ەەڭ جاڭا مازمۇندار
2018-جىلى 12-ايدىڭ 12-كۇنى 275-سان
2018-جىلى 12-ايدىڭ 11-كۇنى 274-سان
2018-جىلى 12-ايدىڭ 10-كۇنى 273-سان
2018-جىلى 12-ايدىڭ 8-كۇنى 272-سان
ۇيرەنۋ بارىسىنداعى قيىنشىلىقتى شەشىم ەتتى
قىزمەت اترەتى جۇرتشىلىققا شىنايى قىزمەت وتەدى
ەمدەۋ جاعىندا حالىققا تيىمدىلىك جاساۋ ساياساتىن تياناقتاندىردى
مەيىر باعىشتاۋ سومكەسىن قىستاقتاعى بالالارعا تاراتىپ بەردى
پارتيانىڭ ءتيىمدى ساياساتىنان حاباردار بولۋىنا قىزمەت وتەدى
وتباسى جاعدايىن ۇعىسىپ، تۋىسىمەن ەمىن-جارقىن اڭگىمەلەستى
پارتيانىڭ ءۇنىن تۋىستارىنا دەر كەزىندە جەتكىزدى
«ماي بوياۋلى سۋرەتتەي تارباعاتاي» ساياحاتشىلارعا تەرەڭ اسەر قالدىردى
ونەرىمەن تانىلعان بويجەتكەن
كومىر جەتكىزىپ بەرىپ، قيىنشىلىعىن شەشىم ەتتى
بورىشتى ەستە بەرىك ساقتاپ، ادالدىقپەن جاۋاپكەرشىلىك ارقالاپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ تىڭ جەڭىسىنە ۇزدىكسىز قول جەتكىزەيىك
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماقتىق پارتكومنىڭ وزەكتى گرۋپپاسى 37-رەتكى كوللەكتيۆ ۇيرەنۋىن وتكىزدى
باس نىسانانى جۇزەگە اسىرۋعا قۇدىرەتتى كۇش ۇيىستىرامىن
«ءۇش ءتۇرلى كۇشكە»، «ەكىبەتكەيلەرگە» قارسى سوڭىنا دەيىن قاندى شايقاس جۇرگىزۋگە سەرت بەرەمىن
«ءۇش ءتۇرلى كۇشتى»، «ەكىبەتكەيلەردى» باتىلدىقپەن تىپ-تيپىل الاستايمىن
بولشەكتەۋشىلىككە قارسى تۇرۋ كۇرەسىندە باستاماشى بولامىن
ۇلتتىق بولشەكتەۋشىلىككە قارسى تۇرۋدىڭ ۇلگىسى بولامىن
2018-جىلى 12-ايدىڭ 7-كۇنى 271-سان
2018-جىلى 12-ايدىڭ 6-كۇنى 270-سان
2018-جىلى 12-ايدىڭ 5-كۇنى 269-سان
ايدس اۋرۋىنان ساقتانۋ بىلىمدەرىن اۋىل-قىستاققا ۇگىتتەدى
قىزمەت اترەتى ءار ۇلت بۇقاراسىنا شىنايى قىزمەت وتەدى
نەگىزگى زاڭ رۋحىن ساۋلەلەندىرىپ، نەگىزگى زاڭدى قورعادى
زاڭدى ۇگىتتەۋ قيمىلىن ورىستەتتى
حاۋىپسىز ءوندىرىس جۇرگىزىپ، باس اماندىقتارىنا كوڭىل ءبولۋ كەرەكتىگىن ەسكەرتتى

ەمىلدەيىن تەكتى ەلىم،ۇشىردى جىر كەپتەرىن

جولدانعان ۋاقىتى : 2014/11/24 16:23:52

ەمىلدەيىن تەكتى ەلىم،ۇشىردى جىر كەپتەرىن
  ءتىلشىمىز جۇماجان بەگزاتقان ۇلى،ەرىكتى ءتىلشى ەرمۇرات قابىل ۇلى  حابارلايدى. تاياۋدا ءدوربىلجىن اۋداندىق پارتكوم ۇگىت ءبولىمى، راديو-تەلەۆيزيا مەكەمەسى جانە اۋداندىق ادەبيەت-كوركەمونەرشىلەر بىرلەستىگىنىڭ قولداۋىندا، اۋداندىق مادەنيەت ءۇيىنىڭ ۇيىمداستىرۋىندا، ءدوربىلجىن اۋدانى 2-ورتا مەكتەپتە 17-كەزەكتى « كورىكتى ءدوربىلجىن» اتتى جىر مۇشايراسى ءوتتى.

  مۇشايراعا  قاتىناسۋعا  ءارقايسى   اۋىل-قىستاقتان ەرەسەكتەر گرۋپپاسى جانە جاس  وسپىرىمدەر  گرۋپپاسى بولىپ،  ەكى  گرۋپپادا  18  اقىن  بەلگىلەندى. اعىلەسكەر اقىن زاداقان مىڭبايەۆ، وراق ءتىلدى اقىن جامالقان قاراباتىر قىزى، جازۋشى ۋاليوللا جاكەي ۇلى قاتارلى اقىلشىلار ساحنا تورىنەن ورىن السا، «تارباعاتاي» جۋرنالىنىڭ جاۋاپتىسى، اقىن، اۋدارماشى مادەنيەت مۇقاتاي ۇلى، اقىن ازات ءاشىمباي ۇلى، داۋكەن ابزالقان ۇلى، ەركىن كامەي ۇلى، جەڭىسبەك شوكەن ۇلى، قابىلاشىم قاناپيا ۇلى، جەڭىسنۇر پاتقوللا قىزى قاتارلى اقىندار ءادىلعازىلار القاسى بولدى. مۇشايراعا جالپى اقىن-جازۋشى، وقىتۋشى-وقۋشى، بۇقارا بولىپ، 200 دەي كورەرمەن قاتىناستى.

  ءدوربىلجىن اۋدانى كوپ جىلداردان بەرى ادەبيەت-كوركەمونەرگە، مادەنيەت-دەنە تاربيە قىزمەتىن مىقتى ۇستاپ، اقىن - جازۋشىلارىنىڭ ەڭبەگىن ەسكەرىپ،  شىعارماشىلىق كەشىن وزدىرىپ، ولاردى تاربيەلەۋگە باسا ءمان بەردى. سوندىقتان ءار  جىلى  الامان ايتىس،  جىر  مۇشايراسى  ۇزىلمەي وتكىزىلىپ، كوپتەگەن جاس اقىن-جازۋشىلار جەتىلىپ، حالىققا رۋحاني ازىق باعىشتاپ، حالىق بۇقاراسىنىڭ قىزۋ  قولداۋىنا  بولەنىپ،  اقىنى بار اۋىلدىڭ رۋحاني ورەسىنىڭ بيىك تۇراتىنىن ءبىر قىرىنان ايگىلەدى.

  « حالىق ايتسا قالت ايتپايدى » دەگەندەي، ءدوربىلجىن حالقى ءدوربىلجىن اۋدانىن « اقىندار مەكەنى » دەپ اتاسىپ، اقىندارىن ارداقتاپ، قۇرمەتتەپ الامان تويىن ءان-جىرمەن تويلاپ، ەركە ەمىلدىڭ ارناسىن جىر سەلىنە تولتىرىپ، « تولقىندى  تولقىن  قۋادى، تولقىننان  تولقىن  تۋادى » دەگەن فيلوسوفياعا جۇگىندى. سودان بولسا كەرەك، اعا بۋىن اقىنداردىڭ ءىزىن قۋعان  جاس  قانات  اقىندار  ءداۋىر داۋىرىمەن جەتىلىپ، 17 كەزەك جىر مۇشايراسىنىڭ توقتاۋسىز وتۋىنە ايعاق بولىپ، جىر مۇشايراسىنىڭ باعىن جاندىردى. بۇگىن دە مىنە جىر تۇلپارىنا مىنگەن اقىندار ارت-ارتىنان جىر مايدانىنا شىعىپ، سۇلۋ-سۇلۋ جىرلارىن وقىپ، ءوز تۋىندىلارىن وزىق ويلى ۇستازدارىمەن ورتاقتاستىرىپ، باعاسىن الىپ ۇلگىردى. جىر مۇشايراسىنىڭ ءماندى دە ءساندى وتۋىنە تىلەۋلەس بولعان تەرمەشىلەرىمىز ەركىنبەك اباي ۇلى، الديارقان بوكەيقان ۇلى اعا بۋىن اقىنداردىڭ تەرمەسىن ورىنداسا، ءانشى، كومپوزيتور مۇنيرا  ازات قىزى ءوز ءانى «اۋىلىمدى» ورىندادى. ءادىلعازىلاردىڭ ءادىل باعالاۋىندا اقىندار ءۇش دارەجە بويىنشا سيلاندى.

  ەرەسەكتەر گرۋپپاسىنان توپ جارىپ شىققان قۇرمەت مۇراتقان ۇلى « سارقىلماس شاراپات»، «ۇيقى قاشقان ۇزاق ءتۇن» تاقىرىبىندا ەكى ولەڭ وقىپ، ويىنىڭ  ورامدىلىعى،  ۇيقاسىنىڭ شىمىرلىعى، داۋىسىنىڭ تازالىعىمەن تىڭدارمانداردىڭ  جۇرەگىنەن  جول تاۋىپ، اقىندىق  ويىن  اڭعارتىپ، قولتىعى جازىلعان كوك بەستىدەي كوسىلىپ، شابىتىن ساپىرىپ، ۇستازدارىنىڭ، قالامداستارىنىڭ بارەكەلدىسىن ايتتىرسا؛  تالانتتىڭ  تايىن قامشىلاپ، تالعار بەلەستەرگە تالپىنعان  «اقبۇلاق»ءوسپىرىم اقىندار كلاسىنىڭ وقۋشىسى سەرىكقان قايرات ۇلى پوەزيانىڭ وشاعىن كوسەپ، وتتى جىرىن لاۋلاتىپ، ءوز قاتارلاستارىنان وزا شاپقاندا تالانتىنا تامسانعان كورەرمەن ءالسىن-ءالى شاپالاق ۇرىپ، قولداۋ كورسەتىپ، شالقۇيرىقتىڭ  شابىسىن  تىلەدى. تىلەۋقان، نۇرجانات، ارىستان، اسىلبەك 2-دارەجەلى سيلىقتى، تاڭعابىل ، وركەن، تىلەك، سابىرعازى، تىلەۋبەك، الماس 3-دارەجەلى سيلىقتى قانجىعاسىنا بايلادى.

  جارىس  ناتيجەسىنە  كۋا بولعان زاداقان مىڭبايوۆ: « ءبىز قازىرگە دەيىن 17 كەزەك جىر مۇشايراسىن وتكىزدىك، 2010 -جىلى اۋداندىق 2 - ورتا مەكتەپتە ‹اقبۇلاق› ءوسپىرىم اقىندار كلاسى  گرۋجەك  بولىپ  قۇرىلدى.  وسىندا تاربيەلەنگەن ءوسپىرىم اقىندار 2011- جىلى جانە 2014 - جىلى اۆتونوميالى رايون دارەجەلى ەكى كەزەك وتكەن ‹ قارعالداق› اقىندار ايتىسىندا 1-جانە 3 - دارەجەلى  سيلىقتى جەڭىپ الدى. جىل سايىنعى وتەتىن ەگىنشى-مالشىلار مادەنيەت اپتالىعى اقىندار ايتىسىن وتكىزۋدەن تىس، ەكى جىل بولدى ايلىق ايتىس باستالدى، سودان بولار اقىندارىمىز سان جاعىنان دا، ساپا جاعىنان دا جەتىلدى. ءبىزدىڭ قۋاناتىنىمىز  اقىندارىمىز  4 بۋىنعا ءبولىنىپتى، مەنشە  وسىدان  ارتىق تابىس، وسىدان ارتىق ناتيجە بولماس» دەدى ريزا كوڭىلمەن.

  جارىس سوڭىندا اعا بۋىن اقىندار ۇلگى رەتىندە ساحناعا شىعىپ ولەڭ وقىپ، جاس اقىندارعا جاقسى تىلەك ۇسىنىس-پىكىر ايتىپ، اقىنداردىڭ جىگەرىن  ۇشتاپ،  قۇندى  تۋىندى جاراتۋلارىنا شابىت بەردى.

  وسى رەتكى قيمىلدىڭ جاۋاپتىسى، اۋداندىق مادەنيەت ءۇيىنىڭ باستىعى جەڭىسقان  ورازموللا  ۇلىن سوزگە تارتىپ، جارىستىڭ ماقساتىن سۇراعانىمىزدا ول: «جىر مۇشايراسىن وتكىزۋ ارقىلى ۇلتىمىزدىڭ رۋحاني مادەنيەتىن جانداندىرىپ، جاستاردىڭ پوەزيا جانرىنا دەگەن  تانىمىن  تەرەڭدەتۋ،  باسەكە ارقىلى ءوز ونەرلەرىن  شىڭداۋ، جازبا اقىنداردىڭ ساپاسىن جوعارىلاتىپ، سۇبەلى تۋىندى جاراتۋىنا تۇرتكىلىك ويناۋ» دەدى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.