ەەڭ جاڭا مازمۇندار
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى
جابايى كەندىردى وتادى
باعىمشىلىقپەن شۇعىلدانىپ اۋقاتتانۋ جولىنا ءتۇستى
تاماعىنا سۇيەك تۇرىپ قالعان بالانى شۇعىل قۇتقاردى
جالپاق شاپتولدىڭ حوش ءيىسى اڭقىپ،شارۋا وتباسى شاتتىققا شومدى
«1-شىلدەنى» قارسى الىپ،پارتيانىڭ مەيىرىن جىرلاپ،اۋەلگى ماقساتتان اينىمادى
بال اراسى اۋىل شارۋاشىلىق وندىرىسىنە كومەگىن تيگىزدى
ەركىن تۇنياز ايماعىمىزدا تەكسەرۋ-زەرتتەۋ جۇرگىزدى
اۆتوكولىك تۇتىنۋىن ورنىقتى ۇلعايتايىق
جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

الىمدى اعارتۋشىنىڭ ەڭبەكتەرى مول ەدى

جولدانعان ۋاقىتى : 2014/12/19 17:05:57

عاپپاس كوكسەگەن ۇلى
 
  بۇل ەسسەمىزدىڭ جازىلۋىنا سەبەپشى بولعان گەرويىمىز ەلى ءۇشىن ەڭبەك ءسىڭىرىپ، ىسىمەن ونەگە قالدىرعان قارت پەداگوگ، تاڭداۋلى كوممۋنيست، تولى اۋدانى وقۋ-اعارتۋ ىستەرىنە ەڭبەگى سىڭگەن قارت ۇستاز زارقۇم وسپان ۇلى ەدى. زارقۇم وسپان ۇلى 1921-جىلى تولى اۋدانىنىڭ قاراباۋىر دەگەن جەرىندە مالشى وتباسىندا دۇنيەگە كەلگەن. سوناۋ 1935-جىلداردان بۇرىنعى ۇكىرداي اسەيىنعازى سول كەزدە جوبالاپ سالدىرعان مەكتەپتەرىنىڭ اتىن جەردى، رۋدى نەگىز ەتىپ قويادى ەكەن، سول مەكتەپتەردىڭ ءبىرى بولعان ءۇش شەرۋشىنىڭ زاڭگىسى ەرەجەپباي باسشىلىق ەتىپ سالدىرعان ۇلانبۇلاق باستاۋىش مەكتەبىنەن زاقاڭ 1935-جىلدان 1938-جىلعا دەيىن وقىپ، 1938-جىلدان 1940-جىلعا دەيىن شاۋەشەكتە وقىپ ورتالاۋ مەكتەپتى بىتىرگەن سوڭ، 1942-جىلى شيحۋ اۋدانى (قازىرگى شيحۋ قالاسى) گانجياحۋ باستاۋىش مەكتەبىنەن تۇڭعىش ۇلاعاتتى ۇستازدىق ساپارىن باستايدى. ول ۇرپاق ءۇشىن ادال نيەت ارناپ، وزىنە قاتال تالاپ قويىپ، قىزمەتتى بۇكىل ىنتا-پەيىلىمەن ىستەپ، وزىنە بولىنگەن ساباقتاردى شوگەلدىكپەن وقىتىپ، مەكتەپ باسشىلىعىنىڭ القاۋىن الادى. 1945-، 1952-جىلدارى تولى اۋدانى اقكەنەرە باستاۋىش مەكتەبىنە وقىتۋشى بولىپ   ءبولىنىپ، تاۋلى وڭىرگە بىتىراي قونىستانعان شارت-جاعدايى ناشار، قاتىناسى قولايسىز، وقىتۋشى سانى از ورتادا قىزمەت جۇرگىزەدى، ول كەزدە سول مەكتەپتە ارەڭ 3 وقىتۋشى، 95 وقۋشى بار بولاتىن. ارىندى جاس ۇستاز وزدىگىنەن ءبىلىمىن مولىقتىرىپ، ءبىلىم بەرۋدىڭ قىرى مەن سىرىنا قانىعىپ، قوسپا باستاۋىش كلاستارعا ساباق ءوتتى.

  1952-جىلدان 1961-جىلى قاراشاعا دەيىن تولى اۋداندىق 1-ورتا مەكتەپتە وقىتۋشى بولىپ ىستەپ، ورتادا 1960-جىلدان 1961-جىلى تامىزعا دەيىن اۆتونوميالى رايوندىق پارتيا مەكتەبىندە ءبىلىم تولىقتىرۋ كۋرسىنا قاتىناسادى. زاقاڭ تولى ورتالاۋ مەكتەبىنىڭ تۇڭعىش پيونەرلەر ۇلكەن وتريادىن قۇرىپ، ءوزى باس تاربيەشىسى مىندەتىن وتەپتى. ورتالاۋ جىلدىقتارعا تاريح، ساياسات ساباقتارىن وتۋدە كىتاپ بەتتەرىن پاراقتاپ، كوز مايىن تاۋىسىپ، وي-ساناسىن تاۋىسا وتىرىپ، كونىسپەك دايىنداپ، قازاقتىڭ قارا دومالاق ۇل-قىزىنا قارا دوسكا الدىندا ساباق سويلەيدى. 1959-جىلى شىلدە ايىندا زاقاڭ داڭقپەن جۇڭگو كوممۋنيستىك پارتياسىنا مۇشە بولىپ قابىلدانادى.

  زاقاڭ قاراپايىم، اق كوڭىل، اڭقىلداق مىنەزدى، قىزمەتتى شىن پەيىلىمەن ىستەيتىن، تيتتەي دە باس پايداعا سالىنبايتىن قارت پەداگوگ. ول ۇزاق جىلدىق قىزمەت ىستەۋ جاريانىندا تالاي مارتە «تاڭداۋلى كوممۋنيست»، «ۇزدىك وقىتۋشى»،    «ۇزدىك مەكتەپ مەڭگەرۋشىسى» بولىپ سيلانعان. ايتالىق، 1960-جىلى اۆتونوميالى رايوندىق حالىق ۇكىمەتى وقۋ-اعارتۋ سالاسىندا ىستەگەن 30 جىلداعى ۇلاعاتتى ەڭبەكتەرىن جوعارى باعالاپ «ۇزدىك  وقىتۋشى»، «باعبان وزات» دەپ زاتتاي جانە داڭق كۋالىكتەرىمەن ماراپاتتالسا، اۆتونوميالى رايوندىق حالىق   ۇكىمەتى جاعىنان «ۇزدىك ءداستۇردى جالعاستىرعان وزات» بولىپ، «جۇڭگو حالقىنىڭ جاپونعا قارسى سوعىستىڭ 60 جىلدىعىن ەسكە ءتۇسىرۋ وردەنىمەن» دە سيلانادى.

  «ەسكە الۋ قانداي جاقسى، ەسكە الار ادام بولسا» دەگەندەي، ءومىر سىندى بۋىرقانا موڭكىگەن وزەن   اعىسىندا رىزدىعىن ىلعي دا ماشاقاتتى ەڭبەكتەنۋدەن ىزدەپ، سارپالداڭ عۇمىر كەشكەن زارقۇم 1961-جىلى قاراشادا تولى اۋداندىق 1-باستاۋىش مەكتەپتىڭ پارتيا ياچەيكا شۋجيى، مەكتەپ مەڭگەرۋشىسى بولىپ تاعايىندالادى. بۇكىل ءومىرىن ۇرپاق تاربيەسىنە ارناعان، ۇلاعاتتى ۇرپاق تاربيەلەۋدەگى تارتىمدى ەڭبەگىمەن، تابىستارىمەن كوپتىڭ كوزىنە ءتۇسىپ، ۇيىمنىڭ القاۋىنا بولەنگەن كوممۋنيست، ىسكەر باسشى زارقۇم وسپان ۇلى پارتيانىڭ وقۋ-اعارتۋ ىسنە ادال نيەت ارناپ، مەكتەپ ءتالىم-تاربيەسىندە وتباسى، قوعام، مەكتەپ سىندى ءۇش جاقتى ۇشتاستىرىپ، ساياسي يدەيالىق تاربيە مەن وقىتۋدى ۇشتاستىرىپ، تابان ەت، ماڭداي تەرىن توگىپ، مەكتەپتىڭ  ءتارتىپ-تۇزىمدەرىن كەمەلدەندىرىپ، وقۋ-وقىتۋ ساپاسىن جوعارىلاتىپ، تولى اۋداندىق 1-باستاۋىش مەكتەپتى اۋدان كولەمىندەگى كەمەلدى مەكتەپ ەتىپ قۇرىپ شىقتى. وسىلاي جانىن جالداپ، ۇكىلەپ ۇشىرعان  ۇلاعاتتى ۇلاندارى قازىر قوعامنىڭ ءار سالاسىندا قوماقتى مىندەتتەر اتقارۋدا. 1984-جىلى شىلدەدە قارت پەداگوگ، تاباندى تارلان، قالاۋلى مەكتەپ جەتەكشىسى زارقۇم 42 جىلدى ءبىر كۇنگىدەي وتكىزىپ، وقۋ-اعارتۋ سالاسىنان زەينەتكە شىعادى.

  زاقاڭ دەمالىسقا شىققاننان كەيىن دە ۇرپاقتارعا ونەگە قالدىرۋ ماقساتىندا قالام تەربەپ اباق كەرەيدىڭ شەرۋشى شەجىرەسىن جازىپ 1996-جىلى ناۋرىزدا تۇڭعىش رەت باسپادان شىعارادى. «ساتباي قاجىنىڭ ۇرپاق تاربيەلەۋى»، «مالگاجداردىڭ ايتىس ولەڭدەرى»، «مۇقامەتباي سۇلەيمەننىڭ شيڭ تۇرمەسىندەگى حاتى»، «قوجاناسىر ولەڭدەرى» سياقتى ەڭبەكتەرى «تارباعاتاي»، «مۇرا» جۋرنالى سياقتى باسىلىمداردا جاريالانىپ وقىرمانمەن جۇزدەسكەن. زاقاڭنىڭ ءومىر بايانى  «تولىقسىعان تولى»، «قاراعايباستاۋ قاينارى»، « تولى اۋدانىنىڭ تاريحي شەجىرەسى» (حانزۋ تىلىندە) سياقتى جيناقتاردا ارناۋلى تانىستىرىلعان. تولى تاريحىندا پارتيا ورتالىق كوميتەتى ۇيىمداستىرۋ ءبولىمىنىڭ 1984-جىلى 11-ءنومىرلى، ورتالىق كادرلار ءبولىمىنىڭ 1984-جىلعى 13-ءنومىرلى حۇجات رۋحىنا ساي، تارباعاتاي ايماقتىق پارتكوم  ۇيىمداستىرۋ ءبولىمى 1985-جىلى 61-ءنومىرلى حۇجات شىعارىپ زارقۇم جولداستى اۋدان (باسقارما) دارەجەلى مامىلەمەن زەينەتكە شىعارعان بولاتىن. الىمدى اعارتۋشى، تاباندى تارلان، قالاۋلى باسشى زارقۇم وسپان ۇلى 2012-جىلى 6-ماۋسىم كۇنى تولى قالاشىعىندا 92 جاسىندا ءوز ۇيىندە دۇنيەدەن ءوتتى. ارامىزدا زاقاڭنىڭ القاۋعا تاتيتىن تاماشا    ءمورالى، ۇلگى ەتەرلىك ۇستازدىق  ونەگەسى، اڭىز ەتىپ ايتار توككەن تەر، ەسەلى ەڭبەگى قالدى. بۇل ەڭبەكتەر وتان توپىراعىندا تايعا باسقان تاڭباداي التىن ارىپتەرمەن ادىپتەلىپ جازىلعان تاريح ەدى.




 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn