ەەڭ جاڭا مازمۇندار
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى
جابايى كەندىردى وتادى
باعىمشىلىقپەن شۇعىلدانىپ اۋقاتتانۋ جولىنا ءتۇستى
تاماعىنا سۇيەك تۇرىپ قالعان بالانى شۇعىل قۇتقاردى
جالپاق شاپتولدىڭ حوش ءيىسى اڭقىپ،شارۋا وتباسى شاتتىققا شومدى
«1-شىلدەنى» قارسى الىپ،پارتيانىڭ مەيىرىن جىرلاپ،اۋەلگى ماقساتتان اينىمادى
بال اراسى اۋىل شارۋاشىلىق وندىرىسىنە كومەگىن تيگىزدى
ەركىن تۇنياز ايماعىمىزدا تەكسەرۋ-زەرتتەۋ جۇرگىزدى
اۆتوكولىك تۇتىنۋىن ورنىقتى ۇلعايتايىق
جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

اۋىلداعى العاشقى ۇستازىمىز

جولدانعان ۋاقىتى : 2014/12/19 17:04:39

تۇرسىن ءىلياس

  قانداي ءىستىڭ بولسا دا تۋ باستان-اق باقانىن ۇستاپ، شاڭىراعىن كوتەرگەن ادام جۇرت كوزىنە الدىمەن تانىلىپ، ونىڭ ەسىمى ەل ەسىنەن جۋىرماندا كوتەرىلە قويمايتىنى حاق. سونداي ادامداردىڭ ءبىرى رەتىندە مۇنان ەلۋ نەشە جىل ىلگەرى اۋىلىمىزدا بولعان جۇماقان اقساقالدى كۇنى بۇگىنگە  دەيىن ۇمىتقان ەمەسپىن.

  ءيا، ول كىسىنىڭ ءومىرى مەن ونەرىنە كۋا بولاتىن ءوز كەزىندەگى زامانداستارى الدەقاشان كەلمەستىڭ كەمەسىنە ءتۇسىپ كەتسە دە، سول ادامنىڭ كوزىن كورىپ، ءتالىمىن ەستىپ، كوپكە ورتاق تاربيەسىن العان كونە كوزدىڭ ءبىرى رەتىندە ءوز بىلەتىندەرىمدى بىلايعى جۇرتقا ايتا كەتۋدى پارىز دەپ   ءبىلدىم.

  جۇماقان اقساقالدىڭ مەنىڭ تۋعان جەرىمنىڭ تۇرعىنى بولعان كەزدەرى مولشەرمەن 1930-جىلدارداعى باتىس قازاقتارىنىڭ بەرى قاراي قونىس اۋدارعان كەزى بولسا كەرەك. ءوز جەرىندە ەسكىشە ساۋاتىن اشىپ، وزدىگىنەن ۇيرەنىپ، جاڭاشا كىتاپ-جۋرنالداردى پايدالانا بىلگەن كوزى اشىق، كوڭىلى وياۋ دەيتىن جانداردىڭ ءبىرى بولعان كورىنەدى. بۇل جاققا كەلگەن سوڭ، جان باعۋ قامىندا تۇرلىشە كاسىپتەرمەن شۇعىلدانا ءجۇرىپ، اسىرەسە     اعاششىلىق ونەرىن كوبىرەك ۇستانىپتى. سول كەزدە اعاشتان جاسالاتىن توسەك، ۇستەل، تەگەنە، استاۋ جانە ءار ءتۇرلى كۇمىستەلگەن شارالار مەن توستاعان، قىسقاسى قاسىق سياقتى بۇيىمداردا بۇل اۋىلدا جۇكەڭنەن باسقا ەشقانداي ادامنىڭ قولىنان كەلمەيتىن كورىنەدى. وزىندىك ەمشىلىك ونەرىمەن دە كوزگە تۇسكەن كەزدەرى بولعان، حالىقتىق داۋالاۋ جولدارىمەن داۋالاي بىلەتىن. اۋىل ادامدارى ول كىسىنى تەك اعاششىلىق، ەمشىلىك ونەرىمەن عانا ەمەس، كىتابي بىلىمدەرىنە دە ءتانتى بولىپتى. ونىڭ قيسا-داستانداردى مانەرىنە كەلتىرىپ وقي بىلەتىن، ءتىپتى جاتقا ايتاتىن ونەرىنە قىزىعىپ، ءار ءۇي كەزەكپەن شاقىرىپ، قيسا-داستان ەستۋدى ادەتكە اينالدىرعان ەكەن.

  رۋحاني مادەنيەتتەن ساڭىلاۋ اشقان جۇكەڭ اقساقال ارا-تۇرا كىتاپ وقۋمەن تىنباي، مەكتەپ بەتىن كورمەگەن اۋىل بالالارىنا توتە جازۋمەن حات تانىتۋدى دا كەلەلى ءىس دەپ بىلگەن. ونىڭ باستاماسىمەن كوتەرىلگەن يگى جۇمىستىڭ سوڭعى لەگىنە مەن دە ىلىنگەم. وتكەن عاسىردىڭ قىرقىنشى جىلدارىنىڭ   اياعىنا دەيىن اۋىلىمىز كولەمىندە ارنايى قۇرىلعان مەكتەپ بولماعاندىقتان، حات تانۋدى قۇمارتقان اۋىل بالالارىمەن بىرگە، جۇكەڭنىڭ جۇمىس ۇيىندەگى اعاش جاڭقاسىنا كۇن سايىن جازىپ بەرەتىن جەكە ارىپتەرىن وقىپ، جازۋمەن ماشىقتاناتىنبىز. ءسويتىپ ءجۇرىپ بىرنەشە ايدا سوقالاپ جازاتىن، قارىپتاپ وقيتىن دارەجەگە دە كەلىپ قالدىق. بۇل كەزدە وزىمىزدەن گورى، اكە-شەشەمىزدىڭ قۋانعانى سونشالىق بىزگە ءتىلاشار ىرىمىن جاساپ، اۋىل اقساقالدارىنىڭ باتاسىن الدىردى. بۇل ءبىز ءۇشىن ايتقاندا، بەينە جوعارى مەكتەپتى تامامداۋعا از قالعانداي سەزىلەتىن. جاڭقاعا جازىلعان ارىپتەردى اياقتاتىپ، حات تانيتىن بولا باستاعانىمىزدا ۇستازىمىزدىڭ جيعان-تەرگەن كىتاپ-جۋرنالدارىنا قولقا سالا باستادىق، ەڭ الدىمەن جۇكەڭنىڭ ءوزى  ۇيرەتكەن وقۋلىق، كىتاپتارىنىڭ ىشىندەگى اباي ولەڭدەرى مەن ىبىراي    التىنساريننىڭ «كەل بالالار وقىلىق» قاتارلى ولەڭدەرى جازىلعان كىتاپتاردى قولدان-قولعا وتكىزىپ، تالاسا-تارماسا ءجۇرىپ وقيتىن ەدىك. مۇنان سىرت، جۇكەڭنىڭ جۇرت جينالعان جەردەگى كوپ الدىندا ايتاتىن اڭگىمەلەرىنە دە قۇلاق تۇرەتىنبىز، اسىرەسە ۇلتىمىزدىڭ ەرتەدەن قازىرگە دەيىنگى ۇلى ادامدارىنان جۇكەڭنىڭ بىلەتىندەرى دە از   ەمەس ەدى. سولار جايىندا، ولاردىڭ ەلگە ىستەگەن يگى ىستەرى جايىندا اڭگىمەلەپ، جينالعان جۇرتتى تاريحي وقيعالاردان دا حاباردار ەتىپ وتىراتىنىن ەت قۇلاعىممەن ەستىگەندەردىڭ   ءبىرىمىن.

  «بولماساڭدا ۇقساپ باق» دەگەندەي، ۇستازىمىزعا ەلىكتەپ، ول كىسىنىڭ سويلەگەن ءسوزى مەن ىستەگەن ىستەرىنىڭ بارىندە وزىمىزگە ونەگە    رەتىندە قابىلدايتىن ەدىك. ءبىر جىلى ورازا كەزى بولاتىن، كۇندەگى ادەتىمشە كەشكى تاماقتان كەيىن ۇيىقتاپ    قالىپپىن، ءۇيدىڭ ىرگەسىنەن شاڭقىلداي شىققان دىبىستان ويانىپ كەتتىم، تىڭداسام ءبىر ءتۇرلى ولەڭ اۋەنىنە سالىپ ايتىلعان قيسىندى سوزدەردىڭ تىزبەگىنە ۇقسايدى ەكەن. اكەمنەن  سۇرادىم:

  -مىنا كىسى نەگە ۇيگە كىرىپ ايتپايدى، دالادا تۇرىپ ايتاتىنى قالاي؟-دەدىم.

  -سەن ءالى ەستىمەگەن بە ەدىڭ، بۇل ءار جىلى ورازا ايىندا ايتىلاتىن جاراپازان دەگەن ولەڭ، مۇنى ءبىزدىڭ اۋىلدا ۇلكەندەردەن تەك جۇماقان اتاڭ عانا ايتا بىلەدى،-دەدى.

  -ەندەشە، ەرتەڭ جۇماقان اتادان  ۇيرەنىپ الىپ مەندە ايتاتىن بولامىن،- دەدىم. ەرتەڭىندە اۋىل بالالارى ۇستازىمىزعا بارىپ جاراپازان ۇيرەتۋدى وتىندىك. ءسويتىپ كەلەسى جولعى جاراپازان ايتۋدى ۇستازىمىزدىڭ  ورنىنا ءوزىمىز ايتىپ، اۋىل ۇلكەندەرىنىڭ  ىقىلاسىن ەستىپ، قاتتى قۋانعان جايىمىز بولعان.

  «ۇستازدىق ەتكەن جالىقپاس، ۇيرەتۋدەن بالاعا» دەگەندەي، تاربيەشىمىز نە ءبارى ءبىر جىل ىشىندە ءبىزدىڭ حات ساۋاتىمىزدى اشۋمەن بىرگە، جەكە ارىپتەردەن باستاپ دۇرىس ءارى كوركەم جازۋدى، ونان سوڭ جۇزگە دەيىنگى سان-سيفرلاردىڭ ءتورت امالىن ەسەپتەۋ جولدارىن دا ۇعىندىرىپ وتىردى. وسىنىڭ ارقاسىندا كەيىن مەكتەپكە كىرگەن سوڭ ءبىرىنشى كلاسقا ايالداماي-اق، ەكىنشى كلاستىڭ ساباعىنا دا ۇلگىرىپ كەتتىك.

  «جاقسىدان شاراپات» دەمەكشى،   ءبىزدى قويىپ، اۋىل ۇلكەندەرى دە ول كىسىدەن اقىل-كەڭەس تىڭداۋعا، وزدەرى بىلمەگەن ءارقانداي ءىستىڭ ءجون-جوسىعىن سۇراپ وتىرۋعا ادەتتەنگەن ەدى. وسى جونىنەن ايتقاندا، جۇكەڭدى ءبىر اۋىلدىڭ ايتاقالسىن  ونەگەلىسى دە، ونەرلىسى دە، باتاگوي اقساقالى دا بولا بىلگەن سۇڭعىلا جانداردىڭ ءبىرى ەدى دەسەك ارتىق ايتپاعان بولارمىز.

  ءوز ومىرىندە وسىنداي ىستەرىمەن ونەگە قالدىرعان اۋىلىمىزداعى العاشقى ۇستازى جۇماقان اتامىزدىڭ تاربيە- تالىمدەرىن ءارقاشان ەستەن شىعارماق ەمەسپىز.



 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn