ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

ىرىستى ولكەنىڭ جومارت ۇلدارى حاقىندا

جولدانعان ۋاقىتى : 2014/12/10 18:54:37

سەرىكبەك ۇسەنباي ۇلى

  ىرىستى مەكەننىڭ بەرگەنىنە ساي، شاربات سۋىنان ءدام تارتقان ۇرپاقتارى دا وسال بولمايدى. وسى وڭىردەن 1893-جىلدارى ۇزاق ۋاقىت ەل ىشىندە زاڭگى بولىپ حالىققا قىزمەت ىستەگەن شالعىنباي اتامىز جانە شالعىنباي اتامىزدىڭ ۇرپاقتارىنان ۇكىردايلىق قىزمەت اتقارعان كوزى اشىق، كوكىرەگى وياۋ، ءادىل، كوپشىل بولعان، شينجياڭدا تۇڭعىش قازاق الىپپەسىن، قازاق ادەبيەت وقۋلىعىن قۇراستىرۋعا قاتىناسقان نۇرتازا شالعىنباي ۇلى سول نۇرتازا اتامىزدىڭ ءۇمىت كۇتكەن ۇلى كىشكەنتايىنان بىلىمگە قۇشتار، زەرەك بولىپ ەسەيگەن، وتباسىنىڭ تەكتىلىك تەرمينىن تىرەك ەتكەن، حانزۋ ءتىلىن تولىق يگەرىپ، ءبىر تالاي شىعارمالاردى قازاق تىلىندە سويلەتىپ، ءتىل زەرتتەۋ ماقالالارىن جازعان، ساۋاتسىزدىقتى جويۋعا ناقتى ۇگىتشىلدىك ىستەگەن، تارباعاتايدىڭ وقۋ-اعارتۋ، مادەنيەت ىستەرىنە ات سالىسىپ جۇمىس جۇرگىزگەن، بەلگىلى قوعام قايراتكەرى،  اقىن، اۋدارماشى دۋبەك شالعىنباي ۇلى؛ اتى التى الاشقا ايگىلى، كەدەي-كەپشىككە، قولى قىسقا ادامدارعا قورمال بولعان، العاش شاعانتوعايداعى رۋشتي مەكتەبىن سالۋعا، شاعانتوعاي-شاۋەشەك ارالىعىنداعى ەمىل وزەنىنە سالىنعان كوپىرگە، دۇنيە جۇزىلىك 2-رەتكى سوعىسقا كوپتەپ كومەك بەرگەن، «چاۋشيانعا كومەك بەرىپ، امەريكاعا قارسى تۇرۋ» ناۋقانىنا سوعىس ايروپلانىن اتاعان، بەيبىتشىلىك ءۇشىن، حالقىنىڭ ەرتەڭى ءۇشىن قولىنداعىسىن اياماعان باسباي شولاق ۇلى باپين قاتارلى كوپتەگەن اعا بۋىن قايراتكەرلەر وسى وڭىردە تۋىلىپ، ەلى ءۇشىن ەڭىرەپ، حالقى ءۇشىن قاجىماي-تالماي ەڭبەك ەتتى. ال شاعانتوعايدان تۇلەپ ۇشىپ، وتان ءۇشىن، حالىق ءۇشىن ايانباي ەڭبەك سىڭىرگەن ءانۋار جاكۋلين سىندى ەل اعالارى مەن سولتان جانبولاتوۆ باستاعان عالىم، جازۋشى، قوعام قايراتكەرلەرى ءوز الدىنا ءبىر توبە.

  ەندەشە، جوعارىداعى اسىل قاسيەتتەرى تىلگە تيەك بولعان اعا بۋىننىڭ جولىن قۋىپ، قاشاندا حالىق قامىن ويلاپ، وزىندە باردى حالىقتىڭ يگىلىگىنە ارناي الاتىن قازاقتىڭ قارا دومالاق ۇلدارى ەندى ءبىر كەزەكتە شاراپات دارىعان شاعانتوعاي توپىراعىندا قىزىر جۇمابەك ۇلى وتباسىندا ءومىر ەسىگىن اشقان بولاتىن. ءداۋىردىڭ ءار كەزەڭىندە حالىققا بويىندا ادامگەرشىلىگى، ىزگىلىگى بار ۇل سيلاۋدان جازباعان كيەلى توپىراق تولعاعى پىسىپ-جەتىلگەن كۇنى حالىققا جومارتتىقتان جىلۋ سيلاي بىلەتىن جىنتىكتى ۇرپاقتى تاعى دا سيعا تارتىپتى. ەندى ولاردىڭ كىم ەكەندىگىن، قانداي يگىلىكتى شارۋامەن اينالىسقانىن بىلگىڭىز كەلسە، ەڭ الدىمەن ءسوزدى ومىرگە     وسىنداي ۇل-قىز اكەلگەن بىلىكتى اكە مەن اياۋلى انادان باستاۋعا تۋرا كەلەدى. وسىنداي ورەلى ۇرپاقتاردىڭ قۇرمەتتى اكەسى بولعان قىزىر جۇمابەك ۇلى اعامىز 1937-جىلى تارباعاتاي ايماعى شاعانتوعاي اۋدانىندا قارپايىم مالشى وتباسىندا دۇنيەگە كەلگەن. 1959-جىلداردىڭ ورتالارىندا شي-ان زاڭ مەكتەبىنە قابىلدانىپ، وقۋىن ءبىتىرىپ كەلگەن سوڭ، ءۇرىمجى قالالىق حالىق ىستەرى مەكەمەسىنە قىزمەتكە ورنالاسادى ءارى سول جىلدارى ۇيعۇر ۇلتىنىڭ اياۋلى قىزى ىرسالاتپەن باس قوسىپ، باسىنا شاڭىراق كوتەرەدى. 1962-جىلدارى شاۋەشەك شەكارا وقيعاسىندا بارلىق تۋىس-تۋعاندارى سوۆەت ۇكىمەتىنە كوشىپ كەتكەندىكتەن، قىزىر اعامىز ءوزىنىڭ تۋعان جەرى شاعانتوعايعا قايتىپ كەلىپ، سوت مەكەمەسىنە قىزمەتكە تۇرادى. وسى جىلداردا ءدىلشات، گۇلباھىرام، ەلشات قاتارلى ءۇش بالاسى دۇنيەگە كەلەدى. الايدا، مادەنيەت زور توڭكەرىسى قارساڭىندا سولاقاي لۋشياننىڭ جالعان جالاسىنا ۇشىراپ، تۇرمەگە وتىرادى، وتباسى نە ماشاقاتتى كۇندەردى باسىنان وتكىزەدى. ءوزى دە قىزمەتتەن شەتتەتىلىپ، 1970-جىلدارى شاعانتوعاي اۋداندىق 4-اترەتكە ديقان بولىپ تۇسەدى، كەيىن التىن ەمىل اۋىلىنا ەڭبەكپەن وزگەرتۋگە بارادى. وسىنداي قيىن كۇندەردە تارتقان ازاپتىڭ بارلىعىن ۇمىتقىزىپ، 4-بالاسى ەرزات دۇنيەگە كەلەدى. سودان تاعدىردىڭ تاۋقىمەتىن تارتا ءجۇرىپ، 1977-جىلعا كەلگەندە عانا بۇرىنعى قىزمەتى قالپىنا كەلتىرىلىپ، شاعانتوعاي اۋداندىق سىرتقى ساۋدا مەكەمەسىنە قىزمەتكە ورنالاسادى ءارى وسى جىلى نۇر ۇستىنە نۇر قۇيىلىپ، 5-بالاسى قايرات ءومىر ەسىگىن اشادى. 1983-جىلعا كەلگەندە دەنساۋلىق جاعدايى جار بەرمەگەن قىزىر اعامىز قۇرمەتپەن دەمالىسقا شىعىپ، ورنىنا ۇلكەن ۇلى ءدىلشات ورنالاسادى. سول جىلدارى قىزىر اعانىڭ دەنساۋلىعى جاقسى بولماعاندىقتان،  ونىڭ ورنىنا وتباسىنىڭ جۇگىن ارقالاپ وسكەن بالالارى كىشكەنتايلارىنان جۇمىستىڭ ءجونىن بىلەتىن پىسىق بولىپ ەرجەتە باستايدى. بۇعاناسى بەكىپ، قابىرعاسى قاتپاي جاتىپ كەسەك قۇيىپ، وتىندىققا تەزەك تەرىپ، تەمىر-تەرسەك، قاعاز ساتىپ ءبىر ءۇيدى باعادى. ال وتباسىنىڭ تىرەگى بولعان قىزىر اعامىز 1998-جىلى 1-قىركۇيەكتە ناۋقاستان قايتىس بولادى. اكەلەرى ومىردەن ەرتە وزىپ، جان-جاقتان قيىنشىلىق قىسسادا، ولاردىڭ كوكىرگىندە بارىنە مويىمايتىن، ءوز كۇشتەرىنە سۇيەنىپ ءومىر سۇرەتىن رۋحپەن قاتار وزگەلەرگە دەگەن تىلەكتەستىك، كوڭىل بولگىشتىك اسىل قاسيەت تە ۇشقىن شاشىپ كەلە جاتقان ەدى. ونىڭ ۇستىنە وتباسىنا التىن قازىق اسىل انا دا بار ىقىلاسىن بالالارىنا توگىپ، بالالارىن ەڭبەكشىل، كوپشىل بولۋعا تاربيەلەيدى، ءوزى ساۋداعا بەيىم بولعاسىن دا جاستايىنان ساۋدانىڭ قىرى مەن سىرىن بىلۋگە جەتەلەيدى. وسى تاربيەنىڭ ارقاسىندا ولاردىڭ ساۋداعا دەگەن قىزعىندىلىقتارى ارتىپ، ءۇرىمجى-قازاقستان ورتاسىندا ساۋدا ىستەرىمەن شۇعىلدانىپ، قارجى توپتاپ، تۇرمىستارىن جاقسارتادى ءارى ساۋدا ءتۇرى مەن ساۋدا كولەمىن كەڭەيتۋ ارقىلى سەرىكتىك قۇرۋدىڭ قارجىلىق دايىندىعىن جاساپ، تابىس بوساعاسىنان ءساتتى قاداممەن اتتايدى. ءبىر اكەدەن تاراعان اعا-ىنىلەر اسىل اكەنىڭ اسقاق ارمانىن، ءتۇن ۇيقىسىن ءتورت ءبولىپ،  اۋزىنداعىسىن جىرىپ بەرگەن، وسىلارىم بىرەر ىسكە جاراسىن دەپ وزىندەگى بار ونەرىن ۇيرەتكەن باتىل دا قايسار اياۋلى انالارىنىڭ اق تىلەگىن ارقالاپ، دارىندى انانىڭ ايتقانىنان شىقپاي، قات-قابات قيىنشىلىقتاردى ەلەڭ قۇرلى كورمەي، كەدەرگىلەردى كەسە ءوتىپ، ءوز الدىلارىنا ءۇرىمجى «دوستار حالىقارالىق ساۋدا شەكتى سەرىكتىگىن» قۇرادى. سەرىكتىكتىڭ باس جوراسى ەرزات قىزىر ۇلى، ديرەكتورى ءدىلشات قىزىر ۇلى، ورىنباسار ديرەكتورى قايرات قىزىر ۇلى بولىپ تاعايىندالادى. كاسىپورىن قۇرىپ، ونىڭ تىزگىنىن بۇلتارتپاي ۇستاۋ ايتارعا وڭاي بولعانىمەن، ناقتى جۇمىسپەن شۇعىلدانۋ راسىندا وڭاي بولا قويعان جوق. دەسەدە، ولار وسى بارىستا اياۋلى انالارىن ارقا سۇيەنىش ەتە وتىرىپ، وزدەرىنەن بۇرىن كاسىپورىن قۇرعانداردى ۇستاز تۇتىپ، ساۋدا ونەرىنىڭ قىر-سىرىنا كۇن سايىن جاتىلا ءتۇستى. وسىعان ىلەسىپ سەرىكتىكتىڭ تۇراقتى مۇلكى مەن اينالىم قاراجاتى دا كۇن سايىن مولايىپ، نەشە ون ميلليون يۋاندىق وتكەلدەن سۇرىنبەي ءوتتى.

  سولاي دا ولار قالتاسىنا تابىستىڭ العاشقى تەڭگەسى تۇسكەن سول كۇننەن باستاپ كوپشىلىكتەن ءوز قولىنداعىسىن ايامايتىن، وزگەگە كومەكتەسۋدى ءوزىنىڭ اسىل مۇراتى دەپ بىلەتىن، ارىسى اتىمتاي جومارتتىڭ، بەرگىسى ايگىلى باسباي شولاق ۇلىنىڭ شاراپاتتى شاعانتوعاي دالاسىنا تامىر تارتقان رۋحىنا مۇراگەر بولىپ، قازاق حالقىنىڭ ادامگەرشىلىك بولمىسىنىڭ ايعاعى بولعان جومارتتىق جۇلگەسىنە ات ءىزىن سالىپ، ادامگەرشىلىكتىڭ الاۋىن اسقاق ۇستاۋعا بار پەيىلدەرىن سالدى. بالا كەزدەرىندە قيىنشىلىققا تولى ورتادا وسكەن ولاردىڭ كوكەيىندە ەرتەدەن-اق كۇندەردىڭ كۇنىندە وزدەرىنىڭ قۇلشىنىستارى ارقىلى تۋعان جەرلەرىنە، وقىعان انا مەكتەبىنە، كەزىندەگى وزدەرى سياقتى قارا دومالاق بالالارعا قولدارىنان كەلسە كوبىرەك   يگىلىكتى ءىس ىستەپ بەرسەك دەگەن اسىل نيەت جاتقان ەدى. وسىنداي ىزگى ارماننىڭ جەتەگىندە، ولار ەڭ الدىمەن  2006-جىلى ءۇرىمجى اننيڭچۇي   رايونىنداعى ورىنعا 500 مىڭ يۋان قارجى شىعارىپ قۇرلىس سالدىرىپ ءارى بۇگىنگە دەيىن زاتتىق جاقتان دا جاردەم جاساپ كەلەدى ەكەن. ال 2007-جىل تۋعان جەرى شاعانتوعاي اۋداندىق 1-ورتا مەكتەپكە قۇنى ءبىر ميلليون 200 مىڭ يۋان قارجى اجىراتىپ، جاتاققا جاتىپ وقىپ جاتقان مالشى قاۋىمنىڭ ۇرپاقتارىنا ارناپ 280 وقۋشى جاتاتىن، ءبىر مىڭ 200 شارشى مەترلىك، 3 قاباتتى ەڭسەلى جاتاق عيماراتىن سالدىرىپ، جاتاقتىڭ ىشىنە قوياتىن ىشكاپ، وقۋشىلار توسەگى، توسەككە سالاتىن توسەنىش سياقتى اسپاپتاردى تولىقتاپ بەرەدى. سونىمەن بىرگە، سول كەزدەگى باسشىلاردان جاتاققا جاتقان وقۋشىدان 3 تە 5 جىل  ىشىندە باسقالاي قاراجات الماۋىن دا  ەرەكشە تالاپ ەتتى. بۇل جاتاق عيماراتى 2009-جىلى قاراشا ايىنان باستاپ وقۋشىلاردىڭ پايدالانۋىنا بەرىلگەن بولاتىن. بۇگىنگى كۇنى وسى اعالارىنىڭ ەڭبەگىمەن سالىنعان جىلى دا جارىق وسى جاتاقتا 250 گە تارتا بالا جاتىپ، الاڭسىز ءبىلىم الۋدا. 

  اعايىندى ازاماتتار سان جىل جيناعان زاتتىق بايلىقتارىن رۋحاني بايلىققا ايلاندىرىپ، كەلەشەك ۇرپاققا ءبارىن ارناي الدى. ولار ايگىلى اتىمتاي جومارت، حالىقتان قارجى جيناپ «رۋشتي» مەكتەبىن سالدىرعان نۇرتازا شالعىنباي ۇلى، حالقىنان قازىناسىن اياماعان باسباي شولاق ۇلى قاتارلى وزىق ويلى قوعام قايراتكەرلەرىنىڭ سالىپ كەتكەن سارا جولىمەن ۇدىرە تارتىپ، ەڭبەك جولدارىنىڭ العاشقى جەمىسىن حالىقتىڭ يگىلىگىنە ارنادى. ءيا، ولار شىن پەيىلىمەن حالقىنا ارناعان زاتتىق بايلىقتىڭ ۋاقىتتىڭ وتىسىمەن حالىق جۇرەگىنەن ءتىپتى دە تەرەڭدەي ورىن الىپ، ۇرپاققا ۇلگى بولارلىق ىزگىلىك جولىن بەكەمدەي تۇسەرىن بىردەن ەرتە تۇسىنگەن بولار.

  بۇگىندە جولىڭىز ءتۇسىپ، شاعانتوعاي اۋداندىق 1-ورتا مەكتەپكە بارا قالساڭىز، وسى اعايىندى ازاماتتار سالعان، جابدىعى تولىق، ەڭسەلى ءۇش قاباتتى جاتاق زامانا ساۋلەتىمەن سالىنعان كوپ قاباتتى عيماراتتارمەن قاتار ەڭسە كوتەرىپ تۇرعاندىعىن كورەسىز. قىزعىلت بينا بەينە شاعانتوعاي حالقىنا: «اينالايىن حالقىم، ماعان سەن، ءبىلىم ىزدەپ كەلگەن جەتەلى ۇرپاعىڭنىڭ قانشاسى بولسادا موينىما سال، مەن كوتەرەمىن» دەپ تۇرعانداي. بەينە شاعانتوعاي اۋداندىق 1-ورتا مەكتەپتىڭ وقىتۋشىسى مادەتبەك بالعابەك ۇلىنىڭ ۇرپاقتىڭ قۇرمەتىنە جاسالعان وسى يگىلىكتى  ىسكە  ارناپ  جازعان «شاعانتوعاي قىراندارى» اتتى تولعاۋىندا:

...   ...   ...   ...   ...
ۇل تۋدى _ دالا مىناۋ ىرىستى ەكەن،
حالقىمنىڭ اق نيەتى دۇرىس تا ەكەن.
ەرزات پەن ءدىلشات سىندى كوپەستەرىم،
التىننان بىزگە قالعان قيىق پە ەكەن.
ءبىلىمسىزدىڭ ارمانى قۇرساعىندا،
ءبىلىمدىنىڭ ارمانى بيىكتە ەكەن.
بازاردىڭ زامانىندا-اۋ مەكتەپ سالعان،
اعالار وزگەلەردەن يىقتى ەكەن.
...   ...   ...   ...   ...
اعالار يىقتى ەكەن وزگەلەردەن،
جاقسىنىڭ جاقسىلىعىن سوزدەن ورگەم.
حالقىنا قانداي پايدا تيەر دەيسىڭ،
ىشپەي-جەمەي جيناعان ەزبەلەردەن.
بىرەۋلەر ءۇنسىز-ءتۇنسىز وتە شىعار،
حان سىندى قازىناسىن كورگە كومگەن.
كەشەگى مەنىڭ بابام قازىنا ەمەس،
نامىس پەن تۋرا ايتىلعان سوزدەن ولگەن.
تاپقانىن حالقىنا اكەپ سيلاپ تۇرعان،
اعالار يىقتى ەكەن وزگەلەردەن.
...   ...   ...   ...   ...
القاعان اتا-انامەن بالالارى،
كوپ قازاق اڭگىمە ەتىپ قالاداعى.
قىزعىلتىم ءۇش قاباتتى بۇل بينانى،
باسبايدىڭ رۋحى دەپ ءبىل دالاداعى.
توزباسىن بوي كوتەرگەن مىناۋ بينا،
ۇرپاقتىڭ اشىق بولىپ سانالارى.
ىزگى ءىسى ەرزاتىڭ مەن ءدىلشاتىڭنىڭ،
ۇرپاققا اڭىز بولىپ قالادى ءالى.
سەبەبى،
جيناپ جاتقان كەرپىش ەمەس،

  ىزگىلىك ەكى ۇلىڭنىڭ قالاعانى...» دەپ تولعاعانىنداي، وسى ازاماتتاردىڭ مەكتەپ سالدىرعان بۇل ىزگى ءىسىن شاعانتوعاي اۋداندىق پارتكوم مەن حالىق ۇكىمەتى قولداپ-قۋاتتاپ، حالقى قۋانا قارسى الدى. وسى وڭىردە ءومىر ءسۇرىپ جاتقان حالىق ەرزات باستاعان  اعايىندى ازاماتتاردىڭ بۇل قيمىلىن تەك ەكونوميكالىق سۇيەمەلدەۋ قيمىلى رەتىندە عانا ەمەس، بۇل قيمىلدى قازاق حالقىنىڭ كوپەستىك داستۇرىنە جاسالعان قۇرمەت، وقۋشىلارعا ىزگىلىك، ادامگەرشىلىك جاعىندا جۇرگىزىلگەن ءبىر رەتكى ءتالىم-تاربيە قيمىلى رەتىندە قابىلدادى. حالىق ەرزات، ءدىلشات، قايرات قاتارلى اعايىندى ازاماتتاردىڭ وسى جولعى قيمىلىنان قازاق حالقىنىڭ كوپەستىك ءداستۇرىنىڭ بۇدان كەيىن ءۇزىلىپ قالمايتىنىنا سەندى. قينالعاندارعا قول ۇشىن بەرىپ، قىسىلعانداردى جەبەيتىن حالىقتىڭ ادامگەرشىلىك كورسەتكىشىنىڭ تومەندەمەي ۇرپاقتان-ۇرپاققا جالعاسا بەرەتىنىنە كوز جەتكىزىپ، بۇل ازاماتتارىمىزعا ات مىنگىزىپ، العىسىن ءبىلدىردى. ال جىلى دا جارىق جاتاق عيماراتىندا ءبىلىم نارىنەن سۋسىنداپ جاتقان وقۋشىلاردىڭ دا اعالارىنا دەگەن العىسى بولەك بولىپ، كۇنى ەرتەڭ وزدەرىنىڭ دە تابىس بيىگىنەن كورىنىپ، اعالارى سياقتى حالىق ءۇشىن ايانباي ەڭبەك ەتەرىنە سەنىمدەرى   بەكەم.

  ءسوز سوڭىندا مەكتەپ سالدىرعان اعايىندى ازاماتتاردىڭ قولعا العان  جۇمىستارىنىڭ كۇن ساناپ قۇدىرەتتەنە بەرۋىن، تابىستان-تابىستارعا جەتە بەرۋىن تىلەيمىز!





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn