ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

«جۇبايلار جىرىنىڭ» تۋۋىنا ءابىلاحات اعا سەبەپكەر بولىپ ەدى

جولدانعان ۋاقىتى : 2014/11/17 12:04:42

مۇحتار شاحانوۆ

  شىعارماشىلىق ادامدارىنىڭ نەداۋىر بولىگىندە كەزدەسەتىن، بىرەۋدىڭ جەتىستىگىنە قىزعانىشپەن قاراۋ ءشامشى قالداياقوۆتا اتىمەن بولمايتىن.

  بىردە مەن وعان: «اندەرىنىڭ اۋەزدىگى جاعىنان  ءابىلاحات ەسپايەۆ سىزدەن ءبىر مىسقال دا قالىسپايدى. باستى كەمشىلىگى ءان سوزدەرىن وزىمەن اراقتى بىرگە ءىشىپ جۇرگەن ورتاشا،  ءتىپتى ورتاشادان دا تومەن دەڭگەيلى اقىندارعا جازدىرعان»  دەدىم. «وتە دۇرىس ايتاسىڭ!   ءابىلاحات اعا مەنەن الدەقايدا  تالانتتى ادام. ونى ەرەكشە قادىرلەيتىنىم دە سوندىقتان» دەدى ول وزگەشە ريزالىق سەزىممەن. بالكىم، شاكەڭنىڭ  ءابىلاحات تالانتىن وزىنەن جوعارى قويۋى كىشى پەيىلدىلىگى بولار. ايتسەدە وزدەرىنىڭ جاقسىسىن جارقىراتا كورسەتۋ جاعىنان قاشاندا بيىكتە تۇراتىن.

  70-جىلداردىڭ ءبىرىنشى جارتىسىندا قازاق راديوسىندا جۇمىس ىستەگەن شاعىمدا ماعان ءابىلاحات ەسپايەۆ ءجيى كەلىپ ءجۇردى. ابەكەڭ قازاقتىڭ دارا تۇلعالى سازگەرى عانا ەمەس،  ءازىل ءسوزدىڭ دە ەرەكشە العىرى ەدى. قىسقاشا عانا ەكى-ءۇش مىسال كەلتىرەيىن. بىردە ەكەۋىمىز اۆتوبۋزعا مىندىك. ادەتتە اۆتوبۋزدا ادامدار ءبىر باعىتقا العا قاراپ وتىرادى دا، تەك ءبىرىنشى قاتاردىڭ ۇزىنشا ورىندىق قانا كەرىسىنشە، جۇرتقا قاراما-قارسى ورنالاستىرىلعان عوي. ءبىز مىنگەن اۆتوبۋزدىڭ تەك الدىڭعى قاتارى عانا بوس ەكەن. سولاي قاراي  بەتتەگەن  ءابىلاحات  اعا:  «مۇحتار، ءجۇر، پريزديۋمعا بارىپ وتىرايىق » دەدى. تاعى بىردە بۇرىنعى مير، قازىرگى جەلتوقسان كوشەسىن قيىپ ءوتىپ بارا جاتقانبىز. قاسىمىزداعى ءشامشى قالداياقوۆقا ءبىر تانىسى كەزدەسىپ، جول شەتىندە كىدىرىپ قالدى. ال ابەكەڭ ءتىپتى اسىعار ەمەس. الدان قۇيعىتىپ كەلە جاتقان  ءبىر  ماشينا  كورىندى. «ابەكە جىلدام قوزعالايىق، انا ماشينا باسىپ كەتۋى مۇمكىن» دەگەنىمدە ول: «ءبىزدى باسقان كۇندە دە ول ماشينانىڭ جولى بولا قويماس. ارتىمىزدا كەلە جاتقان ءشامشى ونىڭ ءنومىرىن جازىپ الىپ قالادى عوي» دەپ جىميدى.

  ءا . ەسپايەۆ حاقىندا ءشامشى قالداياقوۆ  ايتقان  ءبىر افسانا  ەسىمنەن كەتپەيدى. كىلەڭ سازگەرلەر مەن اقىندار قالاداعى لەنين ەسكەرتكىشى ماڭىندا باس قوسىپتى. «ەندى قايدا بارامىز؟» دەگەن سۇراق كولدەنەڭ تارتىلسا كەرەك. سوندا ءابىلاحات ەسپايەۆ: «باس قاتىراتىن نە بار؟ بىزگە قايدا بارۋ كەرەكتىگىن لەنين  اتامىزدىڭ ءوزى كورسەتىپ تۇرعان جوق پا؟» دەيدى. ال لەنين قولىمەن نۇسقاپ تۇرعان جاقتا ۇلكەن  مەيرامحانا (رەستورن) ورنالاسقان ەكەن.

  مىنە، سول ءابىلاحات اعا بىردە ماعان: «مۇحتار، ەكەۋىمىز ءالى كۇنگە دەيىن بىرلەسىپ ءبىر ءان جازباعان ەكەنبىز-اۋ» دەدى. ىلە -شالا سول ولقىلىقتىڭ ورنىن تولتىرۋعا كىرىستىك. جيىن-تويلاردا  جاڭادان  شاڭىراق  قۇرعاندار جانە جاستار  ايتىپ ءجۇرسىن دەپ جاس جۇبايلار جايلى ءان جازۋعا پاتۋالاستىق، مەن ابەكەڭە ەرتەڭگە دەيىن بولاشاق ءاننىڭ ءسوزىن ءبىتىرىپ اكەلۋگە ۋادە بەردىم. كەشكىلىك ولەڭ جازىپ وتىرعانىمدا ويلاماعان جەردەن، باس-اياعى 15 تە 20 مينۋتتىڭ ىشىندە ءانى دە بىرگە شىعىپ كەتتى...

  ەرتەسىنە ۋادەلەسكەن ۋاقىتتا ءابىلاحات اعا كەلدى. مەن ناق ءبىر ۇرلىق جاساعان ادامداي ىڭعايسىزدانا وتىرىپ، بولعان جاعدايدى تاپتەشتەي ءتۇسىندىردىم.

    تومەننەن  ساناعاندا   ءبىرىنشى ورىن الاتىن گۇجىلدەگەن داۋىسىممەن ءاندى ورىنداپ تا بەردىم. ابەكەڭ مۇقيات تىڭدادى دا: «ءسوزى مەن ءانى قابىسقان تاماشا تۋىندى بولىپتى، ءانىن  مەن  جازعان  كۇننىڭ وزىندە دە ناق  وسى  دەڭگەيدە ءساتتى شىعا  قويۋى ناعايبىل ەدى.  قۇتتىقتايمىن! »  دەپ  بەتىمنەن ءسۇيدى.

  ارينە، مۇنىسى كىشى  پەيىلدىلىگى. ايتپەسە ءابىلاحات ەسپايەۆ جازعان اندەر كۇنى بۇگىنگە دەيىن ءوز باعاسىن تولىق الماعان، قازاق ءان ونەرىندەگى ساناۋلى التىن دىڭگەكتەردىڭ ءبىرى. ءبىراق بىرلەسىپ ءان تۋدىرۋدى تاعدىر ءبىزدىڭ ماڭدايىمىزعا جازباعان ەكەن.

  بىرنەشە جىل وتكەن سوڭ ەسپايەۆ، قالداياقوۆ  ۇشەۋىمىز ويدا-جوقتا توقايلاسىپ قالدىق. مەن وسى كەزدەسۋدىڭ الدىندا عانا تاتارستاندا وتكەن ءبىر ادەبي جيىنعا بارىپ كەلگەن ەدىم. سول جاقتا ءوزىم كۋا بولعان ەرەكشە قۋانىشتى جاعدايدى، قازاقستان تەلەديدارىندا وتكەن ءبىر حاباردا تاتارستاندا ءشامشى قالداياقوۆتىڭ عافۋ قايىربەكوۆتىڭ سوزىنە جازىلعان «انا تۋرالى جىرى» اتتى ءانىن بىلمەيتىن تاتاردى تابۋدىڭ قيىندىعى جايلى قۇلشىنا اڭگىمەلەگەن ەدىم. «تەلەديدارداعى ءسوزىڭدى ەستىدىم. تاتار اعايىنداردىڭ ءشامشى ءانىن ءانۇران دەگەيىندە ايتۋى بۇكىل قازاققا ابىروي ەمەس پە! مۇنى قالاي جۋۋسىز قالدىرامىز»  دەپ ءابىلاحات  اعا  شامشىگە   قارادى.   «جۋۋعا قارسى ادامنىڭ ءبىرى  ارامىزدا تۇرعاندىقتان، بۇل ماسەلەنى ەكەۋ ارا شەشكەنىمىز ءجون  شىعار»،  دەدى شاكەڭ.   -ءشامشى، سەن سول جۋۋعا قارسى ادامنىڭ «جۇبايلار جىرى» اتتى ءانىن تىڭدادىڭ با؟-دەدى ءابىلاحات اعا قۋلانا. جۋىردا ءبىر ۇلكەن جيىندا عابيت مۇسىرەپوۆ «جۇبايلار جىرىن» قازىرگى قازاق اندەرىنىڭ  كلاسسيكاسى  دەپ اتاپ، سەنىڭ «انا تۋرالى جىرىڭنىڭ» ءسوزىن جازعان  اتاقتى اقىن عافۋ  قايىربەكوۆكە  جانە ونىڭ جۇبايى باتەسكە ايتقىزىپ ەدى، جۇرت ورىندارىنان تۇرىپ قول سوقتى.

  -ەگەر بۇل كىسى ادەبيەتتى قويىپ، تەك  ءان  شىعارۋمەن اينالىسسا، ەكەۋىمىزدى دە جارتى جولدا قالدىرۋى ابدەن مۇمكىن. ءبىراق اندەردى جۋۋ ماسەلەسىن ۇيىمداستىرماعاندىقتان، ازىرگە جولى ونشا بولماي كەلە جاتقان  سياقتى دەپ ازىلدەدى ءشامشى. كەيىننەن پايىمداپ قاراسام، بۇل  مەنىڭ ءابىلاحات ەسپايەۆپەن ەڭ سوڭعى رەت جولىعۋىم ەكەن.


دايىنداعان-ابزالبەك ءمادىبىتوۆ


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn