ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

ءمولدىر بۇلاق سىڭعىرلايدى

جولدانعان ۋاقىتى : 2014/12/26 16:23:29

ءمولدىر بۇلاق سىڭعىرلايدى
ناديرا شايدوللا قىزى

  ۇلى جارالمىشتىڭ پەندە بالاسىنا سيلاعان ءومىر دەيتىن تەڭدەسسىز مۇعجيزاسىندا  تالانت اتتى قۇدىرەتتى كۇشتىڭ ورنى بولەك. ادامزات تاريحىن سەلت ەتكىزگەن نە ءبىر ۇلى دانىشپاندار، ويلامى زاڭعارعا تەڭەسكەن ويشىل، ءتىلسىمات عىلىمنىڭ تيەگىن اعىتقان عالىمدار انە سول تالانت يەلەرىنىڭ   ۋاكىلى بولماق. ءوز زاماندارىن ۇلكەن قوعامدىق تارتىسپەن وتكەرگەن سول ۇلىلاردىڭ رۋحي الەمىن ءبىز ۇرپاقتار كەيىننەن زەرتتەي كەلە تۇسىندىك. ەگەر تۋادا دارىندىلىقتىڭ دا،  الىمدىلىقتىڭ دا ءبىر ادامنىڭ بويىنان اۋەلدە-اق بىردەي تابىلا كەتۋى جاققان قۇلىنا تاعدىر سيلاعان ومىرلىك وزگەرمەس قاسيەت دەلىنسە، ءوز باسىم مۇنى اسىرا ايتىلعان   ايعاي ءسوز دەر ەدىم. ويتكەنى ادامزات الەمىن جاراتقان ۇلى كۇش _ ەڭبەك جانە ونەگە.   وسىنىڭ ىشىندە رۋحاني ەڭبەككەردىڭ ىقپالىنا جان لەبىزىڭمەن ءتانتى بولاسىڭ. بۇل جاعىندا پاراساتتى دا كورەگەن حالىق دانالىعىنا جۇگىنسەك، «كورە-كورە كوسەم، سويلەي-سويلەي شەشەن بولادى» دەيتىن  تاعىلىمنان ادام بويىنا تۋادا بىتكەن قاسيەتتىڭ ومىرمەن قاناتتانىپ، بيىككە قالىقتايتىنىن جوققا شىعارا المايمىز. «قۇس ۇيادا نەنى كورسە، ۇشقاندا سونى الادى» دەيتىن ۇلى ءسوز توركىنىنە اپارىپ تىرەيدى. مىنە، وسىلايشا سوزىپ وتىرعان ءسوز جىبەگىمىزدىڭ مازمۇنى تارباعاتاي ايماقتىق كينو-تەلەفيلم ورتالىعىنىڭ دىبىس اكتەرى، جاس ءانشى  ءمولدىر مەيىرقان قىزى جايىندا بولماق.

  تىرشىلىكتە بۇل دۇنيەنىڭ كاۋسارىنان تامسانا وتىرىپ، كەيدە تۋعان جەردىڭ تاسباستاۋىن ساعىناتىن كەزىڭ بولادى. ءوز باسىم ءالى كۇنگى تولى قالاشىعىنىڭ توسىندەگى بال تاتىپ، ءمولدىرەپ جاتقان قاراعايباستاۋدى ويلاسام، قاراداي شولىركەيمىن، تىم قۇرىسا سوندا بارىپ ءبىر كەسە سۋ جۇتقىم كەلەدى. ەندەشە، وسىنداي قۇدىرەتتى ءابىلحايات سۋىنىڭ كيەسى نەدە؟ ارينە، حالىق ناقىلىندا سول ءبىر كيەلى باستاۋ سۋسىنداعان پەرزەنتتەرىنە ونەر جولىن سيلايدى دەلىنەدى ەكەن. بۇل دا بەكەر ايتىلماعان شىعار. ويتكەنى عاسىرلار اتتاسادا، سول توپىراقتا ءىزى قالعان نە ءبىر ۇلاعاتتى ادامدار حيكاياسى  وسىنى ايعاقتايدى. ال سولاردىڭ بۇگىنگى ۇرپاقتارى دا ءوز ەنشىسىنەن قۇر الاقان قالعان جوق، ءمولدىر مەيىرقان قىزى انە سول ونەردەگى ەنشىلى ارۋلارىمىزدىڭ ءبىرى.

  جازمىش شىركىن كەي ساتتەرى ادامعا  ادەمى تاعدىر سيلايدى. 1987-جىلى زامان كوشى تىڭ تىرلىككە بەت الىپ، عىلىمنىڭ جاڭا كوكتەمى شۋاعىن شاشقان ايتاقالسىن مەزگىلدە كادىمگى قاراعايباستاۋ جاعاسىندا  ءومىر ەسىگىن اشتى. ءسويتىپ، ارعى اتاسى وسىناۋ جوڭعاردىڭ قۇندىز جونى اتانعان مايلى تاۋىنىڭ ارشالى سالاسىن مەكەن تۇتىپ، وسىنداعى ءبىر ۇلىسقا باس بولعان قاراقىز ءبيدىڭ ۇرپاعى مەيىرقان قاسەن ۇلىنىڭ وتباسىندا، كەرەگەسىنە دومبىرا ءىلىنىپ، شاڭىراعىن كۇي كەرنەگەن ءوزىنىڭ التىن ۇياسىندا جاس ءمولدىر ەس ءبىلىپ، تاربيە الدى. ارينە، بەسىك بەلگىسى، سىرماق ۇلگىسى بار، كورگەندى  اتا-انا ءمولدىردىڭ ونەرگە دەگەن بەيىمىن جاستاي سەزىپ، ەسكەرە ءبىلدى. ەشبىر جالىقپاستان دومبىرانىڭ، ءان-جىردىڭ جەكە نەمەسە كوللەكتيۆ ۇيرەنىستەرىنە جەتەكتەپ اپارىپ وتىردى. ءۇمىت ادامدى العا جەتەلەيدى، قاناتىڭدى ارمان عانا جەلپىندىرەدى. الگىندەي ونەر شاڭىراعىنىڭ جاس ۇلانى وسىلايشا بەسىگىنەن بەل كوتەرە قۇلاعىن انگە توسەدى. بالعىن كومەيىن جىر-داستاننىڭ سۇلۋ سازىمەن سىڭعىرلاتتى. ءسويتىپ، «اكە كورگەن وق جونار، شەشە كورگەن تون پىشەر» دەگەندەي، ۇلاعاتتى تاربيە ونەرگە تالپىنعان  جەتكىنشەكتىڭ قادامىن العا اتتاتا بەردى.

  ايالسىز اۋىسقان ماۋسىمدار ءۇردىسىنىڭ جەلپىنگەن، جاسارعان، جاعىمدى اۋەنى _ كوكتەمدەگى بۇلبۇل ۇنىنە زەر سالساڭ، سول اسەم ءۇنىنىڭ اراسىنداعى ەڭ نازىك تە تۇنىعى العاش سايراعان بالاپاندارىنىكى بولىپ شىعادى، ەندەشە، بۇگىنگى بالاپان ەرتەڭگى شەشەن بۇلبۇل. ال ءمولدىر سوناۋ ورتالاۋ مەكتەپ وقىپ جۇرگەن تۇسىندا-اق اۋماعىنا ەرتەڭگى بۇلبۇل ءۇنىن توگە باستاعان جەتكىنشەك ەدى. مۇنىڭ دالەلى ونىڭ سول جىلدارى ىلعي دا شينجياڭ تەلەۆيزياسىنىڭ «1-ماۋسىم» حالىقارالىق بالالار مەرەكەسى بايلانىسىمەن وتكىزەتىن ارناۋلى كونسەرتىنە قاتىناسىپ، جۇلدە الىپ ورالاتىن تۇستارى دەر ەدىك. ءسويتىپ، بالعىن تالاپكەر ارمانشىل  اتا-انا مەن التىن ۇيا _ مەكتەپ الاقانىندا  ومىرىندە تۇڭعىش رەت «ءانشى بالاپان» اتتى ءان تاسپاسىن شىعارادى.

  كەرمەدەگى ەلەڭدەۋلى سايگۇلىكتى كورگەن قازاق بالاسى جولى اشىلسىن دەپ اق تىلەك ايتاتىنى تابيعي. سونداي ءبىر جۇرت تىلەگى ۇردىسىندە ۋاقىت دوڭعالاعى جاس مولدىرگە ونەر ورىنە قادام قويعان ادەمى داڭعىل سيلادى. بۇل وراي ونىڭ 2003-جىلدان 2006-جىلعا دەيىن ىلە قازاق اۆتونوميالى وبلىستىق كۇيتۇن كوركەمونەر مەكتەبىنىڭ مۋزيكا-ءان كلاسىندا ءبىلىم الۋ بارىسى ەدى. ۇلاعاتتى ۇستاز ونەگەسى الدىندا ساناسى ساۋلە قۇشىپ، كوكىرەگى كەڭي تۇسكەن تالانتتى جاس قاتارلاستارىنان وزا شاۋىپ، سول مەزگىلدىڭ وزىندە ءوز ونەرىنەن «جاستىق رومانتيكاسى» اتتى ءان تاسپاسىن شىعارىپ، جاستار قاۋىمىنا قۋانا قول سوقتىرادى. «كەرەمەتتىڭ ءبارى جاس داۋرەندە جاتىر» دەيدى ەكەن اعىلەسكەر جازۋشى عابيت مۇسىرەپوۆ. ايتسا ايتقانداي، ەسىل جاستىقتىڭ ايدىنىنا ەندى ەنگەن ءمولدىر 2004-جىلى ىلە قازاق اۆتونوميالى وبلىستىق جاستار شىعارماشىلىعىن باعالاۋ جينالىسىندا ءوزى جازىپ، ءوزى ورىنداعان «قيىرداعى كوكتەم»، «ۇستازىم» اتتى اندەرىمەن ءبىرىنشى دارەجەلى سيلىقتى جەڭىپ الادى. وسىعان جالعاس، 2005-جىلى مەملەكەتتىك از ۇلت جاستارى ءان جارىسىندا «كريستال لوڭقا» سيلىعىنىڭ ەكىنشى دارەجەلى سيلىعىن ەنشىلەپ قايتادى.

  ويشىل اقىن ومارعازى ايتان ۇلىنىڭ «ونەر جولىنىڭ بوگەتى _ قاناعاتتانۋ مەن بويكۇيەزدىك» دەيتىن كەرەمەت تۇجىرىمى بار. سارابدال اتانىڭ سول تۇجىرىمىن جادىنا تۇيگەن وجەت قىز ەندىگى جەردە ونەرگە تىنباي ورلەۋدىڭ ساتىسىن ىزدەيدى. ءسويتىپ، 2007-جىلى قازاقستان رەسپۋبليكاسىنىڭ الماتى قالاسىنداعى جۇنىسبەك ەلەبەكوۆ اتىنداعى ونەر مەكتەبىنە تۇسەدى. ونەر جولىن ەگەس دەپ بىلگەن ستۋدەنت مۇندا دا نە ءبىر كورنەكتى ۇستازداردىڭ جەتەگىندە ۇيرەنۋدى، جاسامپازدىقتى ەڭ العى ورىنعا قويىپ، جان-جاقتى قۇلشىنۋدان تانبادى. سويتكەن ىنتىزار شاكىرت 2009-جىلى قازاقستان رەسپۋبليكاسىنىڭ الماتى قالاسىندا وتكىزىلگەن 18-كەزەكتى ءان ونەرىندەگى حالىقارالىق «شابىت جارىسىنا» قاتىناسىپ، ءۇشىنشى دارەجەلى سيلىقتى ەنشىلەيدى. ونەر قۇدىرەتتى ادامدى ورگە جەتەلەيتىنى شىندىق.  وسىنداي قۇلشىنىس جولىنداعى جاس ءمولدىر تاعى دا وسى جىلى تامىزدا قازاقستاننىڭ استانا قالاسىندا پريزدەنت نازاربايەۆتىڭ الدىندا «جاستىق رومانتيكاسى» اتتى ءاندى ورىنداپ، ۇلكەن ماراپاتقا يە بولادى. ءارقانداي ادام، ەڭ اۋەلى، ءوز وتانىنىڭ ۇلانى، ەندەشە، وتاندى ۇلاعاتتاۋ كىم-كىمنىڭ دە پەرزەنتتىك بورىشى بولماق. 2010-جىلى ماۋسىمدا جۇڭگو- قازاقستان ەل اعالارى باس قوسقان قۇرمەتتى سالتتا تالاپ بويىنشا « تۋعان جەر» اتتى اسەم ءاندى حانزۋ تىلىندە ورىنداپ، ماراپاتتالعانىن نەگە سونىڭ دالەلى دەمەسكە؟!

  قازاقستانداعى وقۋىن تابىستى تامامداپ، 2010-جىلى تۋعان ەلىنە ورالعان ءمولدىر مەيىرقان قىزى ءبىر مەزەت تارباعاتاي ايماقتىق كوركەمونەر ۇيىرمەسىندە ءانشى بولىپ جۇمىس اتقارادى. مۇندا دا نە ءبىر الەۋمەتتىك كونسەرتتەردە ساحنانىڭ ءسانىن كەلتىرىپ، كۇمىس كومەيىن سىڭعىرلاتقان قازاق قىزىنا قانشا مىڭداعان كورەرمەن قول سوقپادى دەسەڭىزشى!

  ونەرپازعا ونەر جولى _ تاۋسىلمايتىن تارماق. سول جولداعى جاپاكەش جولاۋشى ءمولدىر ەندىگى جەردە 2012-جىلى تارباعاتاي ايماقتىق كينو-تەلەفيلم اۋدارۋ ورتالىعىنىڭ دىبىس اكتەرى بولىپ مىندەت ارقالايدى. ارينە، اۋەنى تۇنىق، كوڭىلى كىرسىز، وجەت قىز مۇندا كەلگەن سوڭ، ەلەۋلى جۇمىستار اتقارادى. ەكرانداعى نە ءبىر الۋان كەيىپكەرلەردىڭ ءسوزىن كورەرمەنگە ءوز اينىندە جەتكىزىپ، سان مىڭداعان جۇرەكتى تەبىرەنىسپەن لۇپىلدەتىپ، قايعىرتادى دا قۋانتادى.

  وسىنداي ونەر ولكەسىندەگى قاراپايىم  قازاق قىزى 2014-جىلى شينجياڭ تەلەۆيزياسى مەن ءۇرىمجى ءبىل-مادەنيەت تاراتۋ سەرىكتەستىگى بىرلەسىپ ۇيىمداستىرعان  «كۇمىس كومەي» ءان بايقاۋىنا باستان-اياق قاتىناسىپ، كوگىلدىر ەكران الدىنداعى   قالىڭ كورەرمەننىڭ ايىزىن قاندىرىپ،     الدىڭعى سەگىز قاتارىنا كىردى. ءتىپتى استانامىز بەيجيڭدە وتكىزىلگەن قازاقتى قامتىعان از ساندى 7 ۇلتتىڭ تاڭداۋلى ءانشىسىن سارالاۋ باسەكەسىنە دە قاتىناسىپ،   باعالاۋشى مامانداردىڭ، كۇللى تىڭدارماننىڭ كوڭىلىنەن وزىندىك ورىن الدى...

  مەيلى قانداي جاعدايدا دا ناشىنا كەلتىرە ورىندالعان اسەم ءان _ ادام جانىن شارىقتاعان تۇسىنا اپارىپ تىرەيتىن رۋحاني قۇدىرەت. ال ءانشىنى (ناعىز ءانشى بولعاندا) سول قۇدىرەتتى جەتكىزەتىن پەرىشتە ىسپەتتى دەر   ەدىك. بۇل كۇندە ساحنالىق كونسەرت، راديو تولقىنى، كوگىلدىر ەكران بولسىن، ءانشى كوپ، ايتىلاتىن ءان ءتىپتى دە كوپ. دەسەدە بارعان سايىن اشىلا تۇسكەن تىڭدارمان ساناسى ءاننىڭ ءانىن تالاپ ەتەدى. بىزدىڭشە، بۇرقىراتىپ شابىتسىز ءان جازا بەرۋ، ورىنداۋىندا دا ناشىنا كەلتىرمەي ايعايلاي بەرۋ    ونەرپازدىڭ مۇراتى ەمەس. ونى ەسكەرگەندە، اسەرسىز، ناشار اندەر مەن قارابايىر انشىلەردى شەنەگەن اباي اتامىزدىڭ «قۇر ايعاي باقىرعان، قۇلاققا ءان بە ەكەن» دەيتىن ولەڭ شۋماعى ويعا ورالادى. مۇندايدا تىنباي تالپىنىپ،  بۇلبۇل ءۇنىن كومەيدەن سىڭعىرلاتىپ جۇرگەن ءمولدىر مەيىرقان قىزى قاتارلى جاستارعا ريزاشىلىقپەن قول سوعا وتىرىپ،   بوگەتسىز داڭعىل، بيىك تۇرعى، نۇرلى    كەلەشەك تىلەيمىز.



 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn