ەەڭ جاڭا مازمۇندار
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى

اق جول بولعاي استانانىڭ اعىلەسكەر احپاراتشىلارى

جولدانعان ۋاقىتى : 2014/12/4 12:38:40

اق جول بولعاي استانانىڭ اعىلەسكەر احپاراتشىلارى
قازاق رەداكسيا القاسىنداعىلار اۆتونوميالى رايون باسشىلارىمەن بىرگە.


ءار ۇلت دەكتورلارى ابلەت ابدىرەشيتپەن بىرگە ەستەلىك قالدىرۋدا.




الدىڭعى بۋىن احپارات قوسىنى




جەر-جەردەن ورتالىق حالىق راديوسىنا ۇيرەنۋگە بارعان كۋرسانتتار

 
  ون سەگىز مىڭ عالام تاس قايراقشا شايقالىپ كەلىپ، ادامزاتقا بار نەسىبەسىن سيلاي سالعانىمەن، كومەيىنە قۇم قۇيىلماي تىنىس تاپپايتىن ادامزات اۋلەتى بۇل تىرشىلىككە تىرناعىن   باتىرىپ، الىپ مۇحيتتى دا جۇتىپ  الارداي وزبىرلانا قانشا جۇلمالادى، ءوز تۇقىمىن ءوزى وشىرۋگە شاق قالعان الاساپىران ساتتەر كوڭىلدەن كوشكەنىمەن، الىپ جەر انانىڭ جۇرەگىندە ماڭگىلىك دىق قالدى. بۇل كۇندە كارىنە مىنگەن تابيعات تا وقىس قيمىل كورسەتپەدى مە؟! ونىڭ ءجونى ءبىر باسقا دەلىك. ءيا، سونداي تاريح دوڭعالاعىمەن مىڭ ءولىپ، مىڭ تىرىلگەن كۇرەسشەڭ ۇلى توپىراققا تىنىشتىق ورناپ، شىعىستان كۇلىپ تاڭ اتتى. ۇزاق اڭساپ ءزارۋات بولعان ميلليارد حالىق مالاقايىن اسپانعا اتتى. قاراڭعى قاپاس   زامانعا ءبىر جولاتا قوش ايتىپ، شىت جاڭا تىرشىلىك كەشتى...

  الماعايىپ، الاشاقپىن زاماننان زاپى بولعان، فەۆودالدىق يدەيا سۇيەگىنە سىڭگەن بۇقارانى وياتىپ، جانىن سەرپىلتىپ، رۋحاني جۇتاڭدىقتان ارىلتىپ، جاڭا مادەنيەتكە جەتەلەۋ ءۇشىن، ەڭ الدىمەن، ۇگىت-يدەيا قىزمەتىن ءتۇيىندى ۇستاۋدى ماقسات ەتكەن دانا كوممۋنيستىك پارتيا تەز سەرپىلدى. ادام دەمىنەن سەسكەنەتىن ماي شامنىڭ جارىعىنداي جاسىق الاۋ ۇلعايا كەلە توڭىرەگىن نۇرلاندىرىپ، تىنىشتىقتى كوكسەگەن بەيۋاز جانداردىڭ جۇرەگىنە عاجاپ ءبىر ساۋلە قۇيىپ، كۇش-قۋات سيلادى. ورتالىق ۇزدىك زيالى قوسىنىن ۇيىمداستىرىپ، قۇرىلىم قالىپتاستىرىپ، 1940-جىلى ەفيردە شىم-شىمداپ تاراتىلا باستاعان ءۇن1949-جىلى 5-جەلتوقساندا رەسمي ورتالىق حالىق راديوسى بولىپ قۇرىلىپ، مەملەكەتتىڭ ماڭىزدى حابارلارى مەن ورتالىقتىڭ ساياسات-نۇسقاۋلارىن رەسمي تاراتا باستادى. بىلايعى جەردە شينحۋا اگەنتتىگى، ورتالىق تەلەۆيزيانىڭ ءبىرىنشى ارناسىمەن ۇزەڭگىلەس ورتالىق حالىق راديو، ياعني جۇڭگو  ءۇنى (中国之声) بۇگىنگى كۇنى 39 ەلدە ءتىلشى ۇستاعان، 40 تان استام مەملەكەتپەن ىستەستىك ورناتقان، 16 ارنادا 100 دىڭ ۇستىندە شاعىن باعدارلاماسى بار، 24 ساعات تاراتىلاتىن الىپ قوسىنعا اينالىپ وتىر. تەكسەرۋگە قاراعاندا، ءبىر جىلداعى ناقتى تىڭدارمانى 318 ميلليونعا جەتكەن بۇل الىپ قوسىننىڭ تاعى ءبىر تاڭ قالدىراتىن   ءجايتى _ 2004-جىلى وليمپيادا سپورت جارىسى كەزىندە «افينا الاۋى ەفيردە» دەگەن باعدارلاماسىن اشىپ، ون نەشە كۇننىڭ وزىندە تىڭدارماننىڭ جولداعان كەلتە حاتى ءبىر ميلليون 370 كە جەتىپ، احپارات مەديالارى اراسىندا جاڭا رەكورد جاراتۋى.

  ءيا، وسى ۇردىستە، ياعني 1950-جىلى پارتيانىڭ ءۇنىن ءار ۇلت بۇقاراسىنا دەر كەزىندە جەتكىزۋ ماقساتىمەن ورتالىق قارار الىپ، موڭعۇل، تيبەت،ۇيعۇر، چاۋشيان تىلدەرىندە راديو پروگرامماسى قولعا الىنىپ، ىركەس-تىركەس ىسكە قوسىلىپ جاتتى. الايدا، 1960-جىلى ەلىمىزدىڭ حالىق شارۋاشىلىعىنا تەڭشەۋ جۇرگىزۋ ناۋقانىمەن بىرگە ورتالىق حالىق راديو دا شەپتى قىسقارتۋ، قۇرىلىمدى ىقشامداۋ جوسپارىن جۇرگىزىپ، از ۇلت تىلىندەگى راديولار توقتاتىلدى. وسى اۋقىم جونىندە ورتالىق حالىق راديو ستانسياسى قازاق ءبولىمىنىڭ بۇرىنعى مەڭگەرۋشىسى، بۇگىنگى كۇنى قۇرمەتتى زەينەتكەر اعامىز نيعىمەتقالي   نۇعىمان ۇلى: «1962-جىلى شىلدەدە چيڭداۋدا اشىلعان ۇلت قىزمەتى ماجىلىسىندە ۇلانفۋ، سايپيدەن ازەز قاتارلى باسشىلار ورتالىق حالىق راديو ستانسياسىنىڭ از ۇلت تىلىندەگى راديو باعدارلاماسىن قالپىنا كەلتىرىپ، ورتالىقتىڭ جاريالاعان حۇجاتتارىن از ۇلت تىلدەرىنە اۋدارىپ، از ۇلت رايونعا تەزىرەك جەتكىزۋگە مۇمكىندىك جاراتۋ جونىندە ۇسىنىس بەرەدى. جوۋ ىنلاي زۇڭلي ءماجىلىس مالىمەتىن تىڭداعاننان كەيىن راديو ىستەرى مەكەمەسىنىڭ از ۇلت تىلىندەگى راديونى توقتاتۋىنا بولمايتىندىعىن قاتاڭ    ايتىپ، ۇلتتىق ىستەر كوميتەتى مەن راديو ىستەرى مەكەمەسىنە از ۇلت راديوسىن قالپىنا كەلتىرۋ مىندەتىن جۇكتەپتى. سول كەزدەگى ۇلت ىستەرى كوميتەتى مەڭگەرۋشىسىنىڭ ورىنباسارى ساكۇڭلياۋ 1962-جىلى 21-شىلدە كۇنى راديو ىستەرى مەكەمەسىنە كەلىپ، جوۋ ىنلاي زۇڭليدىڭ نۇسقاۋىن ءوز اۋزىمەن جەتكىزىپتى، سونىمەن 1965-جىلى قاتىستى تاراۋلار جاعىنان بەكىتىلگەن» دەدى.

  سول كەزدە قازاق تىلىندەگى راديو تارالىمى بەكىم العان بولسا دا بۇكىل ەل كولەمىندە ءجۇرىپ جاتقان مادەنيەت زور توڭكەرىسى سىندى زوبالاڭنىڭ سالقىنى تيمەي قويمادى. قالايدا زۇڭليدىڭ ورەلى كەسىمى ايتاقالسىن شەشىم تاۋىپ، 1971-جىلى 1-مامىر حالىقارالىق ەڭبەكشىلەر مەرەكەسى بايلانىسىمەن ەفيردە تارادى، العاشىندا 15 مينۋتتىق حابارمەن تۇساۋىن كەسكەن قازاقشا باعدارلاما جىل وتكەن سايىن ىرگەسىن كەڭەيتە ءتۇستى، بىرتىندەپ جارىم ساعات، ودان ءبىر ساعات، كەيىن ەكى ساعات جالعاپ تاراتۋ ورەسىنە جەتتى. سول كەزدە اۆتونوميالى رايوندىق پارتكوم جاعىنان شىعارىلاتىن «ياچەيكا تۇرمىسى» جۋرنالىندا ىستەپ جاتقان ساعات جايپاق ۇلى ۇيىمنىڭ ۇيعارىمىمەن ورتالىق حالىق راديو  ستانسياسى ۇلتتىق ءتىل ورتالىعى قازاق ءبولىمىنىڭ جاۋاپتىسى بولىپ الماسىپ كەلەدى. وتىزىندا وردا بۇزار شاعىندا ورتالىقتان ويىپ ورىن العان، بۇگىنگى پەنسيونەر اعامىز وتكەن كۇنىن ساعىنا ەسكە الىپ، سول شاقتان بىلاي سىر شەرتەدى: «ول كەز ادامداردى قورقىنىش بيلەگەن، توڭىرەگىنە كۇدىك-كۇمانمەن قارايتىن، جالتاقوي بولدىق. كۇندە اۋداراتىنىمىز شاقىرىق، ۇران. ۇلتىمىزدىڭ اۆتورلاى جونىندە اۋىز اشۋ مۇمكىن ەمەس، قوسىنىمىز دا  تولىقتانباعان، تۇگەل جاس بۋىن. ءبىر ەسەپتەن جولداستاردا اۋدارماعا شىنىقتى. وسى قازاق ءتىلى باعدارلاماسىندا حانزۋ، موڭعۇل بولىپ ءبىر ءۇيلى جانداي تاتۋ-ءتاتتى وتتىك. جاستىعىمنىڭ ەڭ قىزۋ شاعى وسى ورتالىق راديودا بولدى، ەندى ويلاسام، وسىنداعى 15 جىلىم 15 كۇنىمدەي ءوتىپتى. ساعىنامىن سول شاعىمدى، ساعىندىرادى سول شاق» دەپ ۇزاق ءبىر ويعا كەتتى نار تۇلعا.

  1980-جىلداردىڭ باسى قازاق راديوسىنىڭ التىن ءداۋىرى ەسەپتەلدى، وعان دالەل « تورتتىك توبە» تالقاندالىپ، باسپا-ءسوز، مادەنيەت ۇقىعىنا ەركىندىك ءتيدى. ورتالىق حالىق راديو ستانسياسى شينجياڭ راديوسىمەن بىرلەسىپ كۇيتۇن قالاسىندا باس قوسىپ، ءۇش ايماقتان ونەر ادامدارىن  ۇيىمداستىرىپ، 100 دەن استام ءان-كۇيدى تاسپاعا الىپ قايتادى. دەربەس تىرشىلىك ىستەۋگە وراي تۋدى. ورتالىق راديو 1984-جىلى مامىردا مەملەكەتتىك 1-كەزەكتى ادەبيەت-كوركەمونەرشىلەر قۇرىلتايىنا قاتىناسقان   كۇنگەي مۇقاجان ۇلى، ماقاتان ءشارىپقان ۇلى، جاقىپ مىرزاقان ۇلى، ومارعازى ايتان ۇلى قاتارلى ءىرى تۇلعالاردىڭ بەيجيڭگە كەلۋ ورايىمەن سۇحپات الىپ، تولعاقتى تۇيىندەر توڭىرەگىندە شولۋ جازدىرىپ، ءوز دىبىستارىمەن ەفيرگە شىعاردى. وسىمەن عانا شەكتەلمەي،  اقىن-جازۋشىلاردىڭ، ءانشى-كۇيشىلەردىڭ، ماسەلەن، حاميت ىسقاق ۇلى، كامال ىشىكباي قىزى، كۇلمان شۇلەنباي قىزى، ارزىگۇل تۇرسىن قىزى جانە ايگىلى كۇيشىلەردەن تايىر بەلگىباي ۇلى، داۋلەت حالىق ۇلى، كامال ماقاي ۇلى، قيزات سەيتقازين سياقتى ونەر  ادامدارىنىڭ ءان-كۇيلەرىن تاسپاعا   الىپ تاراتقاننان كەيىن، مىناۋ رۋحاني دۇنيەمىزدى جوقتاۋ ەمەس-اۋ، جوعالتۋعا شاق قالعان تۇستا، كەنەزەسى كەۋىپ، ابدەن شولىركەگەن قاۋىمنىڭ تاڭدايىن ءجىبىتىپ، تامساندىرعانى سونشا، ارينە، ورتالىقتان قازاقتىڭ اسقاق ءۇنىن تىڭداۋ اناۋ قارا تاۋداعى، قارا قوستاعى قازاق ءۇشىن، ءدال سول شاقتا، اسقان مەرەي ەمەي نەمەنە...   وسىدان كەيىن ورتالىق حالىق راديو پروگراممالارى جاڭبىردان كەيىنگى جاۋھازىنداي كۇن وتكەن سايىن جارقىراپ، جاڭارىپ، كەمەلدەنىپ كەلدى. بۇعان تاعى ءبىر دالەل: ۇلانباتىرداعى موڭعۇليانىڭ مەملەكەتتىك راديوسىندا جۇمىس اتقاراتىن بۇيداحمەت اعامىز ينتەر تورابى ارقىلى جولداعان نەشە رەتكى حاتىندا ورتالىق حالىق راديودان بەرىلگەن حالىقتىق ءان-كۇيلەرمەن ونىڭ ورىندالۋ ونەرىن ايرىقشا اتاپ وتكەنى؛ ال باتىس گەرمانيادا تۇراتىن ءبىر قانداسىمىزدىڭ جولشىباي بەيجيڭنەن وتكەن ساپارىندا تۇنگى ۋاقىتقا تۋرا كەلەتىن ورتالىق حالىق راديونىڭ حابارىن، اسىرەسە ءان مەن كۇيىن تىڭداپ، اتا مەكەنىنە ساعىنىش ماۋقىمىن باسىپ قايتقاندىعى جونىندەگى ىستىق سالەمى. 

  بۇگىنگى مىناۋ زامانا اعىمى ادامنىڭ ىرقىنا كونە بەرمەيتىن اساۋ تولقىن ىسپەتتى. تەك ءوزىڭدى تەزگە سالۋىڭ كەرەك. مىنەكي ۇشقان قۇستاي دامىعان مىناۋ زىمىران زاماندا احپارات مەديالارىنىڭ ءتۇرى دە كوبەيىپ، قيان–كەسكى باسەكەگە ءدوپ كەلگەنىنە ءوزىمىز كۋا بولىپ وتىرمايمىز با؟ گازەت، راديو، تەلەۆيزور، ينتەرنەت، ۋيچات، بوكى سياقتى احپارات جۇيەسى تاڭعاجايىپ ۇردىسپەن ىلگەرىلەۋدە، الايدا ادام دەنەسىنە بولعان زارياتى ەڭ تومەن، قول بايلامايتىن، زالالسىز احپارات قۇرالى دەپ راديونى ايتار ەدىم. ارينە، ءارقايسىسىنىڭ ەرەكشەلىگى ءوز الدىنا. مىنەكي بۇگىنگى كۇنى ەلىمىزدىڭ ورتالىقتان تارتىپ جەرگىلىكتى     ورىندارعا دەيىن از ۇلت تىلىندە راديو قۇرعىزۋى _ پارتيا مەن مەملەكەتىمىزدىڭ كەلەلى شەشىمى. ول پارتيا مەن مەملەكەتتىڭ ءتۇبىرلى مۇددەسىنە، حالىقتىڭ پارتيا مەن مەملەكەتتىڭ ساياسات، ينفورماتسيالارىنان يگىلىكتەنۋىنە قىزمەت ەتەدى. قازىر جۇڭگونىڭ ۇلتتىق تىلدەگى راديولارىنىڭ سانى، تولىق بولماعان ساناققا قاراعاندا، 30 نەشەگە جەتكەن، 100 ميلليون تىڭدارمانى بار. ال حالىقاراداعى تىڭدارمانى الدەنەشە ءجۇز ميلليونعا جەتەدى ەكەن. وسىمەن عانا شەكتەلىپ قالماعان ورتالىق قازاق راديوسى 2010-جىلى توراپ بەتىن اشىپتى. ءتۇرلى مازمۇندارمەن ءوز بيىگىنەن كورىنىپ، قالىڭ زيالى قاۋىمنىڭ جاقسى اڭىسىن قوزعاپ وتىرعان بۇل توراپ بەتى 40 نەشە مەملەكەتتىڭ تورابىندا جالعانۋدا.

  پارتيا، ۇكىمەتتىڭ قولداۋىمەن مىناۋ جارقىن زاماندا ورتالىق حالىق راديو ستانسياسى قازاقشا باعدارلاماسى دا اسا ەلگەزەكتىك تانىتىپ، قۇرىلىمىن كەمەلدەندىرىپ، ىرگەسىن كەڭەيتىپ، كۇنى بۇگىنگە جالعاسقان ەكى ساعاتتىق پروگرامماسىن وزدەرى ارناۋلى تولقىن (كانال) اشىپ، 18 ساعات    تاراتۋدىڭ قامىنا كىرىسكەن قۋانىشتى حابارى نۇر ۇستىنە نۇر ەمەي نەمەنە؟!   «اسىقساڭ جاقسىلىققا اسىق» دەيدى. وسى ءبىر ءساليقالى ءساتتى كۇتكەلى قاشان؟!

  وسىنداي يگىلىكتى ءىستىڭ باسى-قاسىندا بولىپ، وتاۋ ءبولىپ شىعارعالى جاتقان ورتالىق حالىق راديو ستانسياسى حالىق راديو ستانسياسى ۇلتتىق تىلدەگى راديو ورتالىعىنىڭ ورىنباسار مەڭگەرۋشىسى، شينجياڭ ۇلتتىق راديو ورتالىعىنىڭ ورىنباسار مەڭگەرۋشىسى قاناتبەك جۇماباي ۇلى: «ۇلتتىق تىلدەگى راديو _ ەرەكشە ءارى ماڭىزدى سالا. ولاي دەيتىنىمىز از ۇلتتار جاساعان ءوڭىر ەلىمىز تەرريتورياسىنىڭ جارىمىنان استامىن يەلەيدى، وسى   ۇلان-قايىر القاپتاعى ءارقانداي وزگەرىستەر مەن جاڭالىقتار تۇتاس ەلىمىزگە، ءتىپتى دۇنيە ءجۇزىنىڭ ساياسي، قوعامدىق جاعدايىنا اسەر ەتەدى. سوندىقتان ۇلتتىق سالاداعى ۇگىت توتەنشە ماڭىزدى. ەندى ءبىر جاقتان، ەلىمىزدىڭ از ۇلتتارى تاريحى ۇزاق، جاساعان ورتاسى كەڭ-بايتاق بولىپ، بۇل ەرەكشەلىكتەر ەلىمىز ۇلتتىق مادەنيەتىنىڭ تۇتاس تۇلعالىق تاريحي قۇنىن، اقىل-پاراساتتىق قۇنىن جانە دۇنيەگە، ومىرگە، تاريحقا بولعان تانىمدىق قۇنىن وسكەلەڭ دارەجەدە جوعارىلاتىپ وتىر. ەلىمىزدەگى 55 از ساندى ۇلت جاساعان وڭىرلەردەگى جاڭالىقتار سارقىلماس احپارات قاينارى، تىڭ بايقاۋلارعا تولى، تىڭ زەرتتەۋلەر جاسايتىن قاتپارى مول قازىنا. بۇدان سىرت، از ۇلت رايوندار نەگىزىنەن باتىس بولەككە، شەت شالعاي، شەكارا وڭىرگە ورنالاسقاندىقتان، جاراتىلىستىق شارت-جاعدايى ناشار، ەكونوميكالىق، قوعامدىق دامۋ تەبىنى سالىستىرمالى تۇردە تومەن. سوندىقتان وسى رايوندارداعى احپارات مەديالارىنىڭ قۋاتىن نىعايتىپ، ءوزارا ءتۇسىنىسۋدىڭ، ءوزارا مادەنيەت الماسۋدىڭ، ورتاق ىلگەرىلەۋدىڭ قارقىنىن ونان ارى جەدەلدەتۋ ماقساتىندا ورتالىق جوعارى دارەجەدە ءمان بەرىپ، ۇلكەن قولداۋ كورسەتىپ وتىر» دەدى.

  ورتالىق حالىق راديو ستانسياسىنىڭ ۇلتتىق راديو ورتالىعىندا قازىر تيبەت، موڭعۇل، ۇيعۇر، قازاق، چاۋشيان تىلدەرىندە 100 دەن استام ءار ۇلت قىزمەتكەرى كۇنىنە 55 ايداردا  46 ساعاتتان استام ۋاقىت احپاراتتىق باعدارلاما جۇرگىزەدى.

  ءيا، راديو ءار كوكىرەككە ساۋلە شاشار شام-شىراق ىسپەتتى، مۇنداعى جاپاكەشتەر قانشالاعان كۇز-كوكتەمدى ميكروفون الدىندا وتىرىپ وتكەردى، قانشالاعان دەكتوردىڭ سۇلۋ داۋىسى تولقىنمەن جارىسىپ كوكتە سامعاۋدا. مىنە الپىستى القىمداعان ورتالىق  حالىق راديو ستانسياسىنىڭ بەس بىردەي وتاۋى كەمەلىنە كەلگەن بەس وردا بولىپ ۇلگىردى. كەيىندەپ كەلىپ كەرەگە جايىپ، شاڭىراق كوتەرگەن كەنجەسى بولعان قازاق راديوسىنىڭ ءوزى دە قىرىقتى قىرقالاپ قويعان. ۇستارانىڭ جۇزىندە ەر جاسىنا كەلگەن تۇستا ۇلكەن ءبىر ءدۇمپۋ تۋدىرعالى تۇرعان مىنا بەتالىسى جۇڭگو توپىراعىنداعى ءبىر ميلليوننىڭ ۇستىندەگى قانداستاردىڭ ارمانى ەمەي نەمەنە؟! بۇل كەشەگى جۇڭگو ارمانىنىڭ ءبىر سورابى، ويتكەنى ورتالىقپەن تىكە ءتىل تابىساتىن ءبىر تەكشە _ ۇلت ءۇشىن التىن ارقاۋ بولماق.

  جەز بۇيداسىن ىرىكپەي ۇدىرە تارتقان قوڭىراۋلى كوشتىڭ ءبىر توعاناعىن  ۇرىمجىگە اكەلىپ شوگەرۋدىڭ قامىن جاساپ جاتقان ورتالىق حالىق راديو ستانسياسى شينجياڭداعى قازاق راديوسى بولىمشەسىنىڭ ورىنباسار مەڭگەرۋشىسى بازان قۇدايبەرگەن ۇلى قاربالاستىقتىڭ ءبىر ساتىندە: «الداعى جاڭا ءبىر سايىسقا شامانىڭ كەلىسىنشە دايىندالىپ جاتىرمىز، سايىس دەيتىنىم، تالاپ اۋىر، باسەكە ودان دا اۋىر. ەندىگى جىلدان باستاپ ءۇرىمجى قالاسىندا تۇرىپ، ارناۋلى كانالدا 18 ساعاتتىق باعدارلاما جاساماقپىز، ەكى جارىم ساعاتىن ورتالىق حالىق راديو تىكە تاراتادى دا قالعان ۋاقىتتا ءبىز  ۇيىمداستىرامىز. ارينە، جەرلىك ءار دارەجەلى احپارات ورىندارى مەن جانكۇيەر احپاراتشىلاردىڭ، جالىندى قالامگەرلەردىڭ قولداۋىنسىز كوشىمىز باياندى بولماس، سولارعا سۇيەنەمىز دە» دەدى اسا ءبىر كىشى پەيىلدىك تانىتىپ.

  «قوي ۇستىنە بوز تورعاي جۇمىرتقالاعان» باياشات، باقىتتى زاماندا قويداي قوڭىر مىنەزدى حالىققا قوي جىلى تاعى ءبىر يگى ءىستىڭ باسى اشىلعالى تۇرعاندىعىن قايدان جاسىرايىق، اعايىن! «بورىك كيگەننىڭ نامىسى ءبىر» دەمەكشى، ءوزىم دە وسى كوللەكتيۆكە قوسىلىپ كەتكەندەيمىن، العاش ەستىگەندە اسا تەبىرەنىستە بولدىم، نەگە دەرىڭ بار ما، اۋەلى، اۋىلداعى احپاراتتى جانىنداي سۇيەتىن اعالارىمىزدان شۇيىنشىلەپ تە الدىق. وسى ورايمەن ورتالىق حالىق راديونىڭ ارنايى اشقان جۇڭگوداعى ءبىر ءبولىم احپارات ورىندارىنان شاقىرىلعان كۋرسانتتاردىڭ قاتارىندا جۇڭگو احپارات مەديالارى   ۋنيۆەرسيتەتىندەگى جۇڭگوداعى ەڭ ۇزدىك احپارات ماماندارىنان ون كۇندىك ۋاقىتپەن ساباق الىپ قايتتىق. ول-ولما، ورتالىق حالىق راديوداعى الدىڭعى شەپكە ساقاداي-سايلانعان ورىمدەي جاستاردىڭ تەبىنىن كورىپ، ولاردى ماقتاپ ەمەس، ولارمەن ماقتانىپ قايتقانىمىز تىپتەن تولقۋعا تاتيدى.

  ءيا، ءبىزدىڭ ەرۋلىك ءومىر وزەگىنەن الىنعان مايەكتى دە دايەكتى، مادەنيەتىن كۇللى الەمگە دارىتار قۇلاش-قۇلاش ماقالالار. اق جول بولعاي استانانىڭ اعىلەسكەر، اق ماڭداي احپاراتشىلارى!..





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn