ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

بەرەكەلى وتباسى _ جاراسىمدى قوعام قۇرۋدىڭ نەگىزى

جولدانعان ۋاقىتى : 2015/1/7 11:38:32

قابىلقاق ءشۇبىرباي ۇلى

  «بەرەكە ءتۇبى _ مەرەكە»، «بەرەكەلى ەل وزادى». جاراسىمدى قوعام قۇرۋدىڭ تابان تىرەر تياناعى _ وتباسىندا.    قازاقتا: «ءۇي ءىشى الا بولسا، كەرەگە باسى پالە بولادى»، «بىرلىك بولماي، تىرلىك بولمايدى» دەگەن ماقال بار.

  ءبىر ۇلى ەل سان ميلليونداعان   ءتۇتىن مەن وتباسىنان قۇرالادى. وتباسى قوعامنىڭ ەڭ كىشكەنە بولشەگى سانالادى. ءبىر وتباسى وتاعاسى، وتاناسى مەن تۋىس-تۋعان سىندى وتباسى  مۇشەلەرىنەن قۇرام تابادى. وتاعاسى مەن وتاناسى ءبىر وتباسىنىڭ ءامىرشىسى عانا ەمەس، ماحاببات، سەزىمدەرى ءبىر ارمان-تىلەككە توعىسقان، ءبىر شاڭىراقتىڭ التىن دىڭگەگى بولىپ، قول ۇستاسىپ قوس بىلەگىنە، ادال ەڭبەگىنە سۇيەنىپ، تۇرمىستىڭ ىستىعى مەن سۋىعىنا بىردەي كونە بىلەتىن ءبىر جۇپ جۇبايلاردان بولۋى قاجەت.

  ءبىر وتاعاسى جونىنەن العاندا، وتباسىن قوعامدىق ءمورال مەن ۇلتتىڭ اتامزامانىنان بەرى جالعاسىپ كەلە جاتقان اسىل ءداستۇر، اتا سالتىنا   ۇيلەسكەن، بەرەكەسى بەكەم جانۇياسىن قۇرۋ وڭاي شارۋا ەمەس.

  سەبەبى، اتاڭ قازاق «ۇيلەنۋ وڭاي، ءۇي بولۋ قيىن»  دەگەن ەمەس پە؟

  ادام ءومىر جولىنىڭ ءتۇزۋ، ءبىرىڭعاي ءساتتى بولا بەرۋى ەكىتالاي. تىرشىلىك تىربىڭى بارىسىندا كەدەرگى، كەرقايىر ىستەردىڭ كەزىگۋى ادامنىڭ ويىنان تىس وبيەكتيۆ ءومىر زاڭدىلىعى. ءومىر ۇيرەتەدى.
ادامنىڭ ءومىر جولىنداعى بەل-بەلەس، بۇراڭ جولدار يراداسى بەرىك، مۇقالماس قاجىر-قايراتى بار ادامدى عانا شىڭاي تۇسەدى. ال بوركەمىك، ءالسىز ادامداردىڭ سالدىندىسىن سۋعا كەتىرەدى. سوندىقتان ادامدا بەرىك يرادا، اسقاق رۋح بولۋى كەرەك.

  تاريحقا كوز جىبەرسەك، بۇرىنعى اتا-بابالارىمىز تار جول، تايعاق كەشۋلەر مەن تارعالاڭ تار زامانداردى باسىنان وتكىزىپ، بۇگىنگى مىناۋ ءساليحالى دا ءساندى، التىن داۋىرگە جەتكىزىپ كەتتى ەمەس پە؟ قوعام داميدى، تاريح العا جىلجيدى. الداعى بولاشاق، بۇگىنىمىزدەن ەرتەڭىمىز ءتىپتى دە نۇرلى بولادى.

  ۇلتىمىزدىڭ سالت-سانا، دالا    مادەنيەتىن جالعاستىرىپ، قاستەرلەپ، بۇگىنگى وزىق مادەنيەتتى جەتەكشى ەتۋ ارقىلى حالىقتى ادالدىققا، قايىرىم-مەيىرىمدىلىككە، ادامگەرشىلىككە،  قوعامدىق ءمورال ولشەمى مەن ىزگىلىككە تاربيەلەۋ قوعامنىڭ جالپىعا قويعان ورتاق تالابى.

  قازىر دۇنيەدە ءبىر وتباسى، ءبىر مەملەكەت قانا ەمەس، ءبار-ءبارى دە جەر شارىنداعى ادامزاتتىڭ تىنىشتىعىن اڭساپ وتىرادى. 1994-جىلى حالىقارالىق بىرلەسكەن مەملەكەتتەر ۇيىمى 15-مامىردى «وتباسى كۇنى» ەتىپ بەلگىلەگەن بولاتىن. وتباسى _ شاعىن شارۋاشىلىق ورىن، ول ءبىر زاۆودتى باسقارۋمەن تەڭ. وتباسى جاراسىمدى بولسا، وزگەنىڭ ءسوزى جوق. جاراسىمدى وتباسىندا باسقالارعا ۇلگى  بولارلىقتاي جاسامپازدىق بولادى. وسى ءبىر باسەكەلى زاماندا قول ۇستاسىپ، ەرشىمدى ەڭبەكتەرىمەن وتباسىنىڭ شارۋاشىلىعىن شالقىتىپ، قوعامعا  ۇلەس قوسىپ، وزا شاۋىپ جۇرتتى جالت قاراتىپ، تاڭداي قاقتىرىپ جاتقاندار كوپ. وسىنداي ساڭلاقتاردىڭ ورتادان ويىپ ورىن العانى دا جالپىنىڭ قۋانىشى. ول وتىز بەس جىلدان بەرگى  ەلىمىزدە جولعا قويىلعان رەفورما  جەمىسى. وسىلايشا بارشا وتباسى دامىسا مەملەكەتتىڭ اۋىرتپالىعى جەڭىلدەيدى.

   پارتيا مەن ۇكىمەتىمىز «كەدەيلەردى سۇيەمەلدەۋ» ينجەنەرياسىن جولعا قويىپ وتىر. بۇل تىكەلەي حالىق تۇرمىسىنا ساياتىن ءتۇيىن. سولاي بولا تۇرسا دا اۋقاتتانا الماي وتىرعانداردىڭ سانى ءالى دە بارشىلىق. كۇن ىلگەرى اۋقاتتانۋ ءۇشىن، باستىسى، يدەيانى ازات ەتۋ كەرەك. قولدان ەشتەڭە كەلمەيدى دەگەن سالعىرت يدەيانى وزگەرتۋ ءتيىس.

  قازىر حالىقتىڭ باسپاناسى بەيقۇت ءۇي ينجەنەرياسى جوسپارلى تۇردە شەشىم تابۋدا. قاڭىلتاق كەرپىشتەن سالىنعان جاراتىلىستىق اپاتتارعا توتەپ بەرەتىن، جارىق تا كەڭ ۋنيۆەرسال تۇرعىن ءۇي اۋىل-قىستاقتىڭ باسىم كوپ بولىمىنە جالپىلاستى. بۇل ءبىر حالىق تۇرمىسىن جاقسارتۋ جاعىنداعى اۋىل-قىستاققا قاراتىلعان ابزال ساياسات. پارتيامىز قالا مەن اۋىل-قىستاقتىڭ پارقىن ازايتۋ جاعىندا العاشقى ادىمدا تابىسقا قول جەتكىزىپ وتىر. بۇل قوعام جاراسىمدىلىعىن جەبەۋدەگى زاتتىق وركەنيەت پەن رۋحاني وركەنيەت جاعىنداعى تابىس سانالادى. ونى ەشقانداي ادام جوققا شىعارا المايدى. ءبىر  اۋىز سوزبەن ايتقاندا، قوعام جاراسىمدىلىعى ءتۇرلى نەگىزدەرمەن قامتاماسىزداندىرىلۋدا.

  وتباسى _ قوعامنىڭ ءبىر ەلەمەنتى. وتباسى تاتۋ-تاتتىلىگىنىڭ جاراسىمدى قوعام قۇرۋدا ماڭىزى توتەنشە جوعارى. وتباسى جاراسىمدى بولسا، قوعام دا جاراسىمدى بولىپ، ەل قۇدىرەتتەنىپ، گۇلدەنىپ-كوركەيەدى. ۇلى جازۋشى مۇحتار اۋەزوۆ: «وتانشىلدىق وتباسىنان باستالادى، ەرلەر جاعى وزدەرىمەن وزدەرى سالت ات، ساباۋ قامشىمەن بەت-بەتىندە جۇرگەندە، توڭىرەگىن ۋىزداي  ۇيىتىپ، بالالارىن ءوسىرىپ، اسىراپ ۇيلىك ۇيىمنىڭ باسىن قۇراعان _ ايەل» دەگەن ەكەن. ايەل شاڭىراقتىڭ ۇيتقىسى. وتباسىلىق ۇيىم _ مەملەكەتتىك ۇيىمنىڭ نەگىزى. ال وسىنداعى ايەل _ ادامزات ءوندىرىسىنىڭ باپكەرى. ايەلسىز ەردىڭ كۇنى شامالى. مۇحتاردىڭ «ۇيلىك ۇيىمنىڭ باسىن قۇراعان _ ايەل» دەگەنىندەي انادان ۇلى نە بار؟ بۇرىنعىلار «ەر _ ازاماتتى، ايەل _ ادامزاتتى تاربيەلەيدى» دەگەن. تاريحتاعى ۇلى تۇلعالاردىڭ ءبارى دە انانىڭ ايالى الاقانىندا، جورگەگىندە تەربەلگەندەر. دۇنيەدە انادان ۇلى جان جوق. شىڭعىسحاننىڭ مىناداي ءبىر اقىلياسى بار: «ءبىر وتباسىن دۇرىس باسقارعان ادام ون وتباسىن باسقارا الادى. ون وتباسىن دۇرىس باسقارعان ادام ءجۇز وتباسىن، ءجۇز وتباسىن دۇرىس باسقارعان ادام مىڭ وتباسىن، مىڭ وتباسىن دۇرىس باسقارعان ادام ءبىر مەملەكەتتى باسقارا الادى». جوعارىدا ناقىلعا كەلتىرىلگەندەردەن مۇحتار اۋەزوۆتىڭ «وتانشىلدىق وتباسىنان باستالادى» دەگەنى مەن ماكارونكونىڭ «ادامنىڭ بارلىق قابىلەتى وسى شاعىن وتباسىنان باستالىپ، ءوز قابىلەتىن كورسەتىپ، رولىن ساۋلەلەندىرە الادى» دەگەندەرىنەن وتباسى سىندى وسى شاعىن ۇيىمنىڭ شاناعىندا ۇلكەن دۇنيەلەردىڭ باستاۋ الاتىن سۋاتى جاتقاندىعىن اڭعارۋىمىزعا بولادى.

  ءبىر ءداۋىردىڭ ءىرى پەداگوگى، جازۋشى ا.س.ماكارونكو: «وتباسى ادام ءومىرىنىڭ تاماشا جاقتارى جۇزەگە   اساتىن، ادامنىڭ ەڭ باستى شاتتىعى بولىپ سانالاتىن بالالاردىڭ ءوسىپ- جەتىلەتىن ورنى... وتباسىلىق تۇرمىس جانە ماحاببات ماسەلەسىندە قاشاندا  ادامنىڭ جالپىلىق قابىلەتى، ساياسي جانە ادامگەرشىلىك تۇرپاتى، ونىڭ دامۋى، ءىس تىندىرۋ قابىلەتى، ادالدىعى، ءوز ەلىنە شەكسىز بەرىلۋى، قوعامعا دەگەن سۇيىسپەنشىلىگى شەشۋشى رول اتقارادى» دەپ تۇجىرىمداپتى. تاعى دا وتباسىنىڭ بالا تاربيەسى تۋرالى: «تاربيەنىڭ نەگىزى بەس جاسقا دەيىن قالانادى، بەس جاسقا دەيىن جۇرگىزىلگەن بارلىق تاربيە بۇكىل تاربيە بارىسىنىڭ ٪90 ىنە تەڭ» دەگەندى دە ايتىپ، ۇرپاق تاربيەسى جونىندەگى  ۇلاعاتتى ويىن ورتاعا سالعان ادام.

  ال، ورىس اقىنى پۋشكين: «اتا-انانى سيلاماۋ ازعىندىقتىڭ بەلگىسى» دەگەن. جوعارىداعى تاعىلىم، ءتالىماتتاردان اتا-انا مەن ۇرپاق ورتاسىنداعى ادامگەرشىلىكتى قانشالىقتى ولشەمگە ءتۇسىرۋدى جاريا ەتكەندىگىن كورۋگە بولادى. وتباسى بەرەكەلى بولسا، جاساعان ورتامىز كۇندە توي-مەرەكەگە تولى بولادى.   بەرەكە بولسا ءبارى دە بولادى. بەرەكەسىز ەل توزادى، بەرەكەلى ەل وزادى. قازاقتا: «كورشى قاقىسى-ءتاڭىر اقىسى» دەگەن ماتەل بار. «كورشى» دەگەن «كورىپ تۇر» دەگەن ايتىلىمدار دا بار. قوعام قويناۋى كەڭ دۇنيە. اينالامىزداعى  كورشى-قولاڭدار ورتاسىنداعى بەرەكەدە  ەجەلدەن بەرى ۇلتىمىزدىڭ ۇلاستىرىپ كەلگەن ۇلاعاتتى سالت-ءداستۇرى   ۇشان-تەڭىز.

  قازىرگى وزىق مادەنيەتتى جەتەكشى ەتۋدە ءداستۇرلى مادەنيەتتىڭ ءدانىن  الىپ، قاۋىزىن تاستاۋ ارقىلى گۇل جايناعان ەكولوگيالىق ورتا ارقىلى مادەنيەتتى مايەكتەندىرە الساق، قوعام جاراسىمدىلىعى ءتىپتى دە جايناي  تۇسەرى حاق. قازىر پارتيا مەن ۇكىمەت مەملەكەتىمىزدى زاڭمەن جونگە سالۋ، زاڭمەن باسقارىلاتىن ۇكىمەت فۋنكتسياسىن قۇرۋ شەشىمىن جاساپ وتىر. مۇندا، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، سوتسياليزم جولىنان اۋىتقىماۋ باسا دارىپتەلگەن.

  پارتيا 18-قۇرىلتايى رەفورما، دامۋ، ورنىقتىلىقتى ايرىقشا دارىپتەپ وتىر. مۇندا، ەڭ باستىسى، قوعام ورنىقتى، باياندى، تىنىش بولسا، رەفورما ارقىلى دامۋدىڭ قولعا كەلەتىندىگى جۇرت جۇرەگىنە ۇيالادى. ورنىقتىلىق بولماسا حالىقتىڭ الاڭسىز تۇرمىسى مەن   ءوندىرىستى ىلگەرىلەتۋىنەن، قوعامنىڭ جاراسىمدىلىعىنان اۋىز اشۋعا بولمايدى.

  18-كەزەكتى پارتيا ورتالىق كوميتەتى ءتورتىنشى جالپى ءماجىلىسى مەن اۆتونوميالى رايوننىڭ 8-كەزەكتى 8-رەتكى كەڭەيتىلگەن جيىنىندا مەملەكەتتى زاڭمەن جونگە سالۋ، شينجياڭدى زاڭمەن باسقارۋ، زاڭمەن باسقارىلاتىن شينجياڭ قۇرۋدى العا قويدى. شينجياڭ ەلىمىزدىڭ باتىس تەرىستىگىندەگى، سىرتتا 8 مەملەكەتپەن شەكارالاساتىن باتىس وڭىردەگى اۋماقتى ولكە. شينجياڭ كوپ ۇلتتى، كوپ ءدىندى رايون، شينجياڭنىڭ باياندى تىنىشتىعىن جۇزەگە اسىرۋدا ۇلتتار ىنتىماعى وتە ماڭىزدى سانالادى.

  ۇزاق تاريحقا كوز جىبەرەتىن بولساق، ەلىمىزدە ۇلتتار ىنتىماعى توعىسۋى نەگىزگى اعىن. وسىنداي بولعاندىقتان ءبىر ورتالىققا شوعىرلانعان تۇتاستىقتىڭ نەگىزى ەجەلدەن تەرەڭ قالىپتاسقان. ەجەلدە شينجياڭدا 13 ۇلت بار. قازىر 47 ۇلت ىنتىماقتا  بولسا؛ ۇلتتار ورتاسىندا سەلبەستىك، تەڭدىك، ىنتىماقتىلىق قاتىناس بولسا، ۇلتتار ءوزارا كوركەيەدى.

  ءدىن ءبىر ءتۇرلى يدەولوگيا نەمەسە نانىم-سەنىم. پارتيامىز زاڭسىز ءدىني قيمىلعا باتىل قارسى تۇرادى. ەلىمىزدىڭ نەگىزگى زاڭىندا جازىلعان حالىق تىلەگىنە ۇيلەسەتىن تاماشا زاڭ بار.  ءدىندى مەملەكەت زاڭىنان جوعارى قويۋعا بولمايدى، ءبىزدىڭ سوتسياليستىك مەملەكەتىمىز جۇڭگو كوممۋنيستىك پارتياسىنىڭ باسشىلىعىنداعى زاڭ-ءتۇزىمدى مەملەكەت. بارلىق ءدىني قيمىلداردى نەگىزگى زاڭدا بەلگىلەنگەن زاڭ-ەرەجەلەر جانە ساياسات جول بەرگەن كولەمىندە عانا جۇرگىزۋگە بولادى. ءدىندى سوتسياليستىك قوعامعا ۇيلەستىرۋ دەگەن ساياسات حالىق  تىلەگىنە ابدەن ۇيلەسەدى.

  ەندەشە، ات توبەلىندەي ءدىن تونىن جامىلعان «ءۇش ءتۇرلى كۇش» _ ءدىني ۇشقارى توپتارعا، زورلىقتى كۇش لاڭكەستەر مەن بۇزاقىلارعا سوققى بەرىپ، قوعام ورنىقتىلىعى مەن باياندى تىنىشتىقتى ساقتاۋ جاعىنداعى كۇرەس جاساۋ حالىق تىلەگى. «ورنىقتىلىق حالىققا قۇت اكەلەدى، بىلىقپالىق حالىققا جۇت اكەلەدى». حالىق ورنىقتىلىق پەن تىنىشتىقتى اۋاداي قاجەت ەتەدى. قوعامنىڭ ورنىقتى بولۋىن،  جاراسىمدى قوعامنىڭ جايناي ءتۇسۋىن اڭسايدى.

  مىناۋ قوي ۇستىنە بوزتورعاي جۇمىرتقالاعان، باقىتتىڭ ءبالزامى بارشاعا بال سورعىزىپ وتىرعان وسى ءبىر تاماشا قوعامدىق وركەنيەتتىڭ وركەن جايىپ، قوعام جاراسىم تاۋىپ وتىرعان شاقتا جاراسىمدىلىققا جات قىلىقتاردى قيداي سىپىرۋىمىز، ورتا اتموسفەراسىن تازارتۋىمىز قاجەت. ول حالىق تىلەگىنە ابدەن ۇيلەسەدى.

  قوعام قويناۋى كەڭ، كوز جەتكىسىز كوكجيەك. قوعامنان تىسقارى تۇراتىن بىردە-ءبىر پەندە جوق. قوعام كۇردەلى بولادى. ءاربىر وتباسى قوعام قويناۋىنىڭ ءبىر مۇشەسى، كوپ بولىپ كۇش قوسىپ، قوعام جاراسىمدىلىعىن جۇزەگە اسىرۋدىڭ اتويشىلارى بولايىق. جۇڭگو ارمانىنىڭ تەز ارادا ورىندالۋى ءۇشىن اسىعايىق!




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn