ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ەرەن ەڭبەگى ەل ەسىندە

جولدانعان ۋاقىتى : 2015/1/12 13:40:03

ماقسات نۇرمۇقاش ۇلى

  ادام بالاسى تال بەسىكتەن جەر بەسىككە دەيىنگى قىسقا عۇمىرىندا نە ءبىر قيىندىق بەن ءساليحالى ءساتتى باسىنان وتكەرىپ، كەيبىرى سول اششى ەڭبەگىنىڭ ءتاتتى جەمىسىن قارتايعان شاعىندا كورسە، كەيبىرى ومىردەن ەرتە وزىپ، اڭساعان ارمانىنا جەتە الماي كەتە بارادى. انە سول ويىمىزعا ارقاۋ بولىپ وتىرعان گەرويىمىز ونەردىڭ وشاعى بولعان تولىداي قۇتتى مەكەننىڭ تۇلەگى، اۋداننىڭ مادەنيەت-دەنە تاربيە سالاسىنا وشپەس ەڭبەك سىڭىرگەن مەملەكەتتىك 2-دارەجەلى سپورتشى، 3-دارەجەلى سۋديا اتاعى بار ءارى بەلگىلى ءانشى مارقۇم تاعاشباي ءابىلعازى ۇلى ەدى.

  تاعاشباي ءابىلعازى ۇلى 1942-جىلى تولى اۋدانىندا كەدەي مالشى وتباسىندا ءومىر ەسىگىن اشىپ، باستاۋىش، ورتالاۋ مەكتەپتى اتا مەكەنى تولى اۋدانىندا وقىعان. 1956-جىلى شىلدەدە مەملەكەتتىك ءبىر تۇتاس ەمتيحاننان ءوتىپ، شي-ان كەن كاسىبى مەكتەبىنە قابىلدانادى. وندا 4 جىل  وقىپ، 1960-جىلى مەكتەپتى ناتيجەلى تامامداعان سوڭ، شينجياڭ كومىر كەن مەكتەبىنە ءبولىنىپ، سول  ورىندا ەكى جىل قىزمەت ىستەيدى.  الايدا، 1962-جىلى وتباسى قيىنشىلىعى سەبەبىنەن امالسىز تولى اۋدانىنا قايتا ورالادى، سول كەزدەگى الاساپىران جاعدايدا قاقپايعا ۇشىراپ ورنالاسا الماي، تولى اۋداندىق ساقشى مەكەمەسىندە ۋاقىتتىق جۇمىس ىستەيدى. 1964-جىلى ايماقتىق پارتيا مەكتەبىنەن 6 اي وقىپ ءبىلىم اسىرعان سوڭ، 1965-جىلى شاۋەشەك قالاسىنىڭ بۇرىنعى ەكىسۋ فەرماسىندا (قازىر ويجايلاۋ فەرماسىنا قوسىلعان) سوتسياليستىك ءتالىم-تاربيەدە بولىپ، قايتىپ كەلىپ، تولى اۋدانى كۇپ اۋىلىندا حالىق قاراۋىندا مۇعالىم جانە  اۋداندىق سەمەنت زاۆودىندا 1973-جىلعا دەيىن ۋاقىتشا اۋدارماشىلىق قىزمەتپەن شۇعىلدانادى. پارتيا 11-كەزەكتى ورتالىق كوميتەتىنىڭ     ءۇشىنشى جالپى ءماجىلىسىنىڭ شۇعىلالى شۋاعىندا تاقاڭنىڭ اتاق-ابىرويى قالپىنا كەلىپ، دەنە تاربيە جاعىنداعى ەرەكشەلىگىن كورە بىلگەن تولى اۋداندىق پارتكوم ونىڭ قىزمەتىن دەنە تاربيە سالاسىنا تەڭشەپ، وسى سالادا 20 نەشە جىل قىزمەت ىستەپ، تولى اۋدانى دەنە تاربيە ىستەرىنىڭ دامۋىنا، دەنە تاربيە ساڭلاقتارىن جەتىستىرۋدە ەلەۋلى ەڭبەك ءسىڭىرىپ، كورنەكتى ۇلەس قوسادى. 1991-جىلى 16-قاڭتاردا اۋرۋ سەبەبىنەن 49 جاسىندا تولى اۋدانىندا قايتىس بولادى.

  ءاسىلى، تاعاشباي ءابىلعازى ۇلى سپورتتىق ونەرىن تولى اۋدانىندا ورتالاۋ مەكتەپكە تۇسكەندە باستاعان ەكەن. «بولاتۇعىن بالانىڭ بەتىن قاقپا، بەلىن بۋ» دەگەندەيىن، سول كەزدەگى تولى اۋدانى 1-ورتا مەكتەبىنىڭ دەنە تاربيە مۇعالىمى تازابەك اسكەري ساپتان بوساپ كەلگەن سوڭ مەكتەپكە ورنالاسادى دا تاعاشبايدىڭ دەنە تاربيەگە بولعان     اۋەستىگىن كورە ءبىلىپ، وعان جەبەۋشى بولىپ، كومەسكى كۇشىن شىڭداۋدا ۇستازدىق كومەگىن ايامادى. تازابەك مۇعالىم كوماندا بەرۋگە وتە شەبەرءارى دەنە تاربيەنىڭ ءارقايسى تۇرلەرىنە جەتتىك، ءوز كاسىبىن قىزۋ سۇيەتىن باتىل دا وجەت ادام بولعان ەدى. ول سول كەزدەگى ناشار شارت-جاعدايدى وزگەرتىپ، مەكتەپتىڭ ءىس جۇزىندىك جاعدايىنا قاراي، دەنە تاربيە قۇرىلعى اسپاپتارىن جوقتان بار ەتىپ قۇرىپ شىعۋعا قۇلشىنىپ، تاعاشباي، ماقان، عاريپوللا، قابىلقاي، سەرىكبوسىن    سياقتى ءبىر توپ دەنە تاربيەگە ەرەكشە قىزىعاتىن وقۋشىلاردى ءوزى باۋلىپ، مىقتى سپورتشى ەتىپ تاربيەلەپ  جەتىستىرگەن ەدى.

  مىنە سودان تاقاڭ ۆولەيبول دوبىن ويناۋ سپورتىنا توتەنشە بەرىلە قىزىعىپ، ۇستازدارىنىڭ تەمىردەي تارتىپپەن تاربيەلەۋىندە، جاپا-ماشاقاتقا شىداپ، زور بوداۋ بەرىپ جاتتىعۋ ارقىلى مەكتەپتىڭ بىردەن-ءبىر مىقتى ۆولەيبولشىسى بولىپ جەتىلىپ شىعادى.

  ول 1959-جىلدان باستاپ سول كەزدەگى شاۋەشەك قالاسى، بۇراتالا وبلىسى، قارامايلى قالاسى، كورشىلەس ديۆيزيا ورىندارى، قوبىقسارى موڭعۇل اۆتونوميالى اۋدانى، ءدوربىلجىن اۋدانىندا وتكىزىلگەن جاستاردىڭ ۆاليبول دوستىق جارىستارىنا قاتىناسىپ، كوماندادا ەرەكشە كوزگە تۇسىپ، سان رەت جۇلدەلى ورالىپ، اۋدانعا داڭق اپەرەدى. سول كەزدەگى بىرگە جارىسقا قاتىناسقان سپورتشىلاردان ءانۋار، ارميا قاتارلى مۇعالىمدەرى، ءالي، ءسايدىر، ماقان، الپىسباي، توكەن، عاريپوللا، مۇقامەتقان، شاريپوللا، قاجىبەك، پاتيح، قالمەت، روزەك، ازات، قاپىش ت.ب ساپتاستارىنىڭ ەسىمىن اۋىزعا الار ەدىك.

  1965-جىلى تاعاشباي، ماقان   قاتارلى سپورتشىلار تارباعاتاي ايماعىنىڭ كومانداسىنا تاڭدانىپ، سولتۇستىك شينجياڭ بويىنشا قارامايلى قالاسىندا وتكىزىلگەن ۆاليبول جارىستارىنا قاتىناسىپ، تارباعاتاي كومانداسى 3-بولىپ سيلانادى.

  تاقاڭ شي-ان كومىر كەن ينستيتۋتىندا وقىپ جاتقان مەزگىلىندە، 1959-جىلى كومىر كەن سالاسى بويىنشا وزدىرىلعان مەملەكەتتىك تۇڭعىش رەتكى دەنە تاربيە جينالىسىندا تاقاڭ تولىداعى ءبىرقانشا سەرىكتەرىمەن بىرگە شي-ان كومىر كەن ينستيتۋتى كومانداسىنا قوسىلىپ، ۆاليبول جارىسىنا قاتىناسىپ (تولىدان بارعاندار كوماندانىڭ تەڭ جارىمىن ۇستاعان)، ولار قاتىناسقان كوماندا 2-دارەجەلى جۇلدەنى جەڭىپ الادى.

  تاقاڭ تولى اۋدانىندا ارناۋلى دەنە تاربيە قىزمەتكەرى بولىپ ىستەگەن 20 نەشە جىلدىق ومىرىندە ءوز كاسىبىن قىزۋ ءسۇيىپ، اۋداننىڭ دەنە تاربيە ىستەرىن دامىتۋعا قۇلشىنا كىرىسەدى. وسى بارىستا ەڭبەگى جانىپ، مەملەكەتتىك 2-دارەجەلى سپورتشى، 3-دارەجەلى جاتتىقتىرۋشى اتاعىن الادى.

  ول اۋدانداعى ءاربىر ورتا، باستاۋىش مەكتەپتەردىڭ دەنە تاربيە قىزمەتىنە بەلسەنە ات سالىستى. جوعارى كاسىپتىك تاراۋلار جاعىنان تۇسىرىلگەن جارىس جوسپارلارىنا ساي، وسپىرىمدەردىڭ ەر-ايەل ۆاليبول، فۋتبول، ۆاسكەتبول، جەڭىل اتلەتيكا، بالۋان، قىزدار جاپونشا كۇرەسى سياقتى جارىستاردى ەرەكشەلىگىنە قاراي ءارقايسى مەكتەپتەرگە  ءبولىپ ورنالاستىرادى ءارى ءوزى جاتتىقتىرۋشى بولىپ تاربيەلەدى. مەكتەپتەر مەن دەنە تاربيە وقىتۋشىلارىنىڭ تىعىز سايكەسۋىندە ارناۋلى جاتتىقتىرۋشىلاردى بەلگىلەپ، ۋاقىت اجىراتىپ، جاس سپورتشىلاردى تاربيەلەپ، ايماقتىق جارىستارعا قاتىناستىرىپ وتىردى. ناتيجەدە ول تاربيەلەگەن جاستار مەن وسپىرىمدەردەن قۇرام تاپقان كوماندالار دەنە تاربيە جارىستارىندا كوپ رەت كوللەكتيۆ جانە جەكەلەي الدىڭعى 1 دەن 3 كە دەيىن جەڭىمپاز بولىپ، ماراپاتتارعا يە بولعان.

  ال سول كەزدە ءار جىلى مال شارۋاشىلىق رايوندارىندا وتكىزىلەتىن مالشىلار اپتالىعى، اقىندار ايتىسى  سياقتى قيمىلداردا قازاقتىڭ ۇلتتىق  ءداستۇرلى ات ءۇستى دەنە تاربيە قيمىلدارى مەن قازاقشا كۇرەس سياقتى باسقا دا دەنە تاربيە قيمىلدارىن ۇيىمداستىرۋدا اۋدانعا قاراستى ءارقايسى   اۋىل-قالاشىقتارعا بارىپ، بايگە، جورعاعا تاڭدالاتىن جىلقىلار مەن بالۋانداردى سۇرىپتاپ، ايماقتان جاتتىقتىرۋشى الدىرىپ تاربيەلەپ، اۋدان اتىنان قاتىناسقان بالۋانداردى ايماقتىق، وبلىستىق جارىستارعا قاتىناستىرىپ، سان مارتە كوللەكتيۆ جۇلدەگە يە بولعان.

  تاقاڭمەن بىرگە بولعان ساپتاستارىنىڭ ايتۋلارىنا قاراعاندا، تاقاڭ تەك  سپورتشى عانا ەمەس، جوعارى داۋىستى ءانشى، دومبىراشى، جىرشى، ەرەكشە ساۋىقشىل ادام بولعان. اكورديونمەن وزبەك، تاتار جىرلارىن، «سەرى قاراعاي» اندەرىن ناشىنا كەلتىرىپ شىرقاعاندا، كوپشىلىكتىڭ قۇلاق قۇرىشىن قاندىرىپ، كوڭىلىن كوتەرىپ، دۋمانعا بولەيتىن-دى. «ونىڭ بۇل ونەرلەرى اسكەري ساپتان قايتقان الىكەن، ەرعالي سياقتى بىرگە تۋعان بالۋان، ءانشى، جىرشى اعالارىنان دارىعان ونەر ەدى» دەسەتىن دوستارى.

  تاقاڭ قامشىنىڭ سابىنداي قىسقا ومىرىندە ءوز كاسىبىن قىزۋ ءسۇيىپ، ەرىنبەي-جالىقپاي حالىقءۇشىن تىرىسىپ قىزمەت ىستەپ، ءوز ءومىرىن دەنە تاربيە ىستەرىنە ارناپ، دەنە تاربيە سالاسىندا كوپتەگەن ساڭلاقتاردى تاربيەلەپ جەتىستىردى. تولى اۋدانىنىڭ دەنە تاربيە ىستەرىن ءبىر بەلەسكە كوتەرىپ دامىتۋعا زور ۇلەستەر قوسقان. اۋدان حالقى تاعاشبايداي ارداقتى دا ونەرلى   ۇلىن ماڭگى ەستەن شىعارمايدى، ءار كەز ساعىنىشپەن ەسكە الىپ تۇرادى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn