسى كايفاڭ داشۋەسى بولىپ دارەجەسىن جوعارىلاتتى
كوشپەلى شاعىن ساباقحانا پارتيا تاريحىن ۇيرەنۋدى ىلگەرىلەتتى
قىستاق دارەجەلى مادەنيەت بازاسى قۇرىلىسىن كەمەلدەندىردى
جىڭ ياشىڭ: قىزىل بۇرىش مەكەنىنەن شىققان تاپقىر
ايماق ساياسات شىعارىپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن جوعارى ساپادا قۇرۋدى جەدەلدەتتى
دۇڭ حايتاۋ _____ «ون ساۋساعىنان ونەر تامعان» اۋىل-قىستاق وقىتۋشىسى
ءبىر جاقتا قيىنشىلىق بولعاندا، بارلىق جاق كومەكتەستى
قيىنشىلىق قىسپاعىنان قۇتىلۋلارىنا شىن نيەتىمەن كومەكتەستى
تىكە تاراتىلىمدا زات ساتىپ كىرىستى ارتتىردى
اكىمشىلىك مەكەمەسى 2021-جىلعى 15-رەتكى ۋاليلەر قىزمەت ءماجىلىسىن اشتى
ماڭىزدى ءسوزدىڭ رۋحىن جۇرت جۇرەگىنە ۇيالاتتى
2021-جىلى 9-ايدىڭ 16-كۇنى 212سان
دوستىق سۇيىسپەنشىلىكتەرىن نىعايتىپ، جۇرەكتەرى توعىستى
شاعىن اۋلادا جاساعان ۇگىت لەكسيا حالىق تۇرمىسىمەن جاناستى
اكىمشىلىك مەكەمەسى 2021-جىلعى 15-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزدى
سىرعا تولى عىلىم-تەحنيكا الەمىنە ساپار شەگەيىك
يمپورت-ەكسپورت ونىمدەرىن مانەرلەۋ باقشا رايونى قۇرىلىس قارقىنىن جەدەلدەتتى
2021-جىلى 9-ايدىڭ 15-كۇنى 211سان
امەريكانىڭ ءناسىل كەمسىتۋ ماسەلەسىنىڭ تامىرى تەرەڭدە جاتىر
وتاندى قورعاۋ، شەكارانى كۇزەتۋ مىندەت جاۋاپكەرشىلىگىن ادالدىقپەن جاقسى اتقارىپ، پارتيا مەن حالىق ءۇشىن تاعى دا تىڭ ەڭبەك سىڭىرۋگە قۇلشىنۋعا شابىتتاندىردى
”اعا - باۋىرلار“ قول ۇستاسىپ، شينجياڭ حيكاياسىن جاقسى اڭگىمەلەدى
قىستاقتاعى تۇستەن كەيىنگى ارەدىك شاي
ىلە وبلىسى: نازاردى بۇقارا كوڭىل ءبولىپ وتىرعان ىستەرگە شوعىرلاندىرىپ، حالىق تۇرمىسىنداعى قيىن ماسەلەلەردى شەشتى
الدىڭعى 8 ايدا رايونىمىز ورنالاستىرعان توتە كەلگەن قارجى 100 ميلليارد يۋاننان استى
”بارىنشا قۇلشىنىپ، بۇقاراعا قىزمەت وتەيمىز“
كۇشار قالاسى يۇڭكۋ ىنتىماق قىستاعى: جۇرتتىڭ ءبارى ىنتىماقتى دارىپتەدى، بارلىق ىستە ىنتىماقتى كوزدەدى

جازۋشى ءشامىس قۇمار ۇلىنىڭ «لاق ءبي»، «ءمامي ءبي» روماندارىن تاراتۋ سالتى جانە عىلمي تالقى جيىنى ءوتتى

جولدانعان ۋاقىتى : 2014/10/28 11:06:57

جازۋشى ءشامىس قۇمار ۇلىنىڭ «لاق ءبي»، «ءمامي ءبي» روماندارىن تاراتۋ سالتى جانە عىلمي تالقى جيىنى ءوتتى

 
  قوڭىر ادىر قويناۋىنان قوڭىر كۇزدىڭ سالقىن سامالى ەسىپ، بايتاق دالا التىن تۇسكە ەنگەن ارايلى ساتتە، بوعدا باۋرايىندا ورەسى بيىك، مەرەيى ۇستەم تاعى ءبىر تالقى جيىن ءوتتى. بۇل 19-قازان كۇنى موري قازاق اۆتونوميالى اۋدانىندا جۇرىلگەن ارقالى جازۋشى   ءشامىس قۇمار ۇلىنىڭ «لاق ءبي»، «ءمامي ءبي» روماندارىن تاراتۋ سالتى جانە عىلمي تالقى جيىنى  ەدى. قيمىلعا شينجياڭنىڭ جەر-جەرىنەن ادەبيەت-كوركەمونەر شەبىندەگى مامان، وقىمىستى، زەرتتەرمەن، باسشىلار قاتىناسىپ، قيمىلدىڭ مەرەيىن ءوسىرىپ، اتاعىن اسپانداتتى.

  اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ قولداۋىمەن شينجياڭ جازۋشىلار قوعامى، موري اۋداندىق پارتكوم، ۇكىمەت ۇيىمداستىرعان بۇل رەتكى قيمىلدى موري اۋداندىق ساياسي كەڭەستىڭ ورىنباسار ءتوراعاسى اقان تاقان ۇلى باسقاردى. اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ ورىنباسار ءتوراعاسى، جازۋشى ەركەش قۇرمانبەك قىزى ءسوز سويلەدى ءارى جازۋشىعا تون جاۋىپ، سي كورسەتتى، شۇعىلا جۋرنالىنىڭ ورىنباسار باس رەداكتورى (جەتەكشى) ماقسات نۇرعازين جازۋشىعا ارناپ لەبىز ءبىلدىردى. موري اۋدانىنىڭ اكىمى قايرات قاپان ۇلىنىڭ قۇتتىقتاۋ ءسوزى وقىلدى. تانىمالى اقىن راحىمان ورازباي ۇلىنىڭ جازۋشى سيپاتىن ءار قىرىنان ايگىلەگەن وتتى ولەڭى تىڭدارمانىن جەلپىنتتى. اتالعان ەكى روماندى باسىپ شىعارعان شينجياڭ   اسەمونەر-فوتوسۋرەت باسپاسى وقىرماندارعا كىتاپ ۇسىندى. اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ پارتگرۋپپا مۇشەسى، حاتشىلار باستىعى ما شيگوۋ قاتارلىلار قيمىلعا ارنايى كەلىپ قاتىناستى.

  تالقى جيىنىندا ادەبيەت زەرتتەۋشى، پروفەسسور اۋەلحان قالي ۇلى، كوكتوعاي اۋدانىنىڭ اكىمى، التايدىڭ كۇن بەتىندە وتكەن اتاقتى ءمامي ءبيدىڭ شوبەرەسى ەرجان كازىم ۇلى، جازۋشى ورازحان   اقىمەت ۇلى، جازۋشى جۇماباي ءبىلال ۇلى جانە تاپەي قايىسحان ۇلى، جەڭىس     ىرىسحان ۇلى، مادەنيەت مۇقاتاي ۇلى،   احان جاقيا ۇلى قاتارلى اقىن، قالامگەرلەر، جازۋشىنىڭ شاكىرتتەرى ماقالا وقىپ، ارقالى جازۋشى ءشامىس قۇمار ۇلىنىڭ ادەبيەت شەبىندە قوسقان قوماقتى ۇلەسى، كەسەك تابىسى، باسشىلىق ورىندا سىڭىرگەن ەڭبەگى، قالامىنان تۋعان    رومان-پوۆەستەرىندەگى جاڭالىق، كوركەمدىك دەڭگەي، حاراكتەر، وبراز جاراتۋداعى وزىندىك دارا ستيلى، تاريحي تاقىرىپتا رومان جازۋداعى ەسەلى ەڭبەگى، ونەردىڭ سان قىرىنان كورىنگەن تاڭعاجايىپ تالانتى، ەسەيۋ جولى، كىسىلىگى تۋرالى ەگجەي-تەگجەيلى توقتالدى. قاتىستى ورىندار مەن جەكەلەردىڭ قۇتتىقتاۋ تەلەگرامماسى، قۇتتىقتاۋ حاتتارى  وقىلدى.

  قيمىلدىڭ كۇن تارتىبىندە، موري اۋداندىق ۇكىمەت، جازۋشىنىڭ قالامداس دوستارى، تۋىستارى جازۋشىعا شاپان جاپتى، تۋىستارى ات مىنگىزدى. جازۋشى مەن جۇبايى توقان قاپسەمەت قىزى قولداپ-قۋاتتاعان ۇكىمەت ورىندارىنا، ەل-جۇرتىنا، دوس-جاراندارىنا جۇرەكجاردى العىستارىن ءبىلدىردى،    الىس-جۋىقتان كەلگەن سيلى قوناقتارعا، قالامداستارىنا شاپان جاپتى،  كىتاپ ۇسىندى.

  قيمىل موري اۋدانىنداعى «التىن توراڭعى» رەستۇرانىندا جالعاستى.   باتىرحان قۇسبەگين، شايسۇلتان قىزىر ۇلى، باقىتحان ءبىلال ۇلى قاتارلى جازۋشى-ماماندار جازۋشىعا جانە جۇبايىنا ارناپ ىستىق لەبىز ءبىلدىردى.

  جازۋشى ءشامىس قۇمار ۇلى 1952-جىلى قاڭتاردا دۇنيەگە كەلگەن. 1978-جىلى شينجياڭ ۋنيۆەرسيەتىنىڭ فيزيكا فاكۋلتەتىن تاۋىسىپ، سول جىلى شينجياڭ وقۋ-اعارتۋ باسپاسىنا قىزمەتكە بولىنەدى. 1982-جىلى قاراشادا شۇعىلا جۋرنالىنا اۋىستى. 1987-جىلى ساۋىردە شۇعىلا جۋرنالىنىڭ ورىنباسار باس رەداكتورى، شينجياڭ تەلەۆيزيا كوركەمونەرشىلەر قوعامىنىڭ ورىنباسار ءتوراعاسى، 1989-جىلى ساۋىردە شينجياڭ جازۋشىلار قوعامىنىڭ ورىنباسار ءتوراعاسى، شۇعىلا جۋرنالىنىڭ باس رەداكتورى، 1997-جىلى قاڭتاردا ش ۇ ا ر ادەبيەت-كوركەمونەرشىلەر بىرلەستىگى پارتگرۋپپاسىنىڭ مۇشەسى، ورىنباسار ءتوراعاسى، شۋجيچۋدىڭ شۋجيى بولدى. ساياسي كەڭەس ش ۇ ا ر 8-، 9-، 10-كەزەكتى كوميتەتتەرىنىڭ مۇشەسى، جۇڭگو جازۋشىلار قوعامى 7-كەزەكتى مەملەكەتتىك كوميتەتىنىڭ جوراسى بولدى. ءشامىس قۇمار ۇلى مەملەكەتتىك 1-دارەجەلى جازۋشى،  ش ۇ ا ر ۇزدىك عىلىم-تەحنيكا قىزمەتكەرى، اۆتونوميالى رايونعا ەرەكشە ەڭبەگى سىڭگەن ۇزدىك مامان. « تۋعان جەردە» اتتى اڭگىمەسى مەن «جۋساندى دالا» اتتى پوۆەستى اۆتونوميالى رايون جاعىنان 1-دارەجەلى ۇزدىك تۋىندى سيلىعىن، «بوكە باتىر» رومانى مەملەكەتتىك « تۇلپار» سيلىعىن، «ەرجانىبەك» رومانى مەملەكەتتىك ۇزدىك كىتاپ سيلىعىن، «جۋساندى دالا» پوۆەستى نەگىزىندە جاسالعان تەلەفيلم مەملەكەتتىڭ 3-دارەجەلى بالالار سيلىعىن الدى. 1993-جىلى جازۋشىعا مەملەكەتتىك جۋاڭ جۇڭۋىن سيلىعى بەرىلدى.

  ءشامىس قۇمار ۇلىنىڭ تۇڭعىش كىتابى «ءۇمىت ۇشقىنى» 1980-جىلى قاڭتاردا شينجياڭ حالىق باسپاسىنان جارىق كورگەننەن قازىرگە دەيىن «قارامايلى اڭىزى»، «ءبىر تامشى قان»، «اق سەركە مەن كوك سەركە»، «قيا جول» سەكىلدى اڭگىمە-پوۆەستەر جيناعى، «ءمامي ءبي»، «بوكە باتىر»، «ەر جانىبەك» سياقتى ايگىلى ادامدار    اتىنداعى وچەرك كىتاپتارى،  «بوكە باتىر»، «كوز جاسى سارقىلمايدى»، «ەرجانىبەك»، «ەرتىس كىلكىپ اعادى»، « تۇعىرىل حان»، «جارىق دۇنيە»، «قيلى جىلدار» قاتارلى روماندارى، «ادەبيەت جانە شىندىق»، «ونەر ولمەيدى» سياقتى عىلمي ماقالالار جيناعى، «قازاقتىڭ كيىز ءۇي مادەنيەتى»، «قازاقتىڭ قولونەر مادەنيەتى» سەكىلدى زەرتتەۋ كىتاپتارى جارىق كوردى. «بوكە باتىر»، «ەرجانىبەك»، « تۇعىرىل حان»، «كوز جاسى سارقىلمايدى» قاتارلى روماندارى قازاقستاندا جارىق كوردى. 1992-جىلى «جۋساندى دالا» اڭگىمە-پوۆەستەر جيناعى بەيجيڭدە حانزۋشا باسىلىم كورسە، «ەرتىس كىلكىپ اعادى»، «بوكە باتىر»، «جارىق دۇنيە» روماندارى حانزۋ، ۇيعۇر تىلدەرىندە جارىق كوردى.

  1-سۋرەتتە: اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ ورىنباسار ءتوراعاسى ەركەش  قۇرمانبەك قىزى جازۋشىعا تون جاپتى.

  2-سۋرەتتە: تۋىستارى جازۋشى مەن جۇبايىنا ات مىنگىزدى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.





 
 
powered by IlgharCMS 3.2 www.ilghar.cn