ەەڭ جاڭا مازمۇندار
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك
2020-جىلى 6-ايدىڭ 1-كۇنى 111-سان
2020-جىلى 5-ايدىڭ 30-كۇنى 110-سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى
لي كىچياڭ زۇڭلي تىلشىلەر جيىنىنا قاتىناستى ءارى جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، گۇلدەنۋ ۇلى ءىسىن بىرگە ىسكە اسىرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
قۇبا تۇزدەگى قۇت مەكەن
شىڭ باسىنا ءساتتى شىقتى! جۇڭگونىڭ ولشەۋشى شىڭشىلدار اترەتى چومولاڭما شىڭىنىڭ ”بيىكتىگىن“ تاعى دا ولشەدى

بارلىق ادام سۇيىسپەنشىلىككە مۇقتاج

جولدانعان ۋاقىتى : 2014/12/31 12:30:43

  قايسى ءبىر تەلەفيلمدە «وقىتۋشى بولعىم جوق ەدى، ۇستازعا بىلىنبەس راحات لەبى» دەگەن ولەڭ جولىن ەستىگەنىم بار ەدى. مەن ايتپاقشى بولعان اڭگىمە بۇدان باسقاشا. وقىتۋشىلىقتىڭ جاپالى ءارى داڭقتى كاسىپ ەكەندىگىن، بور توزاڭىن جۇتىپ قارا دوسكا الدىندا ءومىرىنىڭ وتكەنىن، كوز مايىن تاۋىسىپ دايىندىق كورىپ، تاپسىرما تەكسەرگەنىن، وقۋشىسى ءۇشىن بار ءومىرىن ارناعانىن دا ايتپاقشى ەمەسپىن.

  وقىتۋشى بولعان ەكەنبىز، ءسوزسىز، وقۋشى الدىندا جاۋاپكەر بولۋعا ءتيىستىمىز. وقۋشىنى ادام قاتارىنا قوسۋ جولىندا قانشالىق جاپا تارتساق تا   رازىمىز. بۇل ءبىزدىڭ شاكىرت الدىندا وتەۋگە ءتيىستى قاسيەتتى بورىشىمىز.

    مەنى قينايتىنى، كوز الدىمداعى  رياسىز سابيلەردىڭ جۇرەگىنە ابايسىز قاياۋ تۇسكەنى، باقىتتى بالالىق شاعىندا جابىرقاپ، جاۋتاڭداي قاراسا، كوز جانارى، سول ءبىر كورىنىستەر مازامدى الادى. ءبىر رەتىندە جەتى جاسقا تولعان نەمەرەسىن جەتەكتەپ قارت اجە مەكتەپ قاقپاسىنا كەلدى. قاقپا كۇزەتشىلەرى وزىنە ءتان ءتارتىپ-ەرەجەسىنە تاستاي قاتىپ اجە مەن بالانى مەكتەپ اۋلاسىنا كىرگىزبەي كوپ تۇرعىزدى. ونان سوڭ ارەڭ ىزدەپ تاپقان مەكتەپ عىلمي  بولىمىندەگى جاۋاپتى وقىتۋشىعا     ءسابيىنىڭ الىگە دەيىن بالا باقشا كورمەگەندىگىن، اكەسىنىڭ اراقكەش   بولىپ، شەشەسىنىڭ تاستاپ كەتكەندىگىن ايتىپ مۇڭ شاققانى. مەكتەپتىڭ عىلمي مەڭگەرۋشىسى:

  _ جەتى جاسقا تولعانعا دەيىن ءبىر جىلدا دايىندىق كلاس وقىماعان بالانى قايتىپ 1-جىلدىققا قابىلدايمىز. ءوز قاتارلى بالالاردىڭ بارلىعى دايىندىق كلاستا وقىعان. بۇل بالا ساباق ۇقپاي، وقىتۋشىعا جۇك بولماي ما؟-دەدى قاتۋلى قاباقپەن.

  _ وندا وسى بەتى وقۋسىز قالسا، بۇل بالا مەكتەپكە ەمەس، قوعامعا دا اۋىر جۇك بولماي ما؟ وندا جالعاستى وقىماي ما؟-دەدى اجەسى. عىلمي ءمۇدىردىڭ اششى ءسوزى مەن قاتۋلى قاباعىن كورگەن الگى بالا كوزىنەن اققان التى تارام جاسىن تيا الماي، داۋىسى قىستىعا شىعىپ، جىلاپ قويا بەردى. ءوزى تەڭدەس بالالاردىڭ مەكتەپكە كەتىپ بارا جاتقانىن كورىپ، سول ءبىر ءبىلىم  ورداسىنا بارسام دەپ ارمانداعان ورنىنىڭ قاقپاسىنان ازەر اتتاعاندا ەستىگەنى وسى بولعانى ما؟!

  انا ءبىر بالانى شەشەسى سۇيرەلەپ، مەكتەپكە زورلىقپەن اكەلە جاتىر. بالا مەكتەپ قاقپاسىنان كىرەر ەمەس. بەينە ونى جاۋ قولىنا تاستاپ كەتەتىندەي،  ۇرەيمەن باقىرىپ جىلايدى. مەكتەپ قاقپاسىنا كەرى قايتقان شەشەسىنە قاراي شىڭعىرا جىلاپ، ەتەگىنە جارماسىپ قالار ەمەس.

  ءيا، كوپ بالانىڭ كوڭىلى الاڭ-دى. ولار ۇستازدارىنا سالەمدەسكەندە حاس باتىرداي قاسقايىپ، جىگەرى تاسىپ، ماقتانى اسىپ، شىنايى قۇرمەتىن    ءبىلدىرىپ سالەمدەسىپ تۇرعانداي سەزىلمەيدى، قايتا قالاي جاعۋدىڭ قيسىنىن تابا الماي، تۇيىققا تىرەلىپ تۇرعانداي. سابيلەردىڭ جالعانشىلىق پەن جاعاتسىنۋدى قالاي ۇيرەنىپ العانىنا اڭ-تاڭ قالامىن. ولار ءوز ويلارىن جاسىرماي ايتۋدان جاسقانادى، قاتەلىك وتكىزىپ قالۋدان قاتتى قورقادى. جاستاي جىگەرى جاسىپ، رۋحى تۇسكەن. قاراڭىز، كلاس سىرتىنداعى تامعا تەرىس قاراپ تۇرعان انا ءبىر بالا، كوزى ءمولت-ءمولت ەتىپ ماعان قاراعاندا جۇرەگىم ەزىلىپ، جانىم كۇيزەلىپ كەتتى...

    دانيانىڭ ايگىلى بالالار ەرتەگىسىن جازۋشى اندەرسەننىڭ «پاتشانىڭ جاڭا كيىمى» دەگەن ەرتەگىسىن بىلمەيتىندەر از بولسا كەرەك. ەرتەگىدە پاتشانىڭ ۇستىندە ەشبىر لىپا بولماعانىن ءبىلىپ تۇرعان ۇلكەندەر شىن سويلەۋدىڭ قيىندىعىنان ءارى قاتەرىنەن قورقىپ، اۋىز اشا الماي وتىرعاندا، كوپ ىستەردى ءبىلىپ كەتپەيتىن پاك كوڭىلدى ءبىر بالا «عاجاپ! ول ەشتەمە كيمەپتى» دەگەن شىن سوزىمەن ەرتەگى اياقتالادى.

  مەن ويلايمىن، ءدال قازىر وسى ەرتەكتەگى وقيعا قايتالانسا قازىرگى بالالارىمىز دا شىن سويلەۋدەن قورقار ما ەدى، قايتەر ەدى دەپ؟ سەبەبى، فورماشىلدىق پەن كوزبوياۋ، جالعانشىلىق پەن جارامساقتانۋ وقۋ-اعارتۋىمىزعا جالبىزبالاپ كىرسە ءبىز تاربيەلەگەن بالالار شىن ءسوز ايتا المايدى دا.

  ءيا، «ادامداردان مەيىر كەتسە، جەر بەتىنەن جاقسىلىق قاشادى» دەيدى دانا حالقىمىز. ءبىزدىڭ بۇل دۇنيەدەگى   اتقارار بورىشىمىز نە بولماق؟ قاتپار-قاتپار قالىڭ مۇز ءبىر كۇندە قاتقان  ەمەس. ادام تۋادا قانداي ەدى؟ ول ءبىر بەت اق قاعازداي پاك، رياسىز ءسابي ەدى عوي. ءسىز قۇلاعى كەسىلىپ-ءتىلىنىپ تۋىلعان قوزى، لاقتى كورگەن بە ەدىڭىز؟ ولاردىڭ قۇلاعىن جىرىپ، ەن سالعان كىم؟! ادامدار ماحابباتقا مۇقتاج. قارا جۇرەك قىلمىستى ءبىر-اق كۇندە قىلمىس جولىنا تۇسكەن ەمەس. وتباسىندا تۇگەمەيتىن جاڭجالدى كورگەن، بالالىعىندا باسقالاردان ءجابىر شەككەن جان قالاي عانا وزگەگە سۇيىسپەنشىلىك سيلاي الادى. ءوزى جارىماعان باسقالارعا نە بەرە الادى؟ كەيدە كىنانى قوعامعا ارتادى. دەمەك، ادام مەيىرمەن تۇلەپ، ءۇمىت قۇشاعىندا العا باسادى. قىلمىس وتكىزسە زاڭدىق جازاعا تارتىلۋعا    ءتيىستى، الايدا قوعامىمىزدا جانە دە جاس وركەندەر نەلىكتەن قىلمىس جولىنا تۇسەدى؟ تەك جازالاۋمەن عانا ادام جانىن تازارتۋعا كەلمەيدى. ادامزاتتا اق كوڭىلدىك، مەيىرباندىق، ءوزىن ارناۋ قاسيەتى بولادى. مۇنى سۇيىسپەنشىلىك دەيمىز. سۇيىسپەنشىلىكتەن ايرىلعان جان تامىرى ۇزىلگەن گۇل ءتارىزدى. سەن ونى قانشا ماپەلەسەڭ دە ءبارىبىر. سوندىقتان ءتۇسىنۋ، ءوزارا قۇرمەتتەۋ،  ايالاۋ سياقتى جۇرەك جىلۋى عانا ونى ادامدىققا باستاپ، قوعامعا «جۇك» بولۋ ەمەس، قايتا قالتقىسىز ەسە قوسۋشىعا اينالدىرادى. كەرىسىنشە بولعاندا، ونىڭ جۇرەگىنە جازىلماس جارا ءتۇسىپ، وشپەندىلىك وتىن جاندىرادى. ءبىزدىڭ مىندەتىمىز _ دوستى دۇشپانعا اينالدىرۋ ەمەس، قايتا دۇشپاندى دوسقا   اينالدىرۋ. ءبىزدىڭ مىندەتىمىز _   كوڭىلى سىنىق، مەيىر-شاپاعاتقا ءزارۋ بولعان جانداردىڭ جۇرەك جاراسىن ەمدەي الۋ. ەگەر، شىن مانىندە، ەمدەي  العان جان عانا ناعىز ادام جانىنىڭ ينجەنەرى سانالماق.

  قۇرمەتتى وقىرماندارىم، جوعارىداعى ايتقاندارىم، جالپىلىق بولماسا دا كوز الدىمدا بولعان ءىشىنارالىق بولمىس ەكەندىگى شىندىق. قوعام دامۋىنىڭ تەزدەۋى وقۋ-اعارتۋىمىزعا دا كورنەكتى دامۋشىلىق پەن وزگەرىستەر الا كەلدى. ورتالىقتىڭ وقۋ-اعارتۋعا بولعان ۇسىنىلىمى دا جىلدان-جىلعا ارتىپ   وتىرعاندىعى كوز جۇمۋعا بولمايتىن شىندىق. رايونىمىز كولەمىندە ءجۇرىلىپ جاتقان «قوس ءتىل» وقۋ-اعارتۋىنىڭ ناتيجەسى كورنەكتى بولىپ،    وقىتۋشىلارىمىزدىڭ قوعامدىق ورنى دا جوعارىلادى، حالىق بۇقاراسى بۇعان ءدان ريزا. ءبىراق وقۋ-اعارتۋ جالپى حالىقتىڭ ءتول مۇددەسىمەن قاتىستى   بولعاندىقتان، ءىشىنارا ساقتالعان   ماسەلەلەردى بايقاۋ، زەرتتەۋ، تۇزەتۋ جولدارىن تابۋ بارلىق وقۋ-اعارتۋ قىزمەتكەرلەرى مەن اتا-انالاردىڭ ورتاق قۇلشىنۋىن قاجەت ەتەدى. اڭداۋسىز ايتقان ءبىر اۋىز ءسوز، ابايسىز ىستەلگەن كىشكەنە ءىس تە كىسىنىڭ جۇرەگىن جارالاپ، جولىنا توسالعى بولادى. سوندىقتان زاتتىق شارت-جاعداي جاقسارعانىمەن، ادامداردىڭ جان دۇنيەسىنىڭ اقاۋسىزدىعى ونىڭ بولاشاق ادامدىعىنا وزىندىك جەتەكشىلىك  ەتەتىن فاكتور سانالادى. ەندەشە،   ءارقاشان دا ماڭىمىزعا سۇيىسپەنشىلىك سيلاي بىلەيىك.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn