ەەڭ جاڭا مازمۇندار
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك
2020-جىلى 6-ايدىڭ 1-كۇنى 111-سان
2020-جىلى 5-ايدىڭ 30-كۇنى 110-سان
13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى
لي كىچياڭ زۇڭلي تىلشىلەر جيىنىنا قاتىناستى ءارى جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى
مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، گۇلدەنۋ ۇلى ءىسىن بىرگە ىسكە اسىرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى
قۇبا تۇزدەگى قۇت مەكەن
شىڭ باسىنا ءساتتى شىقتى! جۇڭگونىڭ ولشەۋشى شىڭشىلدار اترەتى چومولاڭما شىڭىنىڭ ”بيىكتىگىن“ تاعى دا ولشەدى

ادام _ سيلاستىقتىڭ قۇلى

جولدانعان ۋاقىتى : 2014/12/31 12:33:03

ايبىنبەك مۇسايىر ۇلى

  قوعام ورنىقتىلىعىن قورعاۋ قىزمەت گرۋپپاسىندا ءجۇرىپ، ءمالىم ءىس باسقارمانىڭ كەزەكشىلىك كەڭسەسىنىڭ ۇستەلىندە جاتقان ءبىر حانزۋ تىلىندەگى جۋرنالدان شاعىن اڭگىمەگە وقىپ وزگەشە اسەرلەنگەنىم بار.

بالكىم، سىزدە وقىعان بولارسىز، دەسەدە، ءوز تىلىمىزگە اۋدارىپ ءتىپتى دە كوپ وقىرمانمەن وي ورتاقتاستىرماق ماقساتىندا سول جۋرنالدى ارتىنان ارناۋلى ىزدەپ، توراپتان ءتىنتىپ تابا المادىم، سۇراپ الماعانىم-اي دەپ تە وكىندىم ءارى بۇيرىق، ءارى قىزىق بولعاندا، كەيىن شاشتارازحانادا وشىرەت توسىپ وتىرىپ، تاۋىپ العانىم. «ۇزىندىلەر» جۋرنالىنىڭ 2011-جىلعى 7-سانىنداعى جاڭ يۇي اتتى قالامگەردىڭ ويىنان ورىلگەن بۇل اڭگىمە جەلىسى بىلاي ەدى:

  ۋاڭ مىڭ لۋشۇن اتىنداعى ادەبيەت ينستيتۋتىندا ساباق سويلەپ تۇرىپ،  «ومىرىڭدەگى وزىڭە ەڭ وزگەشە اسەر ەتكەن ءبىر اۋىز ءسوز قايسى» دەگەن سۇراقتى ورتاعا قويدى.

  سوندا، ءبىر قازاق ستۋدەنت بىلاي دەگەنى: «اكەم قايتىس بولعاندا، اسپان قۇلاپ جەرگە تۇسكەندەي بولدى، قاتتى كۇيزەلدىم، ءبىراق كوڭىل ايتا كەلگەندەردىڭ ىشىنەن ءبىر كىسى ‹وشپەيتىن ءومىر، سىنبايتىن تەمىر جوق. بىرەۋگە ەرتە، بىرەۋگە كەش كەلىپ جاتقان ءومىر زاڭى عوي، قايراتتى بول. اكەڭ و دۇنيەلىك بولعانىمەن، اكەڭمەن دامدەس بولعاندار، اڭگىمەسى جاراسىپ، بىرگە تىرلىك كەشكەندەر بار مۇندا...› »

  بۇل، راسىندا، جان تەبىرەنتەرلىك جاقسى ءسوز ەكەن. ارتىق اسەرلەپ،  اسىرا كوركەمدەپ، ءمانسىز مانەرلەپ تۇرعانى جوق، الايدا ەت جۇرەكتى پەندەنى ەلجىرەتپەي قويمايدى. سەزىنگەن جۇرەك بىردەن ءدىرىل قاعىپ، تولقىپ سالا بەرەر. ءيا، ماحاببات دەگەن ماڭگىلىك تاقىرىپ. ماحاببات بولعاسىن دا قادىر مەن قاسيەت بولار، سوندا عانا كەمەلىنە كەلەر بۇل دۇنيە.

  شاعىن شىعارما مىنە وسىلاي وي تولعاپ كەلىپ سوڭعى نۇكتەسىن قويىپتى «جاقىنىڭنىڭ قادىرىنە جەتە ءبىل» دەگەن تەمەمەن، ياعني «ادام سيلاستىقتىڭ قۇلى» دەگەن ماندە   ەكەن. حالقىمىز، راسىندا، «اكەڭ ولسە ءولسىن، اكەڭدى كورە قالعان ولمەسىن» دەيدى. ءسوز ءمانى ەندى ابدەن تۇسىنىكتى، ۇلتىمىز مىنە  وسىلاي جاقىننان باستاساق وتباسى، تۋىس-تۋعان، دوس-جاران، كورشى، اۋىلداس، اۋەلى، ادام بالاسى عوي دەپ ءبىر-ءبىرىن ايالاپ، سيلاسىپ ءوتۋدى؛ ارعىسىن ايتساڭ كۇللى تىرشىلىك، جالپى الەمنىڭ جاراسىمدىلىعىن ماڭىزدى ساناعان. ال ءبىزدى ءتىپتى دە ءتانتى ەتەتىنى _ مۇنداعى ءسوزدىڭ ءمانى عانا ەمەس، قايتا ودان مەنمۇندالاپ تۇرعان، ۇلتىمىزدىڭ ايرانداي ۇيىعان وسى بەرەكە-بىرلىگى، قويۋ سيلاستىعى سان  عاسىردىڭ سىنىنان ءوتىپ، سانادان ورىن الىپ، سالت بولىپ قالىپتاسىپ، قاسيەتىمەن قىزىقتىرا العاندىعىندا.

  «ەلىمىزدىڭ ءداستۇرلى يدەيا-مادەنيەتىنىڭ ءتۇپ تامىرى قوعامدىق تۇرمىسپەن ساباقتاسىپ جاتىر، ول   ادامداردىڭ يدەيا-كوزقاراسىنىڭ، سالت-سانا، ادەت-عۇرپىنىڭ، تۇرمىس فورماسىنىڭ، كوڭىل كۇيىنىڭ شوعىرلى بەينەسى. ءبىز ءداستۇرلى مادەنيەتكە عىلمي تۇجىرىم جاساپ، پايدالى، جاقسى نارسەلەرگە مۇراگەرلىك ەتۋىمىز جانە ونى ساۋلەلەندىرۋىمىز، ۇنامسىز، جارامسىز نارسەلەردەن ساقتانۋىمىز جانە ونى جويۋىمىز، قاۋىزىن تاستاپ، ءدانىن الۋىمىز،  تالعاۋسىز قابىلداي سالاتىن نەمەسە  بۇكىلدەي باز كەشەتىن ابسوليۋتشىلدىق پوزيتسيا قولدانباۋىمىز كەرەك» دەپ باسا دارىپتەگەن ەدى باس شۋجي شي جينپيڭ 13-قازان تۇستەن بۇرىن وتكىزىلگەن ج ك پ ورتالىق كوميتەتى ساياسي بيۋروسىنىڭ 18-رەتكى كوللەكتيۆ   ۇيرەنۋىندە.

  ءيا، ماقتانارلىعىمىز ۇلىلار القاپ، حالىق قادىر تۇتاتىن، ادامعا ءتان   اسىل قاسيەتتىڭ كوبى حالقىمىزدىڭ بويىنان تابىلاتىندىعى. تەك قانا    وسىنداي ۇلىلىقتارىمىزدى ۇلىقتاي ءبىلىپ، ءوزىمىزدى باعامداي بىلمەيتىن كەرەناۋلىقتى كەرى سىرساق؛ ابزالدىلىعى مول سول اسىل قاسيەتتەردى ويىمىزدان ورىن الدىرىپ، بويعا قوندىرىپ، بار ىسىمىزدەن بەينەلەي بىلسەك، « تۋىس تۋىس ەمەس، قونىس تۋىس» دەگەندەي، تۋىسىڭ،  ۇلىسىڭ، ۇلتىڭ عانا ەمەس، قايتا قونىستاسىڭ، ءتىپتى بار پەندەمەن، كۇللى الەممەن بىرلىك اتتى بايلىقتىڭ باقىتىن بىرگە تاتاسىڭ.

  الايدا، پەندە بالاسى ءسانقويلىق، كورسەقىزارلىق، ماقتانقۇمارلىقتى ءبىر-بىرىنەن كورىپ، ءتالىم الا    ەسەيەدى عوي. وسى بارىستا ادام   ءوزىن-ءوزى اينادان كورىپ بويىن تۇزەگەنىندەي، جاقسى مەن جاماندى سالىستىرا ءتالىم الىپ ويىن تۇزەپ  وتىرعانى ابزال. سەبەبى سول، «كىسىنى كەيدە تارشىلىق، كەيدە بارشىلىق سىنايدى» دەگەندەي، سان بايلىعى سامسىعان باردام زامان،   باياشات قوعام ەندى ءبىزدى سول بارشىلىقتىڭ سىنىنا سالىپ وتىرعانى. دەيتىنىمىز پەندەشىلىكتەن تۋعان وراتى كەلسە وپىرىپ قالاتىن ورايشىلدىق، ءوز مۇددەسى ءۇشىن ورنىڭدى سيپاتىپ كەتەر وپاسىزدىق؛ ۇياتتان ءۇش كۇن بۇرىن تۋىپ، كىسىلىكتى كىشىلىك ساناپ، بار ماقساتى بايي تۇسۋگە قۇرىلعان پايداكوستىك، جىمسىمالىق قوعامدا  ەپتەپ ەتەك الىپ، ادامعا ءوزارا سەنىمسىزدىك سيلاعاسىن اراداعى بەرەكەنى ءبۇلدىرىپ، ءتىپتى شىرقىڭدى العىسى كەلەتىندەي. بالكىم،  ءبارى كىشكەنە عانا كەلەڭسىزدىكتەن باستاۋ الار. سودان بارىپ سەنىمسىزدىك قويۋلاپ، سيلاستىقتىڭ سۇيىلۋى ۇلت ءداستۇرىنىڭ ءۇردىسىن بۇرىپ، بەرەكەنىڭ قايماعىن بۇزىپ كەتپەسىنشى دەپ الاڭدايسىڭ. وسىنداي الاڭداۋشىلىقتارعا استار بولار، سيلاستىققا سەلكەۋ تۇسىرەر سان    اڭگىمە اركىمنىڭ دە ويىندا بار-اۋ.

  كوشە اۆتوبۋزى بەكەتىندە تۇرعام، قالتامنان ۇساق اقشا شىقپاي تۇرعاندا، وقۋدان تاراعان ءۇش-ءتورت ورتا مەكتەپ وقۋشىسى دا جەتتى. جاڭا عانا تاپسىرىپ شىققان سىناۋلارىنىڭ اڭگىمەسىن قىسقا قايىرا اڭگىمە  ەتىسىپ تۇر، ءوز قانداس قارىنداستارىم. نەگە، قايدا اسىعا بەرەتىندىگىمىزدى كىم ءبىلسىن، كولىككە كيمەلەي كىرۋ ادەت بولعان عوي بۇل كۇندە. قولايلىلىق ءۇشىن قولدارىنداعى ۇساق اقشاعا «قۇدا ءتۇسىپ»، قالتامداعى «كەسەكتى» كولىككە     «دومالاق» ۇسىنا سالماق نيەتىمدى بىلدىرە ءۇن قاتىپ قولىمدى سوزا بەردىم، بىرەۋى كوپ-كورىم ۋىسىنداعى «ۇساعىن» جىلت ەتكىزىپ  ەدى، «كولىككە شىققاندا الساڭىز بولدى عوي» دەپ قالعانى الدىندا عانا «ايتەۋ سىناۋ قاعازىن اق قويا بەرمەدىم» دەپ تۇرعان قارىنداسىم قولىن سىلتەي. اۆتوبۋزدا جەتتى، ءبارى اسىعىس، شىعىپ السىن، «ۇزەڭگىگە»  اياعىمدى سالا بەرە قولىمداعى اقشامدى كورسەتىپ شوفەرگە وتىنە قارادىم. باسىن يزەدى، بارىمدى مەندە تىك كەبەجەنىڭ تەسىگىنەن سالىپ ۇلگىردىم. جاڭا قاسىڭدا تۇرعاندارمەن ايىرباستاپ الساڭ بولادى ەكەن    دەگەندەي سىڭاي بايقاتتى، شوفەردىڭ ويىن دا ءتۇسىنىپ تۇرمىن، قىسقا قايىرىپ ۇقتىرىپ ۇلگىردىم. ول تاڭ قالمادى، تۇڭىلە، مىسقىلداپ كۇلە باس شايقادى. ءبىراق، قىنجىلىس بايقاتپادى، كەلەسى بەكەتتە شىققاندارعا ەسكەرتىپ تۇرىپ، قايتارىپ الۋىما ءتيىستى اقشامدى قالتاما سالىپ بەردى. از عانا اقشا، بولىمسىز ءىس بولسا دا سيلاستىق قوي، العىسىمدى ايتىپ مەجەلى جەرىمە جەتكەندە ءتۇسىپ قالا بەردىم... مىنە،  وسىلاي ءوزىمىز اڭعارماعانىمىزبەن تىرلىكتە سان سيلاستىقتىڭ سىنىنا ءتۇسىپ جاتاتىنىمىز، كوپ اڭگىمەنىڭ كەمىندە ءبىرى ءسىزدىڭ دە   ويىڭىزعا ورالعان بولار.

  ءيا، بارىمىزدە ءومىر اتتى ۇلكەن كولىككە وتىرىپ، ءار بەكەتتەن     ءتۇسىپ قالىپ، ساپارىمىزدى اقىرلاستىرىپ جاتقان ءبىر-ءبىر جولاۋشىسىمىز بۇل ءومىردىڭ. ءبىر كۇننەن جارىق الىپ، ءبىر اۋامەن تىنىستاپ، جەر بەتىن بىرگە باسىپ، سيلاسىپ وتكەنگە نە جەتسىن، ءبىر ساپارىڭدا ءبىر اداممەن قانشا بىرگە بولارسىڭ. ءاردايىم ۇلكەن ۇلگى كورسەتسە، كىشى ونەگە الىپ؛ ۇلت    ءداستۇرىنىڭ وزىعىمەن ويدى تۇزەپ، بەرىلە بويىڭدى ۇسىنىپ؛ ءومىر ساپارىڭدى ءسانى مەن مانىنە جەتكىزە جىلجىتقاننان ارتىق نە كەرەك. ادام سيلاستىقتىڭ قۇلى عوي، نە جەتسىن سيلاسقانعا، نە جەتسىن بەرەكەگە. سيلاستىق بەرەكەگە بەيىمدەسە، بەرەكە ءومىردى مەرەكەگە ۇلاستىرىپ، قوعامدى ورنىقتىلىققا بولەي بەرمەك.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn